احذروا الثورة المضادة ..... النظام لم يسقط بعد

[تامر.محمد]

سلام عليكم
انا مش عايز اخوف حد ,,,,, و يمكن ناس كتير على العكس عارفين بجوانب اللي هاقوله اكتر مني بس عايز اشارككم احساسي

اللي بيحصل ان فيه حاليا ثورة مضادة , يعني ايه ... يعني فيه جهات بتحارب الثورة و بتشوهها
و مازالوا بيخوفوا الناس ......

ازاي ؟
فيه محاولات اثارة فتنة بين فئات الشعب ...
مأجورين الانترنت مازالوا ماليين النت , بيشوهوا الثورة و اللي عملوها بنفس الهبل اللي كان التليفزيون المصري بيقوله ( اجندات و عمالة خارجية و كلام فاضي كتير ) , هما هما نفس اللي عمالين يعيطوا على البائد مبارك , و هما نفسهم اللي مقطعين النت دعوات لجمعة البتاع دعما لمبارك و الكلام الظريف

(انا لسه حالا كنت باكلم واحد بيقول الكلام ده , عشان يثبت كلامه قال لي ويكيليكس قالت كده , و لما طلبت منه اللينك جاب لي لينك لوثيقة بتتكلم عن احتجاز نشطاء راحوا نجع حمادي من عام كامل )

بلطجية الحزب الوطني مازالوا منطلقين و فعلا و حرفيا بيروعوا الآمنين في حتت كتير اوي

(لسه محمود سعد بيتكلم عن دعوة اتوجهت له لتظاهرة للعودة للعمل , بالصدفة البحتة في نفس مكان و ميعاد مظاهرة تأييد الرئيس البائد)

فيه أنباء عن اختطاف نشطاء سياسيين

عمر سليمان و زكريا عزمي موجودين

احمد عز و انس الفقي و الأشكال دي كلها أحرار طلقاء

مبارك ما يزال بيحرسه الحرس الجمهوري لحد دلوقت

الحكومة اللي عينها الرئيس البائد بكل فاسديها ما تزال موجودة و اتمنى سقوطها قريبا

لسه منتشر خبر على الانترنت الله اعلم بصحته بيقول ان فيه اعضاء من الحزب الوطني بيحرضوا الناس على اقامة تظاهرات فئوية ( انا لحد دلوقت مش قادر احدد موقف من التظاهرات دي).

كل دي شواهد بتقول - مش شرط كلها - لكن الاكيد انها بتقول ان فيه ايدي خفية قوية باقية من النظام السابق و بتحارب الثورة و بتحاول تثير الفتن بين الشعب , و يمكن بين الشعب و الجيش كمان , و الأرجح ان الأيدي دي هاتعمل على ان اللي يمسك البلد يكون واحد من النظام السابق عشان ينقذ ما يمكن انقاذه للعالم دي

[أبو عبدالله]

انا أؤيدك فيما تقوله فعلا
الفيس بوك ماليان من الناس دي
والمشكلة ان فيهم من احزاب زي الوفد وغيره برضه
ماسكين بعش الشباب زي وائل غنيم وغيره
وهاتك مؤامرات لا ده ماسوني لا ده مش عارف ايه لدرجة انهم ألفوا قصه انه اتمسك في المطار مع كاميرا فيها صور لمواقع حساسه
يعني احنا لسه في عصر جوجل ايرث الجواسيس بيصوروا بالكاميرات ويبقى معاهم افلام فيها صور حساسه
كلام غبي ومتخلف بجد الواحد اتخنق من الناس دي بجد
والمشكلة ان اللي مالوش في البطاطس ماشي وراهم يقولك بطاطس

[m_car]

كلامك صح والله وكنت لسه بتكلم مع ناس دلوقتى حول الموضوع ده وان فى قرار نزل بوقف تصدير الغاز لاسرائيل طبعا ده مش وقت القرار ده خالص

انت ازاى تاخد قرار زى ده وانت مش مستعد لاى شئ خارجيا

وليه زكريا عزمى وعمر سليمان فى القصر الجمهورى
وبعدين مش مبارك تنحى يبقى يمشى بقى وميكنش تحت حراسة الجيش ولا اى حاجة احنا مالنا موظف واستقال من شغله

