احذروا الثورة المضادة ..... النظام لم يسقط بعد

[ALSHaRKAWY]

يا جماعة انا شايف انه لا يجب عمل اى وقفات يوم الجمعة او غيرها لان الاخ اللى عاوز يرد الجميل اكيد عارف ان ممكن يندس مخربين وسط هذه المظاهرات وايضا لا داعى لعمل وقفات لذكرى الثورة لان ايضا سيكون هناك مندسين لعمل وقيعة فالحمد لله الثورة نجحت وشهد العالم لذلك والشهداء الان فى منزلة افضل مننا وعاوز الكل يعلم ان كل من يدعوا لهذه الوقفات سيتحمل ذنب من سيصاب بأى اذى وكل من يشارك ويحدث له مكروه فيستاهل ما يحدث له ولم نقول عنه انه شهيد / ارجو تحكيم العقل والمنطق وحتى لا نرهق قواتنا المسلحة اكثر مما تحملته لاننا فعلا شعب مستفز

[waleedraafat]

انا هتشل يا ناس ، لو لسه في ناس كده
وابوس ايد كل مؤيد ما تضحكوش علينا العالم بعد ما اخيرا احترمنا وعمل لينا قيمة

[hossaam]

ماكنتش عاوز اقول ده..
بس انا رايي للاسف ان قرار ترك ميدان التحرير قبل اقالة الحكومة والغاء قانون الطوارئ ...كان متسرع

ربنا يستر على اللي جي

[تامر.محمد]

رؤيتي لما يحدث على الساحة تقول أن هناك خطة واسعة يقوم بها النظام القديم من أجل العودة بعد إجراء بعض عمليات التجميل والبكاء والتطهر وذبح بعض القرابين.
أخطر شيء إن "حسام بدراوي" ناوي يأسس حزب ويسمية "شباب 25 يناير" شفتوا تيييييت أكثر من كده

مسيرة رد الجميل في حد ذاتها هي اجراء للثورة المضادة حتى لو نفى المشاركين فيها ده
هدفها ببساطة -سواء اللي هايشاركوا فيها عارفين ده ولا لأ و نيتهم كده ولا لأ -محاولة تجميل وجه النظام السابق, رغم انه "ايش تعمل الماشطة في الوش العكر".
هدفها اظهار ان فيه فتنة بين ابناء الشعب , و يا سلام لو تحصل بجد يبقى عظمة اوي

باختصار ,
أسف يا ريس , مش هاشارك في مسيرة رد الجميل , لأنك حرامي و ما رديتش فلوسي لبلدي , و قتال قتلا و اخويا لسه ما اخدتش العزا فيه , و حتى جراح اخويا التاني لسه ما طابتش

ماكنتش عاوز اقول ده..
بس انا رايي للاسف ان قرار ترك ميدان التحرير قبل اقالة الحكومة والغاء قانون الطوارئ ...كان متسرع

هو يمكن ما كانش صحيح , بس للحق , لو الناس فضلت كانت ناس كتير هاتفقد ايمانها باللي بتعمله , و الناس اللي مش فاهمين و عايزين ياكلوا و يشربوا و خلاص و واقفين على الحياد بين الظالم و المظلوم هايكرهوا الناس اللي في الميدان اكتر

متهيأ لي احسن حاجة هي فعلا النزول بأعداد كبيرة بكرة ان شاء الله

[Eng_AmrAllam]

بدون اهانه لأى حد حاسيس انى هرجع

انا زهقت

111111111111111111111111111111111111

me 2

[Egyzizo]

بدون اهانه لأى حد حاسيس انى هرجع

نفس الاحساس اللى كنت باحسه بالظبط لما كنت باقرا لافتات ميدان التحرير من شاكلة (ارحل يا خنزير) ، و(يا مبارك يا خسيس) .. إلخ.

[م. حاتم السباعي]

السلام عليكم و رحمة الله و بركاته
حينما يسود الظلم (( يظهر شعاع نور ))
حينما يسود الفساد (( يظهر القليل من الشرفاء ))
و كذلك
حينما يغلب حب الانتقام (( تظهر جماعة تدعو للرحمة ))

ارجو ان يظل كل واحد في مكانه و في معتقده و بلاش نصدر غل النظام لنفوسنا و بلاش الله يكرمكم احكام علي خلق الله
و بلاش بالله عليكم احكام علي (( الشهداء )) فلا يعلم النيات سوي الله و بلاش بالله عليكم نغمة ضد الثورة لحسن دي بداية النهاية
و ليظل كل واحد لا (( يرجع )) علي كلمات غيره و لا حاجة
مين عارف مش يجوز بكره و لا بعده يجد من (( يرجع )) علي تعليقاته
و معتقداته
يا ليتنا نتعلم احترام اراء بعض

م.حاتم السباعي

[hossaam]

نفس الاحساس اللى كنت باحسه بالظبط لما كنت باقرا لافتات ميدان التحرير من شاكلة (ارحل يا خنزير) ، و(يا مبارك يا خسيس) .. إلخ.

