موظف في بنك بيستهبل

[Ayman-Ahmed]

طيب مادام هي بنوك اجنبية عايزين ايه؟ الحكومة هاتجبر بنك اجنبي علي اعادة هيكلة الرواتب؟!! طب ما البنك هيقفل و يسيب البلد

علي العموم مادام وصلت لكده أحب أقولكم اني بكره هاعمل اعتصام قدام المستشفي عشان مرتبي من الحكومة يزيد يا ريت ماحدش بكرة يعدي من المنيل عشان هاقفل كل الشوارع هناك
أه و كمان ماحدش يمشي علي الدائري بكرة عشان هاقفله نص ساعة و انا مروح علي اكتوبر...هاقف بالعربية بالعرض عند الحتة الضيقة و اول ما اشوف الجيش جاي هاطلع أجري

يا سيدى الفاضل ومعظم اللى عاملين اعتصامات عاملينها ليه يعنى مثلا عمال المدابغ عشان الجلد غلى وسواقين الميكروباص عشان عاوزين ينقلوه من رحلات لاجرة وسواقين التاكسى الابيض عشان التاكسى قطع غياره غير متوفرة والاقساط والحياة بقت صعبة والخ

وهو اساسا اللى مرتبه عالى وشغال فى مكان كويس عاوز ايه؟ اه عاوز يتثبت.اصله لما راح اشتغل وكتب العقد مكانش عارف انه بعقد قابل للتجديد.

كله عاوز يعتصم وكله عاوز حقه وكله عاوز الوقتى وحالا والا مش شغال وتقع البلد وانا مالى أناعاوز ومليش دعوة بغيرى.

ارحمنا يارب

[misoalex]

طيب لو انا عاوز وظيفه بنص مرتبه 2000 جنيه اعمل ايه

هو طلع واتظاهر عشان مش عاجبه ال 8000 انا اعمل ايـــــــــــــــــــه

[tananybasha]

انا هانتحر خميس و جمعه و اجى ارد عليه

[maka]

ده انا على كده معدم و تحت خط الفقر

مهندس و بقبض 600 جنيه

[dramir1]

حسبي الله ونعم الوكيل ...
لييه الانانيه دي ؟يوقفو اقتصاد البلد عشان ناس بتاخد 8000 جنيه؟؟ بس؟؟؟ياحرام ؟صعبت عليا قوي!!انا بفكر اكلم مسئولين الزكاه يحط اسمه في كشوف الحالات الفقيره!!!!!!!!!

[wael17]

ي
كله عاوز يعتصم وكله عاوز حقه وكله عاوز الوقتى وحالا والا مش شغال وتقع البلد وانا مالى أناعاوز ومليش دعوة بغيرى.

ارحمنا يارب

اللي مشي في المظاهرات في الايام الاولي كان بيعرض نفسه لخطر الموت او الاصابة او الاعتقال عشان خاطر البلد يعني علشان غيره يعيش بحرية و كرامة لكن اللي بيطلع دلوقتي يقطع طريق عشان يتثبت او يزود مرتبه بيضيع البلد و يضر الناس كلها عشان مرتبه يزيد 50 ولا 100 جنيه...يعين ده نقيض ده...النموذج الاول تضحية بالنفس لصالح الكل و النموذج الثاني تضحية بالكل لصالح الفرد...الواحد نفسه يشتم بس والله خسارة فيهم اتوقف

[ahmed1981]

أنا لا أعترض على إنسان يطلب رفع ظلم واقع عليه

لكن الأمر تحول لإستهزاء وتصفية حسابات واستهبال واستعباط

في المظاهرة التي كانت أمام البنك الأهلي الرئيسي في وسط البلد

كانوا جايبنهم في التلفزيون
كان فيه واحد منفعل جداً
وشايل يافطة
وبيتظاهر
التلفزيون قاله إنت إيه مشكلتك

فقال سيادته:
أن هناك زميل له قد يكون أقل منه في المستوى الوظيفي ومرتبه 16 ألف جنيه وهو مرتبه ربع مرتب ذلك الزميل
يعني سيادته مرتبه 4000 جنيه وبيتظاهر وعامل إضراب وموقف العمل في البنك ومعطل مصالح المواطنين

سبحان الله
حسبي الله ونعم الوكيل

ولكن أنا لي نظرية في هذا الأمر
الله تعالى هو الذي طرد مبارك من الحكم وأذل حاشيته وعصابته وجعل البلد تتطهر منهم واحداً تلو الآخر
وهو سبحانه وتعالى الذي سيعلم هؤلاء الذين يحاولون الإستعباط على قفا الثورة سيعلمهم الشرف والفضيلة والقناعة

فما أراه الآن في مصر هو قوة ربانية للتطهير وستطهر الصغير والكبير وتذل الطغاه والفاسدين صغروا أو كبروا

[waleedraafat]

هوا ده شعب مصر الحقيقي الي انا باكرهه
يوم ما الثورة قامت واستمرت وشفت التضحية والاخلاق والوفاء نسيت نفسي وحبيت مصر وشعبها وانا في خضم الفرحة وقبل التنحي بعدة ايام قال لي احد اصدقائي انه خايف من التغير لانه ممكن يطلع شعب مصر الحقيقي الي استاهل حكم مبارك 30 سنة ولكني عارضته بشدة وقلت له ربما يكون قد استبدل الله تلك الاقوام بهؤلاء الشباب ومصر فعلا هتبقي جنة
ولكن للاسف بدأت اتشائم ثانية واشتم رائحة الغباء والفردية تفوح في ربوع مصر تحاول ان تقفز علي جثث الشهداء لتحصل علي علاوة او بكتيرة ترقية

