بيان هام و عاجل من رئاسة الجمهورية قريبا

[Everlasting]

إذا الشعب يوما أراد الحياة فلابد أن يستجيب القدر.

[amrelsaqqa]

اهم حاجه ماحدش يقول تنحى علشان الصدمه ماتكونش جامده.

+1111

[Mohammmed]

هيقولوا الرئيس غادر البلاد

[dr.amr]

الفريق عنان في مبني التلفزيون

الفريق سامي عنان رئيس أركان حرب قوات المسلحة يدخل الأن مبنى التليفزيون ويؤكد للمتظاهرين أنه سيلقي الآن بيانًا يحقق مطالبهم

[dr-mohamed]

شكرا الفريق عنان
كدة احكام عسكرية
متشكرين يا متظاهري اليوم
اتحملوا ومحدش يعيط
ويا رب الجيش يبقي بسلمها قريب

[Raul_7]

انجي مراسلة العربية بتقول إن فيه انباء إن البيان القادم هو تولي الجيش مرحلة انتقالية.

[Tarek Gen 2]

إذا الشعب يوما أراد الحياة فلابد أن يستجيب القدر.

إذا الشعب يوما أراد الحياة فلابد أن يستقيل القذر

[medo_2060]

لو الانباء صحت ان الفريق عنان هو الى هيقول الخبر اعتقد هيبقى حاجه مهمه
ولو سليمان او حد من اتباع الرئاسه يبقى هيحرق دمنا زيداه ويرفعلنا الضغط كالعاده ولازم لازم يقول اجندات

[yasserelsayad]

شكلوا فى الاخر خطاب تهنئة بمولد النبى
انا خلاص مش هتوقع حاجة عشان انا اتصدمت امبارح

[mohamed_selim]

منقول من الفيس بوكمن 20 دقيقه:
حمله مقاطعه التليفزيون المصرى المنافق
عاجل أوووووووووووووى:
الفريق سامي عنان رئيس أركان حرب قوات المسلحة يدخل الأن مبنى التليفزيون ويؤكد للمتظاهرين أنه سيلقي الآن بيانًا يحقق مطالبهم

البيان اعلنت عنه الرياسه بس محدش عارف مين اللى هيقوله
التليفزيون المصرى بينقل حى مع الثوار امام المبنى .. ده معناه ان النظام خلاص انتهى و كله عايز يطلع المركب التانيه

تصورى او املى ان الجيش هيمسك بلجنه رئاسيه مؤقته و يحل البرلمان و يعمل حكومة انقاذ من المشهود لهم بالكفاءه لحد ما الدستور يتعمل من جديد و انتخابات

[madoo_600]

والله يا جماعه ربنا يستر

[mrwho1982]

موكد

واحد زميلي واقف عند التلفزيون بيقولي سامي عنان وصل تحت حراسة ودخل مبني التلفزيون

[eldell]

مصادر: مبارك يعلن تنحيه من منصبه فى بيان رسمى بعد قليل

اليوم السابع | مصادر: مبارك يعلن تنحيه من منصبه فى بيان رسمى بعد قليل

[dr.amr]

عاجل | روينرز | وصول المتحدث باسم الجيش لماسبيرو

[madoo_600]

مين هما بقا المصادر ديه عشان احنا زهقنا من كل المصادر