نوارة نجم : احذروا اذناب مبارك واساليبهم الممجوجة

[تامر.محمد]

لسه مبارك ديله بيلعب

فجأتن، ناس من اللي ما شاركوش في الثورة وكانوا بيدافعوا عن مبارك لجأوا لنفس اللي مبارك كان بيعمله، بس هم بيعملوا كده عشان مبارك عايز يثبت لامريكا انها غلطت لما تخلت عنه، ماهو لسه فاكر ان امريكا ترفع اقواما وتخفض اقواما

مجموعة من اللي كانوا بيدافعوا عن مبارك طالبوا بالغاء المادة التانية وقالوا حيعملوا مظاهرة مليونية لالغائها


ومجموعة تانية برضه من اللي كانوا بيقولوا على الثورة حرام ودافعوا عن مبارك عملوا مظاهرة دلوقت وبيقولوا: اسلامية
اسلامية

احذروا احذروا احذروا تدخلوا في دوخيني يا لمونة دي تاني
دول اذناب مبارك وبيعملوا كده بتكليف عشان مبارك لسه عنده امل يرجع
سبحان الله كل حاجة حصلت في الثورة التونسية قبل وبعد بتحصل بالظبط بتشابه فظيع
بن علي لما مشي سلط فرق موت على التونسيين عشان فضل عنده امل يرجع
دلوقت وجوه معروفة بموالاتها لمبارك وما شاركتش في الثورة وحرمتها بتحاول تعمل فتنة طائفية في مصر عشان تفشل الثورة لان مبارك برضه عنده امل انه يرجع
احذروا انكم تدخلوا في الجدل ده
الجروبات المعمولة عشان الغاء المادة التانية او عشان الدولة الاسلامية تعملوا لها ريبورت وما تدخلوش معاهم في جدل ونقاش لان ده شغل مخابرات ومقصود والله العظيم تلاتة
والله العظيم تلاتة
والله العظيم تلاتة
هم عايزين يعملوا فتنة طائفية عشان مش عارفين يلموا الناس مش الشارع
وهم عايزين يلموا الناس من الشارع عشان مبارك عايز يرجع
والله العظيم ده شغل عمر سليمان
والله العظيم والله العظيم والله العظيم
حاسبوا حاسبوا حاسبوا
لا المسيحيين اللي كانوا في الثورة جابوا سيرة المادة التانية
ولا السلفيين اللي كانوا في الثورة جابوا سيرة الدولة الاسلامية - ناهيك عن الاخوان طبعا طبعا ما جابوش سيرة الدولة الاسلامية ومعظمهم كان بيهتف مدنية مدنية
حاسبوا حاسبوا حاسبوا
التونسيين اخدوا بالهم وحاسبوا وعرفوا يسيطروا على خطط بن علي.. التونسيين اذكى منا؟
مبارك قبل خطاب التنحي قال لبن اليعازر: الارهابيين حيحكموا مصر
وهو عايز يعمل فتنة طائفية في مصر عشان ده سلاحه الوحيد اللي كان مقعده تلاتين سنة، ولسه مش مصدق انه خرج، ولسه عايز يرجع، وله بلطجية وناس كانت بتدافع عنه وكلهم دلوقت عملوا ثوريين
احنا مخنا فين، ما تشوفوا الاسماء اللي مضت على موضوع الغاء المادة التانية والاسماء اللي قادت مظاهرة اسلامية اسلامية
حسين يعقوب؟ هو كان فين ساعة الثورة؟
طب ده صفوت حجازي اللي ياما ضايقني بتشدده، وانا باقول بامانة انه كان حيموت اكتر من مرة في ميدان التحرير، ما عملش حاجة زي دي
نشغل مخنا شوية

[تامر.محمد]

الشباب اللي لهم كلام مع القوات المسلحة: احمد شومان ضروري
الرائد احمد شومان في خطر، واحنا مش بنعمل للراجل حاجة
الاخوة اللي راحوا قابلوا القوات المسلحة ما فتحوش الموضوع معاهم وقالوا نسيوا
مافيش حاجة اسمها نسيتوا ده مستقبل انسان وقف معانا وساندنا، وقدم تضحية اكبر مننا كلنا، هو تضحيته اكبر من تضحيتنا جمعاء باستثناء الشهداء اللي ضحوا بحياتهم
اطلبوا مقابلة القوات المسلحة بس عشان خاطره هو وقدموا التماس
لو عايزين نجمع توقيعات مليونية فورا نجمعها دلوقت على الفيس بوك
او ادعوا لمظاهرة مليونية للعفو عنه
لازم يتم انقاذ احمد شومان
لازم يتم انقاذ احمد شومان والا ربنا مش حيبارك لنا ابدا وذنبه حيبقى في رقبتنا وربنا حيخرب بيتنا اديني باقول لكم، كله الا قلة الاصل وكله الا اننا نسيب بني ادم يدفع تمن ويتظلم من غير ما ندافع عنه
عايزين الصفحة دي
Login | Facebook
يسجل عليها مليون بني ادم عشان ينقذوا احمد شومان وتروح الاسامي للمشير او لحد من القوات المسلحة تنطبع في ورقة وتروح له عشان الظاهر مش بيدخلوا على النت القوات المسلحة

