احذروا الثورة المضادة ..... النظام لم يسقط بعد

[SkyBird]

الحل السريع حكومة انتقالية فوراً
الجيش مستني ايه
كفايه على بقية النظام البائد كده اللي حرق مستنداته واللي جمع فلوسه (10 الالاف دولار يوميا لمدة اكثر من اسبوع كافية جدا للحرامية)
بالنسبة لثورة المضادة ده طبيعي في كل الثورات ومفيش خوف منهم بعون الله
بخصوص تظاهرة رد الجميل للذليل مش ملاحظين انها نفس موعد مسيرات الثوار اللي اتحددت كل يوم جمعة لغاية ما المطالب كلها تتنفذ
هو كل ما نعمل حاجة يعملوا عكسها الله يخرب بيوتهم

[medo_2060]

حضرتك اب شرعى ايه وبتاع ايه وتردله كرامه كمان...

استغفر الله العظيم

[M.Mostafa80]

بدون اهانه لأى حد حاسيس انى هرجع

انا زهقت

[AboMaro]

انا هرد طبعا على حكايه رد جميل على ايه


شوف انا بس شايف ان كرامة الرئيس والقائد الاعلى للقوات المسلحه هو اهانه لينا كلنا
و هو اهانه وكسر انف الجيش المصري


طبعا هتقولي الجيش والشعب ايد واحده

خلينا صرحاء الجيش بتاعنا تم اجباره على اهانة قائده
و هذا ما اراده الغرب لنا و نحن نفذناه

طبعا في نفس الوقت احنا شكلنا كويس جدا بل ويدرس امام العالم عما قمنا به

ولكن جمال ما حصلت عليه الثورة من مكاسب تم تشويهه بأهانة غير محسوبه

ولذلك ارى انه من الاكثر جمالا لشكل الشعب المصري ان يقوم بثورته

ويشكر قائده على ما قد مضى من فترة زمنيه امتلأت بما له وما عليه

لذا وجب منا الشكر

اما بالنسبه سؤال حضرتك عما اذا كان موقفي مماثل في حال حدث مكروه لي او لاحد من اقاربي في الاحداث
فالاجابه هي لأ لن يكون موقفي مماثل
علما بأني اطالب بالتحقيق فيما حدث و اعدام المتسبب و المسئول في ميدان عام

[mahmoudselim]

ارد عليك بس واحده واحده

اولا ده بيان المسيره كما هو موضوع
بسم الله الرحمن الرحيم

رداُ على أهانة الرئيس حسنى مبارك على ارضة وفى وسط وطنة و أنكار تاريخة و انجازاتة فى مصر و الوطن العربى و اسلوبة المتميز فى ادارة الازمات الخارجية

قررنا نحن شباب مصر الوااعى المحترم الذى لا ينتمى الى اى حزب سياسى او جهة امنية وليس لنا اى اهداف او مطالب سياسية سوا رد كرامة وتكريم الجندى و القائد و الرئيس حسنى مبارك

أقامة جمعة رد الجميل الى سيادة الرئيس حسنى مبارك حفظة الله و شفاة و التى سوف تنطلق من أمام

جامع مصطفى محمود بالمهندسين بعد صلااة الجمعة مباشرة وتظل امام جامع مصطفى محمود

*- أهداف المسيرة
ــــــــــــــــــــــــــ
1-رد كرامة و اعتبار الرئيس حسنى مبارك
2-حرية التعبير فأن كان لهم الحق فى أهانة الرئيس فلنا ايضا الحق فى تكريمة

قواعد المسيرة:
ـــــــــــــــــــــــ
1-عدم الاهانة او التجريح لثورة شباب 25 يناير لانها مطالب مشروعة لكل شاب

2-عدم الاسفاف و التقليل من تضحية شهداء الوطن فأنهم أخواتنا

3- حضور كل عضو فى المسيرة بزى لونة اسود تعبيرأ منا على حزننا على شهداء الثورة من الشرطة و الشعب
ولحزننا على رئيسنا المحبوب فخامة الرئيس حسنى مبارك


خطوات المسيرة:
ــــــــــــــــــــــــــ
1- التجمع امام المسجد بعد الصلااة مباشرة

2-احضار جميع المواطنين لصور و لفتات حب و تأيد للرئيس مبارك

3-التأكيد على أن المسيرة سلمية ولا نتعرض لااى شخص

4-كل شخص يعبر عن رأية الشخصى فى تلك اللفتات

5- تأليف الهاتفات الخاصة و المؤيدة للرئيس مبارك
ــــــــــــــــــــــــــــــــــــــــــــــــ

هذة الحملة هيا تعبيرا منا بتقديرنا و حبنا للرئيس مبارك وحزننا و أسفنا على ما حدث لة

