أهو إللي كنا خايفين منه حصل

[medo_2060]

هههههههههههههههههه
ادى اى خدنا من الثوره يعم الحرس الجمهورى قتل نص مليون واحد.. وامريكا احتلت النوبه وايران احتلت الحسين
وكنتاكى قفل ونهر النيل جف

[ahmed_mido1889]

اهم حاجه ان الريس بخير؟؟؟؟
ده انا لاقيت طائرات بتحدف علينا قذائف زباله من المحرمه شارعيا

[Ahmed Samy]

السلام عليكم و رحمة الله و بركاته

أنتوا بتتريقوا, أنا امبارح فعلا و أنا مروح بيتنا الساعة 2 بالليل, لقيت فيه مدرعة اسرائيلية أودام بيتنا فى المنصورة و لما طلعت الشقة, لقيت القوات الاسرائيلية بتشرب نيسكافيه فى المج بتاعى .

طب اتفاوض معاهم ...المج مقابل السلام هههههههههههههه

[Moe86]

جامد الموضوع الوثائقى دة, الاسرائيليين هما اللى كسروا الأسفلت و ملوا الشوارع زبالة

[lonedoctor]

هههههههههههههههه


أنا كنت راجع إمبارح من العيادة لقيت الجنود الأمريكان مقفلين الشارع قلت ماشى وحودت من شارع تانى
لقيت الإسرائليين ماشيين سكرانين فى الحوارى قلت ماشى
شارعنا كان بيحارب الشارع اللى جنبنا فى حرب أهلية قلت ماشى
اتصل بيا رقم عشوائى من بلد عربية وشتمنى برضه مهمنيش
طيارة هليكوبتر نزلت على سطح بيتنا بدأت أتضايق
دبابة إسرائلية وقفت قدام الجراج بتاعى ومش عارف أدخله نفد صبري وقلت لأ عندك انت وهو
قمت ناده شوية عيال من بواقى اللجان الشعبية وزقينا الدبابة ودخلت عربيتى الجراج ، وقبل ما أدخل فسيت عجل الدبابة
أمال إيه
هما فاكرينها سايبه؟

والله انت زى العسل

[mailo]

بوكيرتوف ادون مايلو

ولا بكرتوف ولا مزلتوف يابن عمي
مفيش بينا كلام لحد متسيبو مصر الجديدة
وأنا سمعت إنكم هتيجوا المعادي وده ماكانش اتفاقنا وأي دبابة هتخش المعادي هنستعين بحزب الله أهو جنبنا فدار السلام هنخليه ييجي يظبطكو

مش معنا ان كان فى حد ليه وجهه نظر او متخوف من حاجه معينه
يبقى تهاجموه بالشكل دا
وخصوصا انها كلها سيناريوهات كانت متوقعه
وبيتهيئلى محدش يعرف الغيب غير ربنا
فا مش معنى ان شخص حلل الأمور وشافها بمنظور معين يبقى تتريقو عليه كدا
مع ان الأشخاص دى واللى انا كنت واحد منهم كان متفق معاكم فى مبداء واحد هو رحيل النظام لكن الأختلاف كان فى كيفيه الرحيل والتخوف من سيطره الجيش على الحكم
والحمد لله ان رجال الجيش اكدو شرفهم وصدق وعدوهم السابقه انهم هايحافظو على الأنتقال السلمى للسلطه

ده موضوع خفيف كده عشان حرقة الدم اللي كنا فيها الكم يوم اللي فاتوا مش مقصود بيها أي فرد أو أي فكر طبعا
متزعلش قوي كده :)

طب اتفاوض معاهم ...المج مقابل السلام هههههههههههههه

مفيش مفاوضات هيقوللك هنجيبلك كوباية من العتبة بـ 2 جنيه
ماتتنازلش عن موقفك
مفيش غير المقاومة الشعبية
وأول ماتخلص معاهم ابقى ابعتلي sms

[ahmed_mido1889]

ولا بكرتوف ولا مزلتوف يابن عمي
مفيش بينا كلام لحد متسيبو مصر الجديدة
وأنا سمعت إنكم هتيجوا المعادي وده ماكانش اتفاقنا وأي دبابة هتخش المعادي هنستعين بحزب الله أهو جنبنا فدار السلام هنخليه ييجي يظبطكو


sms

مين بينده علي حزب الله
مين بيجيب سيره دار السلام
انا عايز اشوف اي واحد بيطبلج
هضرب اللي خلفوه
هطلع فيه السهر اللي سهرته في الشارع

[mailo]

