أنباء أن سيادة الرئيس السابق حسني مبارك قد يموت في أي لحظه !

[ahmed-moga]

اذا كان الخبر صحيحا فنحن ليس بأيدينا شيئ فأمره الأن بيدي الله اذا شاء رحمه وغفر له واذا شاء عاقبه ولكن الله الرحمن الرحيم طلب منا الدعاء بالرحمه لكل مسلم ومن يعلم قد يظهر لنا في يوم من الأيام اننا ظلمناه وندعوا له بالرحمه كما دعونا لمن سبقوه
فاليرحمه الله فهو بين يديه الأن والبقاء لله

[zkralla]

انا اعتقد ان الاخبار ديه متسربه عن عمد عشان الضغط الشعبى الى بيطالب بمصادره امواله يخف
الرئيس لو عيان فعلا مكنش فيه اخبار هتتسرب عن مرضه خاصتا ان المحيطين بيه دلوقتى خاصه الخاصه

[Qmax]

سيادة مين ؟ القاتل ؟ من يتم اطفال اخواتنا ؟ ورمل امهاتهم ؟ ولا اللي ساب البلد مديونه ب تريليون و80 مليار؟
فعلا لاشماته في الموت لكن اسمحلي اقولك ان ده مش هايموت بسهوله ان مات فقد رحمه الله من عذاب الدنيا لكن ربنا عدل يمهل ولا يهمل

[KHALED AYMAN]

هو ايه يا جدعان ؟؟
كل واحد بيقرا الى على مزاجه و الباقى لا ؟؟
قريتو خبر مرضه ..
محدش خد باله من اخر حته ان الراجل قال بلاش ردود مش فى محلها ؟؟
لازم بقى الراجل يعملها درس و موضوع يفهم الناس يعنى ايه ردود مش فى محلها ؟؟
كلنا متفقين انه ظلمنا و كل حاجه ..
بس وقت المرض مفيش شماته ..
ومحدش فينا هيحدد يموت قبل ما يتحاكم ولا بعد ما يتحاكم ..
يا ريت زى ما عملنا ثوره و رفعنا راسنا نحافظ على "اخلاق المصريين"
والى عاوز يذم فى الراجل يعمل موضوع منفصل (ولو انه منتدى عربيات يعنى) و يقول فيه الى هو عاوزه بأدب ..
انما قلبتو الموضوع محاكمه عسكريه

[misoalex]

ايه الجديد؟؟.... مهو اى حد فينا "قد يموت فى اى لحظة"

خللوا بالكم ان دة ممكن يبقى تخطيط عشان يطلع خبر وفاة الرئيس السابق بعد كام يوم و شوية و الناس تنساه و محدش يجيب سيرة محاكمة و اهدار مال عام و الحاجات الوحشة دى

mmamdouh

فيه أمل يتوب ويحاول يكفر عن سيئاته قبل مماته؟
وللا العند هيستمر حتى آخر لحظة؟

عموما أنا برضه حاسس انها لعبة

بقى مبارك هيرفض العلاج؟
جديدة دى

وبعدين هيرفض إزاى وهو فى غيبوبة؟
وهيبقى فى غيبوبة إزاى وهو مش فى مستشفى؟
مش اللى فى غيبوبة برضه بيروح العناية المركزة؟
ماشى ... المستشفى أجهزة ودكاتره نقلوهم البيت!!!!
طيب عمركم سمعتم عن واحد فى العناية المركزة وفى غيبوبة بيرفض العلاج؟

+1111111111

كلام منطقى جدا

[A_H_M_A_D]

كتب حاتم عطية

نفت مصادرة مقربة من الرئيس السابق حسنى مبارك، الشائعة التى انتشرت مؤخراً عن احتضاره أو وفاته بالفعل، وأكدت أن مبارك بصحة جيدة للغاية، ولا يعانى من أى غيبوبة، بل يتلقى المكالمات الهاتفية بنفسه، ويحاول ممارسة حياته بشكل طبيعى فى منتجع شرم الشيخ، الذى يقيم فيه حالياً مع أسرته.

