إعـــــــلان

Collapse

.

,
See more
See less

كثر الخلاف و بدأنا في الانقسام تاني اهه

Collapse
X
 
  • Filter
  • الوقت
  • Show
Clear All
new posts

  • كثر الخلاف و بدأنا في الانقسام تاني اهه

    يا اخواني و احبابي اعضاء المنتدي
    مرة ثانية الاحظ ان الاصدقاء و الاحباب يدب بين البعض منهم الخلاف في الرأي و في وجهات النظر ليس في ثوابت التغيير و انما في طرق التنفيذ و اسلوب الحوار و غيرها من الاشياء الفرعية
    صدقوني يا جماعة المواضيع دي نسبيه
    لا شئ فيها مطلق ابدا
    الاجماع علي شئ و احد مستحيل (( الناس اختلفت علي الانبياء ))
    وجود موقف لشخص الان و رأي معين لاي واحد فينا يمكن ان يتغير بين يوم وليلة (( اه و الله العظيم المواضيع دي مش ثوابت ))
    طب ازاي الكلام ده (( اشرح لحضراتكم وجهة نظري ))
    الرئيس مبارك (( المتنحي ))
    له مميزات و له عيوب يجوز عيوبه اكثر بكثير من مميزاته انما في الاخر انسان له مميزات و كان له ادوار وطنية خدم بها البلد كثيرا
    (( كان ضابط في القوات الجوية - كان رئيس الكلية الجوية - كان رئيس القوات الجوية - كان نائب للرئيس الراحل انور السادات ))
    كل هذه المناصب و السنوات قبل رئاسته للجمهورية لا ينكر احد منا انه كان يخدم وطنه و يدافع عن ارضنا و عرضنا طوال سنوات قابع علي الجبهة و اباء الكثير منا مريحين في البيوت اثناء حروب عديدة
    قبل تولية الرئاسة كان يسهر يخطط لمعارك عديدة اخرها انتصرنا فيها علي عدو الوطن الاكبر (( اسرائيل )) طوال تلك السنوات اكيد ربنا هو الذي كان يعلم نيته و ليس نحن (( قبل توليه الحكم ))
    طب من يوم ما مسك الرئاسة في ظروف (( دموية )) و حدث في البلد اغتيال لرئيس الدولة و كاد ان يموت معه و مسك الحكم و بدأت سنوات طوال فيها اكيد تنمية و فيها فساد و بها قمع لحريات البعض و بها و بها و حكمنا عليها هي معاملاتنا اي اننا نعلم نيته لان الكثير منا عاشها معه و تأثرنا بها و حدثت في عهده و من امثلتها (( تعظيم التافهين من الممثلين و الراقصات و لاعبي الكره و عدم تعظيم دور الاعلام الهادف و عدم الاهتمام بالبحث العلمي و عدم تقدير النابغين و العلماء و تهميش دور علماء الدين و الكثير و الكثير من الامور التي اكيد سيحاسبه الله عليها لمجرد انه كان في موقع القيادة و لم يمنعها و لم يحسن اختيار البطانه الشريفة من الوزراء و المستشارين او لم يتنحي لكي يعطي الفرصة لدماء جديدة تحاول ان تنمي الوطن
    كل ده جميل جدا ايه المشكلة بقي
