لو فى انتخابات بالقائمة النسبية هاترشح اى حزب سياسى

[zyadahmed]

لو اتعدل قانون الانتخابات من النظام الفردى للقائمة النسبية هاتدى صوتك لمين من الاحزاب الحالية الكبيرة

( الوفد - التجمع - الناصرى - الغد ايمن نور - العمل .. اللى كان مجمد وهايرجع ان شاء الله ... - الجبهة الديموقراطية -

الوطنى اللاديمقراطى - الاخوان المسلمين ... لو عملوا حزب مدنى - شباب 25 يناير )

[X_MM_X]

ولا واحد من دول لافراد

[midohtato]

هههههههههههههههه

هو في احزاب في مصر ؟؟؟؟؟

ولا واحد في دول ينفع طبعا علي الاقل دلوقتي

[elshimy]

انا شايف حزب الجبهه الديمقراطيه له مصداقيه كبيره لسبب ان اسامه الغزالي كان في لجنة السياسات ولما لقي العمليه خربانه وان البلد بقي يحكمها شوية صيع كان صادق مع نفسه وساب الحزب وكان عنده الجراءه انه يقول للشله اياها لا
ده مايمنعش ان لو ظهرفي المشهد السيايسي من هو افضل اني ارشحه

[zyadahmed]

غالبا وعلى الارجح هاتكون الانتخابات بالقائمة النسبية فلازم نحدد حزب سيايى ننتخبه لان عصر انتخاب الاشخاص والمستقلين انتهى
والحكومة هاتتشكل من حزب الاغلبية
ويجوز تظهر احزاب جديدة فى الفترة القادمة او يسمح لاحزاب قديمة تحت التأسيس بالظهور العلنى والشرعية مثل حزب الكرامة الناصرى بتاع حمدين صباحى وحزب الوسط المنشق عن الاخوان بتاع ابو العلا ماضى وعصام سلطان ..... وغيرهما من الاحزاب التى رفضها صفوت الشريف