استفسار لجميع اعضاء المنتدى؟

[mmffor]

يعني انا ليا بصراحة استفسار بسيط
هوا اللي بيديروا المنتدى دول بشر و اللا برامج كمبيوتر؟
انا عملت مشاركه بخصوص مظاهرات الحرية بعنوان رسالة من متظاهر في ميدان التحرير
و بسببها تم عمل عقوبة ليا لمدة اكثر من 3 اسابيع بسبب انني بتكلم في السياسة!!!! قاعدة 9 ب
انا اطالب بمعاقبة من فرض عليا العقوبة لانه اساسا حد العقوبات لا يوجد به 3 اسابيع!!! و راجعوا العقوبات
على الرغم ان حديث الشارع كله كان في السياسة!!! قضيت من العقوبة حوالي 10 ايام و بعد كده دخلت باكاونت كان قديم ليا اوضح وجهة نظري
فاذا بالعقوبة تتحول الى تعدد عضويات و عقوبة اخرى 7 ايام
لا ادري ما هي شخصية من عمل لي عقوبة و لا تهمني شخصيته
ممكن يكون عضو في الحزب الوطني
ممكن يكون شخص مش واخد باله من اللي بيحصل في البلد
انا كنت متوقع تفسير او اعتذار مش مضاعفة العقوبة بعد ال 10 ايام منع ظلم يتم اضافة اسبوع ليهم!!!
ده اسمه تهريج او سوء ادارة
و في كلتا الحالتين انا فعلا صدمت لاني لو مش عارف اخد معاملة انسانية تعتمد على الحوار و التفاهم
لا يشرفني انني استمر في منتدى بمثل هذا التحجر الفكري و الانساني
انتوا عملتوا زي عساكر الامن المركزي يقولوا اضرب يضرب و لو شغل فكره دقيقة حيعتذر و حيخلي سلاحه اخر حاجة يستخدمها
انتم تلجؤون للمنع لانكم ضعفاء لانكم لو كنتم اقوياء لكنتم تحاورتم و تناقشتم
للعلم انا ارسلت ايميل للمنتدى و لم احصل على رد و هذا اسوأ انواع التجاهل
المنتدى ده بحاجة الى تطوير
تطوير في فكر ادارته و عقلية افراده
اعتقد ان النشوء على خلفية قانون الطواريء اثرت سلبا على العديد منكم!

ليا 3 تساؤلات: 1- على اعتبار الالتزام بالقوانين لماذا حصلت على عقوبة غير موجوده في القوانين؟ ايه محاكمة عسكرية؟
2- لما انتفى السبب للقاعدة لماذا لم يتم رفع العقوبة ذاتيا؟ و لماذا فرضت عليا عقوبة اضافية؟ الا يكفي ان كنتم تخصموا 7 ايام من ال 10 ايام اللي عوقبتها فعليا بغير ذنب و يبقى ليا في ذمتكوا 3 ايام كمان!!!
3- لما بعت ايميل لماذا تم تجاهله؟ اهكذا تعاملون زملائكم في المنتدى؟

[amir]

http://www.nilemotors.net/Nile/201056-a.html

[mmffor]

ده خلاف اداري اكثر منه سياسي!
لماذا يتم فرض عقوبة 3 اضعاف العقوبة الاصلية علي بدون ابداء السبب؟
لانني تحدثت عن المظاهرات؟ يبقى لازم جميع اعضاء المنتدى ابتداءا من كريم منير لحد اصغر عضو مشارك يتم عقابهم
لانني اتحدى ان مفيش حد لم يتكلم في السياسة اليومين اللي فاتوا
العالم كله كان بيتكلم في سياسة مصر!!!
لماذا يتم فرض العقوبات بصورة انتقائية؟ لان ده ظلم و انا لا اقبله

[النوبي]

اولا حضرتك ده مش المكان بتاع الشكاوي
ثانيا انت تفتقر إلي اقل قواعد الاحترام للاخر واسلوبك مستفذ للغايه ولما حضرتك ميشرفكش الانتماء الي المنتدي بتعمل مشاركه ليه
ولما حضرتك معاك اكتر من اكونت مش عايز يطبق عليك القانون ليه
وده من كلامك ان الاكونت اللي اخدت عقوبه عليه احدث من اللي دخلت بيه بعد العقوبه علشان تعترض
برجاء احترام عقليه الناس ولما حضرتك مش عايز تشارك يبقي ياريت تبطل مشاركه

[Tarek Gen 2]

براااااااااااااااااااحة يا اخواننا
لازم نقدر عصبية الراجل و لو حد مكانه هيبقى زيه مع بعض الاختلاف

بعد ازنك اتبع القواعد و اكتب فى الشكاوى وان شاء الله تاخد حقك لو ليك حق

[تامر.محمد]

مش عارف اقول ايه

[mmffor]

انا ليست عندي خلفية بموضوع النقاط!
اعتذر للجميع على اسلوبي في المشاركه و لكني كنت في حالة ذهول
انا اسف و ارجو مسح الموضوع

[مراقب المنتدى]

تكرارك لنفس الموضوع فى اكثر من قسم مخالف للاقعدة 17 من قواعد المنتدى
مما يترتب عليه ايقافك
ايضا اسلوبك فى الحوار مخالف لقواعد المنتدى
يتم دراسة العقوبة التى تستحقها

وللعلم تم الرد على شكواك واستفسارك سابقا على الايميل الذى راسلتنا منه