رسالة لكل مواطن شريف:
ــــــــــــــــــــــــــــــــــــ
نحن لا نسعى ألى مظاهارات او زعزعة الامن او أزعاج السلطات نحن مسيرتنا رد كرامة رجل أهانة الشعب و أحترامة التاريخ و حتى لا يهيننا التاريخ كلما تذكر حسنى مبارك

فأنة قائد حرب أكتوبر و الرئيس و الاب الشرعى لكل المواطنين المصرين

لا لا لا أسمحلي حضرتك
قائد حرب أكتوبر هو الرئيس أنور السادات.. مبارك قائد الضربة الجوية
زية زي قائد المدرعات والمشاة والبحرية والمدفعية.. الا بالمناسبة حضرتك معملتش رد جميل لية للقائد سعد الدين الشازلي الله يرحمة.
انا مصري ولا يشرفني ان دا يكون رأيسي مش أب شرعي الكلام دا مبنسمعهوش غير في البلد دي في حاجة اسمها أب شرعي لا حول ولا قوة الا بالله يا مثبت العقل في الراس يارب. بمناسبة اية اب شرعي ولية اصلا
الكلام الكتير مبيجبش ناتيجة علشان كدا نش عاوز أكتب عريضة
انما كل واحد مسؤل قدام ربنا علي كل حاجة بيعملها.
يا بية هو اول من اهان قيادات الجيش وائل عمل اية في القائد العظيم سعد الدين الشاذلي
وأعرف جمعة الشوان من اعظم جواسيس مصر علي اسرائيل بيتعملو اذاي في حكمة
بلاش كلام خايب بقي
حرااام عليكم
العلام كلة عارف دا عمل اية في شعبة لو طلعنا هيقولوا علينا هبل مش هيتقال متحضرين
العالم برة عارف انة ديكتاتور..بعد ما عملنا ثورتنا العظيمة واستشهد منا اكتر من 400 واتصاب اكتر من 50000 بسببة
نطلع نردلة الجميل.. اااااه يا بلد
كلمة أخيرة يارب يتعذب في الدنيا عدد ما عذب وبهدلة شعبة قبل الاخرة في جهنم ان شاء الله.
وحضرتك حر في المسيرة ال حضرتك عاوز تعملها ..
دا رأي شخصي

[Egyzizo]

أحييك يا أبو مـــــــارو ..

[AboMaro]

لا لا لا أسمحلي حضرتك
قائد حرب أكتوبر هو الرئيس أنور السادات.. مبارك قائد الضربة الجوية
زية زي قائد المدرعات والمشاة والبحرية والمدفعية.. الا بالمناسبة حضرتك معملتش رد جميل لية للقائد سعد الدين الشازلي الله يرحمة.
انا مصري ولا يشرفني ان دا يكون رأيسي مش أب شرعي الكلام دا مبنسمعهوش غير في البلد دي في حاجة اسمها أب شرعي لا حول ولا قوة الا بالله يا مثبت العقل في الراس يارب. بمناسبة اية اب شرعي ولية اصلا
الكلام الكتير مبيجبش ناتيجة علشان كدا نش عاوز أكتب عريضة
انما كل واحد مسؤل قدام ربنا علي كل حاجة بيعملها.
يا بية هو اول من اهان قيادات الجيش وائل عمل اية في القائد العظيم سعد الدين الشاذلي
وأعرف جمعة الشوان من اعظم جواسيس مصر علي اسرائيل بيتعملو اذاي في حكمة
بلاش كلام خايب بقي
حرااام عليكم
كلمة أخيرة يارب يتعذب في الدنيا عدد ما عذب وبهدلة شعبة قبل الاخرة في جهنم ان شاء الله.
وحضرتك حر في المسيرة ال حضرتك عاوز تعملها ..
دا رأي شخصي

نشوف الفيديو ده
YouTube - Facebook_4.mp4

و بعد كده نقول الرئيس السادات و حسني و الفريق الشاذلي دور كل واحد منهم فحياتنا ايه

[AboMaro]

الحل السريع حكومة انتقالية فوراً
الجيش مستني ايه
كفايه على بقية النظام البائد كده اللي حرق مستنداته واللي جمع فلوسه (10 الالاف دولار يوميا لمدة اكثر من اسبوع كافية جدا للحرامية)
بالنسبة لثورة المضادة ده طبيعي في كل الثورات ومفيش خوف منهم بعون الله
بخصوص تظاهرة رد الجميل للذليل مش ملاحظين انها نفس موعد مسيرات الثوار اللي اتحددت كل يوم جمعة لغاية ما المطالب كلها تتنفذ
هو كل ما نعمل حاجة يعملوا عكسها الله يخرب بيوتهم

تقدر تراجع موقع الفيس بوك اللي عليه بيان المسيره هتلاقيه بعد خطاب استقالة الرئيس بساعتين

و موضوع مظاهرة الانتصار دي و لا مظاهرة تجدد المطالب اعلن عنها فيما بعد طبعا

شوف مين عايز يعمل عكس مين

[mahmoudselim]

