موضوع خطير بخصوص وائل غنيم ويمس مصر

[otefa]

انا من الأول مش مرتاح للواد ده وقولتها لمراتى واصحابى كلامة تحس انه مش صادق ولا طالع من قلبة ولو كنتوا شوفتوا لقائة مع منى الشاذلى بعد خروجة كل شوية يعمل نفسة بيعيط ومش شايف منه دمعه واحده نازلة وبالذات فى اخر اللقاء لما جابت صور الشهداء قعد يعمل نفسة بيعيط جامد وقام وساب البرنامج مشوفتش بردة دمعة نزلت وكمان بعد ما قعد يقول انا مش بطل وانا مليش دور رجع يقول انا اتكلم باسم الشعب وهو اللى كان بيقرا البيانات من الاخر مش مرتحله بالمرة

نفس أحساسي بيه من بدري.............أتفقت مصالحه مع مصالح البلد

يا جماعة حتى لو افترضنا إن وائل غنيم كده، مع إحترامي الشديد ليه، هو مجرد فرد في الشعب، واللي حصل مش هو اللي عمله دا كانت ثورة شعب بأكمله. يا ريت نضع الأمور في نصابها الصحيح

[hosar]

شكرا لكل من دافع عن وائل غنيم لأنى بحب الشخص دا جدا
بس سؤال أخير
الجيش كلنا نثق فية
هل لوكان الراجل دة عميل كانوا حيجتمعوا معاة امبارح؟؟؟؟؟؟؟؟
أتقوا الله و بلاش نظرية الخيانة

[otefa]

حصل اللى حصل وكله راح يجرى ويقول اين وائل غنيم اعتقلوا وائل غنيم طيب مين وائل غنيم ده ياجماعه قالك صاحب صفحة كلنا خالد سعيد وشغال فى جوجل تعالوا بقى لنقطة فيديو الاعتقال حد ارجوكم شوفوا الفيديو بعقلانية ابوس ايديكم حرام بجد شوفوا الفيديو ايه حصل وهما داخلين عليه بيقبضوا عليه تمثيلية الوحيد من وسط الصف الاولانى اللى اتاخد والراجل بتاع الشرطة وهو بيجرى عليه ياخده ركزوا فى الفيديو هتلاقيه بيجرى عليه كانهم فعلا رايحين ياخدوا الشخص ده بالزاااااااات من وسط الناس دى قفشه كانه قافش قاتل محترف ولا بتاع الكاميرا وهو بيصور ياعينى جاية تصوير بطىء ومركز عليه كانه بيصور فيلم هيتعرض للناس واللينك اهو عشان تشوفوا الفيديو وهقول تانى شوفوا الفيديو بعقلكم يامصريين مش بقلبكم الغلبان الطيب وقال فى الحلقة انه اتاخد بليل والفيديو كان الصبح من وسط المظاهره

كلام منطقي جدا ولاحظته من فترة ركزوا في الفيديو هاتلاحظوها بمنتهى البساطة...........تمثيلية

[zkralla]

الى حصل ده مش مؤامره عشان يبقى فيه متامرين
الى حصل ده مصلحه للبلد وحساره كبيره لامريكا واسرائيل وعليه فالكلام ده مرفوض شكلا وموضوعا عشان مفيش دافع انه يعمل تمثيليه او موامره ...
الا لو كان عامل مؤمره عشان يصلح حالي البلد

[otefa]

شكرا لكل من دافع عن وائل غنيم لأنى بحب الشخص دا جدا
بس سؤال أخير
الجيش كلنا نثق فية
هل لوكان الراجل دة عميل كانوا حيجتمعوا معاة امبارح؟؟؟؟؟؟؟؟
أتقوا الله و بلاش نظرية الخيانة

مش خيانة بالعكس كان في صالح الوطن

[otefa]

الى حصل ده مش مؤامره عشان يبقى فيه متامرين
الى حصل ده مصلحه للبلد وحساره كبيره لامريكا واسرائيل وعليه فالكلام ده مرفوض شكلا وموضوعا

خسارة لمين!!!!!
أزاي ممكن توضح

[أحمد كمال]

و الراجل هيخون و يبقى عميل عشان ايه؟


فلوس؟ مش محتاج !!!!!

