الدنيا اتقلبت عندنا فى الشغل والحمد لله

[أبو إياد]

تظاهر أكثر من 800 موظف ببنك التنمية الصناعية ظهر اليوم يطالبون بإقالة رئيس مجلس الإدارة شاهين سراج الدين ومستشاريه خاصة بعدما وصف المتظاهرون إدارة البنك بأنها تعمل علي إهدار المال العام واتباع منهج الوساطة والمحسوبية.
وقال المتظاهرون إن خسائر البنك وصلت إلى أكثر من نصف رأس المال حيث وصلت الخسائر مجمعة إلي 270 مليون جنيه هذا، ولم يتم اعتماد ميزانية عام 2008 و2009 و2010 حتي الآن.
وأكدوا أن مجلس الإدارة يضغط علي العاملين بإدارات الائتمان لمنح قروض لمن لايستحق.. لافتين إلي أنهم يملكون مستندات تؤكد الاتهامات، موضحين أنهم عندما طلبوا من رئيس مجلس الإدارة أن يجلسوا معه ويتفاوضون فكان رده عليهم مهينا.
وطالبوا المستشار عبد المجيد محمود النائب العام بفتح تحقيق عاجل للمخالفات الموجودة بالبنك خاصة أنه يتم إهدار ملايين الجنيهات من أموال الدولة.

http://gate.ahram.org.eg/News......./14/58/39694/%D8%A7%D9%82%D8%AA%D8%B5%D8%A7%D8%AF/%D8%A8%D9%86%D9%88%D9%83-%D9%88-%D8%B4%D8%B1%D9%83%D8%A7%D8%AA/%D9%85%D9%88%D8%B8%D9%81%D9%88-%D8%A8%D9%86%D9%83-%D8%A7%D9%84%D8%AA%D9%86%D9%85%D9%8A%D8%A9-%D8%A7%D9%84%D8%B5%D9%86%D8%A7%D8%B9%D9%8A%D8%A9-%D9%8A%D8%B7%D8%A7%D9%84%D8%A8%D9%88%D9%86-%D8%A8%D8%A5%D9%82%D8%A7%D9%84%D8%A9-%D9%82%D9%8A%D8%A7%D8%AF%D8%A7%D8%AA%D9%87.aspx

[abo_anas]

والله العظيم رجاله , ايو ه كده انا نفسى اى حد شايف الفساد بعنيه يغيره بقدر المستطاع,

وجع ساعه ولا وجع كل ساعه.
ومحدش يقول المظاهرات الهادفه الشريفه اللى زى دى هتوقف حال البلد اذا قولنا كده يبقى عليه العوض ومش هنتغير طول عمرنا .

الفرصه جتلنا لحد عندنا . ومرحبا باللى عاوز ينضف وينضف بلده

[أبو إياد]

عندما طلبوا من رئيس مجلس الإدارة أن يجلسوا معه ويتفاوضون فكان رده عليهم مهينا.

الرد المهين كان

بالجزمه

[gassarian]

ما هي المظاهرات دي تساعد الثورة على جز كل رؤوس الفساد الكبار و الصغار

اللي بيسرق مليار زي اللي بيسرق جنيه واحد ( مش بالظبط يعني)

أما من يشوهون هذه المظاهرات من هؤلاء الذين يريدون إستئناف العمل و خلاص لأنه كان مرتب نفسه على وضع الفساد اللي كنا فيه.... هم من يقولون أن هذه المظاهرات تطالب بتحسين المرتبات و توزيع شقق (يعني إستهبال).... أنا أعتبرهم جزء من النظام من يقولون هذا.... من يترحمون على أمن الدولة و الأمن المركزي.......... من غلت عنده نفسه و رخص الناس كلهم في المقابل

حتى الشرطة و مظاهراتهم فيجب التحقيق فيها.... قد تكون حقيقة أو إستكمال لمسلسل الخيانة.......فلوس إيه و لا علاج إيه دلوقتي........ و لا إتكلموا لما لقيوا إنهم ربما مش هيعرفوا يبتزونا أو يبلطجوا علينا و يأخدوا فلوس مش من حقهم عافيه زي الأول؟!!!!!!!! يا رب إهديهم

[أبو إياد]

رفض البنك المركزي، اليوم استقالة طارق عامر رئيس البنك الأهلي المصري الذي تقدم بها اليوم بعد مظاهرات قام بها العاملون ضده يطالبونه فيها بالاستقالة،
قال الموظفون: إن عدم قبول استقالة عامر متوقع، قائلين: إن قبولها يعني إقرار من "المركزي" بوجود مخالفات داخل "الأهلي المصري"


ولان اغلب البنوك غدا اعلنت الاضراب عن العمل فقرر المحافظ غلق البنوك غدا وبعده

[Everlasting]

لازم كل الهيئات والمصالح الحكومية يحصل فيها تطهير ذاتي من خلال موظفيها لإسقاط كل الفاسدين ذيول النظام البائد.

[M.Elgergawy]

طيب دلوقتي ايه وضع العملاء اللي حاطيين فلوسهم في البنوك الحكومية ديه هل في مشكلة ولا الموضوع هيعدي على خير ولا اللي حاطط فلوسة في البنوك ديه يسحبها ويريح دماغوا

[SHNORY]

البلد دي لو اتظبطت
حتعوم علي بحر فلوس

[ahmed_mido1889]

البلد دي لو اتظبطت
حتعوم علي بحر فلوس

صح والله يا باشا
بدليل ان البلد بقالها قد ايه بتتسرق ولسه فيها فلوس

[أحمد كمال]

طيب دلوقتي ايه وضع العملاء اللي حاطيين فلوسهم في البنوك الحكومية ديه هل في مشكلة ولا الموضوع هيعدي على خير ولا اللي حاطط فلوسة في البنوك ديه يسحبها ويريح دماغوا

لأ طبعا لانك لو عملت كده و انا عملت كده و كلنا عملنا كده هتخرب اكتر و اكتر

و فلوسك يضمنها البنك المركزي فلا داعي للقلق