[dr-mohamed]

ومجموعة تانية برضه من اللي كانوا بيقولوا على الثورة حرام ودافعوا عن مبارك عملوا مظاهرة دلوقت وبيقولوا: اسلامية
اسلامية
دلوقت وجوه معروفة بموالاتها لمبارك وما شاركتش في الثورة وحرمتها بتحاول تعمل فتنة طائفية في مصر عشان تفشل الثورة لان مبارك برضه عنده امل انه يرجع
ما تشوفوا الاسماء اللي مضت على موضوع الغاء المادة التانية والاسماء اللي قادت مظاهرة اسلامية اسلامية
حسين يعقوب؟ هو كان فين ساعة الثورة؟
طب ده صفوت حجازي اللي ياما ضايقني بتشدده، وانا باقول بامانة انه كان حيموت اكتر من مرة في ميدان التحرير، ما عملش حاجة زي دي
نشغل مخنا شوية

هل الموقعين على هذا البيان ممن ينطبق عليهم هذا الكلام ؟؟؟؟؟؟؟؟

http://www.nilemotors.net/Nile/201275-a.html

بعض الاخوة كانوا قالوا ان بنت نجم تتكلم بالحق ولا يخرج منها الباطل فليقولوا لنا رايهم الان

[تامر.محمد]

بصراحة رد يحتوي على شخصنة صريحة للموضوع اكتر من تأييد او نفي و خلاص .....
و انا عن نفسي مازلت اشهد لها بالنزاهة

و على فكرة
انا شخصيا من الموقعين على البيان ده , و رأيي مكتوب فيه من قبل ما هي تقول الكلام ده خالص
:)

[dr-mohamed]

بصراحة رد يحتوي على شخصنة صريحة للموضوع اكتر من تأييد او نفي و خلاص .....
و انا عن نفسي مازلت اشهد لها بالنزاهة

و على فكرة
انا شخصيا من الموقعين على البيان ده , و رأيي مكتوب فيه من قبل ما هي تقول الكلام ده خالص
:)

هي وضعت نفسها في موضع المتحدث في كل شئ ومن حق اي شخص يعلق على ما تقوله ويرفضه ويقارن اقوالها بأقوال العلماء
فين الشخصنة اذا كان البعض بيستشهد بكلامها على انه الصواب والحق فمن حقي ان اقول ان كلامها باطل
وبعدين كلام حضرتك فيه تناقض
ازاي توصفها بالنزاهة وهي تصفك ضمن من وصفتهم ممن وقعوا على البيان بأنكم من أذناب نظام مبارك ؟؟؟؟؟؟؟؟؟
حرية راي

[تامر.محمد]

علق كما تريد
انا لم أرفض التعليق , و انا لا أتفق معها في كل شيء و كل جملة و كل حرف :)

اما الشخصنة ففي الجملة دي

ازاي توصفها بالنزاهة وهي تصفك ضمن من وصفتهم ممن وقعوا على البيان بأنكم من أذناب نظام مبارك ؟؟؟؟؟؟؟؟؟

انا عارف كويس انها مش بتوصفني انا ولا اللي وقعوا على البيان من هنا دول , و مش هاقول بتوصف مين , رجاء تسألها لو تحب
ط¬ط¨ظ‡ط© ط§ظ„طھظ‡ظٹظٹط³ ط§ظ„ط´ط¹ط¨ظٹط©: ط§طط°ط±ظˆط§ ط§ط°ظ†ط§ط¨ ظ…ط¨ط§ط±ظƒ ظˆط§ط³ط§ظ„ظٹط¨ظ‡ظ… ط§ظ„ظ…ظ…ط¬ظˆط¬ط©

و في النهاية يبقى لها رأيها , اللي ممكن انا عن نفسي اتفق معاه او اختلف , و رغم كده أشهد لها بالنزاهة و فيه فرق بين ده و ده
:)

[SunSet]

الحكمة ضالة المؤمن أينما وجدها فهو أحق بها

كل يؤخذ من قوله ويرد إلا صاحب هذا القبر ( قبر الرسول صلى الله عليه وسلم)

يا ريت مرجعيتنا في الحكم على الأشياء وعلى الأشخاص تكون الكتاب والسنة زي ما إحنا مأمورين بكدة مش إن تكون هوى النفس