نشوف الفيديو ده
youtube - facebook_4.mp4

و بعد كده نقول الرئيس السادات و حسني و الفريق الشاذلي دور كل واحد منهم فحياتنا ايه

انا اتفرجت علي الحلقة لايف
وعشت في حكمة 25 سنة لايف .. ومن كتب التاريخ ال هي مش لايف
عرفت ان مصر في اسوء مرحلة عدت عليها في تاريخها..
ربنا يقدرنا ونرجع نبني ال خربة..
مش هقول اكتر من كدا

[Qmax]

على فكرة يا جماعه انا صاحب فكرة جمعة رد الجميل

و احب اعرفكم اني لا من مأجورين الانترنت و لا تبع اسرائيل

و لا انا عايز جمال مبارك يرجع عشان اخد نسبه من بيع الغاز لاسرائيل

لأني ببساطه مشارك ع الفيس بوك في صفحة "الشعب يريد ايقاف تصدير الغاز"


تاني يا جماعه انا صاحب الفكرة ولم تأتيني بأيعاز من اي شخص

و كنت عايز اكتب عنها هنا بس مرتيضش عشان المشاكل

لكن بعتت رساله لكريم منير و قولتله اذا كان يحب يحط الموضوع عنده

و اللي عايز يسأل و يعرف الموضوع ايه يتفضل

بس من غير اسأة او تهكم وسيبكوا من حكايه ويكيليس دي عشان انا فهمي على قدي

خبير أمنى: إطلاق النار على المتظاهرين تم بقرار رئاسى

الخميس، 17 فبراير 2011 - 01:06

كتب أحمد حسن
أكد اللواء منصور عيسوى الخبير الأمنى ومساعد رئيس الداخلية الأسبق، أن قرار إطلاق النار على المتظاهرين ليس قرار حبيب العادلى وزير الداخلية السابق بمفرده، وإنما هذا القرار تم اتخاذه نتيجة لتعليمات صادرة من رئيس الجمهورية.

وقال اللواء العيسوى لبرنامج بلدنا بالمصرى الذى يذاع على قناة "أون تى فى" إن سلطات وزير الداخلية لا تسمح له بإطلاق النار على الشعب إلا بعد اللجوء إلى القائد الأعلى للشرطة وهو الرئيس السابق محمد حسنى مبارك.

وأضاف العيسوى، أن قرار انسحاب الشرطة من شوارع العاصمة والمحافظات، جاء بعد محادثة تليفونية بين مبارك وحبيب العادلى
............... من اليوم السابع

فعلا يستاهل رد الجميل

[ashouhdy]

جميل اية ورد اية يأستاذى .... أنت بتفكر أذاى بس ؟؟؟؟

بعد الشهداء و الموتى والضرب والاعتقالات والقمع تقوموا تردوا لية الجميل

مبارك مش حيرجع مش حيرجع لا هو او فرد واحد من نظامة وياريت تبلغ اعضاء الجميل بتاعك الكلام دة

وخلى بالك على نفسك عشان حركات ذى دى .. الشعب الواعى مش حيعديها بهدوء او بساطة

[AboMaro]

سيزداد العالم احتراما لنا عندما نقف لنتوجه بالشكر
للقائد الاعلى للقوات المسلحه
و الذي قدم لمصر الكثير
هذا في نفس الوقت الذي نقف فيه لبناء امتنا
و اصلاح ما افسده الفساد
و المضي قدما مطالبين بكل حق مهدر لنا
هذه هي اخلاقي

انما الامم الاخلاق مابقيت ان هم ذهبت اخلاقهم ذهبت

نتحدث عن ما اخطاء فيه الرئيس مبارك - ف الله و التاريخ و القضاء سيحكمون عليه

نتحدث عن قائد الضربه الجويه عن القائد الاعلى
عن قائد مصر ف أنتباه وتعظيم سلام - هذا ايضا ما سيحكم به التاريخ علينا

سيحكم ان كنا بأخلاق الفرسان ودعناه ام ب..... سببناه

[ashouhdy]

ؤبعدين مبارك مش ابويا ولا قائد و ولا بتاع

الله يلعن الضربة الجوية اللى عملها اللى عملة ذى مسمار جحا .... ياريتة كان ضربها فينا وحكم اسرائيل 30 سنة

[kohana]

انا أؤيدك بشدة فيما تقوله فعلا

[ashouhdy]

العالم لا حيحترمنا ولا حاجة أية القصص دى يافندم

من امتى رئيس دكتاتورى ظالم قاتل مخلوووووووووع يتعملة وقفة شكر هههههههههههه

مش ممكن دة كان عايز يضرب نار حى على المتظاهرين لولا ان الجيش وقفلة... وبعدين تيجى سعادتك تقول رد الجمييل !!! مش ممكن