الأراضي الزراعيه

[frhateg]

و انا جاي من كفر الدوار علي الطريق الزراعي لأسكندريه لقيت ناس كتير جدا مجرفه الأراضي الزراعيه و نازله بناء . بصراحه اتحسرت قوي علي اللي بيحصل ده . و عايز اسأل لما تستقر الأمور ممكن المباني دي تتشال و الا خلاص كده . كمان فيه عماره جانبي واخذ تصريح ب 4 ادوار بيصب العاشر النهارده . يعني و كأنك يا ابو زيد ما غزيت . انا مقهووووووووووووووووور من اللي بيحصل .

[megamoudy]

لا حول ولا قوة الا بالله

[MaZaGAngeE]

المفروض كل من يبني على أرض زراعية يتحاكم و يتعاقب و يتغرم

[زينة الله]

فى ناس كتير استغلت الفترة من ساعة الانتخابات لحد الآن فى البناء اللى كان ممنوع

لأن تخطيط الحكومة سئ للغاية منع الناس تبنى و بدل ما يعمل مجتمعات عمرانية جديدة تحتوى النمو السكانى الطبيعى

باع الأرض لكبار المستثمرين بالرخص بعد ما وصلهم المرافق و سابهم يتاجروا فى الناس و يغلوا عليهم الاسعار

كلام فى سرك توصيل الكهرباء مثلا كانت ببلاش لأصحاب آلاف الافدنة و كانت بتتحسب بعشرات و مئات الأف على صغار الملاك

و هكذا باقى المرافق فالناس ما بتصدق فرصة عشان تمشى حالها وكله غلط فى غلط صحيح لكن الناس عايزة تعيش هتعمل ايه ؟

ربنا يصلح الأحوال إن شاء الله فى الجديد

[samehkadous]

نفس موضوع البناء وجدته على طريق دمياط المحلة والمشكلة انها مش بيوت فقط دى مخازن ذات مساحات كبيرة جدا وربنا يسترها

[نور القمر]

مفيش فايدة في الناس
بنقول عايزين حالنا يتصلح بقه ياناس
ياريت الجيش يتدخل ويقهرهم على مصاريف البناء ويتهد كل ده

[shaddadfalcon1]

و انا جاي من كفر الدوار علي الطريق الزراعي لأسكندريه لقيت ناس كتير جدا مجرفه الأراضي الزراعيه و نازله بناء . بصراحه اتحسرت قوي علي اللي بيحصل ده . و عايز اسأل لما تستقر الأمور ممكن المباني دي تتشال و الا خلاص كده . كمان فيه عماره جانبي واخذ تصريح ب 4 ادوار بيصب العاشر النهارده . يعني و كأنك يا ابو زيد ما غزيت . انا مقهووووووووووووووووور من اللي بيحصل .

قصدك علي الكام بيت علي يمينك واللي بعد كفر الدوار علي طووول؟ وفي واحد او اتنين علي الناحيه الشمال ورا الكمين اللي قبل الدولي علي طول

البيوت دي اتبنت الاسبوع اللي فات في عز المظاهرات

وفي ناس كتيير منهم عندي في البلد لسه كانو بيبنو النهارده في قلب اراضي زراعيه وكله معتمد علي ان الدنيا هوجه ومفيش حكومه بس مش عارف هيعدو علي كده ولا هيتظبطو

المشكله ان في الفلاحين ده لازم يحصل لان لازم توسع افقي ومينفعش راسي والناس بتكتر فطبيعي انهم يبنو اكتر

[AbO_FaRaH]

ياجماعه اللى يعرف مكان ياريت يبلغ الجيش عنه....احنا لسه بنقول عاوزين مصر تتولد من جديد....يعنى فيه ناس بتموت فى التحرير وناس مؤهلات عليا بتظف فى الشارع.........وناس تانيه بدمر الاراضى الزاعيه اللى هيه ضايعه من الاساس

حسبى الله ونعم الوكيل....لازم تكون فيه ثوره تانيه على لتحسن سلوك الناس.....الشعب يريد اسقاط قله الضمير

[shaddadfalcon1]

انا لسه جاي النهارده بجد كمية بيوت رهيبه اتبنت في اليومين اللي فاتو بس

المشكله ان كده خلاص البيوت دي في يومين تلاته الناس هتسكن فيها ومفيش حد هيقدر يهدها وبعديها بشويه هتلاقي بيوت تانيه لحد ماتبقي قريه وتكبر زيها زي القري الكتير اللي علي الزراعي

[MOUSTAFA_SAAD]

الجيش حيهد كله ويبقوا يشربوا المصاريف اللى صرفوها وكانت الاسعار ساعتها اضعاف مضاعفه