[SunSet]

وبالنسبة للمادة الثانية من الدستور مع إن عملياً هي مش معمول بيها قوي يعني لكن ظني وحدسي إن مش حيقدروا يجوا جنبها رغم إن العلمانيين بيصطادوا في المية العكرة وده سبب بيانات مشايخ أهل السنة

[dr-mohamed]

هل الموقعين على هذا البيان ممن ينطبق عليهم هذا الكلام ؟؟؟؟؟؟؟؟

http://www.nilemotors.net/nile/201275-a.html

بعض الاخوة كانوا قالوا ان بنت نجم تتكلم بالحق ولا يخرج منها الباطل فليقولوا لنا رايهم الان

بصراحة رد يحتوي على شخصنة صريحة للموضوع اكتر من تأييد او نفي و خلاص .....
و انا عن نفسي مازلت اشهد لها بالنزاهة

و على فكرة
انا شخصيا من الموقعين على البيان ده , و رأيي مكتوب فيه من قبل ما هي تقول الكلام ده خالص
:)

هي وضعت نفسها في موضع المتحدث في كل شئ ومن حق اي شخص يعلق على ما تقوله ويرفضه ويقارن اقوالها بأقوال العلماء
فين الشخصنة اذا كان البعض بيستشهد بكلامها على انه الصواب والحق فمن حقي ان اقول ان كلامها باطل
وبعدين كلام حضرتك فيه تناقض
ازاي توصفها بالنزاهة وهي تصفك ضمن من وصفتهم ممن وقعوا على البيان بأنكم من أذناب نظام مبارك ؟؟؟؟؟؟؟؟؟
حرية راي

علق كما تريد
انا لم أرفض التعليق , و انا لا أتفق معها في كل شيء و كل جملة و كل حرف :)
اما الشخصنة ففي الجملة دي
انا عارف كويس انها مش بتوصفني انا ولا اللي وقعوا على البيان من هنا دول , و مش هاقول بتوصف مين , رجاء تسألها لو تحب
ط¬ط¨ظ‡ط© ط§ظ„طھظ‡ظٹظٹط³ ط§ظ„ط´ط¹ط¨ظٹط©: ط§ط.ط°ط±ظˆط§ ط§ط°ظ†ط§ط¨ ظ…ط¨ط§ط±ظƒ ظˆط§ط³ط§ظ„ظٹط¨ظ‡ظ… ط§ظ„ظ…ظ…ط¬ظˆط¬ط©

و في النهاية يبقى لها رأيها , اللي ممكن انا عن نفسي اتفق معاه او اختلف , و رغم كده أشهد لها بالنزاهة و فيه فرق بين ده و ده
:)

رفضي لكلام نوارة نجم حصرتك وصفته بالشخصنة ولما انا قلت انها تصف الموقعين على البيان وحضرتك منهم بانها من اذناب النظام رجعت تقول ان الجملة دي هي اللى فيها الشخصنة
راجع ترتيب كلامي وكلامك كويس هتعرف انك بتقول شخصنة في اول مرة ولما انا علقت على كلامك اخدث جملة منها وقلت انها اللى فيها الشخصنة طيب عرفت منين انى هقول الجملة دي بعد مشاركتك علشان تقول انها اللى فيها الشخصنة ؟؟؟؟؟؟؟؟؟

واعترف لها بالنزاهة كما شئت وهذا رايك وحقك وانت حر فيه
وهو اعتبرتك انت ومن وقعتم على البيان بانكم
1- من اللي كانوا بيقولوا على الثورة حرام ودافعوا عن مبارك
2- دول اذناب مبارك وبيعملوا كده بتكليف عشان مبارك لسه عنده امل يرجع
3- شغل مخابرات ومقصود
4- والله العظيم تلاتة عايزين يعملوا فتنة طائفية

[تامر.محمد]

انا مش قادر احدد نوايا المشايخ عن نفسي و ان كان في رأيي خانهم التوقيت بشدة

لكن سواء أصابوا أم أخطأوا , الاجراء ده بيصب في مصلحة الثورة المضادة اللي فيه مؤشرات كتير انها ما تزال مستمرة و اتمنى من كل قلبي اكون مخطيء في النقطة دي

[dr-mohamed]

انا شخصيا من الموقعين على البيان ده , و رأيي مكتوب فيه من قبل ما هي تقول الكلام ده خالص
:)

انا مش قادر احدد نوايا المشايخ عن نفسي و ان كان في رأيي خانهم التوقيت بشدة

لكن سواء أصابوا أم أخطأوا , الاجراء ده بيصب في مصلحة الثورة المضادة اللي فيه مؤشرات كتير انها ما تزال مستمرة و اتمنى من كل قلبي اكون مخطيء في النقطة دي

