لما لا يكون زويل رئيساً

[NoRmAl]

السلام عليكم

لا أزيع سراً ان قلت أننى كنت من اشد المعارضين لفكره تولى العلماء لمنصب الرئاسه على خلفيه اننا بلد من الاصل حربى مهدد فى اى وقت
حتى استراتيجيا ليس لنا الا عدو واحد وهو جارنا
لكن لما استمعت لكلام زويل فى حديثه فى مصر النهارده عرفت ان هذا الرجل اكبر من منصب وزير البحث العلمى الى كنت بفكر فى فصله عن التعليم العالى ليتولاه عالم بازغ مثل زويل
ايقنت اننا كنا ومازلنا حاصرين مصر فى دور عسكرى سياسي بحت
فمثلا فى اخر استطلاع هنا على نايل موتورز فاز عمرو موسى بمنصب الرئاسه باغلبيه كاسحه - وقد ساهمت فى ذلك - وكنت ومازلت بقول على موسى شخصيه فريده متفتحه
لكن خلينا ننظر بصوره اكبر
اين مصر
الجميع ينظر لمصر ومكانتها عسكريا وعربيا واقليميا
القضيه الفلسطينيه وعلاقتنا بالغرب واسرائيل
و كفى
حد فكر فى مكانتنا العلميه وترتيب جامعتنا!
مصر استهلكت فكريا وسياسيا وعسكريا على مر العصور
سيكون فى مقدور موسى التقدم بمصر فعليا!
ولكن بقد ايه؟
موسى شارب سياسه المنطقه ولن ياتى بجديد سوى تقدم طفيف فى سياستنا خارجيا وتقدم كبير داخليا متوقع لشعب ابيّ لن يُقهر من احد بعد ٢٥ يناير
نحن لسنا فى حاجه الى مبارك اكثر حريه واكثر ديمقراطيه
لا
نحن فى حاجه الى تغيير شامل وكامل فى كل شىء
علميا وثقافيا وسياسيا وعسكريا وفى كل المجالات
واتصور ان العلم سيلبى جميع مطالبنا بالعلم سنتقدم وسط الشعوب بالعلم سنقوى عسكريا واقليميا بالعلم سنتعرف على الديمقراطيه
مصر فى حاجه الى الانفتاح الحقيقي على العالم الخارجى ودا عمره مهيجى الى بالاستعانه بعلمائنا بالخارج والداخل لبناء دوله مدنيه - ولاول مره فى تاريخ مصر العسكريه - صناعيه مصنفه عالمياً
لذا انا قررت التخلى عن فكره ان الدكتور زويل رجل ببالطو لا يصلح الا بالمعمل الي انه شخصيه هى الافضل لقياده مصر بالذات فى العشر سنين الاولى بعد الثوره ليرسم لمصر ملامح يمشى الوطن لتطبيقها
سأرشح زويل إن تقدم للمنصب وأملى ان الناس تفهم وجهه نظري وننسى تفكيرنا الماضى شويه ونشوف مصر العلميه شكلها هيبقى عامل ازاى وممكن يوصلنا لايه
ساكون حزين ان مرت الفرصه دون منستفيد بالفكر العلمى دا الى غيرنا سبقنا ليه بقرون وبسواعد ابنائنا كمان
مع كامل أحترامى لجميع الاسماء المطروحه للرئاسه لكن أى منهم لن يصنع من مصر يابان أخرى أو هند أخرى أو ماليزيا أخرى
لكن علمائنا قادرون ولنعطى لهم هذه الفرصه
شكرا

[opelawy]

+1 with restrictions
يعني ممكن يكون وزير تعليم عالي و مستشار الرئيس مع صلاحيات نافذة لتعديل اي حاحة في البلد

[NoRmAl]

+1 with restrictions
يعني ممكن يكون وزير تعليم عالي و مستشار الرئيس مع صلاحيات نافذة لتعديل اي حاحة في البلد

