مرض مبارك

[CryptonX]

ربنا يشفيه .. ومش علشان انجازاته و الكلام الي لا يودي ولا يجيب
علشات ده مصري ... وربنا ادرى بالنوايا و هو الي حيحاسب كل واحد مش احنا .

لم نكن نريد موته او مرضه ... ولكن سؤال يطرح نفسه ؟
هل في راجل في الدنيا " مصاب بالسرطان " و عنده 83 سنة و يمسك بلد ؟ طب كان اده نفسه من زمان هو راحة حتى بدون ثورة !

بس خلاص الكلام ملوش لازمة الان !

[heshamzaky]

موضوع مرضة فعلا اثير بين بعض الناس و لا شماتة فى مرض . أذا كان مريضا ف الله هو الشافى العافى . مهما أختلفت معة لا أتمنى الشر لشخص مهما كان فى حالة المرض

[bishoy02010]

ربنا بشفيه

[mahamedaraby]

لأ

يموت دلوقتي ؟؟؟

يارب ....طول في عمره ويشوف البلد دي و هي بتعلى و بتكبر من غيره

الاول ربنا يشيفه لو كان مريض وطبعا لا شماته فى المرض

وتانى ياريت لو مايمتش دلوقتى على الاقل الشباب تحس انها عملت حاجه ويشوف البلد اللى ان شاء الله كل يوم فيها هيبقى احسن من الاول
ويعيش بالندم دايما علشان اللى عمله فى الشعب المصرى

وانا اللى صعبان عليا فعلا الشباب الصغير اللى ضحى بنفسه ومات شهيد هو ده اللى يصعب عليا

[MaZaGAngeE]

عموما احنا فعلا شعب طيب وصبور
بس ياريت اهالى الناس اللى ماتت وهى فى عز شبابها موش فى الثمانينات تصعب عليكم برضه

تمام هوه ده الكلام

كل الشعب عنده فشل كلوي
سرطان
كبد

ده واحد فاجر و كان بيموت الشعب ببطئ
ده غير الطوابير و الرشوة و الفساد و الواسطة و ..................... اقول ايه بس

بس عايزه يخف و يشد حيله عشان يتحاكم و يتعدم في ميدان التحرير ضربا بالجزم

[mohabelnegm]

كلكم راعى و كلكم مسؤل عن رعيتة.....فيه أب بيخلى باله من عياله و بيعلم و يأدب و يعالج..علشان كدة اولادة بيكونوا افراد صالحين فى المجتمع و بيبروا ألأب دة فى شيخوخته..... و فى أب تانى معاه نفس ألأمكانيات بيسيب عياله للشارع يريبهم و لا بيعلم ولا يربى و لا يعالج وولا أى حاجة و دة فى من عياله اللى بيفلح بمجهودة الشخصى و فى اللى بيضيع ولكن فى ألأخر اللى فلح و اللى مافلحش بيكره ألأب دة و عمرة ما هايكون بار بألأب دة لأنه فى كل لحظة شايف قدام عينيه التخلف و الجهل و المرض اللى هو كان عايش فيه هو و أخواته بسبب أبوه..

[human]

هيتحاكم
عيان مش عيان هيتحاكم

[شريف]

تدهورت الحالة الصحية للرئيس السابق محمد حسني مبارك في الساعات القريبة الماضية و اكدت بعض المصادر المقربة منه انه في حالة غيبوبة كاملة يذكر ان الناحية الصحية للرئيس السابق محمد حسنى مبارك تتدهورت امس الاول ايضا حيث تعرض للأغماء مرتين أثناء تسجيل خطابة أمس ،، وانتقل بطائرة الرئاسة مع أسرته متوجها إلي مدينة شرم الشيخ لقضاء ما تبقي له و أكدت مصادر ان تدهور حالته الصحية ،، جعلت الأطباء يزيدون من جرعات العلاج الكيماوي الحيوي الذي يتناولة لعلاج السرطان وقد أصيب بنوبتى إغماء خلال إلقائة بيانه الذى أذاعة التليفزيون المصري ، وقامت إدارة الأعلام بمؤسسة الرئاسة بعمل مونتاج على خطاب الرئيس وتجري السلطات المصرية اتصالات منذ ثلاثة أيام مع المستشفي الألماني الذي يعالج الرئيس مبارك

[mazagngi2010]

واشمعنى كلنا شمتنا فى غيبوبه شارون ؟ طالما لا شماته فى المرض اهو مبارك بالنسبه لى زى شارون بس شارون كان بيعمل على مصلحه بلده فى الاخر رغم قذاره طرقه
يارب يطول عمره علشان يعيش محسور مننا ولو مات دلوقتى يبقى ياخد مليار ولا 2 من اللى ناهبهم معاه القبر يمكن فاكر انهم هينفعوه

