الدكتور البرادعي بطل الثورة

[wawoo]

لا بطل و لا حاجة
و البطل مش "ينادى" بس
البطل بيعمل و اللى هو الشباب فالشعب
الكلام اللى بتقولوه ده زى بالظبط ما اوباما اخد نوبل للسلام عشان "نواياه"

و انت عاوز يعمل اية اكتر من اللى عملة ..مهو لازم اللى حيعمل فى الاخر هو الشعب .و لا انت عاوز البرادعى ينزل يعمل مظاهرة لوحدة مثلا فى الشارع
القائد بيكون هو الملهم و هو المحرك و هو الذى يوجة ..و العمل بيكون دائم عن طريق من يؤمنون بمبادئة و رؤيتة
هذة صفات القائد فى اى ثورة و فى اى حركة ..احنا بس اللى معندناش ثقافة التظاهر و ثقافة الحركات الشعبية عشان كدة هذة الثورة متخبطة الان حول اهدافها و حول انجزاتها

[ams]

و لما اعتصمنا قبل كده فى 6 ابريل كان هو فين ؟
الايام من 25 ل 28 يناير كان هو فين ؟
و جاء بعد ماتمت هزيمة الامن و نزول الجيش بعد بذل الدم و تحمل الخساير المادية
و مين اللى جمع الناس اصلا ؟
اقولك مين
النظام
مفيش غيره هو اللى جمع الناس ضده بفساده و صلفه و غباوته

[wawoo]

و لما اعتصمنا قبل كده فى 6 ابريل كان هو فين ؟
الايام من 25 ل 28 يناير كان هو فين ؟

مين اول من طالب بالتغير ..مين اللى بداء بجمع التوقيعات للمطالبة باللتغير ..مين اللى طرح فكرة التغير من اساسة
6 ابريل و غيرها من الاعتصامات و مظهارت العمال و غيرها من الاعتصمات كانت نييجة مطالبة البرادعى بالتغير و تنفيذ مطالب البيان اللى اصدرة من بدرى جدا قبل كل الاعتصمات دى

طبعا لازم ينزل الشباب الشارع و لازم تحصل مواجهة و هو ما دعى اية البرادعى من وقت وصولة ..و هو ما اتقنع بة الشباب الذى قام بثورة 25 يناير ..

و البرادعى فى النهاية اكد اكتر من مرة انة لا يطمع فى سلطة ولا يريد قيادة ..و هو حقق اهدافة بالفعل بدفع الشباب و كل المظلومين و المقهورين للنزول للشراع والتعبير عن رايهم بكل شجاعة ..

[wael3m]

بص ياسيدى انا واحد من أوائل الناس اللى وقعت على بيان التغيير بتاعة اللى دعا فيه
لتعديل مواد الدستور لترشح رئاسة الجمهورية ومشاركة المصريين اللى فى الخارج اللى زى فى العملية الانتخابية
يمكن هو من أوائل الناس اللى دعت للتغيير وناس كتيير وقفت معاه لانه شخصية دولية وله علاقات جيدة جدا جدا
على مستوى العالم بس لا أعتقد انه يكون مؤهل لرياسة الجمهورية فى الوقت الحالى لانه بعيد عن مصر 30 سنة
يعنى لو مسك دلوقتى هيكون فى أخطاء كتييرة هيعملها بدون قصد نظرا لعدم معرفته بمصر يعنى متابعة جرايد
او اجازة شهر فى السنة عمرها ما هتكون كفاية ابدا انه يعرف مصر كويس


انا شايف انه ممكن يكون نائب رئيس اهو منها مخسرناش الراجل ومنها أستفدنا منه فى نفس الوقت
( دى وجهة نظرى الشخصية ) يعنى تحتمل النقد والنقاش

[wawoo]

انا شايف انه ممكن يكون نائب رئيس اهو منها مخسرناش الراجل ومنها أستفدنا منه فى نفس الوقت
( دى وجهة نظرى الشخصية ) يعنى تحتمل النقد والنقاش

وجهة نظر تحترم يا استاذ وائل ..لكن ادينى عقلك كدة ..يعنى الرئيس اللى كان عايش بننا 30 سنة ماذا قدم لمصرو انت شايف بنفسك مستوى الثورة الشعبية عامل ازى..

