شكر خاص واجب للدكتور محمد البرادعي

[memo_p910]

المجد للشهداء والحريه للمصريين

وشكرا للدكتور البرادعي
شكرا لمن ايقظ الامل قي قلوبنا
شكرا لمن اعطانا القدرة علي الحلم
شكرا لمن انار لنا طريق الخلاص

اتذكر الان جملة للدكتور البرادعى منذ حوالى 6 اشهر
قطار التغيير قد غادر المحطة ولن يتوقف

أنا كتبت الموضوع ده تقديرا لشخص الدكتور محمد البرادعي الذي شوه الحزب البائد صورته بكل ما يملك من اله اعلاميه ولكن الحق انتصر بالنهايه

ولا يهمني الآن من الرئيس القادم المهم ان نظريتك في أن التغيير قادم لا محاله قد تحققت بالفعل لذلك وجب لك الشكر

[m_car]

كلام جميل من انسان محترم يملك عقل يفكر به بحيادية وبعقلانية

وعلى فكرة الدكتور محمد البرادعى والدكتور ايمن نور وشخصيات كثيرة نجحت فى احداث عملية حراك سياسى فى الشارع المصرى ادت الى التغير والحصول على الحرية

بعيدا عن وجود بعض الناس سوف يقولون لك هو عميل وهو امريكى واضاع البلد ولكن كلنا لم نرى منه الا كل خير ولكن الاعلام المصرى الضال اضاع شخصيات كثيرة وللاسف ناس كتيره صدقت الاعلام الكاذب اللى نجح فى تغييب عقول ناس كتير

[memo_p910]

وائل غنيم أيضا قدم شكره للدكتور البرادعي وقال انه كان سببا بعد الله في الهامه الى التغيير

الدكتور محمد تعرض لأكبر عملية تشويه شخصيه في التاريخ من الة النظام الاعلاميه الجباره لمواقفه الثابته والنزيهه هو والقلائل فقط ثبتوا على موقفهم بعد خطاب المخلوع حسني مبارك لانه سياسي محنك وفاهم وثبتت في النهايه صدق نظريته

ظهر الحق وسقط الباطل

[Egyzizo]

شكــراً لد. البرادعى ولكل شخص ساهم بالقول أو بالفعل فى تحقيق هذا التغيير الذى كان مستحيلاً فى نظر الكثيرين.

[Qmax]

بجد تعبيراتك رائعه والردود جميله جدا
البرادعي رفض الانضام لأي حزب وقالوا عليه مُتكبر وبعدها فهمت ليه رفض
البرادعي قال اذا تم تعديل الدستور هااترشح ردوا عليه قالوا انت بتحلم وكلام كتير كله هجوم
البرادعي قال للمعارضه وغيرهم قاطعوا الانتخابات رفضوا كلامه وفي الأخر شوفنا اللي حصل ايه
والله انا كنت مُذبذب ومش مرتاح له بس اللي شوفته انه فعلا فاهم

يارب موضوعك ده مايكون ساحه للخلاف ويكون بدايه لينا كلنا نتعرف على شخصيته كويس
وائل غنيم أول ماطلع وبدأ يتكلم اتعمل عليه هجوم كبير وقالوا عميل وامريكاني وكلام من الاهبل ده

[Tarek Gen 2]

معاك كنت ضده و بدأت اقرا و اتابع و اسمع منه كلامه و اعتقد انى ظلمته وانه وطنى ومش براشوت و راجل جدع بس انا لا زلت شايفه لا يصلح لبناء بلد ولكن يصلح لبلد جاهزة يعنى ميمسكهاش دلوقتى يمسكها بعدين

وربنا يسامحنى على ظلمى ليه ان كنت ظلمته

[SkyBird]

عملت موضوع امبارح وقلت ان كلام البرادعي ان مبارك لازم يتنحى هيتنفذ وها هو مبارك تنحى كما قال البرادعي
قلت عليه بطل الثورة على اساس زي ما حضرتك قلت ان هو اللى ادانا الامل في التغيير لكن للاسف تواجهت بهجوم قوي
يقولون ان الثورة تاكل ابنائها ولكن ثورتنا هذه اكلت أبيها للاسف

http://www.nilemotors.net/Nile/200755-a.html

[د.أبونضال]