[م. حاتم السباعي]

السلام عليكم
اخواني الاعزاء
كاتب الموضوع كتب في بداية موضوعه ان من سيدخل للقيل و القال طلب منهم عدم المشاركة لانه لا شماته في المرض و ليس هذا مكان للعتاب و اخذ الحقوق
طبعا لم يحدث ذلك و بعض من الاخوه الافاضل يملئهم الحزن و شاركو بما تمتلئ قلوبهم من كره لهذا الرجل
و انا اتوجه لهم بنداء
اني اؤكد لهم ان كل الشعب المصري مسئول عما كان يحدث
و الكثير من المنافقين هم من نفخو هذا الرجل ومن قبله السادات
و من قبلهم عبد الناصر حتي العهد الملكي
كان جدودنا مشاركين ايضا فيما كان يحدث من جبروت
اي انها عهود متعاقبة اجيال تتعاقب بمبادئ تتوارثها الاجيال
حينما كنا نواجه في المجال الرياضي بلدان عربيه مثل (( الجزائر و تونس )) و نحس بأنهم دائما يميلون للعدائية و الضرب و خلافه
و نحن نركن للطبطبة و محاولة احتواء الاشقاء و خلافة
فهذه اسمها طبيعة بشرية
حتي ان فرعون لم يكن في اي بلد سوي (( مصر ))
و لنفس هذه الطبيعة التي تميز او تعيب الشعب المصري
اتوجه بندائي لكل الاعضاء دعونا ننظر للمستقبل
دعونا نسير للامام (( الغل و القسوه )) يميتو القلوب
و اذا قلنا اهالي الشهداء (( الذين ماتو في الثورة ))
نقول ان الله سبحانه حي لا يموت يرد المظالم ولا يغفل و لا ينام
و نقول لشباب هذا الوطن لقد انتصرت ارادتكم حاليا مثلما انتصر قبلكم الضباط الاحرار و اسقطو العهد الملكي و حررو الشعب
و نفس هؤلاء الاحرار (( البعض منهم )) تمتلئ الكتب الان بالكثير من مساؤهم و فسادهم و سقطاتهم و اعتقلاتهم لابناء الشعب المصري و لمن اختلفو معهم
فأن كنتم تظنون ان هذه هي نهاية الظلم و الفساد و نهاية فرعون ومن معه اقول لكم لا لا لا
انها بداية لاختبار جديد لارادة شعب
هل سيظل راكن و لا ينتفض علي نفسه و يغير من سلبياته
ام انها مرحلة التقاط انفاس و لا تلبس الحالة تعود كما كانت بس يادوب مجرد اننا غيرنا الاسماء من (( مبارك و جمال و عز و صفوت و جرانه و غيرهم من رموز هذه المرحلة ))
الي (( كريم و ووائل و انجي و نانسي و هيثم ))
ارجو ان نتعقل و لا ننجرف وراء الاحلام
حينما عم الفساد في ارجاء الامة الاسلامية و حينما قاد صلاح الدين الامة للانتصار لم يكن هو (( المبارز و الجندي و الفارس و الساهر في برج الحراسة و قائد الميمنة و الميسرة ))
هو كان قائد فقط لهؤلاء جميعا و عن طريق هؤلاء جميعا بعد توفيق الله ثم مهاراتهم و تدريبهم و ايمانهم تحقق النصر
فأرجو ان نستفيق و نعلم ان المصطفي صلي الله عليه و سلم قال
" كل ابن آدم خطاء وخير الخطائين التوابون " رواه الترمذي


م.حاتم السباعي

[human]

لازم مصر تتكاتف لمعالجته
لازم يا مصريين يخف

ادعوله كلكم

عايز اشوفه بيتحاكم

من لا يرحم لا يرحم

[Everlasting]

رجاء لكل المصريين الدعاء لمبارك بالشفاء.
فعلا لازم يتحاكم هو وشرذمته على كل الجرائم (القمع، الفساد، الاستبداد، الظلم، القهر، و .. و.. و..) اللى ارتكبوها في حقنا.

[mohbasyouni]

لا يستحق التعاطف و الخبر غير مؤكد ولم اسمعة من اى وكالة انباء محترمة

[fady_anis]

ربنا يشفيه ويغفر له

[mrwho1982]

لازم مصر تتكاتف لمعالجته
لازم يا مصريين يخف

ادعوله كلكم

عايز اشوفه بيتحاكم

من لا يرحم لا يرحم

مبروك انك شيلت الشارة السوداء من علي العلم

وفعلا من لايرحم لا يرحم اؤيدك بشدة