دي مبقتش مظاهرات دي قلة ادب

[shaddadfalcon1]

لسه واصل الشغل بعد اكتر من نص ساعه الزراعي مقفول تماما عشان البشوات بتوع مصنع بيبي كوكا للملابس اللي قبل كوبري ابيس بكيلو

واقفين قافلين الطرييق تماما والزراعي كان منتهي قلة الأدب
ماشي لقيت عربيه نقل كبيره في الشمال في الأتجاه بتاعي ماشي عكسي

معظم الناس اللي في اتجاه الاسكندريه ديرت ومشيت من الناحيه التانيه عكسي

بجد انا بقيت مذهول لدرجه اني بطلت العربيه خالص والناس نزلت من العربيه فضلت تتكلم مع بعض

فين وفين كام واحد مش عارف من المتظاهرين ولا من بره لقيتهم بدؤا يبعدو الناس ويسلكو الطريق وانا معدي الناس بتتبص بغضب ومضايقه ومش عايزين يوسعو

انا مستغرب الناس دي عايزه ايه ؟؟ ده مصنع خاص مش حكومه يعني ابسط الامور الراجل هيرفدهم ويجيب غيرهم

سياسه لوي الدراع دي بقت سخيفه قوي

[human]

اتفق معاك
بس كل ده من موروثات النظام القديم
معهلش
شويه شويه و ان شاء الله الدنيا تبقى احسن

[مصراوي جدا]

عجبني جدا بيان البنك المركزي المصري في الصفحة الأخيرة في الأهرام النهارده علشان يوقف مظاهرات موظفي البنوك :


في الصفحة الأخيرة من اهرام الأربعاء 16 فبراير اعلان للبنك المركزي صفحة كاملة ده نصه:

بيان من البنك المركزي المصري

الى جميع العاملين في القطاع المصرفي المصري
...
اولا في ضوء الاحادث الجارية من تظاهر واحتجاجات للعاملين ببعض البنوك فان البنك المركزي المصري يهيب بجميع العاملين بالبنوك اهمية الانتظام في عملهم حفاظا على استقرار الاقتصاد الوطني

ثانيا يؤكد البنك المركزي المصري ويضمن بصفته الرقيب والمسئول الأول عن سلامة القطاع المصرفي في اتخاذ الاجراءات اللازمة لتنفيذ جميع المطالب المشروعة للعاملين في القطاع المصرفي

ثالثا يطلب البنك المركزي المصري قيام العاملين بهذه البنوك باختيار مجموعة منهم لا تزيد عن عشرين شخصا عن كل بنك تمثل قطاعاته المختلفة مع تحديد جميع المطالب كتابة لمناقشتها مع الادارة العليا لكل بنك في حضور السيد محافظ البنك المركزي ونائبه تمهيدا لاتخاذ القرارات اللازمة بشأنها وعلى ان تبدأ هذه الاجتماعات اعتبارا من الاحد القادم 20 فبراير 2011 وان يتم الانتهاء في مدة لا تتجاوز اربعة اسابيع

رابعا ان هذا القرار يأتي استمرارا واتساقا مع سياسة البنك المركزي الرامية الى دوام المحافظة على استقرار القطاع المصرفي وحقوق العاملين به ومكتسباتهم ودخولهم التي تضاعفت عدة مرات خلال فترة برنامج الاصلاح المصرفي

خامسا يطلب البنك المركزي المصري من جميع العاملين بالبنوك الانتظام في العمل حتى يتمكن القطاع المصرفي من الاستمرار في تأدية دوره الوطني في خدمة الاقتصاد القومي والحفاظ على المكاسب والنجاحات التي تحققت على ايدي العاملين به وقياداتهم خلال الأعوام السبعة الماضية في اطار برنامج الاصلاح المصرفي الذي حمى اقتصادنا الوطني خلال الازمة المالية العالمية بشهادة جميع الجهات المحلية والدولية

سادسا يؤكد البنك المركزي المصري عزمه الاستمرار في الحفاظ على الاستقرار النقدي واستقرار سوق الصرف وسلامة القطاع المصرفي وضمان ودائع العملاء

ويثق البنك المركزي المصري في وعي جميع العاملين بالقطاع المصرفي ووطنيتهم وتقديرهم للظروف الحساسة التي يمر بها وطننا العزيز مع التأكيد على الحفاظ على حقوقهم المشروعة

والله ولي التوفيق
البنك المركزي المصري

[عمرو عمارة]

بس كل ده من موروثات النظام القديم

+1

إلي حارق دمي فعلاً الناس إلي طالعة بتقول عايزين العلاوات بتعتنا وعايزين الزيادة السنوية وعاملين إضراب !!!!

الناس دي هتضيع إلي الثورة عملته والبلد هتضيع معاهم !!!

