أحذروا ثورة الجياع بدأت بالأسكندرية

[ashouhdy]

من منتصف شارع فؤاد حتى ساعة الزهور أمام قسم باب شرق (سابقا)

أسف انى أقول جماعة بالمئات من أصيع ما أنجبة نظام مبارك السابق

فى منتصف الشارع يصرخون ولأول مرة :

بيخبطوا على العربيات الملاكى بنية الترويع ولسانهم يقول راكبين ملاكى واحنا مش لاقيين ناكل واكلين حقوقنا وفلوسنا

هو دة ميراث مبارك للشعب

رجاء من ساكنى الأسكندرية عدم الذهاب الى شارع فؤاد المنشية محطة الرمل ساعة الزهور الشلالات

أستر يارب

ومفيش جيش عشان اللى حيقول كلم الجيش.

أنا عملت مش واخد بالى وقفلت السنتر و الأزاز ومشيت ببطء شديد لأنهم كانوا عايزين بس حد يرد عليهم ويبدأ التخريب

[تامر.محمد]

لا حول ولا قوة الا بالله

اهما دول على وصفك أسوأ ما أنجب النظام البائد

يا ريتهم كانوا قاموا عليه كان بقى احسن

لكن دول في الاغلب اللي كانوا بيشتغلوا له بلطجية

للأسف , هما ضحايا لكن هاينقلبوا جناة

[ashouhdy]

... والله كان رعب.

ومحدش معاة سلاح ... والحياة اصلا رجعت طبيعية فى اسكندرية يعنى لو شفت 300 واحد تفتكرهم 3000 مثلا ... كان منظر مروع

حاولت أكلم الجيش كانت كل الخطوط مشغولة ... وطبعا ماجاش ليا قلب اطلع الموبايل واصور كان حيتنشل فى لحظة

...أنا بفكر جديا أشترى سلاح حى

[elassar2010]

للاسف بدات

البلطجية عندنا استولوا على ابراح كاملة والراجل يطلعهم

سواقين التاكسى واقفين فى عرض اكبر شارع عندنا والشارع الرئيسى علشان العربيات ماتمشيش
ولو لقوا واحد شاكين انة مشغل العربية بتاعتة تاكس بيفرموة

ولا فى جيش ولا شرطة

[تامر.محمد]

انا حاسس ان المواضيع دي مدبرة

اشمعنى النهارده يعني ؟؟؟؟

[ashouhdy]

ياجماعة بجد اللجان الشعبية لازم ترجع تانى بكل قوة ...

[nevozaky]

انا حاسس ان المواضيع دي مدبرة

اشمعنى النهارده يعني ؟؟؟؟

مش فاهمة قصد حضرتك ممكن توضح اكتر لوسمحت .

[midohtato]

انا حاسس ان المواضيع دي مدبرة

اشمعنى النهارده يعني ؟؟؟؟

+11111111111111

انا بردو حاسس بكدة

[Donzi]

غريب الكلام دا و التوقيت كمان !!!

[heshamzaky]

ملحوظة أخدت بالى منها اليوم الى كان بينظم أشارات المرور فى القاهرة فى بعض المناطق كان عساكر الشرطة العسكرية .

[Qmax]

ربنا يعدي الأيام دي على خير
أعضاء المجالس المزوره أكيد انهاروا لما عرفوا ان اللعبه انتهت وكل واحد دفع مئات الألاف خسرها وهايبدئوأ تخريب من تاني

[تامر.محمد]

مش فاهمة قصد حضرتك ممكن توضح اكتر لوسمحت .

الاحتجاجات الفئوية موجودة من فترة

انما ثورة الجياع دي ليه تحصل دلوقت ؟
اذا كان مافيش امن من فترة اصلا ؟؟؟


عموما
باقول لكم ايه
حد يبعت استغاثة لوسائل الاعلام , التليفزيون المصري و قناة الجزيرة على أقل تقدير

[zaza_lanos]

امتى بقى هنخلص من الزبالة ده

[ashouhdy]

وهو حيكون مين أساسا اللى مدبرها ؟؟؟ أنتقام من النظام القديم

معتقدش

دة بسبب البطء الشدييييييييييد لرجوع الشرطة لعملها وبسبب تحرك الجيش البطئ برضة فى المواقع واستجابتة للأستغاثات

وممنساش البيان 3 او 4 لما اللواء قال على الشعب انة يشيل مسئولية نفسة فى الفترة اللى جاية

أنا عايز أرخص سلاح ..او اجيب سلاح مش مستعد اكون مع مراتى امى او اختى ويطلع عليا الناس دى والله اعلم ممكن يحصل اية

[nevozaky]

الاحتجاجات الفئوية موجودة من فترة

انما ثورة الجياع دي ليه تحصل دلوقت ؟
اذا كان مافيش امن من فترة اصلا ؟؟؟


عموما
باقول لكم ايه
حد يبعت استغاثة لوسائل الاعلام , التليفزيون المصري و قناة الجزيرة على أقل تقدير

انا كنت فاهمة كده برضه.بس افتكرت ان حضرتك فى حاجة تانية انا مش فاهمها.ميرسى لاهتمامك وللتوضيح