لا الله الا الله، اللهم نجنا من الجبناء والاغبياء والمستغليين

[Xander2010_Evo]

أنا هسكت أحسن

[wael17]

هوا ده شعب مصر الحقيقي الي انا باكرهه
يوم ما الثورة قامت واستمرت وشفت التضحية والاخلاق والوفاء نسيت نفسي وحبيت مصر وشعبها وانا في خضم الفرحة وقبل التنحي بعدة ايام قال لي احد اصدقائي انه خايف من التغير لانه ممكن يطلع شعب مصر الحقيقي الي استاهل حكم مبارك 30 سنة ولكني عارضته بشدة وقلت له ربما يكون قد استبدل الله تلك الاقوام بهؤلاء الشباب ومصر فعلا هتبقي جنة
ولكن للاسف بدأت اتشائم ثانية واشتم رائحة الغباء والفردية تفوح في ربوع مصر تحاول ان تقفز علي جثث الشهداء لتحصل علي علاوة او بكتيرة ترقية

لا الله الا الله، اللهم نجنا من الجبناء والاغبياء والمستغليين

هو ده اللي أنا حاسس بيه...الوجه المشرق للشعب المصري اللي عمل الثورة السلمية و خلي العالم يتحاكي عن تحضر المصريين لا يمثل اكثر من 10% من الشعب و يمكن اقل لكن غالبية الشعب بيغلب عليها الغباء و الفردية و الجهل

[Ayman-Ahmed]

اللي مشي في المظاهرات في الايام الاولي كان بيعرض نفسه لخطر الموت او الاصابة او الاعتقال عشان خاطر البلد يعني علشان غيره يعيش بحرية و كرامة لكن اللي بيطلع دلوقتي يقطع طريق عشان يتثبت او يزود مرتبه بيضيع البلد و يضر الناس كلها عشان مرتبه يزيد 50 ولا 100 جنيه...يعين ده نقيض ده...النموذج الاول تضحية بالنفس لصالح الكل و النموذج الثاني تضحية بالكل لصالح الفرد...الواحد نفسه يشتم بس والله خسارة فيهم اتوقف

وهما دول اللى بحترمهم واحترمتهم اكتر لما المطالب اتحققت ومشيوا من الميدان مع ان الاحداث ضرت ناس كتير بس الواحد دايما بيصبر نفسه وبيقول مش مشكلة دلوقتى هعتبرها اى ظروف طارئة الواحد بيمر بيها واللى جاى بامر الله احسن.ولكن اللى بيقطع طريق واللى مش عاوز يشتغل الا لما المطالب تتحقق واللى لقى الموضوع سهل مع ناس تانية وانا لا ليه ما بالمرة.طيب ما تصبر عشان بكرة نتحسن لانك كنت عايش كدة بقالك كتير وكنت ماشى طيب ما تصبر لحد ما الوضع يتحسن ونعدى الفترة ديه.يرد عليا يقولى اه ما انت تلاقيك مرتاح مش فارقة معاك.وده كان رد واحد من المحتجين امبارح عند وزارة البترول.

الشرطة مش عارفة او مش عاوزة تنزل الشارع وده خارب الدنيا اكتر والناس برده تقول لما يتعدلوا ينزلوا وميطلبوش مننا نسامح الا لما احنا نشوف الاداء.طب ما نسيبهم يؤدوا عشان نعرف نحاكم لكن لا لما يحاكموا اللى قتلوا الاول.طيب خلينا احنا شايلين اسلحة ونحمى بيوتنا واهلنا وممتلكاتنا لحد ما اهم جهاز يتحاكم ويارب تعجب الناس المحاكمة.

كله عاوز من الحكومة ومش مهم الحكومة تجيب منين.لا ازاى الفلوس كتير ومصر مليانة فلوس.مش شايف عملوا كام مليار من فلوسنا.طيب ما تسيبوا الحكومة تحوشلنا شوية فلوس ونسيب المخزون عشان اى ظروف مستقبلية وطالما انت عاوز فلوس وزيادة طيب اشتغل وشوف اخر الشهر الوضع ايه ولما ميعجبكش ابقى قول لا انا عاوز.بس اشتغل واطلب.

لا حول ولا قوة الا بالله .لكى الله يا مصر ويارب اهدينا للصراط المستقيم.

[abogogo]

بولغه ....

[husseinsalah]

انا مرتبى بالبدلات والحوافز و الاجنتات الاجنبية والعمالة ووجبات كنتاكى ماحصلوش ربع المبلغ دة

[Michael_Lanos]

8000 بس
يعنى يحوش 5 شهور ويجيب عربيه لانوس مستعمله .... كتير قوى كده
عايش ازاى الغلبان ده

[wael17]

كله عاوز من الحكومة ومش مهم الحكومة تجيب منين.

لا دي بسيطة...تجيب من الشوال اللي فيه 70 مليار بتاع مبارك...مبارك مخبيه و احنا لازم نوقف حال البلد و نضغط علي الحكومة عشان ترجع الشوال ده و توزع علي كل واحد نصيبه في ال 70 مليار