الشرطه في موقف لاتحسد عليه

[dr.amr]

كيف ستتعامل الشرطه مع الشعب

كيف سيتعامل الشعب مع الشرطه

الشرطه دمرت تماما

الجهاز الوحيد في مصر هو والحزب الوطني اللي تم تدميرهم بالكامل

الله يكون في عون وزيرهم اللي هيمسكهم

بقيايا شرطه وليسوا شرطه

[mina_ramsis]

انا عاوز اعرف هى الحكومة كده اتحلت و لا لسة

[heshamzaky]

الشرطة أنا شايف أنها أتكسرت و عينها بقت فى الارض و 95 بالمائة مش بيحب الشرطة و الناس بتحتك بيهم حاليا . فى الشارع لما البوكس بيعدى الشباب الى واقفين بيرمو و بيلقحو عليهم كلام ههههههههه . و لما يبقو يشمو نفسهم لو مفيش حزم و ربط عليهم حا يرجعو يبلطجو على الناس لان نسبة كبيرة منهم شايفين أنهم فوق البشر و المواطنين . أتمنى أنهم يمشو عدل و بكرة تسمع لو واحد أحتك ب ظابط شرطة حا يقولة و انت دلوقتى عامل أسد أمال ساعت الاحداث كنتم مستخبين فين و قابل بقى عينة كثيرة من ذلك

[misoalex]

عاوز رأيى

الجهاز بتاع الشرطه ده لابد من اعاده بئائه بالكامل مره اخرى وخصوصا الافراد وليس المبانى

ما بنى على باطل فهو باااااااااااااااااطل

ازاى واحد بقاله سنييييين بيشتم ويحبس واالناس بتعمله الف تحيه حيتحول فى ايام الى شخص تانى !!!!!!!!!

[shaddadfalcon1]

انا ببقي ماشي عند الشغل في سموحه والعريبات كتييييييييييييييييييييير واقفه صف تاني وتاالت و2 امناء شرطه او ظباط معاهم الموتوسيكلات وواقفين بينظمو المورو والله وعمالين يهظرو ويضحكو ومفيش عربيه بتتكلبش والظابط واقف علي رجله في الشارع

كنت حاسس اني لو وقفت عربيتي في عرض الشارع مش هيتكلم واخره يقولي لو سمحت بس عشان الناس تعدي اقف بالطول

[Akram]

احنا محتاجين للشرطة مفيش كلام ,

و علشان نتعايش مع بعض لازم يتم إعادة تأهيل أفراد الشرطة الحاليين في كيفية التعامل مع الشعب ,
و انشاء قواعد و قنوات مباشرة للإبلاغ عن أي تعديات و التعامل معها بحزم ,

تأهيل الملتحقين الحاليين بالشرطة (ضباط و أمناء الشرطة المستقبليين) بكيفة التعامل مع الشعب ,

منع الواسطة و المحسوبية في الإلتحاق بكلية الشرطة و يفضل عدم قبول أي قريب من الدرجة الاولي لأي رجل موجود حالياً في الشرطة علشان الجيل الجديد يكون من الشعب ,

و اهم حاجة توضيح حقوق الشعب علشان لما اتعامل مع أي رجل من رجال الشرطة أكون فاهم و عارف اللي ليا و اللي عليا .

.

[M.Mosaad]

ماهو دوردورنا بقي اننا نساعد في بناءة علي اسس سليمه و اولها التعامل الصحيح مع الظباط و امناء الشرطه و العساكر علي انهم موظفين في الدوله ليهم حقوق و عليهم واجبات و نبطل سياسه مشي امورك و الرشاوي و كمان نتقبل القانون بصدر رحب لو مخطئين و نبطل سياسه ان مش عارف انت بتكلم مين و نبطل نتصل بالمعارف و الاصدقاء لو مخطئين

جهاز الشرطه من اهم اجهزة الدوله و انهياره خطر علينا كلنا

[abogogo]

كان ملاحظ اليوم انهم مش موجودين حتى البوادر اللى ظهرت منهم اختفت اليوم ......... عموما هم انكسروا فعلا ولم يصبح لهم الهيبه السابقة يكفي كمية التريقة مثل اكتر كلمة بتعكننهم وهي " حمد لله على السلامة " لاء وفي الافشة بتاعت القرموطي في فيلم معلش احنا بنتبهدل لما قابل صدام حسين في المخبأ " الواحد يسمع عن جيوش تستسلم جيوش تنهزم انما جيش تصحى الصبح ماتلقوش ..!! " وغيره من قفشات كتيرة ............ عموما يجب ان يتم ترتيب البيت من الاول من الاساس والشعب لازم يظهر مبادرة

[heshamzaky]

و علشان نتعايش مع بعض لازم يتم إعادة تأهيل أفراد الشرطة الحاليين في كيفية التعامل مع الشعب ,
و انشاء قواعد و قنوات مباشرة للإبلاغ عن أي تعديات و التعامل معها بحزم ,

تأهيل الملتحقين الحاليين بالشرطة (ضباط و أمناء الشرطة المستقبليين) بكيفة التعامل مع الشعب ,

منع الواسطة و المحسوبية في الإلتحاق بكلية الشرطة و يفضل عدم قبول أي قريب من الدرجة الاولي لأي رجل موجود حالياً في الشرطة علشان الجيل الجديد يكون من الشعب ,

و اهم حاجة توضيح حقوق الشعب علشان لما اتعامل مع أي رجل من رجال الشرطة أكون فاهم و عارف اللي ليا و اللي عليا .

.

لو منعو الواسطة و المحسوبية أعتقد كلية الشرطة مش حا يبقى فيها طلبة هههههههههههههه .
لازم يتم عمل أحلال كامل لهم بس على فترات علشان ما يبقاش هناك فجوة و يتربى جيل جديد من اول و جديد و يكون هناك رقابة شديدة جدا عليهم مش السبهللة الى كانو فيها و الفوضى و قلة الادب بتاعتهم

[MASERATI]

السلام عليكم و رحمة الله و بركاته

ياااااااااااااااااااااااااااه

ده الأيام سريعة أوى, أنا ماكنتش أعرف أن الأيام بالسرعة دى و أن الدنيا قلابة أوى كده.

أنا أتذكر من كام شهر لما حدثت الحادثة بتاع ظابط الشرطة الحيوان اللى ضرب بنت على باب جامعة الأزهر فى الزقازيق و الناس كلها و أنا منهم دخلنا هنا و هاجمنا الشرطة المصرية, واحد من الأعضاء, مش متذكر اذا كان ظابط شرطة و لا وكيل نيابة سألنى سؤال مستفز أوى, قاللى (أنت تقدر تقول الكلام ده فى وش أصغر ظابط شرطة), يومها قلتله, (أنا مش هكدب عليك و أقولك أنى أقدر, بس أنا من المستحيل أنى هفضل كده و أن لازم فى حاجة هتحصل و تخلى أكبر ظابط شرطة يفكر كويس أوى قبل ما يمس شعرة واحدة منى).

و عجبى عليك يا زمان !!!!!!!!!!!!!!!