استشارة في راوتر Thomson TG585 V7

[sayed911]

بسم الله الرحمن الرحيم

ثانيا السلام عليكم ورحمة الله وبركاته

تحية طيبة الى جميع اخواني وكل عام وانتم بخير ..

طبعا في ظل الظروف الراهنة التي يمر بها الوطن وبعد الثورة الحقيقة التي قام بها ابناء هذا الوطن قمنا بعمل الحملة الوطنية لدفع عجلة التقدم واستمرار عمل رتم الحياة وحتى وان كان بطيئا وان ننسى الماضي ونترك الحقبة الماضية لأسيادها وليحاكموا من قبل القضاء المصري العادل ...
انا مش عارف ايه دخل ده بوضوعي ولكن اهو كلمتين كانو واقفين في زوري وقولتهم و امرنا لله جميعا :D :D ولكن انا عامل الموضوع ده لأني من كتر قعدتي في البيت طول الليل بفكر بحاول اعمل اي حاجة جديدة بدال القعدة او التنطيط وخلاص
ثالثا :
انا لقيت عند ابن عمي راوتر Thomson TG585 V7 بقالو عنده مثلا بتاع سنة ونصف .. هوة انا عارف انه كان الجيل القبل الأخير من جيل راوترات السبيد تتش وهوة بصراحة بيأكدلي على انه مجاله وتغطيته اكتر من ممتازين وانا بصراحة بنظره سريعة خاطفة كده وجدت انه لا بئس به من على الإنترنت ولكن وجدت تضاربا كبيرا للغاية منهم من يشتكي من هذا الجيل على مشكلة جدار الحماية الضعيف ومنهم من يشكك في القدرة الأمريكية في انتاج الشبكات ومعلش انا اصلا عمري في حياتي ما كنت بفهم اي حاجة في قسم اتصالات حتى في الكلية ممكن ابلع اي قسم ادخله الا قسمين قسم اتصالات واحد منهم الحقيقة :D :D مش عشان حاجة لا قدر الله ولكن عشان انا بستصعبوا للغاية المهم عشان مطولش عليكم انا اخدت الراوتر للتجربة لأسبوع ومبدئيا انا دورت على المانيوال بتاعه على النت لقيت فيرجانات كتير جدا !!! وفيه تحديثات كتير جدا جدا له نزلت انا حتى لدرجة مش عارف فيهم اي حاجة بالمرة ... ولكن هوة اول مرة بصراحة اعرف اني ممتك ادخل على صفحة الراوتر عن طريق الوايرلس من دول وصلة !!!! ودي كانت جديدة عليا الحقيقة .. فأنا كنت بس بعد اذنكم عايز المساعدة في اللي عنده المانيوال PDF او اللينكات بتاعت الـتحديث الخاص بها اخوكم مزنوق وياريت لو حتى الطريقة اكون شاكر للغاية ..
والمشكلة الثانية الا وهي عشان دي بقا ها تخليني اشد في شعري بجد من التخلف اللي انا فيه ..

الزرار ده بيعمل ايه في حياتو لأنه والله العظيم انا دورت في كل حتى اني افهم البتاع ده ايه وبيعمل ايه غير انه زرار ملوش اي تلاتة لازمة غير انه لما بدوس عليه بينور برتقالي وبعدها بشوية يقلب على احمر وبعدين يهدا ويبطل يعمل اي حاجة نهائيا !!! سبحان الله فعلا !!! لأني بطفي الجهاز وبشغله من الزرار الموجود في الخلف جنب الـ الساتل ومعتقدش فيه شركة بتفهم ها تحط الزرار الرئيسي لتشغيل الجهاز في الخلف كده في الحتة الغريبة دي !!! لأني بحس انها طريقة غريبة جدا واكيد انا فاهمها غلط بالمرة ...

ثانيا !!! معلش ده سؤال اغبى من اللي فاتوا شويةولكن عشان مش قادر اتخيلوا !!! حاليا يوجد المزيد من التحديثات لهذا الجهاز طيب انا مستفيد ايه لما انزل التحديثات دي حاليا بما انه الجهاز شغال و100% ولا يوجد مشاكل بالمرة يعني ايه الحاجات اللي المستخدم بيستفيد بيها بأنه بيعمل اب ديت للنظام غير تدعيم جدار الحماية الخاص بالجهاز ؟؟؟ واعتقد لحد هنا وكفااااااااااااااية جدا رغي مني عشان الموضوع طول جدا دي مش استشارة !!! ومبدئيا انا عاجز فعلا عن الشكر يا جماعة ومتشكر جدا واسف للإزعاج بجد ...