طيب ليه مينفعش رئيس بجميع الصلاحيات
طبعا جميع الصلاحيات بعد تقليصها فى دستور جديد بعد الثوره
أقصد لا يمكن يجى رئيس بتلك الصلاحيات المطلقه الى كانت مع مبارك
لكن أقصد ليه مينفعش يكون رئيس متحكم بجميع المجالات
أنا عارف أنك أصدق السياسه
لكن خلينى أقولك أنى بردو كنت معترض على نفس النقطه لكن لما سمعت الحوار عرفت ان الراجل بردو واعى بالسياسه
وكمان دارسها

[nour_nrc]

‫ظ…ط¹ط§ ظ†ط¯ط¹ظˆ ط²ظˆظٹظ„ ظ„ظٹظƒظˆظ† ط±ط¦ظٹط³ط§ ظ„ظ…طµط± ظپظٹ ط¹ظ‡ط¯ظ‡ط§ ط§ظ„ط¬ط¯ظٹط¯ | Facebook‬

[medo2o1o]

المشكلة انه معاه الجنسية الامريكية

لكن لو تغاضينا عن هذه النقطة يقدم برنامجه لو عجبنى اروح ارشحه

على فكرة مصر لازم تروح تدى صوتها عشان تحس قد ايه كانت محرومة من الحرية

و نفسى بجد يلغوا الحصانة من بتوع مجلس الشعب

بس انا عادى جدا ان واحد عالم يمسك ايه المانع ابسط مشال مهاتير محمد شوفوا عمل ايه فى ماليزيا و كان طبيب

كله يقدم برنامجه انا افصص و بعدين اختار

[ahmed1981]

شكراً على الموضوع

لكني لن أرشح لرئاسة الجمهورية أي شخص مستورد
وما أقصده بشخص مستورد هو أي شخص عاش أغلب حياته خارج مصر برغبته وتشبعت داخل جسده التقاليد الغربية التي لا أريد رؤيتها في مصر

ومن أمثلة المستوردين:
البرادعي وأحمد زويل

لكن لا أعارض الإستفادة من خبراتهم العلمية في وزارات التعليم العالي والبحث العلمي والصناعة وغيرها من الوزارات التي تتطلب الحداثة والتطور

وهذا لا يشمل وزارة التربية والتعليم الأساسي

[NoRmAl]

المشكلة انه معاه الجنسية الامريكية

لكن لو تغاضينا عن هذه النقطة يقدم برنامجه لو عجبنى اروح ارشحه

على فكرة مصر لازم تروح تدى صوتها عشان تحس قد ايه كانت محرومة من الحرية

و نفسى بجد يلغوا الحصانة من بتوع مجلس الشعب

بس انا عادى جدا ان واحد عالم يمسك ايه المانع ابسط مشال مهاتير محمد شوفوا عمل ايه فى ماليزيا و كان طبيب

كله يقدم برنامجه انا افصص و بعدين اختار

هو فعلا أجمل نقطه حكايه أننا ولأول مره هنقرا البرامج ونختار مبينها
وأخيرا صوتنا هيبقاله صدى وهيأثر
وفعلا الكل هيقدم برامج وكل واحد هياخد رأيه
شكرا يا باشا

شكراً على الموضوع

لكني لن أرشح لرئاسة الجمهورية أي شخص مستورد
وما أقصده بشخص مستورد هو أي شخص عاش أغلب حياته خارج مصر برغبته وتشبعت داخل جسده التقاليد الغربية التي لا أريد رؤيتها في مصر

ومن أمثلة المستوردين:
البرادعي وأحمد زويل

لكن لا أعارض الإستفادة من خبراتهم العلمية في وزارات التعليم العالي والبحث العلمي والصناعة وغيرها من الوزارات التي تتطلب الحداثة والتطور

