هاااااااااااام جدآآآ

[Xander2010_Evo]

بسم الله الرحمن الرحيم
السلام عليكم ورحمة الله وبركاته

أنا صراحة عاوز أقول حاجة ممكن تكون مهمة
دلوقتي لما بنمشي فالشارع أو قاعدين ف كافيه أو ع القهوة
مبقاش للناس سيرة الإ
1- الإعتصامات
2-وائل غنيم
3-البلطجية وطرق تروعيهم للناس فالشوارع

فاكرييين؟؟....فاكرين اليوم إللي لما الشرطة إتخلت عن البلد وكل المساجين والمجرمين والبلطجية خرجوا من السجون؟؟
فاكرين عملنا إيه؟؟؟
كل واحد وقف قدام بيته علشان يحرس أهله طووول الليل في عز البرد

مش مهم الكلام ده

دلوقتي في خطر كبيرررررررررر جدآآآآآ محش حاسس بيه
وأنا وإنتا وهما السبب فيه
عارفين هوا إيه؟؟؟
ببساطة جدآآآ الشائعات إللي مالية البلد

"بيقولك ده 2 بلطجية ف عز الضهر في وسط السوق كان بيحاولوا يسرقوا الناس
والجيش ضرب عليهم نااار وموتهم"

ببساطة كده عقلنا راح فين؟؟؟
2....في وسط السوق....في عز الظهر؟؟؟
والناس كلها راااحت فين؟؟؟
ده أبسط شائعة سمعتها

"بيقولك إسرائيل بيتحاول تدخل سيناء...وأمريكا بتحاول تساعدها جايبالها حاملة طائرات واقفة علي أول السويس"

إسرائيل.....بتحاول....هيا إسرائيل ناقصها حاملة طائرات مثلآ؟؟؟؟

كلام كتيررررر جدآآآآ صراحة كنت بضحك لما أسمعه
لكن جه بالسلبي علينا كلنا ومش حاسين
إزااااااااي؟؟؟
والدتي مثلآ سمعت حكاية ال2 البلطجية....تخيلوا تقف ع الباب وتمنعني من النزول الصبح؟؟؟
يا جماعة ببساطة الناس الكبيرة وبالذااااااااات الأمهات بيصدقوا أي حاجة بتتقال

إحنا بقينا ترويع للأمنين

الناس إللي علي الفيس لو كنتوا فاكرين
شبكة رصد... عارفينها طبعآآآآ
فاكرين الشائعات إللي كانت بتقولها؟؟؟
عااااااااااجل:::50 مليون متظاهر في ميدان التحرير
صباح الطراوة ميدان التحرير بيشيل نص مليون حتي؟؟؟
أبوووس إيديكم بلاش تكون سبب في نشر الشائعات
البلد دلوقتي في حالة ما يعلم بيها الإ ربنا
لو سمعت حاجة ..."أنا عارف إننا شعب بنموت فالرغي وكل واحد بيحب يضيف إضافاته علي الخبر"
....بلاش...السكوت أفضل شيء...ولا تقوله دليلك ولا أي حاجة....يعني حاول تمسك نفسك أرجوك"
أنا نفسي نرجع بلد الأمن والأمان زي زمان
نفسي نبقي ماشيين مطمنين فالشارع
يارب إجعل مصر بلد الأمن والأمان يارب
إتمني كلنا نقف إيد واحد ضد الظاهرة دي زي ماكنا بنقف مع بعض وإحنا بنحرس بيوتنا
وآسف للإطالة عليكم

[Raul_7]

صح كلامك, أنا بصراحة لما باسمع حد بيقول كلمة "بيقولك" باسمع و اطنش.

[WalidAdel]

انا مع حضرتك في الموضوعه ده اوي لاننا فعلا بقينا نمشي نتلف ورانا تحسبا لاي حد ييجي و الواحد مش ناقص روشه هو مرووش خلقه لوحده ياريت بلاش ننقل عن لسان الناس ايه اللي بيحصل
دا لو حصل موقف في الشارع بعيد عنك مسافة شارعين تلاته وانت واقف تحت بيتك بتسال الناس اللي جايه من المنطقه دي ايه اللي حصل والله هاتسمع كل واحد بقصه مختلفه و بروايه عجب ....... و حصلت فينا كتير واحنا واقفين في الشارع بنحمي بيوتنا ياريت بس ياجدعان بلاش كل حاجه بتحصل نكتب علي النت و كده انا بقيت اخش المنتدي اقول ربنا يستر في مصايب ايه انهارده حصلت في البلد بلاش نبقي اداه لترويع المواطنين كفايه اللي بنشوفه

[cheetos_892005]

صح كلامك, أنا بصراحة لما باسمع حد بيقول كلمة "بيقولك" باسمع و اطنش.

