الانتهازيه والأنانيه والاضرابات في هذا الوقت الصعب

[misoalex]

طيب هما فاكرين مين حيجيب حقهم

هو فيه حد مسؤل فى البلد غير الجيش

كده حيطرو الجيش يقلب على الوش التانى

عيب اوى بصراحه

[تامر.محمد]

طيب يا سيدي الموظف بتاع البنك ده انا مستعد ابادل معاه وظيفتي وموافق بمرتبه الحالي
احنا من 7 سنين اتنبح صوتنا علشان المرتبات ولما جه الوزير يوم الثلاثاء الماضي يطلب الاجتماع معانا وكانت الثورة لسة لم تنجح قلنا له عايز تجتمع يبقي نتكلم عن تحقيق مطالب الثورة وتنسي موضوع المرتبات ده وماتتكلمش فيه ولو اتكلمت اعتبر الاجتماع ملغي وانتصرت في النهاية الراي اللى بيقول ان لا اجتماع الا بعد نجاح الثورة وتحقيق اهدافها
الناس اللى بتتظاهر علشان مصالح فئوية دلوقت من الاخر بيصطادوا في المية العكرة

دكتور محمد
سؤال بغرض اني افهمك اكتر - بصراحة يعني -

ليه بيصطادوا في المياه العكرة ؟
و
حتى الشرطة بتصطاد في المياه العكرة ( لأنهم بيتظاهروا هما كمان) ؟

[heshamzaky]

طيب خدو دى بقى النهاردة و انا فى وسط البلد تحركت ناحية شارع حسين حجازى نفس الشارع الى فية ضريح سعد زغلول لقيت مين بقى عامل مظاهرة مش حا تصدقو بعض أفراد الشرطة شوية امناء و كام ظابط بس عددهم مش قليل مش أقل من حوالى 300 أو 400 فرد كدة الجيش بقى عمل أية قفل بالدبابات من الناحيتين و منعنا تماما من تخطى الحواجز الى عملوها و قال لنا ابعدو للخلف لما بتوع الشرطة حاولو يتحركو ضربو طلقات تحذيرية من المدافع الى على الدبابات صوتها كان زى الرعد و كل أمين شرطة كان بيعدى الناس ماسكينة تريقة و يقولو لة بدل ما تشيل طبنجة فى جنبك شيل رغيف عيش احسن . أنا كنت بضوف من شهر تعاملهم مع الناس هو فى ناس الشارع كان بيتم استخراج صحيفة حالة جنائية (( فيش و تشبية )) بصراحة كانو بيعاملو الناس وحش شوية و بيلطعوهم فى طوابير و منتهى التناكة و هما بيتعاملو النهاردة الشرطة عاملين مظاهرة علشان تحسين أوضاعهم و أحوالهم و دى الصور الى عرفت أصورهم لان الجيش منعنا من الدخول و حاصر المظاهرة لان بعض عناصر الشرطة معاهم سلاح

[heshamzaky]

أنا رايى الشخصى أن بتوع الشرطة بيتظاهرو علشان دى حركة دفاعية يعنى عاوزين يبانو فى موقف أنهم كانو مظلومين و مأمورين و يبينو أنهم من طوائف الشعب و كل دة لكسب تعاطف الناس معاهم . بصراحة حاسس أنها حركة لئيمة بس مفقوسة و باينة قوى أنها مسح جوخ

[dr-mohamed]

دكتور محمد
سؤال بغرض اني افهمك اكتر - بصراحة يعني -

ليه بيصطادوا في المياه العكرة ؟
و
حتى الشرطة بتصطاد في المياه العكرة ( لأنهم بيتظاهروا هما كمان) ؟

اقول لحضرتك رايي بصراحة وقلته من قبل وما زلت مصمم عليه
دلوقت وقت حرج جدا لاقصي درجة في تاريخ مصر والمطلوب بعد ما خرجنا وغيرنا النظام اننا نبني بلدنا علشان تبقي افضل لو كل واحد فينا خرج وعمل مظاهرة علشان مرتبه يزيد طيب مين اللى هايشتغل ؟ طيب البلد هاتبقي احسن ازاي ؟ وخصوصا ان اللى بيتظاهر لازم يقف في مكان يعطل فيه المرور ويعطل بقية الناس عن عملها وبالتالي الدولة كلها الىل المفروض بقت بتاعتنا بتتعطل و ده بيقلل الانتاج بشكل رهيب في المقابل لو زادت مرتبات الناس كلها في ظل انخفاض الايرادات هايحصل تضخم والاسعار ترتبع جدا يبقي معملناش حاجة كنت بتقبض الف جنيه وتشتري احتياجاتك الاساسية هايزيد مرتبك يبقي 3 الاف جنيه ومش هتقدر تشتري الاحتياجات الاساسية نفسها
واه الشرطة بتصطاد في المية العكرة واي حد يتظاهر دلوقت علشان مصلحته الشخصية بيصطاد في المية العكرة ليه لانهم بيستغلوا حالة الضعف الداخلي اللى الدولة بتمر بيها علشان يحققوا مصلحتهم هما مش مصلحة البلد ولو الحكومة وافقت دلوقت على كل مطالبهم هايحصل تضخم رهيب وبردو كلنا هانخسر علشان موظف البنك يزيد مرتبه من 4 الي 10 لااف جنيه وبتاع الاتصالات تبقي علاوته لا تقل عن 200 جنيه وبتوع شركة بتروتريد بتاعة البترول يقبضوا 10 الاف جنيه او معرفش مطالبهم ايه هما كمان
وبقول للجميع وانا اولهم نشتغل الاول ونزود الانتاج بتاعنا والبلد تقف علي حيلها ووقتها نطلب بحقوقنا
لكن نطلب حقوقنا واحنا مش بنقوم بواجباتنا فمرفوض تماما
زي طالب الامتحان بعد اسبوع وعايز يطلع رحلة يومين ويقول حقي لانى مخرجتش طول السنة طيب يا سيدي عدي الامتحانات وابقي اطلع الرحلة ومش يومين بس لا اطلع رحلة اسبوع لكن بعد الامتحانات