[M.Elwan]

بسم الله الرحمن الرحيم

ثانيا السلام عليكم ورحمة الله وبركاته

تحية طيبة الى جميع اخواني وكل عام وانتم بخير ..

طبعا في ظل الظروف الراهنة التي يمر بها الوطن وبعد الثورة الحقيقة التي قام بها ابناء هذا الوطن قمنا بعمل الحملة الوطنية لدفع عجلة التقدم واستمرار عمل رتم الحياة وحتى وان كان بطيئا وان ننسى الماضي ونترك الحقبة الماضية لأسيادها وليحاكموا من قبل القضاء المصري العادل ...
ان

الزرار ده بيعمل ايه في حياتو لأنه والله العظيم انا دورت في كل حتى اني افهم البتاع ده ايه وبيعمل ايه غير انه زرار ملوش اي تلاتة لازمة غير انه لما بدوس عليه بينور برتقالي وبعدها بشوية يقلب على احمر وبعدين يهدا ويبطل يعمل اي حاجة نهائيا !!! سبحان الله فعلا !!! لأني بطفي الجهاز وبشغله من الزرار الموجود في الخلف جنب الـ الساتل ومعتقدش فيه شركة بتفهم ها تحط الزرار الرئيسي لتشغيل الجهاز في الخلف كده في الحتة الغريبة دي !!! لأني بحس انها طريقة غريبة جدا واكيد انا فاهمها غلط بالمرة ...

ثانيا !!! معلش ده سؤال اغبى من اللي فاتوا شويةولكن عشان مش قادر اتخيلوا !!! حاليا يوجد المزيد من التحديثات لهذا الجهاز طيب انا مستفيد ايه لما انزل التحديثات دي حاليا بما انه الجهاز شغال و100% ولا يوجد مشاكل بالمرة يعني ايه الحاجات اللي المستخدم بيستفيد بيها بأنه بيعمل اب ديت للنظام غير تدعيم جدار الحماية الخاص بالجهاز ؟؟؟ واعتقد لحد هنا وكفااااااااااااااية جدا رغي مني عشان الموضوع طول جدا دي مش استشارة !!! :e_braces[1]: ومبدئيا انا عاجز فعلا عن الشكر يا جماعة ومتشكر جدا واسف للإزعاج بجد ...

انا معرفش التومسون خالص بس انا اعرف اللينك سيس بيقى فيه زرار بنفس الشكل كده وظيفتة انك لما تيجى تعمل كونكت بجهاز كمبيوتر للمرة الاولى تدوس على الزرار ده وتدوس كونكت من الكمبيوتر يقوم الراوتر موصل الاتنين ببعض من غير ما حضرتك تكتب الباسورد بايدك على الكمبيوتر

اى ابديت للفيرموير بيوكن معاه ملف بيقولك التحديثات تشمل ايه

وده موقع عليه كل حاجة عن تشغيلة

http://www.plus.net/support/broadband/hardware/585_faq.shtml

[أبو عبدالله]

الطومسون سويدي وليس امريكي
دي معلومة بس جانبية

[sayed911]

M.Elwan : والله ابيع هدووووووووومي واعرف الزرار ده بيعمل ايه لأنه قرب يوصلني لمركحلة هيستيرية يعني انا وصلت لمرحلة اني بفكر اعمل مسابقة لليدلي بمعلومات عن هذا الزر لأنو الآرآء قد تباينت ارآء زي ارآء حضرتك وفي ارآ بتقول انه الزر ده بيزود مدى الإرسال لفترات وجيزة . وارآء بتقول انه الزر ده مهمته وقف الإرسال الخارج من الجهاز مع اني جربته وعملت كل الإحتمالات اللي فاتت ومفيش اي حااااااااااجة :D :D :D شكلي وحش جدا اني ها اموت وارفع الزر ده وظيفتوا ايه اكيد محطوط لسبب ما ههههههه

أبو عبدالله : جزاك الله كل خير يا ابو عبد الله اهو اتفضل دي عينة عما اواجه انا حتى مش عارف ابسط لمعلومات عن الجهاز الا وهي بلد المنشأ لك ان تتخيل حجم المعاناة التي اعيشها معه .... متشكر جدا جدا لحضرتك يا ابو عبد الله وعاجز فعلا عن الشكر ...