[تامر.محمد]

احم احم
شكلنا داخلين على جدال محترم في شخصنة ولا مش شخصنة
:)

الشخصنة هنا

هل الموقعين على هذا البيان ممن ينطبق عليهم هذا الكلام ؟؟؟؟؟؟؟؟

و هنا

وهي تصفك ضمن من وصفتهم ممن وقعوا على البيان بأنكم من أذناب نظام مبارك ؟؟؟؟؟؟؟؟؟

و هنا كمان :)

وهو اعتبرتك انت ومن وقعتم على البيان بانكم

اما رفضك لكلامها اللي حصل هنا

ومن حق اي شخص يعلق على ما تقوله ويرفضه ويقارن اقوالها بأقوال العلماء
فين الشخصنة اذا كان البعض بيستشهد بكلامها على انه الصواب والحق فمن حقي ان اقول ان كلامها باطل

فمن حقك تعترض طبعا بلا خلاف , و من حقي اتفق معاك او اختلف زي ما حقك و حقي اننا نتفق معاها او نختلف

كل ما نقلته عني هو رأيي فعلا و هو مش عكس بعضه
اهو
http://www.nilemotors.net/Nile/20143...post3873289110

فيه تصحيح , و انا بصراحة مش عايز الموضوع يخش في جدال عقيم كالمعتاد
المطلوب "مصدر أساسي للتشريع" , و ليس "دين للكيان" , و هو لا يعني (في اللي انا فاهمه ) فرض اي حاجة على حد ضد دينه او التضييق في العبادة على حد
لكن
انا شايف ان فتح الموضوع ده دلوقت , قبل المناقشة الحقيقية للدستور , هايبقى كأنه فرق تسد بين الناس و خلاص

اظن كده انتهى هذا الجدال
:)

[mahmoudselim]

دي بعض الجروبات ممكن نعملها ريبورت ولو في جروبات تانية ياريت يتم نشرها
â€ڈطظ…ظ„ط© ط§ظ„ط؛ط§ط، ظˆطھط¹ط¯ظٹظ„ ظ†طµ ط§ظ„ظ…ط§ط¯ط© ط§ظ„طھط§ظ†ظٹط© ظ…ظ† ط§ظ„ط¯ط³طھظˆط± â€ڈ | Facebook

‫طھط¬ظ…ظٹط¹ ط§ظƒط¨ط± ط¹ط¯ط¯ ظ…ظ† ط§ظ„ظ…ط³ظ„ظ…ظٹظ† ظ„ط¹ط¯ظ… ط§ظ„ط؛ط§ط، ط§ظ„ظ…ط§ط¯ط© ط§ظ„طھط§ظ†ظٹط© ظ…ظ† ط§ظ„ط¯ط³طھظˆط± | Facebook‬

‫ط§ظ„ط؛ط§ط، ط§ظ„ظ…ط§ط¯ط© ط§ظ„طھط§ظ†ظٹط© ط§ظ„طھظٹ طھظ…ظٹط² ط¨ظٹظ† ط§ظ„ظ…طµط±ظٹظٹظ† ظپظٹ ط§ظ„ط¯ظٹظ† ط§ظˆ ط§ظ„ظ„ظˆظ† ط§ظˆ ط§ظ„ط¹ط±ظ‚ | Facebook‬

[تامر.محمد]

الأخ mahmoudselim , لو الكلام موجه ليا
انا على فكرة ضد الغاء المادة التانية بالفعل , من زمان مش من دلوقت , بس فعلا التوقيت خاطيء جدا , فعلا حاليا الكلام ده هايعمل فرق تسد , و لو تفرقنا دلوقت هانوصل لمرحلة يبقى مش بإيدينا لا حط اي مواد ولا شيل اي مواد , اظن انا و انت عارفين ان المادة التانية النظام السابق كان بيتعامل كأنها مش موجودة و شفنا كمية القوانين اللي كانت عمالة تتطرح و هي ضد الشريعة الاسلامية اصلا ناهيك عن حصار غزة المحرم شرعا و كل البلاوي دي

باختصار
يبقى في ايدنا الأول , و بعدين بإذن الله تتطرح كل الحاجات اللي احنا عايزينها
انما قبل ده , اي حاجة هاتبقى في مصلحة النظام السابق اللي ممكن اوي لحد دلوقت يرجع تاني بأي وجه غير مبارك

[ashouhdy]

على فكرة السلف معلقين يفط عندنا فى اسكندرية فى سموحة عند مدرسة الريادة وكانوا عاملين مؤتمر من 3 ايام

اليفط مكتوب عليها

نحذر من المساس بالمادة الثانية للدستور

بكرة اصورهالكم لو عايزين