انا بسد وداني

[medo_2060]

كلامك صحيح 100 %.. وللاسف كنا فاكرين ان الجمال والحمير الى كانوا بيروجوا للهبل بتاع الحكومه خلص لكن اتضح انهم لسه قاعدين يقولوا اى كلام وناس بتبدأ تصدق وتسأل
ياريت فعلا منصدقش اى حاجه والى يكلمنا كدا نحاول نفهمه الوضع البلد دلوقتى محتاجه اتحاد للجميع مش اشاعات والهبل دا

[AboELsoud]

ياااااااااااااااااااااااه ده انا بقول الكلام ده من اول يوم نزلنا فيه نحرس
بدأنا و احنا واقفين قدام العماره كل شويه ييجي واحد او اتنين يقولولك يا جماعه شويه بلطجيه خلصوا على الحته الفلانيه و نازلين علينا دلوقتي
طبعا نقوم و يحصل هرج و مرج نتحفز و الله في مره قلبي كان هيتخلع من كتر الرعب اللي كانوا عملينه بتوع (احنا سمعنا)
و لسه من شويه واحد صاحبي من حدايق القبه بيحكي على اللي حصل عندهم و الله ولا حي هارلم بتاع امريكا يقدروا يعملوه
كلام كلام كلام ربنا يهدي الناس و انا فعلا مبقتش احكي لحد حاجه تخوفه و الله حتى لو كنت شفتها بنفسي
الناس مش ناقصه رعب

[فتح الباب]

انتوا عارفين اللى حاصل لنا ده من ايه ؟
اوعوا حد يقولى علشان موقف الشرطه لا .
انتوا فاكرين العشرين تلاتين سنه اللى فاتوا كان فيهم حصاد اد ايه من المجرمين تم القبض عليهم وبالتالى ارتحنا منهم اد ايه
تخيلوا بقى الكم الهائل ده من المجرمين لما يسيبوا يعملوا ايه والله حتى فى وجود الشرطه نفسها ربنا يلطف بينا جميعا
ده ببساطه مصر كانت امان نوعا ما نسبيا قبل ما المجرمين تهرب من السجون
وهانفضل كده لغاية ما يتلموا ومش هايتلموا الا بواسطة الشعب برده زى ما لميناهم زمان وطبعا بمساعدة الشرطه او العكس المهم لازم نساعد بعضنا بأى وضع

[mnomno]

كلامك صحيح 100 %.. وللاسف كنا فاكرين ان الجمال والحمير الى كانوا بيروجوا للهبل بتاع الحكومه خلص لكن اتضح انهم لسه قاعدين يقولوا اى كلام وناس بتبدأ تصدق وتسأل
ياريت فعلا منصدقش اى حاجه والى يكلمنا كدا نحاول نفهمه الوضع البلد دلوقتى محتاجه اتحاد للجميع مش اشاعات والهبل دا

كلامك صح وسليم وكلنا لازم نلتفت لشغلنا ونسيب الكلام الفارغ ده لانه ما هو الا مضيعه للوقت

[3ateef]

كله الا شبكة رصد دى,,,شوية ....... عمالين بيكتبوا اى كلام...

[Xander2010_Evo]

ياااااااااااااااااااااااه ده انا بقول الكلام ده من اول يوم نزلنا فيه نحرس
بدأنا و احنا واقفين قدام العماره كل شويه ييجي واحد او اتنين يقولولك يا جماعه شويه بلطجيه خلصوا على الحته الفلانيه و نازلين علينا دلوقتي
طبعا نقوم و يحصل هرج و مرج نتحفز و الله في مره قلبي كان هيتخلع من كتر الرعب اللي كانوا عملينه بتوع (احنا سمعنا)
و لسه من شويه واحد صاحبي من حدايق القبه بيحكي على اللي حصل عندهم و الله ولا حي هارلم بتاع امريكا يقدروا يعملوه
كلام كلام كلام ربنا يهدي الناس و انا فعلا مبقتش احكي لحد حاجه تخوفه و الله حتى لو كنت شفتها بنفسي
الناس مش ناقصه رعب