[shaddadfalcon1]

لازم البشر دي تراعي ان الجيش اللي كان مطلوب منه مسئوليات معينه بقي مطلوب منه كل حاجه دلوقتي واي مظاهره هتتطلب منه مجهود ذاياده وهيعطله عن الحاجات المهمه اللي المفرض يعملها

كل اللي مش عاجباه حاجه دلوقتي بيطلع يعمل مظاهره ويقطع الطريق مش فاهم ايه ذنب الطريق

ومش فاهم الشرطه المتخلفه دي او علي الأقل المرور هينزل امتي

اكيد طبعا مرتباتهم شغاله وهما قاعدين في بيوتهم

[hossaam]

ربنا يستر بجد...الناس دي بالطريقة دي هتخربها سواء بقصد او بغير قصد

انا شغلي في احد مواقع الانشاءات الكبيرة وفيها شركات اجنبية كتير( انشاء محطة كهرباء عملاقة)
الناس اللي ساكنين حول المشروع عاوزين يشتغلوا كلهم بالعافية وبالمرتب اللي هما شايفينه
ياكده يا اما يعملوها بلطجة ومظاهرات علشان يوقفوا الشغل في الموقع !!!!
معقولة الكلام ده ؟!! مشروع قومي عاوزين يوقفوه؟؟!!

منك لله يا حسني

[mrwho1982]

قلتها قبل كده

وهقولها تاني الموضوع بتاع الاضرابات والاعتصامات ده لو ماهديش

الجيش هيطاع الوش الوحش وشوف بقي هتشتكي الجيش لمين

ابسط حاجة يفرض الاحكام العرفية

اهدو شوية ده مبارك لسه ماشي من 5 ايام

[shaddadfalcon1]

لسه واحد صاحبي من سيدبشر بيقولي ان البلطجيه مبهدلين الدنيا عند شارع ملك حفني عند مزلقان القطر اللي عند الحي

واللي بتعرضلهم بيدغدغوه

[misoalex]

لا حول ولا قوه الا بالله
كل ده من الشرطه والامن يا جماعه

الامن عاجبه الوضع وشجع الناس على عمل مظااهرات وطلع هو كمان قفل شارع وعمل مظاهره

المفرض الجيش يورى الشعب الوش الوحش عشان الكلاب تتلم وترجع جحورها تانى
وكله كوم والبلطجيه كوم تانى

[mahmoudysf]

والله يا جماعة انا حاسس ان فيه ايد خفية من بقايا النظام البائد بتحرك الكلام ده
وخصوصا ان الشرطة سايقين العوج وموقفهم مش واضح
يا ريت كلنا نحاول نهدى شوية
مش ده وقت المطالبات الفؤية
الناس دى كدة هتقلب الترابيزة علينا
وكمان حاسس ان الناس الفؤية دي محدش منهم شارك ف الثورة ولا حتى بنيته
ودلوقتي عمالين ياكلو في في الجيفة زي الضباع
الكلام اللي بيحصل هيودينا لاجارءات غير محبوبة ولا مطلوبة من الجيش

[mohabelnegm]

أى حد يطلع فى أى احتجاج أو مظاهرة بعد التنحى يعتبر انتهازى و خاين و بيحاول يبتز البلد فى وقت حرج و لازم الناس اللى زى دول يتم التعامل معاهم بشدة لأن ألأمور كدة بقت مستفزة جدا...الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

[misoalex]

والله يا جماعة انا حاسس ان فيه ايد خفية من بقايا النظام البائد بتحرك الكلام ده
وخصوصا ان الشرطة سايقين العوج وموقفهم مش واضح
يا ريت كلنا نحاول نهدى شوية
مش ده وقت المطالبات الفؤية
الناس دى كدة هتقلب الترابيزة علينا
وكمان حاسس ان الناس الفؤية دي محدش منهم شارك ف الثورة ولا حتى بنيته
ودلوقتي عمالين ياكلو في في الجيفة زي الضباع
الكلام اللي بيحصل هيودينا لاجارءات غير محبوبة ولا مطلوبة من الجيش

أى حد يطلع فى أى احتجاج أو مظاهرة بعد التنحى يعتبر انتهازى و خاين و بيحاول يبتز البلد فى وقت حرج و لازم الناس اللى زى دول يتم التعامل معاهم بشدة لأن ألأمور كدة بقت مستفزة جدا...الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

[ghada_zaky]

عجبني جدا بيان البنك المركزي المصري في الصفحة الأخيرة في الأهرام النهارده علشان يوقف مظاهرات موظفي البنوك :


في الصفحة الأخيرة من اهرام الأربعاء 16 فبراير اعلان للبنك المركزي صفحة كاملة ده نصه:

بيان من البنك المركزي المصري

الى جميع العاملين في القطاع المصرفي المصري
...
اولا في ضوء الاحادث الجارية من تظاهر واحتجاجات للعاملين ببعض البنوك فان البنك المركزي المصري يهيب بجميع العاملين بالبنوك اهمية الانتظام في عملهم حفاظا على استقرار الاقتصاد الوطني