وعلى رايك احمد عز بحريته وكل الناس بتوع النظام السابق

وكل حاجة ماشية تمام بس فقط من غير اسم مبارك ولكن مبارك تحت الناس دى كلها

[medo_2060]

انا نفسي اعرف فعلا الناس بتوع النظام القديم دول واخدين فرصه يعملوا الى هما عايزينه دلوقتى ازاى
دا غير ناس كتير لسه فى اماكنها وناس كتير منعرفش اصلا هما فين

[M.Mostafa80]

الله اكبر فوق كل ظالم
يمكرون ويمكر الله

[Michael_Lanos]

ربنا يحافظ علينا ويحسن من وضع البلد يارب

[mrwho1982]

انا أؤيدك فيما تقوله فعلا
الفيس بوك ماليان من الناس دي
والمشكلة ان فيهم من احزاب زي الوفد وغيره برضه
ماسكين بعش الشباب زي وائل غنيم وغيره
وهاتك مؤامرات لا ده ماسوني لا ده مش عارف ايه لدرجة انهم ألفوا قصه انه اتمسك في المطار مع كاميرا فيها صور لمواقع حساسه
يعني احنا لسه في عصر جوجل ايرث الجواسيس بيصوروا بالكاميرات ويبقى معاهم افلام فيها صور حساسه
كلام غبي ومتخلف بجد الواحد اتخنق من الناس دي بجد
والمشكلة ان اللي مالوش في البطاطس ماشي وراهم يقولك بطاطس

اه والله عندك حق فعلاااا

[misoalex]

الاجابه : جمال مبارك

والحل : عمل انتخابات رئاسيه فى اسرع وقت لان طول ما الكرسى فاضى العيون بتكتر عليه وخصوصا ديول النظام القديم

[mahmoudselim]

صدقني أنا اول واحد كنت قلقان جدا من الموضوع دا وحتلاحظ دا في كلامي من مشاركات ومواضيع سابقة.
بس أنا عاوز أطمنك ان ربنا سبحانة وتعالي كان معانا في الثورة دي ومش هيتخلي عنا بأذن الله لان أحنا عملنا ال هلينا.
ثاني حاجة أن مؤسسة الجيش فعلا مؤسسة عظيمة وقيادتها أشخاص وطنيين جدا وبيحبوا البلد جدا وشرفاء جدا
انا بقول دايما ان الشعب هو الانقذ الجيش مش العكس. الناس دي عارفة كويس هي بتعمل اية وحاطة عنيها فعلا عي كل صغيرة وكبيرة
بالنسبة لعمرو سليمان وزكريا عزمي أطمن تحت سيطرة الجيش .. كل حاجة بتاخد وقت

[misoalex]

كلامك صح والله وكنت لسه بتكلم مع ناس دلوقتى حول الموضوع ده وان فى قرار نزل بوقف تصدير الغاز لاسرائيل طبعا ده مش وقت القرار ده خالص

انت ازاى تاخد قرار زى ده وانت مش مستعد لاى شئ خارجيا

وليه زكريا عزمى وعمر سليمان فى القصر الجمهورى
وبعدين مش مبارك تنحى يبقى يمشى بقى وميكنش تحت حراسة الجيش ولا اى حاجة احنا مالنا موظف واستقال من شغله

وعلى رايك احمد عز بحريته وكل الناس بتوع النظام السابق

وكل حاجة ماشية تمام بس فقط من غير اسم مبارك ولكن مبارك تحت الناس دى كلها

[size="5"][color="rgb(255, 140, 0)"]


دى مصيبه وكارثه ان واحد زى حسنى مبارك او جمال مبارك يمشو او يطلعو من البلد حضرتك

انت عارف يعنى ايه رئيس لمصر 30 سنه يعنى عارف الشعب بيتنفس كام نفس والقرد مخبى ابنه فين

ابسط حاجه ابسط حاجه ممكن يدى معلومات لدول خارجيه تساعدها فى حاجات كتيييييييييييييييير اوى ضد مصر
وكده مصر تقع من قبل متقوم
ويرجع هو او ابنه للحكم تانى
او ببساطه يتمتع بالفرجه على شعب مصر الى كرشه من الحكم

شوف محمد نجيب قعدوه تحت الاقامه الجبريه كام سنه
وامريكا لما رئيس بيستقيل منها او مدته تخلص بينزل يشتغل فى اى منصب مهم