وهذا لا يشمل وزارة التربية والتعليم الأساسي

مفهوم وجه نظر حضرتك
أنا معاك وهاجمت البرادعى بضراوه وعلى المنتدى هنا ومشاركاتى ورأيي فيه معروف
لكن حضرتك أخطأت لما جمعت البرادعى بزويل فى "جمله"
البرادعى نعم قضى حياته خارج مصر ولم يزورها إلا لما لقى نفسه فاضى وملوش شغله ولامشغله فقال يهاجم النظام ويبرشت على شعب عانى لعقود
يعنى لم أتصور أنى أتذكر أخر زياره ليه أيام النظام
لكن زويل!!!
الرجل بيزور مصر أكثر من مره فى العام الواحد
بيلقى محاضرات على أرضها وبيحضرله ألاف الشباب
بيستمعوا ليه وبيستمع ليهم
وبيقابل اصدقائه هنا ويعرف كل كبيره وصغيره عن مصر بل والادهى أنه بنفسه عامل أحصاءات عن الداخل المصرى
أذا زويل لا ليس مستورد
أتصور أنه أثبت أنه مصرى لزياراته الى متتعدش ومشروعه الى بقاله عقود أيضا بيحاول يعمله لولا تصدى المسؤلين!
لكن البرادعى زياراته لمصر تعد على اصابع اليد الواحده
وشكرا على رأى حضرتك :)

[د/أحمد ابراهيم]

بشخص مستورد هو أي شخص عاش أغلب حياته خارج مصر برغبته وتشبعت داخل جسده التقاليد الغربية التي لا أريد رؤيتها في مصر

كلام سليم

انا كنت بحترم زويل جدا لغايه ما شفت صور عائلته

بصراحة وقع من نظري

هو عالم وفقط وينفع مستشار في مجاله فقط لاكن عشان يحكم دولة مسلمه !! لا طبعا

[MRBEBO]

هو عالم وفقط وينفع مستشار في مجاله فقط لاكن عشان يحكم دولة مسلمه !! لا طبعا

المفروض مصر تبقى دولة مدنية ... مش دولة دينية ... ده افضل واحسن بكتير والامثلة كتيرة جدا حولينا

ومدنية الدولة مش معناها الدولة هيبقى فيها انحلال لا دي معناها مفيش تفرقة بين اي انسان واخر على اساس دينه او معتقده

يعني احترام الكل والكل لهم نفس الحقوق وعليهم نفس الواجبات .... وكفيانا تمييز بقه

الدين لله والوطن للجميع

[SeiffoZ]

للأسف مصر دولة مركزية ...

و هو مايقدؤش يعمل حاجة إلا لو كان رئيس ...

و إحنا محتاجين الناس إللى إتعلمت برا و فهمت و عاشت و إتعلمت و تثقفت فى العالم المتحضر ... عشان تفيد بلدها ..

و أنا أرشحه كرئيس للجمهورية ...

الموضوع أشبه بمحمد على ... بعث ناس تتعلم .. و تيجى تفيد ..

هذا وقت العلم ..

[SeiffoZ]

كلام سليم

انا كنت بحترم زويل جدا لغايه ما شفت صور عائلته

بصراحة وقع من نظري

هو عالم وفقط وينفع مستشار في مجاله فقط لاكن عشان يحكم دولة مسلمه !! لا طبعا

طب عايز مين يحكم ؟؟؟

مصر دولة مدنية علمية بدون تمييز إن شاء الله ...

هو الأمل فى نهضة مصر العلمية ..

كفايانا بقى فى عصر الظلام ده.