منصب الرئيس يحتاج الى شخصية سياسية و حكيمة و تستمع لمطالب الشعب و تاخذ القرارات المناسبة لذلك و يختار الشخصيات المناسبة للمناصب المناسبة ..

فى النهاية الرئيس لا يحكم لوحدة فى رئيس وزراء و فى وزراء و فى مستشارين وفى مناصب كتيرة هى اللى بتتولى تنفيذ السياسات المناسبة لكل مرحلة ...و كل دول اكيد حيكون من المصريين الموجودين فى البلد و يعرفون جيدا السياسات و القرارات المناسبة للشعب المصرى

عموما موضوع الترشيح للرئاسة دة سابق لاوناة لانة الاوضاع لم تستقر بعد .. وعندما تصل البلاد لمرحلة الانتخابات الحرة ..حنشوف مين المرشح للرئاسة و و قتها نختار الافضل لمصر ان شاء الله

[otefa]

هوا آه نادي بالتغيير
بس ماكملش ولا عمل أي خطوات جادة
دفع بالشباب والشباب مقدرش يكتم في نفسو بعد الإنتخابات المزورة والمخبرين والبلطجية إللي تبع الشرطة
بس هوا إتداري فترة طوووويلة جدآآآ
وحاجة مستفزة لما يجي بعد غياب زي ما بيقولوا وهوب بالباراشوت علي الناس في ميدان التحرير
بعد ماناس إتقتلت وإنسحقت ويجي بكل برود "لا مانع عندي في تولي الرئاسة لفترة مؤقتة"
هههههههه أنا صراحة موت من الضحك
كفاية كده علشان أنا شايل منه كتير بعد ماكنت من الناس المؤيدين ليه
إكتشفت إن كل واحد فالبلد دي بيدور علي "مصلحتي أولآ"
هووووب 16 حزب نطقوا عالثورة وتحدثوا بإسم الشعب
مين فوضهم؟؟ كفاية بقي هيا كلمة قالها عمر سليمان
الشعب المصري غير مستعد للديمقراطية
بجد الراجل ده يستحق أن أرفع له القبعة زي مابيقولوا هوا والفريق أحمد شفيق
بس للأسف هما دوول الرجال المناسبين في الوقت الغير مناسب خاااااالص

[ams]

6 ابريل و غيرها من الاعتصامات و مظهارت العمال و غيرها من الاعتصمات كانت نييجة مطالبة البرادعى بالتغير و تنفيذ مطالب البيان اللى اصدرة من بدرى جدا قبل كل الاعتصمات دى.

تيجى ازاى دى ؟
الكلام ده كان قبل ما هو يجى اصلا

[M.Mostafa80]

برادعى مين اللى بطل مش عايز اقول كلام يزعل حد منى
انا لا مع برادعى ولا حزب وطنى ولا وفد ولا أخوان
اللى بيحصل دا مهزله وكل اللى انا زكرتهم دول هيجيبونا ورى

الرمز الوحيد النضيف اللى شايفه قدامى هو عمرو موسى
وبلاش والنبى كلمه البرادعى البطل دى (البيه هو اللى سلم العراق على طبق من دهب للأمريكان الله يفحمه زى ماهو السبب فى النار اللى فى العراق دلوقتى )

[mrwho1982]

برادعى مين اللى بطل مش عايز اقول كلام يزعل حد منى
انا لا مع برادعى ولا حزب وطنى ولا وفد ولا أخوان
اللى بيحصل دا مهزله وكل اللى انا زكرتهم دول هيجيبونا ورى

الرمز الوحيد النضيف اللى شايفه قدامى هو عمرو موسى
وبلاش والنبى كلمه البرادعى البطل دى (البيه هو اللى سلم العراق على طبق من دهب للأمريكان الله يفحمه زى ماهو السبب فى النار اللى فى العراق دلوقتى )