الظابط او العسكرى الى بيشتغل فى المخابرات لما بيسيب الخدمه ممنوع من السفر لمده 3 سنوات الا بأمر من المكان الى كان شغال فيه
ما بالك برئيس جمهـــــــــــــــــــــوريه

[AboMaro]

على فكرة يا جماعه انا صاحب فكرة جمعة رد الجميل

و احب اعرفكم اني لا من مأجورين الانترنت و لا تبع اسرائيل

و لا انا عايز جمال مبارك يرجع عشان اخد نسبه من بيع الغاز لاسرائيل

لأني ببساطه مشارك ع الفيس بوك في صفحة "الشعب يريد ايقاف تصدير الغاز"


تاني يا جماعه انا صاحب الفكرة ولم تأتيني بأيعاز من اي شخص

و كنت عايز اكتب عنها هنا بس مرتيضش عشان المشاكل

لكن بعتت رساله لكريم منير و قولتله اذا كان يحب يحط الموضوع عنده

و اللي عايز يسأل و يعرف الموضوع ايه يتفضل

بس من غير اسأة او تهكم وسيبكوا من حكايه ويكيليس دي عشان انا فهمي على قدي

[AboMaro]

للاسف مضطر احط نسخه من الرساله التي ارسلتها لكريم منير بالميل والرساله الخاصه
اعتزر للاخ كريم منير
ولكن ايضا ذلك للاثبات فان لم يكن كلامي صحيحا فأرجو منه بدون مراجعه ان يوقف حسابي
============

الاخ الفاضل كريم بك
بعد التحيه
طبعا انت ممكن تكون عارفني انا ابو مارو صاحب مشكلة السياره الهيونداي الشهيرة
و طبعا عارف انا ممكن اكون من ضمن الناس اللي كنت حاسس بفساد و اضريت منه

لكن طبعا انا من الناس اللي لي رأي انه لم يكن هناك داعي من ايزاء الرئيس بمثل هذا الشكل

عموما مع بعض الاخوه تم تنظيم مسيرة بأسم مسيرة رد الجميل

لرد جميل الرئيس وتحيته على انجازاته كذلك مع الحداد على ارواح شهداء ثورتنا

و هذه هي المعلومات

ده لينك المسيرة من الفيس بوك

http://www.facebook.com/alqaheraalyoumTalkShow?ref=ts&v=wall#!/event.php?eid=192354780783520



ده لينك تغطية خبر المسيرة من بوابة الاهرام

http://gate.ahram.org.eg/News/39675.aspx



افتخر ان من شباب ثورة مصر و كمان عندي الشجاعه اقول اني مش ناكر للجميل

انا طبعا كنت ممكن اعمل توبيك ف المنتدى الاجتماعي بهذا الموضوع
الا اني تركته لتقيمك وكذلك حتى لا اتسبب في حرج
او اتسبب في مشاده بين الاعضاء
فربما اذا وضعت انت و بتنبيه منك على حسن المشاركه من الجميع كذلك توضيح فكرته . فيلاقي حسن المشاركه بدون احراج
هذا اذا كنت من مؤيدي هذا التوبيك
و جازاك الله خيرا

[mertahgedan]

وجود الحكومة الحالية برئاسة شفيق هو ما يعطي اذناب النظام فرصة الهجوم المضاد. أكثر شيء اخاف منه اننا شعب عاطفي أكثر من أي شيء آخر شعب يفكر بعاطفته أكثر من عقله

[misoalex]

على فكرة يا جماعه انا صاحب فكرة جمعة رد الجميل

و احب اعرفكم اني لا من مأجورين الانترنت و لا تبع اسرائيل

و لا انا عايز جمال مبارك يرجع عشان اخد نسبه من بيع الغاز لاسرائيل

لأني ببساطه مشارك ع الفيس بوك في صفحة "الشعب يريد ايقاف تصدير الغاز"