وقالت المصادر لوكالة "رويترز"، إنها تحدثت إلى الرئيس مبارك منذ ساعات قليلة، وأنه بخير، ورفضت المصادر الشائعات التى روجت لها إحدى الصحف اللندنية نقلاً عن تصريحات مصدر أمنى سابق فى مصر، قال فيها إن الحالة الصحية للرئيس المصرى السابق فى تدهور مستمر وأنه يعانى من بعض نوبات فقدان الوعى، ويرفض السفر إلى الخارج لتلقى العلاج اللازم.

وكانت صحيفة "الشرق الأوسط" اللندنية، نقلت عن هذا المصدر قوله، إن حالة مبارك الصحية سيئة للغاية، وهناك محاولات تبذل لنقله للعلاج إلى الخارج، وربما إلى ألمانيا التى أجرى فيها منذ شهور عملية جراحية لاستئصال الحوصلة المرارية، وفقاً للتعبير الرسمى المستخدم آنذاك، وأضاف المصدر أن "مبارك يرفض الاستجابة، وطلب من المحيطين به تركه يموت فى بلده، وأعتقد أنها مسألة وقت فقط".

[ahmed1611]

الحكومة الماضية مش عارف الواحد مش عارف يصدق حد منهم لو كلامك صحيح ان هو في شدة وبيموت والكلام دا
يبقى ربنا يرحمة و يعطية على اد نيتة

[Rerii]

دى افلام عشان يهرب من المحاكمة

وحتى لو بيحتضر وبيتألم كمان لا اجد فى قلبى ذرة شفقة عليه لانى بصراحة يبقى معنديش دم لو حسيت بكده يعنى زعلانين اوى على واحد عنده 83 سنة وموت الشعب المصرى شباب زى الورد وحرم امهاتهم منهم ومش زعلانين على الشباب دول بجد امركو عجيب !!!

ممكن تشوفونى وحشة بس انا بتمنى انه يشرب من نفس الكاس اللى شرب الناس منه الله لا يسامحه ويقتص منه اللهم امين

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[misoalex]

دى افلام عشان يهرب من المحاكمة

وحتى لو بيحتضر وبيتألم كمان لا اجد فى قلبى ذرة شفقة عليه لانى بصراحة يبقى معنديش دم لو حسيت بكده يعنى زعلانين اوى على واحد عنده 83 سنة وموت الشعب المصرى شباب زى الورد وحرم امهاتهم منهم ومش زعلانين على الشباب دول بجد امركو عجيب !!!

ممكن تشوفونى وحشة بس انا بتمنى انه يشرب من نفس الكاس اللى شرب الناس منه الله لا يسامحه ويقتص منه اللهم امين

محدش يزعل من الحق

والى يزعل يشرب من البحر

وانا مستغرب جداااااااااا من الردود الى بتقول يا بخت من قدر وعفى وخلينا احنا احسن
لا والشباب االى طالعين مسيره عشان يكرمو مبارك على الحاجات الكويسه الى عملها

مش عارف الناس دى بتفكر ازاى بصراحه

كل واحدحر فى رأيه اه بس مش لدرجه ان واحد سرق وقتل وظلم وعمل حاجات فظيعه وعاوزين يسامحوه لييييييييييييييييه حد يدينى سبب مقنع يمكن احنا الى وحشين وبنفكر غلط

[X_MM_X]

محدش يزعل من الحق

والى يزعل يشرب من البحر

وانا مستغرب جداااااااااا من الردود الى بتقول يا بخت من قدر وعفى وخلينا احنا احسن
لا والشباب االى طالعين مسيره عشان يكرمو مبارك على الحاجات الكويسه الى عملها

مش عارف الناس دى بتفكر ازاى بصراحه

كل واحدحر فى رأيه اه بس مش لدرجه ان واحد سرق وقتل وظلم وعمل حاجات فظيعه وعاوزين يسامحوه لييييييييييييييييه حد يدينى سبب مقنع يمكن احنا الى وحشين وبنفكر غلط

بص يا باشا الشباب اللي طالعين عايزين يكرموه دول ما يتقالهمش اللي ايده في الميه غير اللي ايده في النار ما لو حد منهم حصله اي ظلم كان هيراجع نفسه

[medo_2060]

والله هزعل لو مات من غير محاكمه ويرجع فلوسنا الى سرقها هو وعصابته
كلنا هنموت وممكن اى حد فينا يموت قبله
وبعدين التايمز كانت كاتبه امبارح ان مبارك يتناول الكافيار والشوكولاته السويسريه !!
نصدق مين احنا بقى فى القصص دى