انتوا عارفين اللى حاصل لنا ده من ايه ؟
اوعوا حد يقولى علشان موقف الشرطه لا .
انتوا فاكرين العشرين تلاتين سنه اللى فاتوا كان فيهم حصاد اد ايه من المجرمين تم القبض عليهم وبالتالى ارتحنا منهم اد ايه
تخيلوا بقى الكم الهائل ده من المجرمين لما يسيبوا يعملوا ايه والله حتى فى وجود الشرطه نفسها ربنا يلطف بينا جميعا
ده ببساطه مصر كانت امان نوعا ما نسبيا قبل ما المجرمين تهرب من السجون
وهانفضل كده لغاية ما يتلموا ومش هايتلموا الا بواسطة الشعب برده زى ما لميناهم زمان وطبعا بمساعدة الشرطه او العكس المهم لازم نساعد بعضنا بأى وضع

كلامك صح وسليم وكلنا لازم نلتفت لشغلنا ونسيب الكلام الفارغ ده لانه ما هو الا مضيعه للوقت

كله الا شبكة رصد دى,,,شوية ....... عمالين بيكتبوا اى كلام...

تمااااااام كده حاولوا بقي تفهموا الناس إللي بتحب الرغي فالكلام ده
لازم نساعد بعض ياجماعة

و بالنسبة لـشبكة رصد علي فكرة الكلام ده علي مسئوليتي
للأسف إللي أنشأها أصلآ واحد من الإخوان "أنا مش ضدهم ولا حاجة" بس للتوضيح
وليها كذا أدمن وكتير جدآآ منهم من برة مصر
عرب مصريين يعني مش أجندات أجنبية والكلام الهيصة ده
والكلام ده متأكد منه 100% مش إشاعات
والله علي ما أقول شهيد

[نور القمر]

انت عارف بسبب التوتر ده طلعنا باختي الليلة دي في حظر التجول عشان تكشف عندها مغص جامد وطلع قولون عصبي
ده غير الكبار في السن اللي ضغطهم بيعلى
انا نفسي بعاني من القولون والصداع بقالي اسبوعين
كل ما ادخل المنتدى الاقي مواضيع تقولك النظام بيستعد للرجوع تاني وهايسود ايامنا
ومواضيع تقول ده كله تخطيط امريكا واسرائيل
وناس تقول وائل لعب بعقول ملايين المصريين
لما الواحد تعب نفسيا وفي الاخر كل دي اراء بتعبر عن وجهة نظر اصحابها ومحدش يقدر يثبت بالدلائل ايه السيناريو الحقيقي اللي حصل في الايام اللي فاتت ولا حد يقدر يحدد احنا داخلين على ايه
وطبعا الكلام ده في المنتدى وفي كل مكان تروحه
تعبنا يا ناس كفاية مش كل واحد يعمل محلل سياسي واسترايجي ومش كل واحد يقول رأي يصمم يقنع به الاخرين حتى لو هايضطر يدهوله بحقنه

[د.محمود صلاح]

معانا حوالي 3 سنين تاني عشان نرجع للوضع ما قبل 25 يناير اقتصاديا

[Xander2010_Evo]

معانا حوالي 3 سنين تاني عشان نرجع للوضع ما قبل 25 يناير اقتصاديا

فعلآ للأسف يا دكتور علي الرغم من مزايا الثورة علي الرغم من مساوءها

آآخر إفتكاسة

"بيقولك دبابة دهست واحدة فالسويس من المتظاهرين إنهاردة بعد العشاء علشان الناس مرضيتش تفض المظاهرات"

[Mzeid]

و الله فعلا الغشاعات و الفتي كتروا جدا خلال الفترة اللي فاتت دي

دة حتى أثناء ما كنا بنقف نحرس المنطقة كان فيه 3 إشاعات واحدة اول الليل الساعة 10 و واحدة نصه الساعة 1 و واحدة اخره الساعة 3

زائد كمان أن أنا عايش مع مصدر اشاعات رهيب و تخويف عندي في البيت ( أهلي ) اللي كل شوية اقولهم يا ناس مش كدة

المتهم برئ حتى تثبت إدانته بالمثل الخبر غير صحيح حتى يدعم بدليل

[Xander2010_Evo]

و الله فعلا الغشاعات و الفتي كتروا جدا خلال الفترة اللي فاتت دي

دة حتى أثناء ما كنا بنقف نحرس المنطقة كان فيه 3 إشاعات واحدة اول الليل الساعة 10 و واحدة نصه الساعة 1 و واحدة اخره الساعة 3

زائد كمان أن أنا عايش مع مصدر اشاعات رهيب و تخويف عندي في البيت ( أهلي ) اللي كل شوية اقولهم يا ناس مش كدة

المتهم برئ حتى تثبت إدانته بالمثل الخبر غير صحيح حتى يدعم بدليل

ههههههههههههههههههههههههههههههههههههه
نفس المصدر بعااااااااااني منه هنا
الأهل دوول بقوا بيترعبوا من أقل حاجة