تاني يا جماعه انا صاحب الفكرة ولم تأتيني بأيعاز من اي شخص

و كنت عايز اكتب عنها هنا بس مرتيضش عشان المشاكل

لكن بعتت رساله لكريم منير و قولتله اذا كان يحب يحط الموضوع عنده

و اللي عايز يسأل و يعرف الموضوع ايه يتفضل

بس من غير اسأة او تهكم وسيبكوا من حكايه ويكيليس دي عشان انا فهمي على قدي

طيب ممكن اعرف من حضرتك ايه الجميل الى حنرده

ولو حنرد الجميل نرده لحد يستاهل مش صح ولا انا غلطان

ولو حنرده مش يبقى الى حنردهوله يدينا حقنا الاول وساعتها نقوله شكراااااااااااا

اظن حضرتك تسرعت وعرضت فكره لا فى وقت مناسب ولا مع الشخص المناسب

واخر سؤال لو حضرتك بعد الشر بعد الشر اتصابت بأصابه بالغه او عاهه زى الناس الى اتصابت او لاقدر الله حد من اقاربك او صحابك مات فى الاحداث الاخيره هل ده حيكون موقفك وحتطلب رد الجميل ؟؟؟؟؟؟؟؟؟؟؟

[AboMaro]

طيب ممكن اعرف من حضرتك ايه الجميل الى حنرده

ولو حنرد الجميل نرده لحد يستاهل مش صح ولا انا غلطان

ولو حنرده مش يبقى الى حنردهوله يدينا حقنا الاول وساعتها نقوله شكراااااااااااا

اظن حضرتك تسرعت وعرضت فكره لا فى وقت مناسب ولا مع الشخص المناسب

واخر سؤال لو حضرتك بعد الشر بعد الشر اتصابت بأصابه بالغه او عاهه زى الناس الى اتصابت او لاقدر الله حد من اقاربك او صحابك مات فى الاحداث الاخيره هل ده حيكون موقفك وحتطلب رد الجميل ؟؟؟؟؟؟؟؟؟؟؟

ارد عليك بس واحده واحده

اولا ده بيان المسيره كما هو موضوع
بسم الله الرحمن الرحيم

رداُ على أهانة الرئيس حسنى مبارك على ارضة وفى وسط وطنة و أنكار تاريخة و انجازاتة فى مصر و الوطن العربى و اسلوبة المتميز فى ادارة الازمات الخارجية

قررنا نحن شباب مصر الوااعى المحترم الذى لا ينتمى الى اى حزب سياسى او جهة امنية وليس لنا اى اهداف او مطالب سياسية سوا رد كرامة وتكريم الجندى و القائد و الرئيس حسنى مبارك

أقامة جمعة رد الجميل الى سيادة الرئيس حسنى مبارك حفظة الله و شفاة و التى سوف تنطلق من أمام

جامع مصطفى محمود بالمهندسين بعد صلااة الجمعة مباشرة وتظل امام جامع مصطفى محمود

*- أهداف المسيرة
ــــــــــــــــــــــــــ
1-رد كرامة و اعتبار الرئيس حسنى مبارك
2-حرية التعبير فأن كان لهم الحق فى أهانة الرئيس فلنا ايضا الحق فى تكريمة

قواعد المسيرة:
ـــــــــــــــــــــــ
1-عدم الاهانة او التجريح لثورة شباب 25 يناير لانها مطالب مشروعة لكل شاب

2-عدم الاسفاف و التقليل من تضحية شهداء الوطن فأنهم أخواتنا

3- حضور كل عضو فى المسيرة بزى لونة اسود تعبيرأ منا على حزننا على شهداء الثورة من الشرطة و الشعب
ولحزننا على رئيسنا المحبوب فخامة الرئيس حسنى مبارك


خطوات المسيرة:
ــــــــــــــــــــــــــ
1- التجمع امام المسجد بعد الصلااة مباشرة

2-احضار جميع المواطنين لصور و لفتات حب و تأيد للرئيس مبارك

3-التأكيد على أن المسيرة سلمية ولا نتعرض لااى شخص

4-كل شخص يعبر عن رأية الشخصى فى تلك اللفتات

5- تأليف الهاتفات الخاصة و المؤيدة للرئيس مبارك
ــــــــــــــــــــــــــــــــــــــــــــــــ

هذة الحملة هيا تعبيرا منا بتقديرنا و حبنا للرئيس مبارك وحزننا و أسفنا على ما حدث لة

رسالة لكل مواطن شريف:
ــــــــــــــــــــــــــــــــــــ
نحن لا نسعى ألى مظاهارات او زعزعة الامن او أزعاج السلطات نحن مسيرتنا رد كرامة رجل أهانة الشعب و أحترامة التاريخ و حتى لا يهيننا التاريخ كلما تذكر حسنى مبارك

فأنة قائد حرب أكتوبر و الرئيس و الاب الشرعى لكل المواطنين المصرين