لو اناغلطان حضرتك صحح لي

[تامر.محمد]

اقول لحضرتك رايي بصراحة وقلته من قبل وما زلت مصمم عليه
دلوقت وقت حرج جدا لاقصي درجة في تاريخ مصر والمطلوب بعد ما خرجنا وغيرنا النظام اننا نبني بلدنا علشان تبقي افضل لو كل واحد فينا خرج وعمل مظاهرة علشان مرتبه يزيد طيب مين اللى هايشتغل ؟ طيب البلد هاتبقي احسن ازاي ؟ وخصوصا ان اللى بيتظاهر لازم يقف في مكان يعطل فيه المرور ويعطل بقية الناس عن عملها وبالتالي الدولة كلها الىل المفروض بقت بتاعتنا بتتعطل و ده بيقلل الانتاج بشكل رهيب في المقابل لو زادت مرتبات الناس كلها في ظل انخفاض الايرادات هايحصل تضخم والاسعار ترتبع جدا يبقي معملناش حاجة كنت بتقبض الف جنيه وتشتري احتياجاتك الاساسية هايزيد مرتبك يبقي 3 الاف جنيه ومش هتقدر تشتري الاحتياجات الاساسية نفسها
واه الشرطة بتصطاد في المية العكرة واي حد يتظاهر دلوقت علشان مصلحته الشخصية بيصطاد في المية العكرة
وبقول للجميع وانا اولهم نشتغل الاول ونزود الانتاج بتاعنا والبلد تقف علي حيلها ووقتها نطلب بحقوقنا
لكن نطلب حقوقنا واحنا مش بنقوم بواجباتنا فمرفوض تماما
زي طالب الامتحان بعد اسبوع وعايز يطلع رحلة يومين ويقول حقي لانى مخرجتش طول السنة طيب يا سيدي عدي الامتحانات وابقي اطلع الرحلة ومش يومين بس لا اطلع رحلة اسبوع لكن بعد الامتحانات

لو اناغلطان حضرتك صحح لي

يا دكتور محمد انا مش باناقشك بهدف غلط او صح , انا فعلا باحاول افهمك اكتر لأني اقتنعت اني مش فاهمك
الأول بصراحة كنت حاسس انك مع النظام السابق , لكن مؤخرا بدأت اراجع نفسي في النقطة دي

عايز اسألك سؤال كمان قبل ما اكمل

هل حضرتك من الناس اللي شايفين ان مصر لازم تكون كويسة و حلوة و متحضرة و متقدمة ,,,,, و مش شرط ان ده ينعكس بالخير على كل اللي فيها او على الأقل مش مشكلة لو اتأخر عليهم شوية ؟

[dr-mohamed]

يا دكتور محمد انا مش باناقشك بهدف غلط او صح , انا فعلا باحاول افهمك اكتر لأني اقتنعت اني مش فاهمك
الأول بصراحة كنت حاسس انك مع النظام السابق , لكن مؤخرا بدأت اراجع نفسي في النقطة دي
عايز اسألك سؤال كمان قبل ما اكمل
هل حضرتك من الناس اللي شايفين ان مصر لازم تكون كويسة و حلوة و متحضرة و متقدمة ,,,,, و مش شرط ان ده ينعكس بالخير على كل اللي فيها او على الأقل مش مشكلة لو اتأخر عليهم شوية ؟

