وماذا بعد؟؟!! متى تعود مصر مدنية؟

[ashouhdy]

طب انا مبحبش عنصر التشويق

اللى يتكلم عن الاتنين ويملك المعلومات الكافية يتفضل فى الصالون مع كوباية الشاى الجميلة ويشرحلنا بالتفصيل مساوئ و مميزات الأتنين

وان شاء الله لما اصحى بكرة ابقى قراهم :)))))))))))))))))))))))))))

كل سنة وانتم طيبيين

وناموا بقى ومبروووك لمصر

بكرة يوم مميز جدا

أول يوم تطلع علية شمس الحرية من زماااااااااااااااااااااااان :)))) مبرووك

[dr-mohamed]

بلاش حساسية يا جماعة .. احنا فى حكم عسكرى دلوقتى ، فالمقصود بمدنى يعنى عكس عسكرى .. ، ولا داعى للدخول فى مواضيع مش وقتها. وعلى فكرة أحد هتافات شباب 25 يناير كان (مدنية .. مدنية).

على أى حال أن برضه حسب معلوماتى ان الدستور هيتم الاستفتاء عليه من الشعب فاللى هيقبله الشعب هيمشى ، ومش هنحتاج ميدان التحرير تانى ان شاء الله.

مدنية مدنية دي اتقالت النهاردة بس بعد بيان الجيش ومكانش فيه كلام من ده ايام الثورة نفسها لان فكرة تغيير نظام الحكم والله لم تكن موجودة يوم 25
وبردو بلاش المادة 2 لان اللعب بيها لعب بالنار صدقني وانا حاسس ان هايبقي فيه لعب فيها بدليل كلام ساويرس عنها لما كان احد اعضاء لجنة الحكماء ووجود مايكل منير في الصورة دايما في تجمع الاحزاب مع بتاع الوفد

يا جماعا بيقال برده ان الخطاب بتاع الرئيس الاخير كان معموله منتاج لان الريس اغما عليه مرتين اثناء تسجيل الخطاب حد عنده معلومة؟؟؟؟؟؟؟؟

والله يا اخ متناوي فيه حد تاني هنا قال انه دخل في غيبوبة سرطان
وفي الحالتين ربنا يشفيه ويبقي بصحة احسن احنا مش شعب شماتة الا من رحم ربي ربنا يهديهم

[QUOTE=Moh.Abdelbaset;3873283621]

لا اهل حل وعقد وتطبيق شرع الله وحوده يبقي دولة دينية ودي لو هاتجعل لرجال الدين سلطة يبقي اسف ومن ناحية تانية بردو تجربة الدولة الدينية في السودان فشلت وادت لتقسيمها في النهاية
/QUOTE]

ليه يا دكتور بس
هو مش نظام الحكم في الاسلام من أيام أبو بكر و عمر و عثمان و علي رضي الله عنهم جميعاً
كان فيه تطبيق لشرع الله و حدوده..كان فيه أهل حل و عقد..كان فيه تقدم للدولة الإسلامية..و شرع الله يضمن لغير المسلمين حرياتهم الدينية و توفير الأمن لهم.
أنا معرفش التجربة الدينية في السودان بصراحة
لكن أعرف تجربة الدولة الدينية الناجحة و اللي استمرت من بداية تكوين الدولة الاسلامية في المدينة منذ عهد النبي صلى الله عليه و سلم حتى سقوط الخلافة عام 1924 في استانبول..كان فيها لحظات ضعف و تدهور موافق..لكن في فترات وصلت دولة الاسلام لتصبح أكبر إمبراطورية عرفها التاريخ.
ممكن يكون استحالة تطبيقها حالياً..لكن ليه لا نتمنى و نسعى إلى أن تكون مصر دولة قائمة على شرع الله.
أنا مرضتش أجيب آيات و أحاديث تدل على ضروروة تحكيم شرع الله بيننا، لأن كلنا عارفينها و كتاب الله موجود قدام أعيننا طول الوقت.
و هذا رأي
جزاكم الله خيراً.