مين بينده علي حزب الله
مين بيجيب سيره دار السلام
انا عايز اشوف اي واحد بيطبلج
هضرب اللي خلفوه
هطلع فيه السهر اللي سهرته في الشارع

ده على أساس إن إنت اللي سهرت لوحدك مثلا

خُده بالكم بقى عشان أنا سمعت من الموساد شخصيا إنهم بيحاولوا يحتلوا دارالسلام
بس لسة ماحددوش يخشوا من فايدة ولا من أبوطالب

[ahmed_mido1889]

ده على أساس إن إنت اللي سهرت لوحدك مثلا

خُده بالكم بقى عشان أنا سمعت من الموساد شخصيا إنهم بيحاولوا يحتلوا دارالسلام
بس لسة ماحددوش يخشوا من فايدة ولا من أبوطالب

يا باشا انت في الفتره اللي فاتت عرفت مين الراجل ومين الخواجات

وانت متعرفش ان مسكو واحد كان بيحاول يسرق عربيه

بلغو الجيش بعد لما عدموه العافيه

الجيش لقي اشباه بني ادم

وبعدين مره تانيه واحده اتبلت علي واحد

فمسكناه

بس للاسف ملحقتش اضربه

اختي بلغت الجيش قالها فين قالتلو في دار السلام قال للي معاه الحق بلغ لحسن ياكلوه ويموتوه

[M7amD_7amDy]

خلاص يارجالة

رأس البر تعيشوا انتوا

شلة إسرائيلية هجموا عليها ونصبوا الخيمة وبقت بتاعتهم خلاص

حتى الصورة بتاعت مبارك اللى على اول الطريق رجعوها تانى

وواقفين تحتها بيقولوا ( أصل هنا محدش يفتح بوقوووووا )

ابقوا صيفوا فى جمصة بقه او فى البانيو :)

[zAzU]

السلام عليكم و رحمة الله و بركاته

لأ, كل اللى كان معاهم يا باشا, كانت نتايج و حتى كانت من بتاع السنة اللى فاتت, اللى كانوا مستخديمينها أيام حصار غزة, ما كانشى معاهم نتايج من بتاع 2011, حتى أنا قلت للواد الاسرائيلى اللى كان بيشرب نسكافيه فى المج بتاعى , فين نتيجة السنادى, قاللى أن الحزب الواطى اللى كان متواطئ معاهم, لما لقى أن ثورة 25 يناير حصلت, فكروا أنهم ممكن يلغوا يوم 25 يناير السنادى و يخلوا يوم 26 ييجى عالطول بعد 24 بالتالى يبقى مفيش ثورة و لا حاجة, بس لما الأحداث تتابعت و النت اتقطع, الحزب الواطى ماعرفش يكلم الجيش الاسرائيلى على skype و يقوله عالموضوع ده و بالتالى الجيش الاسرائيلى, مالحقش يطبع لا النتايج و لا الأجندات بتاع 2011 و جه و جاب معاه نتايج من بتاع 2010 و كمان فيه كلام أن الأسطول الأميركى اللى واقف عندنا فى المنصورة فى النيل, تحت كوبرى طلخا, بعت البلطجية بتوعه عشان يحاصروا كافيتريا الفراعنة اللى عندنا فى المنصورة و يلموا كووووووووووووووول معسل الخوخ اللى فيها, عشان يقدروا يتحكموا فى سياسة اتخاذ القرار فى المنصورة عندنا.

الموضوع شكله بجد مش لعب عيال .

هما اللى راحوا الفراعنة دول تبعهم برده يا نهار ابيض انا برده مستغرب ظباط الجيش اللى واقف عند المحافظة
بيلبسوا اخضر هههههههه وانا فاكرهم تبعنا !!
لأ و ايه الناس بتروح تتصور مع الدبابات بتاعتهم
بس كلمة حق العساكر بنوعهم ناس طيبين اوى بيشيلوا العيال الصغيرة و يتصوروا معاهم
مش زى الجيش بتاعنا اللى بيلبس اسود ده العيال بتخاف منه عشان معاهم عصاية كبيرة كده هههههههههههههههههههههههه
بس الحمدلله المج بتاعى اصفر و محدش قربله لسه

[zAzU]

محدش معاه ازازتين مولوتوف سلف !!!!!
ولا انتوا كلكوا ناس اجندات ولا ايه !!!!!!
طب حد يراعى العيش والكنتاكى اللى كلناه سوا هههههههههههههه
طب ال 100 دولار اللى خدتوهوم

ده كلام مجموعة من الجيش الإسرائيلى مسكناهم فى اللجان الشعبية