اؤيدك بشدة وارفع للك القبعة

[age]

برادعي ايه وايمن نور ايه واخوان ايه
البلد بتضيع يا ريت اي حد يعرفلا واحد في ميدان التحرير يكلمه يرجع كفايه كده
الطمع يقل ما جمع

[otefa]

برادعي ايه وايمن نور ايه واخوان ايه
البلد بتضيع يا ريت اي حد يعرفلا واحد في ميدان التحرير يكلمه يرجع كفايه كده
الطمع يقل ما جمع

+1

[most_wanted]

بطل مين وبتاع ايه؟؟ هو اصلا يعرف ايه عن مصر هو ولا عاش فيها ولا يعرف حاجه عنها
وهو في نظري ........ وطمعان في السلطه مش اكتر الابطال الحقيقين هم ابطال 25 يناير شباب الفيس بووك انما الموجودين دلوقتي دوول شويه ......... وهيضعوا البلد

في حالة التكرار سيتم وقفك
مشرف 14ب
1042
1202

[fido377]

تسلسل تصريحات البرادعي بعد الثوره
1- يوم الخميس 27/1/2011 انا مستعد امسك مصر فتره انتقاليه وهوه لسه في المطار
2-يوم الجمعه الصبح انا جيت اساند الثوره ومليش اي اطماع سياسيه
3-يوم الجمعه بالليل انا تم تفويضي للتحدث باسم الجمعيه المصرية للتغير ( تم تكديب التصريح من كل اعضاء الجمعيه وقالوا انهم اختاروا 10 للتحدث باسم الجمعيه - دليل على عدم ثقه الجمعيه في بعض)
4-من يوم السبت راح قعد في بيتهم وكل شويه يطلع يتهته في التلفزيون بتصريح شكل بان مبارك لازم يرحل بره مصر
5-ربنا ياخد كل واحد عاوز يطلع على اكتاف الناس ويبان انه بطل قومي...

[wawoo]

تسلسل تصريحات البرادعي بعد الثوره
1- يوم الخميس 27/1/2011 انا مستعد امسك مصر فتره انتقاليه وهوه لسه في المطار
2-يوم الجمعه الصبح انا جيت اساند الثوره ومليش اي اطماع سياسيه
3-يوم الجمعه بالليل انا تم تفويضي للتحدث باسم الجمعيه المصرية للتغير ( تم تكديب التصريح من كل اعضاء الجمعيه وقالوا انهم اختاروا 10 للتحدث باسم الجمعيه - دليل على عدم ثقه الجمعيه في بعض)
4-من يوم السبت راح قعد في بيتهم وكل شويه يطلع يتهته في التلفزيون بتصريح شكل بان مبارك لازم يرحل بره مصر
5-ربنا ياخد كل واحد عاوز يطلع على اكتاف الناس ويبان انه بطل قومي...

اهى التهته بتاعتة دى هى اللى شجعت على الثورة و ياريت تهته زية كدة لو كان كل المصريين تهتهو من زمان مكناش وصلنا للوضع دة

[د.أبونضال]

أيها الشباب...أرجوكم يجب أن نتعلم أن الديمقراطية تعني أن جميع الآراء صحيحة...وأن لكل شخص الحق في التعبير عن رايه دون إساءة إلى أحد... وصندوق الانتخابات هو الذي يحدد رأي الأغلبية. للأسف كثيرا ما أري في كل واحد منا ديكتاتورا صغيرا لا يرى الصواب إلا في رأيه ويرى جميع مخالفيه حمقى ولا يفقهون شيئا... أدعوكم جميعا وأنا أولكم إلى عدم الاندفاع خلف الديكتاتور الصغير الساكن داخل كل منا... وإلى قبول الرأي والرأي الآخر وإلى الحديث عن الناس باحترام مهما كانت درجة كرهنا لهم وعدم قبولنا لآرائهم. ولنبحث قليلا على الإنترنت عن أي معلومة قبل أن نرددها دون تأكد.... تحياتي