    المشكلة انه في من اخوانا هنا و في التحرير من يعتقدون ان السبب الوحيد لاهدار كرامة المصري و عدم الحرية و عدم الديمقراطية سببها ان مبارك كان موجود و برحيلة النصر تحقق و دليل كلامي هو ما نراه الان من عدم مغادرتهم للميدان و استمرار الاحتفالات و عدم ذهابهم لاعمالهم و البعض منهم يقول سنظل حتي تتحقق اهدافنا و هنا يكمن الخلاف الازلي بين الاراء
    و لنعود بالذاكرة للوراء قليلا ارجوكم
    طب ما هما هما الضباط الاحرار اللي حررو البلد من الخونة و الاعداء و الفاسدين و المتأمرين (( كما نص بيانهم )) سنة 52 هما هما اللي تم في عصرهم اعتقال (( جماعة الاخوان المسلمين )) و الكثير من الكتاب اصحاب الرأي المخالف و هم من حددو اقامة رئيسهم و رئيس مصر (( محمد نجيب )) وهما اللي ظهرت للبعض منهم بعد موتهم سلبيات كثيرة و كان هناك تناحر بينهم و زيجات للمثلات و سهرات سمعنا عنها ايام النكسة
    و بعد رحيل عبد الناصر (( بأيجابياته و سلبياته )) ظلت
    (( النفوس الخربانه هيا هيا ))
    ثم جاء الراحل انور السادات و حدث نفس الموقف ما بين مؤيد و معارض ما بين ناس هاجمته و كفرته و ناس اجتهدت و تعبت حتي وصلت في عهده لابعد الحدود المادية و كذلك ناس لم تجتهد ولم تتعب و نالت مكاسب (( الانفتاح )) لا تعد ولا تحصي وظلت البلد كما هي
    (( النفوس الخربانه هيا هيا ))
    ما اردت ان اوضحة من هذا الرغي الكثير اننا لم نحصد ما زرعناه بعد
    ارجوكم يا من تهتفو لشباب التحرير و يا من لم تخرجو للتحرير
    القاده بتروح و بتيجي انما المبادئ هيا هيا النفوس الخربانه هيا هيا
    اسلوب محادثاتنا مع بعض هوه هوه
    عدم احترامنا لبعض هوه هوه
    احساس كل واحد فينا انه هو الصح هوه هوه
    (( عم محمد حسنين هيكل )) الراجل الحر اللي اللي
    طب ما هوه نفسة اللي كان شبه حاكم للبلاد ايام اعتقال الاخوان و المعارضون للرئيس جمال عبد الناصر لو لم يعجبه حكم مبارك علشان مفيش ديمقراطية امال لماذا لم يستقيل ايام حكم المعتقلات
    اخواني بالله عليكم الموضوع موضوع كبير حكمنا علي الناس ده شئ يجب ان ينتهي (( دع الملك للمالك )) اختلافنا في الرأي لا يجعل مننا خونه ولا يجعل مننا ناس غير مؤدبه و غيره و لا يجعلنا لا نقدر بعضنا بعض ارجوكم كفانا فرقة اللي جاي كبير و خطير و ليحتفظ كلا منا برأيه و لا يجرح احد دعونا نرتقي و نكون جميعا فوق مستوي الحدث
    حتي نجني ثمرة الصبر اولا ثم الثورة ثانيا ثم العمل علي ان يسود حب الله في قلوبنا و حب الاخرين كي ينعم وطننا بالامن و الارتقاء