ثانيا يؤكد البنك المركزي المصري ويضمن بصفته الرقيب والمسئول الأول عن سلامة القطاع المصرفي في اتخاذ الاجراءات اللازمة لتنفيذ جميع المطالب المشروعة للعاملين في القطاع المصرفي

ثالثا يطلب البنك المركزي المصري قيام العاملين بهذه البنوك باختيار مجموعة منهم لا تزيد عن عشرين شخصا عن كل بنك تمثل قطاعاته المختلفة مع تحديد جميع المطالب كتابة لمناقشتها مع الادارة العليا لكل بنك في حضور السيد محافظ البنك المركزي ونائبه تمهيدا لاتخاذ القرارات اللازمة بشأنها وعلى ان تبدأ هذه الاجتماعات اعتبارا من الاحد القادم 20 فبراير 2011 وان يتم الانتهاء في مدة لا تتجاوز اربعة اسابيع

رابعا ان هذا القرار يأتي استمرارا واتساقا مع سياسة البنك المركزي الرامية الى دوام المحافظة على استقرار القطاع المصرفي وحقوق العاملين به ومكتسباتهم ودخولهم التي تضاعفت عدة مرات خلال فترة برنامج الاصلاح المصرفي

خامسا يطلب البنك المركزي المصري من جميع العاملين بالبنوك الانتظام في العمل حتى يتمكن القطاع المصرفي من الاستمرار في تأدية دوره الوطني في خدمة الاقتصاد القومي والحفاظ على المكاسب والنجاحات التي تحققت على ايدي العاملين به وقياداتهم خلال الأعوام السبعة الماضية في اطار برنامج الاصلاح المصرفي الذي حمى اقتصادنا الوطني خلال الازمة المالية العالمية بشهادة جميع الجهات المحلية والدولية

سادسا يؤكد البنك المركزي المصري عزمه الاستمرار في الحفاظ على الاستقرار النقدي واستقرار سوق الصرف وسلامة القطاع المصرفي وضمان ودائع العملاء

ويثق البنك المركزي المصري في وعي جميع العاملين بالقطاع المصرفي ووطنيتهم وتقديرهم للظروف الحساسة التي يمر بها وطننا العزيز مع التأكيد على الحفاظ على حقوقهم المشروعة

والله ولي التوفيق
البنك المركزي المصري

انا شايفة ان ده حسن واذكى رد فعل اتعمل وهو كده عادل مع الناس من غير ما يظلم العمل والبلد ولا يظلم الناس ويقولهم مش وقته ويسبهم وخلاص ماهو احنا لازم علشان ندى قانون و نلزم الناس بيه لازم نكون قدرنا نحقق ليهم جزء من طلباتهم او على الاقل نبتدى فى طريق تحقيقها ونتحقق من كلامهم
كلنا فى اى قطاع سؤاء عام او خاص اتعرضنا وعنينا من فساد كبير وكل الناس ما صدقت تعرف تعبر وتطلب حقها وكيدين خايفين انهم لو مقلوش ان فيه مشكلة حقوقهم مش حترجع ابدا فكله بدافع احساس النجاح والتغيرات اللى حصلت اتحرك بناء على كده
اننا نطلب من الناس انها لا اشتغلوا وبعدين اشتكوا مش حينفع لان الناس مش ضامنة ولا عندها ثقة ان الوضع مش حيرجع تانى زى الاول
لكن تقول اشتغل و كون ناس من عندك تعبر عن مشارك واحنا ككجهة رقابية حنحضر ونشوف يبقى كده الاتنين يحصلوا اشتغلوا وحقوقكم فى نفس الوقت حيتحقق فيها لكن ان اقول لحد اشتغل والبلد اهم من الشخص حتلاقى احساسه بالظلم مش حيخليه يشتغل بالشكل اللى هو مفروض
ولازم ده يكون على كل القطاعات مش بس البنوك

[dr-mohamed]

فلت الكلام ده مع ظهور المظاهرات الفئوية وهي بالمناسبة ظهرت قبل التنحي وقلت حرام عليهم هايضيعوا الثورة كل همهم نفسهم المفروض يهدوا شوية لما البلد يتصلح حالها وبعدين يشتغلوا واللى ليه حق يطلبه
فوجئت ببعض السادة المحترمين هنا في المنتدي مش ناقص غير انهم يقولوا اني خاين وعميل وبهاجم الثورة ومن بقايا النظام البائد
حاجة تقرف

[wael17]

الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

التشبيه ده جامد و معبر قوي...تحس فعلا انهم زي الضباع!!! بعد ما شباب الثورة (الاسود) أسقطوا النظام الفاسد (الجيفة) طلعت الضباع تقول عايزة حقي...لا هم كان عندهم جرأة يطالبوا بحقوقهم قبل كده و لا هم اصلا اشتركوا في الثورة و دلوقتي افتكروا ان لهم حقوق