أحذروا ثورة الجياع بدأت بالأسكندرية

[MBhead]

لو ضربت نار يعنى طلقة حية فى رجل بنى أدم لو المسافة قريبة ممكن بمنتهى السهولة أن تسبب لة عجز دائم لان العظم اغلب الظن ممكن جدا بسهولة يتكسر و لو الضربة كانت ناحية الفخذ ممكن جدا لو اصابت شريان لو ما تمش أيقاف النزيف و أتلحق الله أعلم ممكن يتوفى . لو حضرتك شوفت شكل المقذوف النارى بعد اطلاقها من اقل طبنجة فى القوة زى الحلوان ال 9 ميللى حا تقدر حجم الاذى الى ممكن يحصل لة

+1111111111111111111111111111111111111
حضرتك انا شفت في الايام السودة اللي فاتت شباب اسمحلي اقول (عيال ) ماسكين اسلحة و كمان اسلحة ممنوع ترخيصها زي الغلوك مثلا و بيلعب بيه ...كنت عايز انصحه و افهم انه ممكن بدون قصد يطلع منه طلقة تموت انسان
او ان لو ظابط جيش شافه حيقدمه للمحاكمة العسكرية فوراااااااااااا
بس اللي اكتشفته ان في ناس فرحانه بالسلاح كعادة الشعب المصري دائما بيستخدم الاشياء غلط

[heshamzaky]

+1111111111111111111111111111111111111
حضرتك انا شفت في الايام السودة اللي فاتت شباب اسمحلي اقول (عيال ) ماسكين اسلحة و كمان اسلحة ممنوع ترخيصها زي الغلوك مثلا و بيلعب بيه ...كنت عايز انصحه و افهم انه ممكن بدون قصد يطلع منه طلقة تموت انسان
او ان لو ظابط جيش شافه حيقدمه للمحاكمة العسكرية فوراااااااااااا
بس اللي اكتشفته ان في ناس فرحانه بالسلاح كعادة الشعب المصري دائما بيستخدم الاشياء غلط

الى بتقولة زميل لينا فى المنتدى قالى أنة حدث بالفعل فى الهرم ناس وقفو شاب راكب موتسيكل و الى وقفة معاة طبنجة و أهبل و كانت متعمرة انطلق منها عيار أصاب الشاب و مات فى الحال و الولد طبعا رمى الطبنجة و جرى و دة أسمة رعونة فعلا . و هنا أنا شوفت ولاد صغيرة يعنى 16 و 18 سنة بالكتير جدا كل واحد نازل من البيت و ماسك أكبر سكينة لقاها فى المطبخ فى بيتهم و المضحك جايب المسن بتاع السكاكين و عمال يسن فى السكينة هو مش مقدر بجد فعلا لو ضرب حد من غير ما يقصد او هو شخصيا ممكن يتعور بيها . السلاح خطر و خطر جدا كمان ممكن يؤدى الى كوارث

[ashouhdy]

ما انت مشفتش المناظر ياهشام بية

لما تبقى اقعد فى عربيتك وتلاقى 300 واحد حواليك بيشتموا فيك وهبد رزع على الكبوت و السقف ويحاوللو يفتحوا الباب وقتها حتتمنى يكون معاك رشاااااااااش

[heshamzaky]

ما انت مشفتش المناظر ياهشام بية

لما تبقى اقعد فى عربيتك وتلاقى 300 واحد حواليك بيشتموا فيك وهبد رزع على الكبوت و السقف ويحاوللو يفتحوا الباب وقتها حتتمنى يكون معاك رشاااااااااش

متخيل و حصلت معايا كام مرة بص ساعتها التصرف السليم و عين العقل أنك تفضل جوة العربية لآنة عاوز يحتك بيك و طبعا الطبيعى ان دمك يغلى و تنزل تتخانق مع واحد دة اكبر غلطة ممكن تقع فيها لانهم حا يتلمو عليك و عينك ما حتشوف الا النور ههههههه خلى بالك هو بيتحرك بدافع من دوافع الحقد و ما تضمنش الى يحصل يبقى التصرف السليم أنك تلم الموضوع و زى ما خبط على العربية و رزع بغل سيبة و حتى لو كسر لك لاقدر الله زجاج سيبهم لانهم كتير جدا جدا . لو واحد لوحدة حا أقولك أنزل و زعلة و دغدغة كمان لو عاوز بس فى حالة وجود أعداد كبيرة أوعى تخلى المحرك الى بيحركك هو الغضب فقط لازم تبقى حاسب المعركة حا تبقى خاسرة و لا تقدر تفوز فيها . فى القاهرة شوفت مجموعة زى كدة كلهم عيال و استغفر الله مناظرهم تشرد بيعملو كدة و ممكن يسرقو الى حا تطولة ايديهم

[dodino2006]

بلاش تظلمهم يا أ/شهدي, دي غالباً ناس عرفوا امبارح بس ان البلد فيها ثورة, و سمعوا ان في ناس اغنياء هما اللي سرقوا البلد, و بالنسبالهم الغني الحرامي هو كل كائن يقود سيارة ملاكي, من اول المرسيدس لحد ال 127, فقرروا النزول للبلد للقيام بواجبهم الوطني و استرداد الأموال المنهوبة...