    م.حاتم السباعي
    HAGAN سابقا

  • #2
    الله يفتح عليك ياباشمهندس متفق معاك في كل حرف............................................. قولت ألي نفسي أقوله
    دعونا نختلف...............لا نتقاتل
    إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
    م/محمد

    Comment


    • #3
      بسم الله ماشاء الله

      موضوع شامل وحكيم جدا ويكفى من يقرأه عن مواضيع اخرى بها من الجدل مابها.

      اتمنى تثبيت هذا الموضوع

      Comment


      • #4
        المشاركة الأصلية كتبت بواسطة otefa مشاهدة المشاركة
        الله يفتح عليك ياباشمهندس متفق معاك في كل حرف............................................. قولت ألي نفسي أقوله
        دعونا نختلف...............لا نتقاتل
        ربنا يكرمك
        و الله الواحد يأسف حينما يري الخلافات تصل لهذا الحد
        و الغريب بدأت تنزل مواضيع هنا زي (( مين كان مع و مين كان ضد ))
        و الغريب انهم مثلا بيضربو امثلة لناس كانت مع الثورة زي خالد يوسف المخرج و العجيب ايضا ان هذا المخرج ممن استفادو من النظام
        و لن يقبل هو نفسة ان يحكم البلد مثلا رجل يمنع العري في الشاشات لاني كنت اراه يدافع عن حقة في ايصال و جهة نظرة حتي لو اختلفت مع الاخرين
        و غيرهم من الممثلين او المنتجين من امثال ناس كانت السبب في تسطيح عقول الشباب و انتجو افلام مثل اللمبي و غيره
        و غيرهم من الاعلاميين و رجال في الدولة لم نسمع لهم صوت زمان خرجو قبل 25 يناير بقليل مع التظاهرات لانهم احسو انها هي الجهه الاقوي و راهنو علي نجاحها
        انما هل سيقبلون باللي جاي هل سيقبلون بالديمقراطية حينما يمسك الحكم مثلا جماعات اسلامية (( و هذا ما اتمناه شخصيا )) يقولو لهم ان هذا حرام وان المفروض يكون هدف الاعلام كذا و كذا و ان الاقتصاد يكون كذا و غيره من اشياء فقدناها و لم نعد نلتزم بها
        هل سيقبل العباد من امثالي و امثال شيوخ تظاهرو في التحرير ضد حكم مبارك هل سيقبلو بشخص علماني يضع الدين في اخر اولوياته
        اظن ان الخلاف قادم لا محالة ان ظللنا بنفس المنطق
        المشاركة الأصلية كتبت بواسطة salmay مشاهدة المشاركة
        بسم الله ماشاء الله

        موضوع شامل وحكيم جدا ويكفى من يقرأه عن مواضيع اخرى بها من الجدل مابها.

        اتمنى تثبيت هذا الموضوع
        ربنا يكرم حضرتك
        و موضوع التثبيت ده كبير اوي علي ما فاضت به مشاعري و انا اري الخلافات كثرت هنا في المنتدي و في الشارع و بين اهل البيت الواحد
        الموضوع مش في اللي تم
        الموضوع في اللي جاي و ما سوف يتم و علينا جميعا ان ندرك ذلك
        و اشكر لحضرتك ذوقك

        م.حاتم السباعي
        HAGAN سابقا

        Comment


        • #5
          تسلم ارائك ياباشمهندس
          A.Saad

          Comment


          • #6
            قال الله تعالي
            " ولو شاء الله لجعلكم أمة واحدة . ولكن ليبلوكم فيما آتاكم "
            صدق الله العظيم
            [CENTER]لا يعرف الحق بالرجال و لكن يعرف الحق فتتبعه الرجال [/CENTER]

            Comment


            • #7
              كامل احترامي لكلام حضرتك. التغير لازم يكون داخلنا احنا.
              كلام حضرتك مفيش بعده كلام
              [CENTER]أستر يا رب

              [URL]http://www.nilemotors.net/Nile/160206-bocanegra.html[/URL]
              [URL]http://www.nilemotors.net/Nile/170673-smg-10-000-a.html[/URL]
              [SIGPIC][/SIGPIC][/CENTER]

              Comment


              • #8
                الله أكبر
                بارك الله فيك

                بعض الناس يظن أن مبارك كان هو مشكلة مصر الوحيدة وبرحيله ستتحول مصر إلى جنة

                والبعض الآن يستحلون الغيبة والنميمة والقذف في كل من رحل

                والغيبة حرام بكل حال
                والقذف حرام بلا دليل حقيقي وشهود وليس نقل كلام الإعلام دليل

                ربنا يصلح أحوالنا
                [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                Comment