شغل؟ شغال في شركة من اكبر و اقوى شركات العالم اللي هزت عروش كتيرة جدا (زي ياهوو) و عاملة صداع لشركات كبيرة و قوية جدا (زي أبل و مايكروسوفت و نوكيا) ....

هيخون ليه؟ كده و السلام ؟؟؟؟؟

[زينة الله]

باقى عصابة .. فرق تسود .. و الغلوشة .. لسه شغالة على نفس النمط القديم !!!!!!!!!!!

مش المشكلة الحالية وائل غنيم أو غيره

المهمة المطلوبة دلوقت محاسبة الفاسدين و رد مقدرات الشعب المنهوبة

و تحقيق الاصلاحات المطلوبة بالدستور و الاصلاحات الادارية

و عمل انتخابات جديدة نزيهة لتكوين حكومة جديدة محترمة و إختيار رئيس جديد للبلد

يا ريت نركز فى المصلحة المهمة و الوضع الخطير اللى إحنا فيه

[otefa]

لاتعليق..........الأيام كفيلة بالأيضاح

[Abo_Lina]

يعني نرجع عم حسني تاني ولا إيه ?
إرجع يا حسني أنت طلعت صح و الشعب طلع متآمر



يا عم قول كلام غير ده
كفاية إشاعات بقى هو عشان وائل بيطلع في التلفزيون و له شعبية بين الشباب لازم نشوه صورته ?

[hondaman]

طب أنا عندى أقتراح ودة من وجهة نظرى
ما ننسى الكلام دة والقيل والقال والصور والبحث عن فضايح لشخص فلان او علان ... وخلاص دلوقتى عدنا مرحلة وبنبص لمرحلة تانية جديدة نفكر فيها هنعمل أية بكرة .. لان الكلام دة لا هيودى ولا هيجيب جديد يعنى أنا شفت هنا فى المنتدى مواضيع ليها العجب زى موضوع مطلوب أعتزار رسمى من كريم منير علاشان رائية وحجات زى دى وتلاقى فيها تبادل أتهام و فلان جايب لينك ب موضوع يفيد برد احد الاعضاء عشان يثبت صحة كلامة اللى أخرة أعذرونى أنا شايف انها مضيعة للوقت ..
لان اللى حصل حصل ومفيش خلاص رجعة بنتكلم لسة فى القديم

[mertahgedan]

وائل غنيم جعل لنا كرامة بين العالم رفع رؤوسنا في الدول جعلنا نفتخر و نعتز بوطننا مهما كانت التهم الموجهة اليه فأنا اعتز به و ارفع له القبعة

[M.Mostafa80]

بفرض ان هو كدا اهو حقق لليبلد حلم كان نفسنا يتحقق من زمان
يبقى نحط نقطه ونبدأ من اول السطر ونبتدى نشوف حال بلدنا ومستقبلها وكل واحد فى ايده يعمل حاجه يعملها

[Dojuar]

وائل غنيم جعل لنا كرامة بين العالم رفع رؤوسنا في الدول جعلنا نفتخر و نعتز بوطننا مهما كانت التهم الموجهة اليه فأنا اعتز به و ارفع له القبعة

اعترض على جزئية "جعل لنا كرامة و رفع رؤوسنا"

[Super_Star_h]

لايمكن هيوصل بينا حال اسوء من اللى كنا فيــه
واجب علينا نشكره
بدل ما نضيع وقتنا فى اتهامه
شكرآ عشان نزعت الخوف من جوه ناس كتيره
الناس اللى كانت بتخاف تتكلم فى السياسة جوه بيتها
النهاردة بدون خوف بتتكلم فى اي حتى
الناس اللى مكانتش تعرف اي شئ عن ايه اللى بيحصل فى بلدها
شكرآآآآآآآ
وارجوكم كفايه اتهامات فى الراجل ده وتضيع وقتكو