ترشيحك للرئيس الجديد

[Ralliart]

الفريق سامي عنان تاريخه مُشرّف و يده نظيفة و لا أزكيه على أحد .

بس عنده مشكلة ان قراراته حازمه ومفيهاش سياسة وكان مضايق بتوع الدفاع الجوي جامد
مش عايزين نرجع تاني لحكم الجيش
هما رجالة محترمين جداً لكن في مجالهم

[nabaster]

الفريق سامي عنان تاريخه مُشرّف و يده نظيفة و لا أزكيه على أحد .

سيادة العقيد

متهيالي كفايه اوي كده حكم عسكري

ولا ايه راي حضرتك؟؟؟؟

A.Yakout

[mohamed_mohsen]

تمام يا جنرال
راجل محترم برضه و راجل نضيف ماحدش يقدر يتكلم

[AhMeD EzZ]

عمرو موسي او عمر سليمان رئيس
سامي عنان نائب رئيس
احمد شفيق رئيس وزراء
جودت الملط وزير مالية
احمد زويل وزير الدولة للتربية و التعليم و التعليم العالي

[maka]

انا والدي مدير في الضرائب

بيقولي علي جودة الملط ده انه من اشرف الناس في مصر بالفعل

وكان علي خلاف دائم مع بطرس غالي بسبب أمانته

بطرس زفت ده كان شيخ منصر

و كان يطلع يقولك اللى عنده بيت مش قادر يدفع ضريبته يبيعه و يشوف بيت اقل ............ هتسكن الناس على مزاجك يا ابن $#@#@$

[A.Saad]

احمد زويل
: معاه الجنسية الامريكية منذ 1982 .

[MaZaGAngeE]

لما الناس تترشح نشوف برنامج كل واحد ونختار الانسب

انما مبدئيا

لا لرئيس عسكرى

1111111111111111111111111111111111111111111111111

[cayman69300]

عمرو موسي او عمر سليمان رئيس
سامي عنان نائب رئيس
احمد شفيق رئيس وزراء
جودت الملط وزير مالية
احمد زويل وزير الدولة للتربية و التعليم و التعليم العالي

و الله العظيم يا احمد انت برنس الملوك و جبت من اخر الاخر
و فعلا كل واحد فيهم اللى انت اخترتهم باشا بمعنى الكلمة
عمر سليمان ( الرجل الحديدى او الرجل الوطنى او الخصم العنيد ) و الاسماء دى علشان فى الاتقاقات بيبقى جامد موت و جبار و بيموت فى تراب بلده & هو الوحيد اللى حل ازمة دول حوض النيل بعد ما ابو غيط دهول الدنيا
سامى عنان لا غبار علية
احمد شفيق فوق الوصف
جودت الملط اثق فية اكتر من نفسى
احمد زويل هيخلى العيال فى 3 ابتدائى نوابغ
و اوعى تنسى احمد الجويلى وزير التموين السابق
و طبعا كمال الجنزورى
و احمد كمال ابو المجد فى وزارة العدل
و يا رب نعمل احلى كوكتيل زى اللى عند فرغلى بتاع جامعه الدول
و الله الموفق

[Ralliart]

عمر سليمان ( الرجل الحديدى او الرجل الوطنى او الخصم العنيد ) و الاسماء دى علشان فى الاتقاقات بيبقى جامد موت و جبار و بيموت فى تراب بلده

بأمارة الغاز اللي بنكسب فيه !!
والنبي صوتك أمانة قبل اي حاجه ابحث كويس جداً عن الناس وبالذات في ويكيليكس (ربنا يحميه )
عرفت منين انه بيعشق تراب البلد ؟؟

[فتح الباب]

التحديد هيكون على حسب المرشحين لكن عمرو موسى الاقرب , بس مفيش برادعى ومفيش ايمن نور ومفيش عمر سليمان

انا متفق مع حضرتك فى هذا الرأى الصائب

[mahmoodallam]

انا اقترح عبدالله الأشعل
وهو مساعد وزير الخارجية الاسبق
او محمد سليم العوا
او فهمي هويدي
والبلد مليانة ناس محترمين وبيفهمو الحمد لله
الناس كانت بتقول يعني مين ممكن يحكمنا غير حسني
80 مليون مش لاقيين فيهم واحد بيفهم ؟ وعجبي !

نسيت اقول ان انا ارفض اي شخص كان له اي صفة في النظام الساقط حتى ولو كانت مهنته فراش .

[Col. Eng. Khaled]

بس عنده مشكلة ان قراراته حازمه ومفيهاش سياسة و كان مضايق بتوع الدفاع الجوي جامد
مش عايزين نرجع تاني لحكم الجيش
هما رجالة محترمين جداً لكن في مجالهم

خدمتي كلها دفاع جوي ، مين إللي قال لحضرتك الكلام ده ؟

أما الحزم عنده إن كان زائد فده كان له أسبابه في فترة توليه للقيادة .

سيادة العقيد

متهيالي كفايه اوي كده حكم عسكري

ولا ايه راي حضرتك؟؟؟؟

a.yakout

حضراتكم عندكم كل الحق في إن الرئيس القادم يكون من خارج العسكريين

و أنا معاكم في التجربة دي من باب التجديد .

[zaza_lanos]

لازم الرئيس
بجانبه مجموعة من المستشارين
فى العلوم والاقتصاد

[SeiffoZ]

زويل ... رجل هيرتقى بالعلم فى مصر ...

بالنسبة للسياسة ... وزارة الخارجية ... هتقوم بالواجب ..

إلا لو نفذنا إقتراح هيكل بالدولة البرلمانية

[Ralliart]

خدمتي كلها دفاع جوي ، مين إللي قال لحضرتك الكلام ده ؟

أما الحزم عنده إن كان زائد فده كان له أسبابه في فترة توليه للقيادة .

ليا قرايب دفاع جوي فنيه عسكريه وكانو عندنا في البيت لما جت سيرة سامي عنان وانهم استدعوه من واشنطن ولقيتهم في نفس واحد بيعترضو وبيقولو ده كان مطلع عنينا