                • #9
                  لا اجد سوي التوقيع الجديد لي ردا علي كل شيء

                  المنتدي له قوانين و اصحاب

                  و من حقهم فعل ما يريدون فيما يملكون

                  انه منتدي سيارات فليبقي بالنسبه لي علي الاقل منتدي للسيارات لن اتركه

                  لكن لن يعني لي شيء سوي ذلك فقط

                  Comment


                  • #10

                    احييك يا بشمهندس على الموضوع
                    للاسف الناس فعلا معتقدة ان المشكلة في مبارك فقط
                    المشكلة للاسف فينا احنا
                    شوفت كام عضو ذكر على سبيل المثال هوجة البناء على الاراضي الزراعية استغلالا للظروف الحالية
                    وماخفي كان اعظم
                    ياريت يكون لينا دور ايجابي ونحاول نصلح من نفسنا ومن الناس اللي حوالينا بالموعظة الحسنة

                    Comment


                    • #11
                      المشاركة الأصلية كتبت بواسطة a.saad مشاهدة المشاركة
                      تسلم ارائك ياباشمهندس
                      احنا تلاميذك يا استاذ احمد
                      و نفسي اشوف حضرتك تاني فمن يوم ما شوفت حضرتك في بنزية الصحراوي يوم ما ربنا رحمك من مشوار الاسكندرية (( الممطر ))

                      المشاركة الأصلية كتبت بواسطة samehafez مشاهدة المشاركة
                      قال الله تعالي
                      " ولو شاء الله لجعلكم أمة واحدة . ولكن ليبلوكم فيما آتاكم "
                      صدق الله العظيم
                      تسلم اديك
                      و ربنا يجمعنا في الخير دائما

                      المشاركة الأصلية كتبت بواسطة john_samy_1 مشاهدة المشاركة
                      كامل احترامي لكلام حضرتك. التغير لازم يكون داخلنا احنا.
                      كلام حضرتك مفيش بعده كلام
                      بالفعل احنا في غفلة كبيرة جدا
                      و كتب اعضاء هنا ان الكثير من المخالفات تحدث الان علنا
                      اي انه هناك الكثير من المواطنين لم يفهمو الدرس
                      و هؤلاء الناس بالفعل لا يوجد ضمير داخلي عندهم يردعهم عن فعل الاشياء المرفوضة و لا يحترمو الا (( العصا )) و (( الخوف )) هو ما يردعهم و هذه ايضا فئة للاسف موجودة بكثرة في المجتمع

                      م.حاتم السباعي
                      HAGAN سابقا

                      Comment


                      • #12
                        المشاركة الأصلية كتبت بواسطة ahmed1981 مشاهدة المشاركة
                        الله أكبر
                        بارك الله فيك

                        بعض الناس يظن أن مبارك كان هو مشكلة مصر الوحيدة وبرحيله ستتحول مصر إلى جنة

                        والبعض الآن يستحلون الغيبة والنميمة والقذف في كل من رحل

                        والغيبة حرام بكل حال
                        والقذف حرام بلا دليل حقيقي وشهود وليس نقل كلام الإعلام دليل

                        ربنا يصلح أحوالنا
                        اشكر حضرتك لمشاركتك
                        و اؤيد كلام حضرتك في ان المشكلة لم تكن في (( الرئيس )) كفرد فقط انما مثلما ذكرت حضرتك ان السلوكيات كلها في خبر كان


                        المشاركة الأصلية كتبت بواسطة amir مشاهدة المشاركة
                        لا اجد سوي التوقيع الجديد لي ردا علي كل شيء

                        المنتدي له قوانين و اصحاب

                        و من حقهم فعل ما يريدون فيما يملكون

                        انه منتدي سيارات فليبقي بالنسبه لي علي الاقل منتدي للسيارات لن اتركه

                        لكن لن يعني لي شيء سوي ذلك فقط
                        و الله يا دكتور امير (( عروستي ))
                        اول مرة لا افهم حضرتك
                        من فضلك واضحلي الصورة