با محمد بيه انا واضح من اسمي مسلم لكن انا ضد الدولة الدينية والمثال اللى حضرتك بتقوله ممتاز فعلا واحسن تطبيق للدولة الاسلامية لكن هات لي واحد من الخلفاء الاربعة يتولي الحكم وهات لي شعب من المهاجرين والانصار وانا اول واحد يطالب بتطبيقها لاقصي درجة
لكن في ظل ما هو موجود الان تدخل رجال الدين كارثي والدولة الدينية مرفوضة لاني عايز مصر تفضل مصر واحدة مش مصر الشمالية والجنوبية

[tarekzein]

من أفضل ما سمعت

فى لقاء هيكل مع منى الشاذلى

الثوره تحقق مكاسب مستقبليه

بغض النظر عن خسائر المرحله الحاليه

[Moh.Abdelbaset]

با محمد بيه انا واضح من اسمي مسلم لكن انا ضد الدولة الدينية والمثال اللى حضرتك بتقوله ممتاز فعلا واحسن تطبيق للدولة الاسلامية لكن هات لي واحد من الخلفاء الاربعة يتولي الحكم وهات لي شعب من المهاجرين والانصار وانا اول واحد يطالب بتطبيقها لاقصي درجة
لكن في ظل ما هو موجود الان تدخل رجال الدين كارثي والدولة الدينية مرفوضة لاني عايز مصر تفضل مصر واحدة مش مصر الشمالية والجنوبية

حضرتك وصلتني للي بقوله و دي قناعتي الشخصية
إن مش مهم الرئيس يتغير
المهم الناس تتغير
و فيه مقولة بتقول
عُمالكم أعمالكم..و أعمالكم تظهر في صورة عُمالكم
شكراً لحضرتك على التوضيح
و أنا لم أكن أشكك في إيمانك..ثق تماماً يا فندم إن ده لم يرد في ذهني و الله على ما أقول شهيد
لكن أنا اتكلمت مع حضرتك بصراحة..علشان أفهم وجهة نظرك
جزاك الله خيراً :)

[Egyzizo]

مدنية مدنية دي اتقالت النهاردة بس بعد بيان الجيش ومكانش فيه كلام من ده ايام الثورة نفسها لان فكرة تغيير نظام الحكم والله لم تكن موجودة يوم 25
وبردو بلاش المادة 2 لان اللعب بيها لعب بالنار صدقني وانا حاسس ان هايبقي فيه لعب فيها بدليل كلام ساويرس عنها لما كان احد اعضاء لجنة الحكماء ووجود مايكل منير في الصورة دايما في تجمع الاحزاب مع بتاع الوفد

يا سيدى بلاش المادة 2 ، أنا ماجبتش سيرتها فى حاجة .. طالما مبدأ المواطنة يتم احترامه ولن يكون هناك التفرقة بين المواطنين فى الحقوق والواجبات على أساس الدين يبقى على عينى وراسى لكن اذا وجد أو استحدث شئ يمس هذه النقطة أنا اللى هانزل ميدان التحرير

[nabaster]

با محمد بيه انا واضح من اسمي مسلم لكن انا ضد الدولة الدينية والمثال اللى حضرتك بتقوله ممتاز فعلا واحسن تطبيق للدولة الاسلامية لكن هات لي واحد من الخلفاء الاربعة يتولي الحكم وهات لي شعب من المهاجرين والانصار وانا اول واحد يطالب بتطبيقها لاقصي درجة
لكن في ظل ما هو موجود الان تدخل رجال الدين كارثي والدولة الدينية مرفوضة لاني عايز مصر تفضل مصر واحدة مش مصر الشمالية والجنوبية

مصر دوله اسلاميه مدنيه

دي الخلاصه

A.Yakout

[Ralliart]

يا سيدى بلاش المادة 2 ، أنا ماجبتش سيرتها فى حاجة .. طالما مبدأ المواطنة يتم احترامه ولن يكون هناك التفرقة بين المواطنين فى الحقوق والواجبات على أساس الدين يبقى على عينى وراسى لكن اذا وجد أو استحدث شئ يمس هذه النقطة أنا اللى هانزل ميدان التحرير

+1
مش موضوع خلاف خالص
حاسس ان الناس بدأت تختلق المشاكل مع ان الديمقراطيه الشعب كله بيختار مش فرد او جماعه معينه واي تعديل هيكون عليه استفتاء ولازم الكل يرضى بالنتيجه وإلا نرجع حسني أحسن

[فتح الباب]

خلونا نرجع لموضوعنا ..

