جحود الشعب المصري

[ecybrarian]

يا سبحان الله. الشعب المصري ادمن الشكوي والأزمات مع إن كل العيشة زي الفل والدليل من الإعلانات اهو:

* دلوقت مش لازم تروح سويسرا علشان تركب تلي فريك وتعيش بين الجبال..كل ده موجود دلوقت وعلى بعد ساعة واحدة في بورتو السخنة

* دلوقت في ملعب جولف عالمي 17 حفرة في بورتو مارينا

* بتحلم بالألماني؟؟ دلوقت تقدر تركب الألماني بأسعار تبدأ من 160 ألف جنيه

* خلي عزبتك في طريق مصيفك في مزارع التوفيقية

* مدينتي ..مدينة عالمية في أرض مصرية (الشقة 120م بمليون جنيه)

* حل ازمة العيش في 7 اسابيع (بعد مقتل ومصرع واصابة وإهانة كام مصري كده)

* مطلوب طبيب بشري خريج حديث بتقدير ممتاز على الأقل يجيد التعامل مع الكمبيوتر والإنترنت والفوتوشوب جاهز للسفر للخليج للعمل فني تصليح ساعات لثري عربي

[محمد المشد]

يا سبحان الله. الشعب المصري ادمن الشكوي والأزمات مع إن كل العيشة زي الفل والدليل من الإعلانات اهو:

* دلوقت مش لازم تروح سويسرا علشان تركب تلي فريك وتعيش بين الجبال..كل ده موجود دلوقت وعلى بعد ساعة واحدة في بورتو السخنة

* دلوقت في ملعب جولف عالمي 17 حفرة في بورتو مارينا

* بتحلم بالألماني؟؟ دلوقت تقدر تركب الألماني بأسعار تبدأ من 160 ألف جنيه

* خلي عزبتك في طريق مصيفك في مزارع التوفيقية

* مدينتي ..مدينة عالمية في أرض مصرية (الشقة 120م بمليون جنيه)

* حل ازمة العيش في 7 اسابيع (بعد مقتل ومصرع واصابة وإهانة كام مصري كده)

* مطلوب طبيب بشري خريج حديث بتقدير ممتاز على الأقل يجيد التعامل مع الكمبيوتر والإنترنت والفوتوشوب جاهز للسفر للخليج للعمل فني تصليح ساعات لثري عربي

تتصور يا راجل انك عضو بحزب السرير بيتحرك 0000 ان مش مصدق اية العز دة - كله - كل دة علشان المصريين اللى مش لاقيين العيش ، بس انا كنت عايز الملعب ابو 20 حفرة علشان الكورة بتاعتى مبترضاش تلعب الا فى ابو عشرين، وعايز مرسيدس، وعايز العزبة فى مارينا مش سيدى عبد الرحمن ، وعايز شقة عند ساويرس مش طلعت مصطفى ، وعايز مشكلة العيش تستمر علشان اشوف السرير وهو بينكسر !!!!!!!!!!!!!!!!!

[ecybrarian]

:-)))))))))))))))))))))))))))))))

[محمد المشد]

:-)))))))))))))))))))))))))))))))

دا باين هنفضل نرد على بعض كدة والعالم كلة هوووووو عموما طبعا الواحد تفكير على قدة مش فاهم تقصد اية يا بتاع الحزب بيتحرك يا جميل

[ابوهاشم]

طيب مش ههههههههههههههههههههههه

[ams]

* دلوقت في ملعب جولف عالمي 17 حفرة في بورتو مارينا

طب وليه 17 ؟؟!!
هى حفره واحده كبيره وننط فيها كلنا:D

[tmz9111]

ههههههههههههههههههههههههههههههه

[محمد السكري]

مش فاهم

أنا يا جماعه اللي محيرني فعلا هو واقع مجنمعنا الذي يصعب جدا ان تخضعه لاي معايير كي تستتنج او تطلع بنتيجه مقبوله. طيب خلينا نتفق انه ليس هناك اي رجل اعمال سيقدم علي اي مشروع من التي ذكرها الاخوه الا اذا قام بدراسه جدوي مستفيضه والا اذا كانت هناك القوه الشرائيه التي سيقوم عليها المشروع اذن......في فلوس. طيب علي الجانب الاخر كل شويه بنسمع عن ريان مدينه نصر ومش عرف مين في الدقهليه واسكندريه و....و... وملياراااات بيعرف يجمعها من الناس اذن .....في فلوس. ولما اخدت اولادي السنه اللي فاتت ورحت احد المنتجعات في الغردقه الليله باكثر من الف جنيه وكنت فاكر اني ابو علي لكني فوجئت ان هناك مصريين كتيييير هناك اذن .....في فلوس ولما...ولما ... ولما ...هي يه الحكايه بالظبط ..؟هو انا اللي مش فاهم لأني مش عايش في مصر ولا في ايه ..؟ واحد هيقول اصلها نسبه وشريحه من الناس. طيب ما انا كل ما اروح مكان فيه انفاق عالي بلاقي برده ناس كتير .لا لا ا كيد انا اللي مش فاهم.....تحياتي

[casperinoo]

طيب انا بقي بحب الصيف علشان بلاقي حد يلعب معايا جولف

[bassemali]

أنا عارف أن الموضوع هزار وتريقه لكن ليا وجهة نظر :
لو تابعتوا البرامج اللي على القنوات الفضائيه هتلاحظوا انها كل يوم بتذكر مصيبه شكل وكل قناه بتعرض نفس المشكله (من وجهة نظرها) هيا هيا طبعا لازم نعرف للأسف أنها طريقه سافله للترويج للبرنامج لأنه عارف أنه لو عرض حاجات عاديه مش هتبقى نسبة المتابعه عاليه لذلك يسعوا دائما لعرض الحاجات الغريبه وأن كان غير متأكد من صحتها لجذب عدد أكبر من المشاهدين أنا عارف أن في حاجات كتير سيئه لكن كمان في حاجات كتير كويسه ليه مانعرضهاش بدل الحاجات المنيله اللي بنسمعها كل يوم دي ومضحكه الناس علينا والنتيجه تشوف أعلانات المدن الجديده اللي الشقه فيها بمليون جنيه والعربيات أم 160 و 170 ألف ومشاكل رغيف العيش والناس اللي بتموت في الطوابير وتبقى مستغرب ومش فاهم حاجه .

[analyzer]

حسبى الله ونعم الوكيل

يمهل ولا يخمل

فصبرا جميل

[OsKaR]

حسبى الله ونعم الوكيل

يمهل ولا يخمل

فصبرا جميل

حاسب يمهل و لا يهمل

[Hassan Khalil]

طيب انا بقي بحب الصيف علشان بلاقي حد يلعب معايا جولف

انا بقي بحب الصيف عشان بلاقي حد ارقص معااااه ..
طبعا قصدي علي النافورة :p