                        المشاركة الأصلية كتبت بواسطة نور القمر مشاهدة المشاركة
                        احييك يا بشمهندس على الموضوع
                        للاسف الناس فعلا معتقدة ان المشكلة في مبارك فقط
                        المشكلة للاسف فينا احنا
                        شوفت كام عضو ذكر على سبيل المثال هوجة البناء على الاراضي الزراعية استغلالا للظروف الحالية
                        وماخفي كان اعظم
                        ياريت يكون لينا دور ايجابي ونحاول نصلح من نفسنا ومن الناس اللي حوالينا بالموعظة الحسنة
                        اختنا في الله (( نور القمر ))
                        أدعو الله من كل قلبي ان يرزقنا حسن الخلق
                        و يهدينا الي الحق
                        و ان يهدي شبابنا الي الطريق المستقيم
                        و ان يتعلم الناس ان الخوف من الله اشد و اعظم من الخوف من العباد
                        فكل السلبيات التي ظهرت اليومين اللي فاتو دول من (( سرقات و حرائق و قطع طرق و بلطجة )) كانت تحدث في مناطق متفرقة و علي فترات متباعده لتواجد الشرطة في المجتمع
                        و حينما فرت الجهات الامنية استحل الكثير من افراد المجتمع الحرام
                        في حين ان الله موجود في كل وقت و كل مكان
                        فندعو الله ان يجعلنا لا نخاف سواه و ان يحفظ امتنا من كل شر


                        م.حاتم السباعي
                        HAGAN سابقا

                        Comment


                        • #13
                          المشاركة الأصلية كتبت بواسطة HAGAN مشاهدة المشاركة
                          و الله يا دكتور امير (( عروستي ))
                          اول مرة لا افهم حضرتك
                          من فضلك واضحلي الصورة


                          م.حاتم السباعي
                          من عنيا هوضح الكلام لما ارجع النهارده باليل , حظر التجول افرج عن مواعيد عمل العيادات

                          Comment


                          • #14
                            المنتدي ليه قوانين معينه و هو منتدي سيارات بالاساس
                            انا متواجد في ال facebook اللي يحب يناقشني يتفضل هناك
                            لا قيود لا حذف لا غلق مواضيع لا فرض رأي و طبعا دون ايقاف و حظر

                            Comment


                            • #15
                              المشاركة الأصلية كتبت بواسطة amir مشاهدة المشاركة
                              لا اجد سوي التوقيع الجديد لي ردا علي كل شيء

                              المنتدي له قوانين و اصحاب

                              و من حقهم فعل ما يريدون فيما يملكون

                              انه منتدي سيارات فليبقي بالنسبه لي علي الاقل منتدي للسيارات لن اتركه

                              لكن لن يعني لي شيء سوي ذلك فقط
                              المشاركة الأصلية كتبت بواسطة amir مشاهدة المشاركة
                              المنتدي ليه قوانين معينه و هو منتدي سيارات بالاساس
                              انا متواجد في ال facebook اللي يحب يناقشني يتفضل هناك
                              لا قيود لا حذف لا غلق مواضيع لا فرض رأي و طبعا دون ايقاف و حظر
                              احب اوضح الاول حاجه عن نفسي يمكن ناس كتير هنا مش تعرفها

                              انا المنتدي هنا تاني منتدي اسجل فيه للتفاعل مع الاخرين و اول منتدي افرح لما تيجي منه ليا ايميلات مشاركات جديده و مجريش الغي الاشتراك منه
                              تابعت بذوره الاولي لحبي للسيارات و متابعتي بغرض الشراء و التبديل ايام كونتاكت كارز
                              و مع ان الفتره دي كانت فتره جيش علي ما اتذكر الا ان قرار انضمامي كعضو في نايل موتورز اتئخر شويه لأني كنت بخير نفسي بين حاجتين
                              هل افضل متابع في صمت من بعيد لبعيد دون الانخراط في التفاعل و التعرف علي اناس جدد بما يتطلبه ده من مجهود و اخلاص و تفاني في خدمه الناس
                              ولا اشترك و التزم و احتسب منفعه الناس اجر عند ربنا لأن بطبيعتي بحب جدا اكون من هؤلاء الرجال الذين حبب الله اليهم الخير