[justify]مليون شكر للدكتور محمد البرادعي... الرجل الذي هبط بالمظلة من بلاد الحرية إلى مصر الغارقة في الظلم والظلام منذ مئات السنين فايقظ في الشباب أمل التغيير، ودلَّهم على كيفية التغيير، كان الجميع قبله يقول "لن يأتي التغيير إلا بانقلاب عسكري" فقال البرادعي "إذا خرج مليون متظاهر إلى الشارع فسيسقط النظام" وصدق. عندما اشتعلت الثورة أسرعت معارضة الأحزاب الكرتونية لالتقاط الصور مع نائب الرئيس المخلوع وقال البرادعي وحزب الجبهة وأيمن نور مع أبطال التحرير "لا تفاوض إلا بعد رحيل مبارك" وانتصروا. قال النظام السابق عنه أنه عميل أمريكي ويحمل أجندات وغير ذلك من افتراءات ، وصمت الرجل وقال بقوة أن "التغيير قادم لا محالة" وقدم التغيير فعلا ....
اشتعلت الثورة في 25 يناير 2011 بشعلة كان الدكتور البرادعي قد انارها في نفوس شباب مصر منذ عودته ونداءه النبيل بالتغيير بالطريقة السلمية والعصيان المدني... ولا ينقص من قدر دوره أنه كان خارج البلاد معظم الوقت فكم من رجال كانوا موجودين من أول يوم وساهموا بمواقفهم المهتزة في إعطاء النظام السابق مهلة أطول قبل الرحيل.
إذا رشح الدكتور البرادعي نفسه في الانتخابات الرئاسية فلن يهزمه إلا ...أشباح النظام السابق... وأفكار النظام السابق... وآلاف من الذين يعتقدون أن رئيس الجمهورية يجب أن يكون كاريزميا وجذابا ويستطيع التحدث بطلاقه، ويا حبذا لو كان مترفعا وأنيقا وشامخا بأنفه متعاليا على الناس.[/justify]

[factorialx]

البرادعي هو أول من أطلق شرارة التغيير ( هو أول من إستخدم مصطلح التغيير أساسا )

هو أول من فتح عيونا بجد و خلانا نتكلم

رغم المثبطين و المنافقين و دعاة التخوين

و الراجل قال مش عايز مناصب

حسبي الله و نعم الوكيل في كل من إتهم هذا الرجل الشريف في عرضه و شرفه و كرامته

شكرا البرادعي

[m3_dolphen]

اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه

[Memo_Lancer]

انا بصراحه معرفش اي حاجه عنه لان انا متفرتجتش التلفزيون الجميل بتاعنا جاب ايه عليه
بس اكيد الحق هيظهر
و هو فعلا ساعدنا كتير علي الثوره و حرك الشباب كلهم

[mahmoud_afifi]

وشوفوا شباب الفيس بوك بيقولوا عليه ايه ؟؟
بيقولوا : معا لمقاطعة البراشوت البرادعي !!!
حرام والله الظلم ده.
والراجل قال انه مش هيرشح نفسه للرئاسه الفتره المقبله. عاوزين ايه تاني ؟؟؟

[mertahgedan]

البرادعي أثبت انه من طراز فريد كل الشكر و التحية له لقد حرك المياه الراكدة بعث الأمل في نفوس المصريين لقد وضح موقفه منذ البداية ولم يغيره اشكر كل شباب 25 يناير اشكر أيمن نور اشكر إبراهيم عيسي اشكر أهل السويس اشكر مصر كلها

[alaasaid]

شكرا للدكتور محمد البرادعى , الراجل تحمل شتيمة و اهانات غير عادية من الحزن الوطنى و من اتباعة فى الصحف فى الفضائيات , و ليه فضل كبير بعد ربنا سبحانة و تعالى انه رمى طوبة كبيرة فى البحيرة الراكدة اللى كنا فيها .

[Qmax]

البرادعي أثبت انه من طراز فريد كل الشكر و التحية له لقد حرك المياه الراكدة بعث الأمل في نفوس المصريين [gdwl]لقد وضح موقفه منذ البداية ولم يغيره [/gdwl]اشكر كل شباب 25 يناير اشكر أيمن نور اشكر إبراهيم عيسي اشكر أهل السويس اشكر مصر كلها

اه والله فعلا لم يغيير موقفه

عمرو موسى نزل المظاهره للشباب وبعد ماطلع قال لازم مبارك يكمل ال 7 شهور الباقيين موقفه اتغير معرفش ليه

انا شايف اننا نختار الأنسب وعن شرط لازم يكون جديد وملهوش أي علاقه بالنظام السابق حتى لو كان مين قولنا نقتلع النظام من جذوره يبقى مش عايزين نشوف حد من السابقين

وبقول تاني اللي بيسمع عن البرادعي انه مش كويس وانه ركب الموجه ونزل بالبراشوت يدور على فيديوهات للراجل ويسمعه ويعرفه كويس بدلا من حكاية بيقولوا وبدلا من حكاية ده جاي عالجاهز