.

[ashouhdy]

بلاش تظلمهم يا أ/شهدي, دي غالباً ناس عرفوا امبارح بس ان البلد فيها ثورة, و سمعوا ان في ناس اغنياء هما اللي سرقوا البلد, و بالنسبالهم الغني الحرامي هو كل كائن يقود سيارة ملاكي, من اول المرسيدس لحد ال 127, فقرروا النزول للبلد للقيام بواجبهم الوطني و استرداد الأموال المنهوبة...


.

[sara2001]

طب ما يمكن دول المأجورين بتوع رجال الأعمال والحزب الوطني
ولسه بيأدوا دورهم في الترويع

[yascro]

طب ما يمكن دول المأجورين بتوع رجال الأعمال والحزب الوطني
ولسه بيأدوا دورهم في الترويع

دا رايى برضه

[mostafa3000]

دول ازيال النظام تبع البهوات زي صفوت وفتحي سرور وغيرهم كتير
دول عايزين مصر تبقي فوضي

[SunSet]

أعتقد ده زي بالضبط فتح السجون اللي النظام الفاسد عمله لترويع الناس

يعني خطة برضه طالما ان النظام لم يسقط وفلوله ليست في مكانها الطبيعي في السجون

[a7madramadan]

انا قرأت أول صفحتين وحالا خلصت مكالمة مع ظابط في الجيش قالي بكرة ان شاء الله هيتصدوا ليهم وهم ماكانش ينفع يطلعوا لباب شرق علشان مافيش عدد كافي وهيحاولوا يتصرفوا بكرة لو تكرر.....وقال ان النهاردة وصلت بلاغات كتير في شرق ووسط اسكندرية...وان شاء الله خير ربنا يعدي الأيام الجاية على خير إلا الوضع مابقاش مطمن

[ashouhdy]

ربنا يطمنك ياشيخ ذى ما طمنت قلبى .... الحمد لله المشكلة ان افراد الجيش تفرغوا لتنظيم المرور ...

[nevozaky]

طب ما يمكن دول المأجورين بتوع رجال الأعمال والحزب الوطني
ولسه بيأدوا دورهم في الترويع

انا رايى من رايك يا سارة برضو .كل اللى لى مصالح بيحاول يحميها .وبما انهم بقوا خارج النظام وخارج الهيكل فييفكروا يخربوها .يعنى عليا وعلى اعدائى

[sara2001]

انا رايى من رايك يا سارة برضو .كل اللى لى مصالح بيحاول يحميها .وبما انهم بقوا خارج النظام وخارج الهيكل فييفكروا يخربوها .يعنى عليا وعلى اعدائى

هو ده قصدي بالظبط يا نيفو
فى مراكز قوي وافراد من الحزب الوطني غير مجلس الشعب وبعض رجال الأعمال
(شلة منتفعين والثوره اضرت بمصالحهم) لسه مفيش اي سلطه من الجيش عليهم
في علامات استفهام كتير وكأن التنحي ده حاجه صوريه
ودي حاجه تقلق جداً جداً
انا خايفه يحصل انقلاب على الإنقلاب

[ALSHaRKAWY]

يا جماعة اطمنوا وتذكروا قول الله تعالى : ( قل لن يصيبنا الا ما كتب اللــــــــــــــه لنا) بمعنى اللى مكتوب له حاجة هيشوفها طالما انك لم ترمى نفسك فى التهلكة ويجب الايمان بالقدر خيره وشره وكمان الشرطة هتعود سريعا وكل من اخذ حق غير حقه من هؤلاء البلطجية سوف يفر مثل الفأر ومن المضحك ان لدينا بالزقازيق قام بعض البلطجية ببناء اكشاك فى مناطق حيوية جدا وتمثل عائق للمرور فطبعا كل هذه الاكشاك سوف تتهد بعد رجوع الشرطة و يبقى البلطجية هم الخاسرون تكلفة بنائها وكذلك فى الاراضى