                              و كان الاختيار محسوم لما سجلت و لأول مره بأسمي في منتدي عام, و تابعت بهدوء لجميع الدروس و الشروح علشان اقدر افيد باقي الاعضاء و اساعد في حل مشاكلهم
                              و لما توافرت عندي معرفه اساسيه صحيحه من خلال عمالقه بجد مش بس كلام, لقيت نفسي بيكون عندي اجابات موثوق منها و قادر ارد بيها علي اسئله اعضاء محتارين و اساعدهم انطلقت في الموضوع ده و حاولت ازود من منفعتي للاعضاء قدر الامكان سواء لما سعيت مع شركه 3m و محاولتي استخدام كافه مهاراتي في الاتصال اني اجيب احسن العروض الممكنه و فعلا كانت ارخص بكتير من ال vcool اللي كان المنتج الوحيد المتاح و بسعر مرتفع جدا
                              المهم يومها حسيت ان كل واحد استمتع بالمنتج ده من خلال المنتدي و كل عامل بياخد بقشيش او مرتب من مكان عمله و كل اسره هيكون قدامها طبق اكل و اكون انا سبب و لو ضئيل في المسار ده
                              و لما لقيت مردود ده جوايا و زيادته لاحترامي و تقديري لذاتي اندمجت اكتر و اكتر و بقي المنتدي و ناسه عندي زي الاهل و الاصدقاء و لقيت اني اقدر اتناقش معاهم كمان في اي شيء و كل شيء تقريبا و فعلا استفدت كتير جدا جدا
                              لغايه ما ابتديت اخد بالي ان المنتدي مش بقي زي الاول او علي الاقل و بكل صراحه قبل ما المنتدي يقع و قبل موضوع تفجيرات الكنيسه و بالذات فتره لما عضو مسيحي عمل موضوع بيشرح فيه احتفالات راس السنه عند المسيحين
                              حسيت ان البيت مش بقي ضامم العيله و الاهل حسيت بجد ان جدران البيت اللي كانت بتحميه انهارت و بقي الاهل و الاصحاب مختلطين بكل غث و سمين و علي جزر متباعده و كأنهم اعداء مش اهل بيت
                              حاولت الوقوف مع الحق, و ليس من منطلق ديني قد يختلف ابناء الديانات الواحده في تعريف مفهومه لكن من منطلق انساني صعب اختلاف ابناء الجنس البشري عليه
                              كلنا يأكل و يشرب و ينام و يمرض و في النهايه كلنا نموت, كلنا واحد ولا اختلاف يذكر بين البشر
                              و لقيت وقتها ان ابدائي رأي اراه صوابا اما رأي يراه غيري خطأ كانت نتيجته مش المناقشه و الجدال المبني علي اسس سليمه
                              لقيت ان قوانين المكان بقت بتستخدم لتصفيه خلافات شخصيه , و مهما ان اتقال اني اوفر في النقطه دي الا ان صعب ان توجد العديد من المصادفات و بتوقيت في منتهي الغرابه و كل الاسباب الاخري ما ظهر و ما بطن , صعب توافر كل ده و حد يقول اني احساس زائف بالاضهاد
                              و لولا احداث تعاقبت في منتهي الخطوره علي بيتنا الكبير لكنت اتكلمت و فندت و رديت علي كل شيء
                              و في نفس الفتره الحرجه لاحظت نفس الانقسام بين اعضاء المنتدي و في امر في منتهي الخطوره دي مش عربيه ولا شقه دي بلدنا
                              و كمان زاد الموقف سوء اني لقيت عدد ضخم من المواضيع التي تغلق و قبل كده ليا تجارب سيئه مع ايقافات لست مقتنعا الا بواحد فقط منها, و في نفس الوقت اللي ليا من الافعال و المواقف ما يمكن ان يجعل اي شخص علي معرفه بمعدني و اصلي و اخلاقي
                              و علي اساس كل ده و لحبي فعلا في ناس كتير هنا منهم معرفش عنه الا الاسم المسجل فقط و مع ذلك حسيت اني اعرفهم من زمن طوييييييييل
                              و فعلا الاحساس ده جوايا لناس معينين كل ما كنت اشوف بس اسمهم انط اقري مشاركتهم لأني عارف ان كلامهم بحر مليان بالدرر
                              بجد انا فعلا حزين اني مش هقدر استمر في المنتدي علي سابق عهدي, مش كل شويه الاقي تهمه ما موجهه ليا و مش علشان قتلت او سرقت علشان بقول رأي نابع من احكام و فلسفه انسانيه بحته؟!!

