أعيدوا الإعتبار الي كمال الجنزوري

[tarekzein]

أعيدوا الإعتبار الي كمال الجنزوري


السبت 12 فبراير 2011 2:09:00 م
حسن عامر

كمال الجنزوري علامة فارقة في التشكيلات الوزارية في مصر ..
جاد ومجتهد ومخلص وأمين ..
غضب عليه النظام ، فأسكتوه كرها وظلما وكيدا ..
فرضوا عليه الظلام . كتموا أنفاسه . وقطعوا لسانة . وأسقطوه من حساب الزمن ..

لكنهم يمرون ويمكر الله والله خير الماكرين ..
كمال الجنزوري مهندس للتنمية الإقتصادية . كفاءة نادرة .
ساعدوه وساندوه حتي يخرج عن صمته . إستمعوا اليه جيدا . فالإقتصاد الوطني في حاجة الي صوته ..
الرجل مريض .. لكنه مازال قادرا علي العطاء ..

هناك مشروعات يمكن أن تبدأ من حيث توقف كمال الجنزوري عام ٢٠٠٠ ..

ــــــــــــــــــــــــــــــــــــــــــــــــــ ـ
يا شباب مصر

هذا الرجل أنبل وأطهر رئيس وزراء فى مصر

هذا الرجل تم أقصاؤة لطهارة يده

هذا الرجل أختلف معه عادل حموده الصحفى الكبير

بسبب رئاسته المباشره لكل اللجان والإجتماعات التى دارت فى عهده ومراقبته الشديده لهم

أعيدوا له أعتباره بغض النظر عن منصب سياسى من عدمه

أستمعوا له ولنصائحه

فالرجل منذ أقالته لم يتكلم

وأظن أن لديه الكثير والكثير

[amado ibrahim]

انا معاك يا طارق 100%

الراجل ده أفضل واحد يتولى ادارة مصر دلوقتى

يا رب يتولى رئاسة الوزراء

لما يتم تكوين حكومة جديدة

الله أكبر

تحيا مصر

[abo_anas]

حقا كمال الجنزورى من الرجال المحترمين واكبر دليل على ذلك ابعاده عن الحكومه الفاشله وتحديد اقامته, راجل محترم واتمنى ان يكون له دور فى المرحله القادمه.

اللهم ولى امورنا خيارنا

[tarekzein]

تمام ياشباب

بس عندى أقتراح لازم صوتنا يوصل بجد

اللى يعرف يعمل جروب عالفيس بوك يتفضل

ونشوف مين المؤيد ومين المعارض

[MOUSTAFA_SAAD]

معاك حق منهم لله

[marsguy]

أحمد جويلي يا شباب

حد فاكره؟

[فادى محمد]

اضم صوتي لصوت زميلي ا طارق زين باهميه كمال الجنزوري في الوزاره ,ده كان عاوز يخلي دخل قناه السويس بالجنيه المصري وده طبعا هيعلي قيمته جدا ولكن بعض الخبثاء اللي ليهم مصالح بالدولار رفضوا وحاربوه ..احمد جويلي كان محافظ عندنا في دمياط ولكن الافضل منه هو د عبد العظيم وزير اللي كان محافظ دمياط سابقا والقاهره حاليا ...

[dr-mohamed]

مع احترامي الشديد للدكتور كمال الجنزوري وهو فعلا من الناس المحترمة
بس يا ريت حضراتكم تدوروا على الاسم ده على جوجول طلعت حماد وتشوفوا كان مين وبيشتغل ايه وعمل ايه ومين اللى ساعده على انه يتجبر ولو كانت الامور استمرت سنتين تلاتة كان هايبقي اسوا الف مرة من احمد عز
وبالمرة كمان تبحثوا عن الاسم ده طارق السويسي

[zaza_lanos]

من الرجال المحترمين

[elfashn]

طلعت حماد ده كارثة اكتر من عز والواحد مش عارف يقول اسم حد من المشاهير الا ميلاقى فساد وراه

[3ateef]

77 سنة....

[A.Saad]

مع احترامي الشديد للدكتور كمال الجنزوري وهو فعلا من الناس المحترمة
بس يا ريت حضراتكم تدوروا على الاسم ده على جوجول طلعت حماد وتشوفوا كان مين وبيشتغل ايه وعمل ايه ومين اللى ساعده على انه يتجبر ولو كانت الامور استمرت سنتين تلاتة كان هايبقي اسوا الف مرة من احمد عز
وبالمرة كمان تبحثوا عن الاسم ده طارق السويسي

طلعت حماد ومحمد فريد خميس والجنزورى
صديقا وفيا لكمال الجنزورى وفجأة تعرض للتحقيق بتهمة علاقة جنسية بقاصر وخرج من القضاء المستشار طلعت حماد وبدأ صديقه يبحث له عن وظيفة لشغل وقت الفراع ولأن الفساد منتشر فلا داعى للقلق على المستقبل فقام السيد كمال الجنزورى وزير التخطيط فى حكومة عاطف صدقى بالإتصال بالسيد محمد فريد خميس رئيس إتحاد الصناعات طالبا منه أن يجد لصديقه وظيفة لديه وهى مدير الاتحاد ...فأعتذر محمد فريد خميس بأدب نظرا لسمعة المستشار وانتهت المكالمة ولم يكن يدرك وقتها ولم يقرأ الغيب أن رئيس الوزراء القادم هو كمال الجنزورى الذى عين صديقه المتهم فى ممارسة الجنس مع قاصر وفضيحته مدير لمكتي رئيس الوزراء بدرجة وزير شئون مجلس الوزراء وجاء الرد سريعا فى إنتخابات اتحاد الصناعات التى تأخرت على الرغم من إجرائها قام محمد فريد خميس بالاتصال بالسيد رئيس الوزراء وسأله عن سبب التأخير فى إعلان النتائج فأجاب عليه إسأل طلعت حماد ....فأنهى محمد فريد خميس المكالمة وأنهى أعماله بالإتحاد مغادرا وجاء عبد المنعم سعودى رئيسا لإتجاد الصناعات تحت إشراف طلعت حماد .... وجاء إسم طلعت حماد فى كل قضايا الفساد التى طرحت فى تلك الفترة وأهمها قضية طارق السويسى وتهريب الأثار فقد كان أهم الأسماء هى هالة طلعت حماد - اشيع انها تستخدم قاعة كبار الزوار لتهريب الاثار - ولكن لم يستطع أحد من الإقتراب من ال حماد وذلك لما أشيع عن تهريب طلعت حماد لمستندات مهمة يتم كشفها فى حالة نعرضه لأى سوء وهذه المستندات تهم السادة قادة الفساد فى الوطن التعيس .


محمد يوسف - البحث عن مايسترو الفساد فى الوطن الضائع

[MEDO84EG]

يا جدعان دي سقطه لافرد لكن هل هو كان مش شريف ؟
هل كان حرامي ؟
هل كان ساكن في قصور ؟
هل ضر البلد في وجوده ؟
هل الجنيه لم يرتفع في وجوده ؟
هل افكاره ليست رائعه و بناءه ؟
يا جماعه دي ممكن تكون سقطه لكن ليه حسنات كتييييييييييييييييييييييييييييييييير
راجعوا تاريخه عن قرب

[Donzi]

وزارة كمال الجنزوري كانت افضل وزارة جاءت في عهد مبارك و عملت اصلاحات حقيقية في مصر و عشان كدا عزلوه من منصبه و شالو الوزارة كلها

[tarekzein]

بغض النظر عن كل ما يقال

فلنسمع شهادة الرجل اليوم

مع منى الشاذلى (العاشره مساء )