هههههههههههههههة
يا راجل يا طيب فيه حد ضد النظام السابق ويخرج كل المظاهرات ضده ومن قبل ما ناس هنا في المنتدي تتولد كمان وكل المظاهرات من 25 الى 28
مصر عمرها ما هاتبقي كويسة وحلوة ومتقدمة ومتحضرة وكلنا خارجين مظاهرات وبنعطل الطرق والمصالح علشان نزود مرتباتنا والعلاوات وناخد شقق من المحافظة
مصر هاتبقي كدة لو كل واحد فينا قام بدوره في مكان عمله
لو انتاجية العامل المصري ارتفعت من 37 دقيقة - و دي احصائيات مؤكدة ومن مصادر علمية متعددة ومتنوعة - الى نسب قريبة من المعدلات العالمية
بعدها من حقنا كلنا نطالب بحقنا ومن حقنا يبقي لينا نصيب في ثروة بلدنا
انما نخربها ونقعد على تلها ونقول لا لازم تزود مرتبي الاول وبعد كدة اشتغل يبقي البلد هاتخرب
تخيل حضرتك ان العاملين في المياه والكهرباء والاتصالات اضربوا ورفضوا العمل الا بعد زيادة مرتباتهم هاتبقي الحياة في مصر عاملة ازاي وقس على ذلك باقي الاعمال
انا مع ان كل فرد يحصل على نصيب عادل من ثروة البلد لكن بعد ما يقوم بدوره الاول
احنا مرتباتنا لم تزد من السبعينات ومن سنين بنطالب بزيادتها لكن دلوقت لا دلوقت البلد وبس

[M.Osman]

للأسف مش ذنبهم

[otefa]

الحل من وجهة نظري وبببساطة
طلبات تقدم بما يشتكو منه الى الوزير المختص......والصبر قليلا على المسؤلين لتصحيح الأوضاع دون تعطيل عجلة الأنتاج

[maka]

للأسف مش ذنبهم

+1

فيه ناس منهم اتظاهرت جوه اماكنهم + ان فعلا رواتبهم معدمة

و منهم ناس برضه كانوا فى التحرير

[gassarian]

يا جماعة دول لسة مصرين للأن على موقفهم المعارض للثورة و يحاولون تدمير الثورة بهذه الأفعال... و يجب الحذر من هذا

الموجودين بالتحرير ينظفون الميدان و المعتصمون ينتظرون تعهداً من الجيش بالوفاء بأهداف الثورة من حالة الطوارىء و حكومة الإئتلاف و إقالة الوزارة الحالية ..... و لا نلومهم على ذلك و قد بدأوا يتمركزون في إعتصامهم في الحديقة ( لا أعلم تفاصيل المكان ) حتى لا يعطلوا مصالح الناس ....... حتى الأن الجيش أقر بشرعية المطالب و لكن لم يبدي إنضمامه للثورة....
حيادية الجيش كانت واجبة أثناء أحداث الثورة قبل تنحي الرئيس و لكن بعد التنحي كان من المفترض أن يتبناها الجيش ... حتى لا يشعر الناس أنه كان جزء من النظام الأمني لمبارك
لاحظوا أيضاً أن وجود مبارك على أغلب الظنون في شرم الشيخ يثير حفيظة الناس و يسبب فعلاً عدم الإستقرار..... و معظم الأمور سوف تستقر إذا بدأ إجراءات محاسبتته أو محاكمته ليكون عبرة للأتي من الرؤساء

هذا رأيي

[memo_p910]

في مصنع اخويا ( أدكو ) للأدويه العمال اوقفوا الماكينات وطردوا مديرة قطاع بالشركه واعتدوا على الاداريين شغل بلطجه وعدم ثقافه

[dr-mohamed]

يا جماعة دول لسة مصرين للأن على موقفهم المعارض للثورة و يحاولون تدمير الثورة بهذه الأفعال... و يجب الحذر من هذا

هم مين دول المعارضين للثورة وبيحاولوا يجهضوها ؟؟؟؟؟؟

الموجودين بالتحرير ينظفون الميدان و المعتصمون ينتظرون تعهداً من الجيش بالوفاء بأهداف الثورة من حالة الطوارىء و حكومة الإئتلاف و إقالة الوزارة الحالية .....
والمفروض ده يتعمل في يوم وليلة ؟؟؟

والجيش هايعمل ايه اكتر من البيان رقم 5 ؟؟؟؟؟؟؟
بلاش البعض يدفع الجيش للبيان 6

و لا نلومهم على ذلك و قد بدأوا يتمركزون في إعتصامهم في الحديقة ( لا أعلم تفاصيل المكان ) حتى لا يعطلوا مصالح الناس ....... حتى الأن الجيش أقر بشرعية المطالب و لكن لم يبدي إنضمامه للثورة....
ازاي يعني الجيش يبدي انضمامه للثورة ؟
ظباط وعساكر الجيش ينزلوا يتظاهروا هما كمان ؟

حيادية الجيش كانت واجبة أثناء أحداث الثورة قبل تنحي الرئيس و لكن بعد التنحي كان من المفترض أن يتبناها الجيش ... حتى لا يشعر الناس أنه كان جزء من النظام الأمني لمبارك

هانبدا حملة تشكيك في الجيش ولا ايه الحكاية ؟

[Khaled_Nowaihy]

موظفين :
انتاجية = 0
تعليم = 1/2 متعلمين مع ان بعضهم بكالوريوس أو ليسانس ... وفيه حاملى دكتوراه كمان
وعاوزين حقوقهم