شوف بقه...
ياذن الواحد الاحد...لن يرى حزني اقصد حسني وعيلته الحكم
ولا اي احد من اذنابه او اتباعه ابدا...

ده باذن الله ثم بذنب سيد بلال وخالد سعيد وسالي زهران وسيف الله وغيرهم
المئات والالاف الذي ذهبوا ضحية لا مسئولية ذلك الشخص وسماحه بالفساد
والسرقة والاهمال في هذا البلد طوال 30 سنة حتى اصبحت مصر للاسف من ازبل
دول العالم واكثرها تخلفا على كل المستويات

فريحوا بالكم...لانه مهما حاولتوا تجملوا صورته....فقد ذهب بالفعل الى مزبلة التاريخ
كديكتاتور فاشل خرج الملايين من شعبه يقولوله "ارحل يعني امشي..شكلك ما بتفهمشي"

[Egyzizo]

شوف بقه...
ياذن الواحد الاحد...لن يرى حزني اقصد حسني وعيلته الحكم
ولا اي احد من اذنابه او اتباعه ابدا...

حضرتك معانا هنا واللا ردك ده لموضوع تانى وحطيته غلط؟

[تامر.محمد]

يا رجالة بالله عليكم
مفيش داعي للتشاحن

[م. حاتم السباعي]

شوف بقه...
ياذن الواحد الاحد...لن يرى حزني اقصد حسني وعيلته الحكم
ولا اي احد من اذنابه او اتباعه ابدا...

ده باذن الله ثم بذنب سيد بلال وخالد سعيد وسالي زهران وسيف الله وغيرهم
المئات والالاف الذي ذهبوا ضحية لا مسئولية ذلك الشخص وسماحه بالفساد
والسرقة والاهمال في هذا البلد طوال 30 سنة حتى اصبحت مصر للاسف من ازبل
دول العالم واكثرها تخلفا على كل المستويات

فريحوا بالكم...لانه مهما حاولتوا تجملوا صورته....فقد ذهب بالفعل الى مزبلة التاريخ
كديكتاتور فاشل خرج الملايين من شعبه يقولوله "ارحل يعني امشي..شكلك ما بتفهمشي"

السلام عليكم و رحمة الله و بركاته
حينما يسود الظلم (( يظهر شعاع نور ))
حينما يسود الفساد (( يظهر القليل من الشرفاء ))
و كذلك
حينما يغلب حب الانتقام (( تظهر جماعة تدعو للرحمة ))

اخي الكريم
نحن مع حضرتك في غضبك و كفل الله الواحد القهار ان يرد المظالم لاصحابها يوم الحساب
و ليس معني ذلك ان تكون هذه دعوة لاصحاب المظالم بأن لا يطلبوها
او لا يدافعون عنها او ان ندعو اي صاحب مظلمة بأن يترك الفاسدين و لا يطالب بتقديمهم للقضاء
و لكن ما ندعو له حضرتك و غيرك من اصحاب المظالم او اصحاب الرأي الاخر الا يعبر عن رأي الاخر مثل كلمة (( ريحو بالكم مهما حاولتو ----))
مين قال بس لحضرتك ان من سيخرج هذا اليوم عاوز يجمل الرجل
مين اطلع حضرتك علي ما في القلوب (( و لا يعلم ما في القلوب ))
الا خالقها
اخي الكريم
يجوز ان من تتهمهم بهذه التهم ممن يختلفو مع حضرتك في الرأي
الا يجوز ان من بينهم قريب لك تعرفه جيدا و تعلم وطنيته و تعلم انه غير مسيس و لكنه دخل و عبر عن رأيه و لا تعرف عنه سوي انه (( فلان )) صاحب التعليق الفلاني
الا يوجد احتمال ان ناس فعلا ستخرج ذلك اليوم استفزاز من دعوة للخروج ايضا للتحرير يوم الجمعة
ارجو ان نتحد علي كلمة (( الله و حده يعلم ما في القلوب ))
الله و حده يعلم و نظل لا نعلم الا القليل
و لحضرتك خالص التحية و الاحترام