                              و من غير محاوله للتوضيح او الدفاع عن النفس الاقي نفسي و امام اكتر من 80 الف عضو بأهان سواء بكلمه او ايحاء او حتي حكم جائر ولا يمكنني الاعتراض و كل ما اعترض يتم التهرب من مواجهتي مره بحجج في منتهي الضحاله زي مره اتقالي ان كلامي مش مفهوم , و ده كان تعليق علي شرح لموقفي لما مره كنت موقوف و شايف انه ظلم ده غير محاولات مستميته لاصطياد الاخطاء اثناء التحدث خصوصا و بالذات مع لجان فض المنازعات او المشرفين او او اي من له سلطه اداريه في المنتدي

                              ضيف علي ده سريه المشرفين و مع انهم شخصياتهم سريه لينا الا انهم عارفين بعض؟!!
                              طب بالذمه مدام هما عارفين بعض و بيقعدو يتكلمو في ساحه خفيه عن باقي الاعضاء و لما المنتدي وقع مره كلام كتير اتقال ان محتويات الكلام في الغرفه دي كانت لا تخلو من استهزاء و سخريه من شكاوي و تظلمات الاعضاء بالذمه ده كلام برضو؟
                              و افرض انا علي خلاف مع مشرف و انا مش عارف قام مشرف تاني عايز يوجب مع الاول يقوم يصطاد الاخطاء و يتربص ليك هفوه علي قواعد المنتدي و قوام يرزعك ايقاف

                              مش ده نوع من انواع الارهاب برضو؟

                              و للاسباب دي انا سايب المنتدي اجتماعيا تماما قدر ما استطعت و هتجه للنقاش و الجدال بالتي هي احسن مع مجتمع الفيس بوك حيث لا حجر علي رأي ولا ايقاف في نقاش و اثبات وجهات نظر قد تكون كثيرا من الاحيان وجهات نظر صحيحه لنفس الشيء

                              و اكيد لو المشاركه دي فضلت ظاهره لباقي الاعضاء علشان و لنفس رغبه صاحبها في نشرهها علي العام مش الخاص, لو فضلت المشاركه دي لحد ما الموضوع يقدم و يطويه النسيان هتأكد ان في ودان بتسمع و عقول بتعي الكلام و اهدافه
                              و لو اخدت ايقاف من تاني فمش هتفرق كتير اديني حاولت تسديد ما تبقي علي من دين ناحيه مكان اعتزيت بيه و بمعرفه ناسه اللي بقم ليا في فتره من الفترات اسره تانيه كبيره

                              شكرا يا نايل موتورز و جزيل الشكر و التقدير و العرفان و من اعماق القلب لكل اخ ليا هنا حتي لو مكناش نعرف بعض شكلا ولا اسما حتي
                              بس اوقات القلوب و الارواح بتتلاقي و تنجذب و ده اللي كان

                              Comment

                              Working...
                              X