[Mahmoud Nagieb]

[size=4][color=blue]
مفهوم وجه نظر حضرتك
أنا معاك وهاجمت البرادعى بضراوه وعلى المنتدى هنا ومشاركاتى ورأيي فيه معروف
لكن حضرتك أخطأت لما جمعت البرادعى بزويل فى "جمله"
البرادعى نعم قضى حياته خارج مصر ولم يزورها إلا لما لقى نفسه فاضى وملوش شغله ولامشغله فقال يهاجم النظام ويبرشت على شعب عانى لعقود
يعنى لم أتصور أنى أتذكر أخر زياره ليه أيام النظام
لكن زويل!!!
الرجل بيزور مصر أكثر من مره فى العام الواحد
بيلقى محاضرات على أرضها وبيحضرله ألاف الشباب
بيستمعوا ليه وبيستمع ليهم
وبيقابل اصدقائه هنا ويعرف كل كبيره وصغيره عن مصر بل والادهى أنه بنفسه عامل أحصاءات عن الداخل المصرى
أذا زويل لا ليس مستورد
أتصور أنه أثبت أنه مصرى لزياراته الى متتعدش ومشروعه الى بقاله عقود أيضا بيحاول يعمله لولا تصدى المسؤلين!
لكن البرادعى زياراته لمصر تعد على اصابع اليد الواحده
وشكرا على رأى حضرتك :)

مع إحترامى لوجهة نظرك ..... انت قولت المشكلة فى ردك .... بيزور مصر اكتر من مرة فى العام ...... مينفعش راجل كل معلوماته عن بلده الام بتبقى سمع ومبيحتكش بأفراد شعبه غير طبقات معينة .... مينفعش واحد بالظروف ده يبقى رئيس الجمهورية

بالاضافة إلى اقتناعى التام بان الولاء والنزاهة حاجة ... وقدرتك على لعب لعبة السياسة ده حاجة تانية .... احنا محتاجين واحد يكون عارف اللى بيحصل فى السياسة وراء الكواليس ويكون واخد خبرة كافية فى مثل هذه الامور .... متقنعنيش ان زويل يبقى رئيس الجمهورية وبعدين يدخل القصر ويشوف ملفات عمره ما سمع عنها ويمسع عن تقاليد وتصرفات بتحصل بين الدول هو ميعرفهاش اصلا

انا اؤيد زويل انه يرتقى بالمنظومة العلمية بمصر وخاصة التعليم الابتدائى ... بس غير كده انا مش موافق عليه ... لان لابد ان نوظف كل كفائة عندنا فى مجالها علشان نعرف نعدى من الازمة ده بسلام

رأئيى: انا ادعم عمرو موسى او الجنزورى لو حد فيهم اترشح مع الاخذ بالعلم ان فترة الحكم غالبا هتبقى 4 او 5 سنين وعدد فترات الحكم هتبقى محدودة غالبا بمرتين برضه .... يعنى لو ربنا إدانى طولة العمر المفروض اشوف رؤساء سابقين لمصر :d

تحياتى ليك

[ams]

اتمنى ان يكون زويل هو الرئيس
لانه صاحب رؤية و تفكير تحليلى و ابداعى على اعلى المستويات
لكن معرفتى باهل بلدى و بساطتهم بتقول انهم هيختاروا عمرو موسى و مش هيختارو "امريكانى"
و كل واحد حر
اللهم ولى امورنا خيارنا

[M.Elwan]

طب عايز مين يحكم ؟؟؟

مصر دولة مدنية علمية بدون تمييز إن شاء الله ...

هو الأمل فى نهضة مصر العلمية ..

كفايانا بقى فى عصر الظلام ده.

+1

انا اؤيد الفكرة مش شرط زويل بس المهم يكون حد عنده التوجة ده هو نهضة علمية تنقل البلد نقلة كبيرة فى اتجاة العالم الاول ويقعد مدة واحدة وبعد كده نقولة متشكرين ويجيى رئيس تانى يكمل ويبدء فى نهضة اخرى صناعية او زراعية
اهم حاجة يتحدد مددد الرئاسة عشان ميجيش يعمل نهضة علمية يقعد يعملها فى 30 سنة

[otefa]

لست مع أختيار زويل كرئيس
نصبر ونشوف مين ممكن يظهر على الساحة الفترة القادمة بعد التعديلات الدستورية وقوانين الأحزاب