من هذا الرجل .... موضوع كوميدي ...!!!

[mahamedaraby]

برجاء من صاحب الموضوع طلب حذفة من الادارة لما يسببة من الم لاسرة للمقدم اركان حرب حسين
فهذا الرجل كان يقوم بعملة وينفذ التعليمات

اوفقك الراى

[SunSet]

"الراجل اللي ورا عمر سليمان" يشغل المصريين في تويتر وفيسبوك

[lordfear]

+111111

ده الحرس الشخصي لعمر سليمان

يا باشا مش حرس

ولا قائد كتيبة قتال و لا كلام الاساطير ده

والله مدير مكتبة او سكرتيره

[SunSet]

الراجل اللي ورا عمر سليمان هو مقدمـ اركان حرب حسين شريف , قائد المجموعة 64 قتال من القوات الخاصة
و كان يقف وراء عمر سليمان لإجباره على قراءة بيان التنحي دون تحريف .. لأن الموضوع كاد أن يصبح إنقلاباً عسكري
حيث أعطي الجيش للرئيس مهلة حتي الـ 12 مساء للتنحي و إلا قامـ الجـيش بإجباره ع التنحي
حيث فاض الجيش بالتظاهرات و التي كادت تخرج عن السيطرة

منقول والله أعلم

[khaled_yassin]

يا شباب انا ليا اكتر من استفسار
اولا :لية قائد الحرس الشخصى يقف خلفة مباشرة فى بيان زى دة عمرنا ما شفناها قبل كدة
ثانيا : هو البيان متسجل ولا كان مباشر انا مش فاكر بصراحة
ثالثا : عمرو سليمان هيحرف خطاب التنحى ازاى يعنى هو مش غبى ولو البيان متسجل يبقى اغبى ولو مباشر الى هيقف خلفة علشان يضربوا بالنار يقدر يقف قدامة ويضربوا بالنار بردوا
الموضوع مش مفهوم

[khaled_yassin]

نسيت صحيح انا ضد الحذف لحد دلوقتى ما فيش دليل قاطع على شخصية الراجل دة
نستنى لما الجيش يطلع بينان ويقولنا مين الراجل دة مش ممكن يكون السكرتير الخاص , او قائد الحرس او اى واحد واقف علشان يتصور

[vampero]

بعد اتساع شهرة الراجل للي ورا عمر سليمان، عمر سليمان يغير اسمه إلى الراجل اللي قدام الراجل للي ورا عمر سليمان .
منقول من العربيه

[otefa]

يقول الله تعالى : " يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ "

[Ahmed_Elkhateb]

تحفففففه ياما نفسى يبقى عندى بودى جارد زى ده

[ahmedsamir79]

الراجل اللي ورا عمر سليمان هو مقدم اركان حرب حسين شريف قائد المجموعة 64 قتال من القوات الخاصة.
يعني الراجل ده حاطط روحه علي كفه فى اي وقت عشانك وعشاني .علشان يحمي أهلك و أهلي و مصر كلها.
يبقي محدش يتريق عليه بالطريقه دي.
كل التحية و التقدير و الأعتذار للمقدم حسين شريف

[yascro]

من غير تهريج الشباب والتنكيت كل الأحترام للمقدم مبعوث قيادة الجيش للتأكد من تنفيذ البيان وعدم التلاعب مرة اخري من الرئيس ونائبة وكذلك تأمين نقل الرئيس واخلاءة من القصر الرئاسي وسبب ظهورة بالبيان هو ارسال رسالة لقيادة الجيش الن البيان غير مسجل او تم عمل مونتاج للبيان يعني التأكد ان البيان يذاع على الهواء 80 مليون تحية لقيادة الجيش المصري ..
والله اعلم
وكمان المعلم عملر سليمان غير كلمه تنحى الى كلمه تنازل
فما بالك والوحش ده مش واقف وراه

[wael17]

الجروب التافهة ده فيه حوالي 45 الف واحد و ليل نهار عمالين ينكتوا و يركبوا صور في منتهي السخافة
انا أعرف ان الواحد ممكن يقول نكتة و يعيدها مرة او اتنين و الناس تضحك انما نفضل نعيد النكتة مليون مرة !!!!!
انا عندي سؤال واحد بس...هو ال 45 الف واحد دول كانوا من ضمن متظاهرين 25 يناير؟ و دلوقتي شايفين ان الثورة نجحت و كل حاجة تمام و البلد مستقرة و جه وقت التنكيت و الاستظراف علي الفيسبوك

[otefa]

من غير تهريج الشباب والتنكيت كل الأحترام للمقدم مبعوث قيادة الجيش للتأكد من تنفيذ البيان وعدم التلاعب مرة اخري من الرئيس ونائبة وكذلك تأمين نقل الرئيس واخلاءة من القصر الرئاسي وسبب ظهورة بالبيان هو ارسال رسالة لقيادة الجيش الن البيان غير مسجل او تم عمل مونتاج للبيان يعني التأكد ان البيان يذاع على الهواء 80 مليون تحية لقيادة الجيش المصري ..
والله اعلم
وكمان المعلم عملر سليمان غير كلمه تنحى الى كلمه تنازل
فما بالك والوحش ده مش واقف وراه

مساء الفل يادياب..........أسمحلي أيه النظرية الغريبة دي !!!!!

[yascro]

مساء الفل يادياب..........أسمحلي أيه النظرية الغريبة دي !!!!!

احد النظريات المطوحه للنقاش

[bmw3m007]

و الله انا شايف ان خفة الدم لما تزيد عن حدها و تمس شخص بعينة
تبقا كده حاجة بجد قمة في قلة الادب و السفاله و بالتحديد لما نتريق على
شكل الراجل
و نظراته
و اسلوب وقفته

ناس خايبة و الله