[wesam_salom]

انا معرفش التومسون خالص بس انا اعرف اللينك سيس بيقى فيه زرار بنفس الشكل كده وظيفتة انك لما تيجى تعمل كونكت بجهاز كمبيوتر للمرة الاولى تدوس على الزرار ده وتدوس كونكت من الكمبيوتر يقوم الراوتر موصل الاتنين ببعض من غير ما حضرتك تكتب الباسورد بايدك على الكمبيوتر


[/size]

هو ده الكلام الأكيد

لو تصبر عليا لحد بكره اجيبلك الشرح كامل من الداتا شيت ان شاء الله

[sayed911]

موريــــــــــــــــــــــــــــــــــــــــــــش اي حاجة ولكن الأخ علوان كان يقصد الفكرة دي في جهاز الينك سيس يمكن تكون هية نفس الفكرة هنا ولكن ها انتظر حضرتك يا استاذ وسام حتى الغد عشان نشوف حل في الزرار ده يا اما انا عندي فكرة حلوة افكني من الراوتر ككل واقوم اقعد قدام التلفزيون بلا ثورة تكنلوجيا بلا ..... احنا مش نافعين صدقني :d :d

[AlGazar2]

اعتقد ان الزرار ده بتاع الوايرلس

[msafa]

الزرار ده فعلا بدوس عليه لكام ثانية يطفي الوايرليس او يشغله

[a7madramadan]

الراوتر ده عندي .... بس ماعنديش المانيوال بتاعه ..... والزرار بتدوس عليه 5 ثواني أو اطول شوية بيفصل الوايرلس او بيشغلها لو مفصولة

انا حدثته بس ماحسيتش بأي حاجة لإن النسخة بتاعة النظام بتاعتة كانت الحديثة (انا شاريه من شركة لينك)

أما لو عندك النسخة القديمة فهوه هيغير الشكل بتاع النظام بتاعه وما عنديش خلفية ممكن يعمل ايه تاني التحديث

هاحاول أشوفلك عالنت التحديث

[sayed911]

ياريت الله يخليك ولكن هل فصل الوايرلس بالطريقة دي كافي للجهاز ولا لازم افصل عنه الكهرباء بالكامل من الخلف ؟
وما هي الدلالةعلى الإضاءة الحمراء والإضاءة البرتقالي ؟ وكذا مرة بدوس عليه الوايرلس زي ما هوة ولا بيتأثر واضح انه ها تبتدي تجيني حالة هستيريا من الراوتر ده :d :d :d انا عاجز عن الشكر فعلا ياجماعة بجد بجد وما زلت في انتظار التحديثات وحد يقولي المانيوال بتاعه الزرار ده استخداماته ايه والف الفالف شكر ايا جماعة ..

[a7madramadan]

انا لقيت طريقة التحديث كاملة بس على لينك خارجي اريد تحديث thomson tg585 v7 update وطريقة التحديث اريد روابط تعمل بلييييييز - بوابة الإنترنت الرقمية ADSLGATE

وده المانيوال بتاعه https://www.plus.net/support/hardware/thomson585web.pdf

[a7madramadan]

حضرتك تدوس عالزرار وتبص على لمبة الوايرلس في لمبات الــ Status هتلاقيها اتطفت نهائيا ومش فاهم قصدك اضائة برتقالية فين علشان ما اتذكرش اني شوفت حاجة برتقالي في الراوتر بتاعي خالص :D

[a7madramadan]

سيبك من المانيوال الي فات وخد ده http://www.technicolorbroadbandpartn...le.php?id=7099

ده كامل وفيه معاني اللمبات بتاعة الوايرلس هيه متعلقة بنظام حماية الوايرلس إقرأ الدليل وتحت امرك في أي اسئلة

[SHNORY]

انا عندي نفس الراوتر بس فيرجن 6 وفيه نفس الزرار
بس من كتر ما حاولت افهم هو بتاع ايه كسرته
فانصحك تكسره وترتاح منه
وابقي اقفل الوايرليس من السيتينج بتاعه

[a7madramadan]

هههههههههههههههه شنوري يظهر انك اتخنقت قوا قوام من الراوتر ده ..... انا جيبته من سنتين تقريبا وقعدت بتاع 6 أشهر مشغله ومش فاهم الزرار ده بتاع ايه وجات معايا صدفة اختي الصغيرة كانت بتلعب في الراوتر في غيابي ولقيتها بتعيط وتقول انا بوظت الراوتر واكتشفت انها داست عالزرار لحد ما الوايرلس فصل ومن ساعتها عرفته