م.حاتم السباعي

[marsguy]

أرجو منكم قراءة هذا المقال:

http://sulta4.com/index.php?page=Articles.php&EditorID=66&ID=1199

[Abo_Lina]

لو سرقت بنت محمد لقطعت يدها
لا مجال للتسامح مع السارقين و النهابين
على أي مسؤول يرد إسمه في قضايا فساد أن يرينا كشف حساب بثروته قبل و بعد تعيينه .. و أن يتعاون و يسمح للجهات الرقابية بالتفتيش في حساباته و ممتلكاته هو و أفراد عائلته ..
فإن كان بريئا فقد تمت تبرءة ساحته على مرئى و مسمع من الجميع .. و إن كان فاسدا فعليه رد هذه الأموال للشعب .. و هنا فقط قد نتكلم مع التسامح ..
يجب ألا تهدأ الثورة حتى إخراج الفاسدين من جحورهم التي دخلوا إليها بعد سقوط النظام ..

[yascro]

ارد عليك بس واحده واحده

اولا ده بيان المسيره كما هو موضوع
بسم الله الرحمن الرحيم

رداُ على أهانة الرئيس حسنى مبارك على ارضة وفى وسط وطنة و أنكار تاريخة و انجازاتة فى مصر و الوطن العربى و اسلوبة المتميز فى ادارة الازمات الخارجية

قررنا نحن شباب مصر الوااعى المحترم الذى لا ينتمى الى اى حزب سياسى او جهة امنية وليس لنا اى اهداف او مطالب سياسية سوا رد كرامة وتكريم الجندى و القائد و الرئيس حسنى مبارك

أقامة جمعة رد الجميل الى سيادة الرئيس حسنى مبارك حفظة الله و شفاة و التى سوف تنطلق من أمام

جامع مصطفى محمود بالمهندسين بعد صلااة الجمعة مباشرة وتظل امام جامع مصطفى محمود

*- أهداف المسيرة
ــــــــــــــــــــــــــ
1-رد كرامة و اعتبار الرئيس حسنى مبارك
2-حرية التعبير فأن كان لهم الحق فى أهانة الرئيس فلنا ايضا الحق فى تكريمة

قواعد المسيرة:
ـــــــــــــــــــــــ
1-عدم الاهانة او التجريح لثورة شباب 25 يناير لانها مطالب مشروعة لكل شاب

2-عدم الاسفاف و التقليل من تضحية شهداء الوطن فأنهم أخواتنا

3- حضور كل عضو فى المسيرة بزى لونة اسود تعبيرأ منا على حزننا على شهداء الثورة من الشرطة و الشعب
ولحزننا على رئيسنا المحبوب فخامة الرئيس حسنى مبارك


خطوات المسيرة:
ــــــــــــــــــــــــــ
1- التجمع امام المسجد بعد الصلااة مباشرة

2-احضار جميع المواطنين لصور و لفتات حب و تأيد للرئيس مبارك

3-التأكيد على أن المسيرة سلمية ولا نتعرض لااى شخص

4-كل شخص يعبر عن رأية الشخصى فى تلك اللفتات

5- تأليف الهاتفات الخاصة و المؤيدة للرئيس مبارك
ــــــــــــــــــــــــــــــــــــــــــــــــ

هذة الحملة هيا تعبيرا منا بتقديرنا و حبنا للرئيس مبارك وحزننا و أسفنا على ما حدث لة

رسالة لكل مواطن شريف:
ــــــــــــــــــــــــــــــــــــ
نحن لا نسعى ألى مظاهارات او زعزعة الامن او أزعاج السلطات نحن مسيرتنا رد كرامة رجل أهانة الشعب و أحترامة التاريخ و حتى لا يهيننا التاريخ كلما تذكر حسنى مبارك

فأنة قائد حرب أكتوبر و الرئيس و الاب الشرعى لكل المواطنين المصرين

http://www.nilemotors.net/Nile/201926-a.html

[hobiko]

فأنة قائد حرب أكتوبر و الرئيس و الاب الشرعى لكل المواطنين المصرين

فعلاً ......


الأحرار يبكون شهداؤهم ........ و العبيد يبكون جلاديهم


أنا حاسس اني حرجع بصراحه


و بعدين تبقى تكلم عن نفسك بس ....... ولا هو قائد حرب أكتوبر ولا هو الأب الشرعي للمصريين


بس لو مصر إنو أبوك إنت ...... إنت أدرى !!