أنا حاسس كده ان التظبيطات دى هتعدى سنة ؟؟

كده كتير قوى ، فهل يا ترى ممكن كل حاجة ترجع لطبيعتها ، من سياحة واقتصاد وبورصة ورؤوس أموال إلخ .. قبل من الأمور تستقر نهائياً ، واللا راس المال هيفضل جبان ويتفرج من بعيد؟

معلهش ياريت افهم من حضرتك الجمله دى بالتفصيل اذا سمحت (واللا راس المال هيفضل جبان ويتفرج من بعيد؟)
واسف جدا على كل حال شكرا جزيلا

[youssefmustang]

هنخش حرب فتاكة بأذن الله سواء خارجيا او داخليا
اشبعو بيها

[m3touk_85]

معلهش ياريت افهم من حضرتك الجمله دى بالتفصيل اذا سمحت (واللا راس المال هيفضل جبان ويتفرج من بعيد؟)
واسف جدا على كل حال شكرا جزيلا

تقريبا الي معاه فلوس يعمل مشاريع لتوافر الاعمال للافراد هيخاف على فلوسه من حدوث اي ثورات تانية ويخسرها فيقول عصفور فى اليد ولا ضياعي

مش هو ده تقريبا ما تقصده ؟

[Egyzizo]

معلهش ياريت افهم من حضرتك الجمله دى بالتفصيل اذا سمحت (واللا راس المال هيفضل جبان ويتفرج من بعيد؟)
واسف جدا على كل حال شكرا جزيلا

هو بالفعل ده التفسير : الي معاه فلوس يعمل مشاريع هيخاف على فلوسه من حدوث اي ثورات تانية ويخسرها فيقول عصفور فى اليد ولا ضياعي
وهيبحث عن سوق آمن لاستثمار أمواله ، يكون فيه استقرار بدون شبهة ثورات ولا انقلابات.

هنخش حرب فتاكة بأذن الله سواء خارجيا او داخليا
اشبعو بيها

ليه حضرتك بتقول كده؟
أنا مش شايف تباشير أى حروب فى الأفق.

[dr-mohamed]

حضرتك وصلتني للي بقوله و دي قناعتي الشخصية
إن مش مهم الرئيس يتغير
المهم الناس تتغير
و فيه مقولة بتقول
عُمالكم أعمالكم..و أعمالكم تظهر في صورة عُمالكم
شكراً لحضرتك على التوضيح
و أنا لم أكن أشكك في إيمانك..ثق تماماً يا فندم إن ده لم يرد في ذهني و الله على ما أقول شهيد
لكن أنا اتكلمت مع حضرتك بصراحة..علشان أفهم وجهة نظرك
جزاك الله خيراً :)

يا فندم مفيش اي اختلاف بيننا وكلنا بنتعلم من بعض كل ما في الامر اننا بنتكلم من ورا كيبورد فاكيد الافكار بتاعة كل واحد مننا بتوصل للتاني متاخر
ومتفق مع حضرتك في كل ما قلته

يا سيدى بلاش المادة 2 ، أنا ماجبتش سيرتها فى حاجة .. طالما مبدأ المواطنة يتم احترامه ولن يكون هناك التفرقة بين المواطنين فى الحقوق والواجبات على أساس الدين يبقى على عينى وراسى لكن اذا وجد أو استحدث شئ يمس هذه النقطة أنا اللى هانزل ميدان التحرير

لا تفرقة علي اساس لا دين ولا لون ولا جنس
المفروض نبقي دولة الكفاءات ولبس دولة الانتماءات
وميدان التحرير متهيالي يا اما منشوفهوش تاني
يا اما كل شوية ناس نازلة فيه
والاحتمالين بكرههم

مصر دوله اسلاميه مدنيه

دي الخلاصه

a.yakout

لو بتجاوب في الامتحانات بالطريقة دي كان زمانك دكتور من زمان

+1
مش موضوع خلاف خالص
حاسس ان الناس بدأت تختلق المشاكل مع ان الديمقراطيه الشعب كله بيختار مش فرد او جماعه معينه واي تعديل هيكون عليه استفتاء ولازم الكل يرضى بالنتيجه وإلا نرجع حسني أحسن

هههههههههه
هو كدة يا رالي
ناس ماتجيش غير بالعين الحمرا

هنخش حرب فتاكة بأذن الله سواء خارجيا او داخليا
اشبعو بيها

معلش ممكن حضرتك توضح تقصد ايه ؟ وهاتبقي حرب امتي ؟

[فتح الباب]

ياجماعه واحده واحده اللى معاه فلوس هيخاف عليها من حيث تقلبات الاوضاع طيب واللا رأس مالى هيفضل جبان ويتفرج من بعيد ليه .انتم شرحتوها على انها رأس مالى لكن انا بقول اللارأس مالى زى ما انتم كاتبينها

[Egyzizo]

هما كلمتين (واللا) دى كلمة و (راس المال) دى كلمة تانية
وتعنى (أم أن راس المال هيفضل جبان).
فيه لبس فى قراءة حضرتك.