نوارة نجم : تحذير هام بخصوص جمعة الانتصار والاستمرار

[human]

human12
ايه رأيك في الكلام نفسه ؟
نثق ولا ما نثقش ؟
انا من كلام الاخوة هنا بدأت اميل لمبدأ حرص ولا تخون

فى رأيى ان كل شئ مبهم الان عن قبل

بس لازم ننزل عشان بفهموا ان احنا نقدر ننزل تانى بكل قوة

كمان انا مش واثق فى اى حد

المشكله ان مافيش اى ضامن غير الجيش و احنا فعليا مش عارفين عن القاده اى حاجه غير البيانات ولا عارفين تفكيرهم ولا توجه عامل ازاى

بس لازم الحرص من كل الاشياء عشان فيه ناس كتير لازم هتفكر 1000 مره ان هيه تستغل الموقف

[تامر.محمد]

Update
---------------

بالنوسبة للمثبطين اللي مش عايزينا ننزل يوم الجمعة

عشان ايه ما ننزلش يوم الجمعة يعني؟ اديني سبب واحد يخلينا ما ننزلش يوم الجمعة
البوست اللي فات باحذر فيه من ان اذناب النظام مازالوا موجودين وفاعلين ومعاهم سلاح وحيحاولوا يعملوا وقيعة بين الجيش والشعب
هل الرد الطبيعي انك تقول ما ننزلش يوم الجمعة؟ امال انت عامل ثورة ليه؟ عامل ثورة عشان عمر سليمان يفضل هو وزكريا عزمي في القصر الجمهوري ورجالتهم مطلوقين بسلاحهم ويفضل مبارك في القصر الرئاسي في شرم الشيخ من غير محاكمة بياكل كفيار على حسابك ويفضل عبد اللطيف المناوي يطلع في التلفزيون يدي توجيهات للثورة دلوقت ويقول لنا اقعدوا في البيوت ويفضل احمد شفيق يقول الرئيس مبارك ويحمي فلوس مبارك وعياله ومراته في الخارج ويفضل خيري رمضان يطلع واحدة تتكلم عن يوم الوفاء للرئيس الاب القائد؟
دي ثورة ايه دي؟

اولا فيه حاجة انا عايزة اوضحها: انا مبسوطة منك يا شعب...

الله اكبر في عيني وما شاء الله لا قوة الا بالله، ايه الفوقة والصحصحة دي؟

الناس قلقانة، ومش مبسوطة، ومتبنيين كلهم نظرية المؤامرة... قال ايه؟ قال وانا، انا نوارة، الراعي الرسمي لنظرية المؤامرة في مصر وافريقيا والعالم العربي وبلاد الشرق الادنى، انا اللي باهديهم....

صح كده
صح... انتوا صح، ومش عايزة انا حد يطمن ولا ينام ولا يبطل شك
وزي ما قلت في تعليق البوست السابق، الوضع سيريالي الى ابعد الحدود: الشعب بيحمي البلد من الشرطة، وبيحمي الجيش من المخابرات، وبيحايل الجيش عشان ما يزهقش، وبيحمي الثورة من رجال الاعمال، وبيصلح بوابير جاز

وكده صح، الشعب يعمل كل حاجة بايده وبنفسه ويتابع كل حاجة بنفسه وماشي بدماغه وما بيسمعش كلام حد وده صح
دلوقت المصريين والتوانسة اول ناس في التاريخ يفضلوا يبوسوا في الجيش لحد ما يزهق ويخلع رئيسه، احنا كل اللي عايزينه اننا نفضل نبوس في الجيش كده، ونحميه، لانه اخد مجازفة زعلت منه فلول النظام البائد وخلتهم عايزين ينتقموا منه، وهو اساسا مش مسيس ومش ثوري ولا حاجة، هو عايز يخلص، ومشى مبارك عشان دماغه اتدوشت، خلاص، يبقى احنا علينا اننا نحايله ونحميه من اللي متغاظين منه، وما ندوشوش لان الثورة مش ثورته، والحمد لله انها مش ثورته، دي ثورتنا احنا ومسئوليتنا احنا نحميها ونحميه عشان يفضل في صفنا ونضمن انه ما يزهقش عشان ما يقولش: كده؟ طب والله ما انا قاعد لكم، هو انا اساسا عليا من ده بايه؟

ومسئوليتنا احنا ان فلول نظام البائد تتجز من جذورها، واحنا اللي نروح نجيبها من رجليها
ازاي عايز تسيب الشارع وانت عارف ان العصابات لسه موجودة ورئيس العصابة ممكن يكون بيدي التعليمات بالتليفون؟ وازاي عايز تسيب الشارع وانت عارف ان عليك واجب تحمي الجيش؟ انت فاكر انك لما تخش بيتك بيتك الجيش كده في امان؟
افتكر ان حظر التجول هو اللي كان بيفتح المجال للبلطجية، وان وجود الناس في الشارع هو اللي كان بيطفش البلطجية
ومافيش حاجة تخوف

انتوا مش مستوعبين انتوا عملتوا ايه... انا مش عارفة اقولكم انا باحبكم قد ايه وفخورة بيكم قد ايه؟ انتوا جريتوا جهاز الامن، وجريتوا البلطجية، وجريتوا رئيس العصابة، وماسكين البلد تنضفوها وتحموها وتظبطوها وتبوسوا الجيش وتحضنوه، وتتبعوا بنفسكم فلول النظام، وتبصوا بنفسكم على طلباتكم بتتحقق ولا لا، وتراجعوا ورا كل حد بيعمل اي حاجة، و..

ايه ده؟ بسم الله ما شاء الله، الله اكبر في عيني، الله اكبر في عيني... اسم الله عليكم، فين هاني شاكر ييجي بجد يقولكم: والله باحبكم، الله اكبر عليكم، ربنا يخليكم ليا يا رب.. باحبكم والله باحبكم

هو ده.. هو ده لحد ما نخلص، وانا شخصيا مش عايزة اشارك في جريمة اني اطمن الناس قوي، لا خليهم كده قلقانين ومولعين كل الكشافات
خلاص.. الناس مشمرة القميص والبنطلون وهي اللي بتعمل كل حاجة... ما حدش يثبطها ولا يهبطها
بس يساعدها، لو فيه جحر تعبان ممكن يكون غايب عنهم، لازم ينبههم، مش عشان يخشوا الاودة ويقفلوا على نفسهم بالمفتاح، عشان يمدوا العصايا ويطلعوا التعبان وينزلوا على دماغه بالشاكوش لحد ما يتفتفت
احنا علينا اننا نعمل كل حاجة دلوقت... وتصدقوا بالله؟ طلعنا بنعرف نعمل كل حاجة لوحدنا بعون الله
-------------------------------------------
تدوينة ايجابية لأبعد حد
بس مسخرة و تموت من الضحك
:D

[sara2001]

------------------------
انا شايف ان التدوينة دي رد على دي

http://www.nilemotors.net/nile/201806-a.html

مين فيهم اللي وجهة نظره أصح , انا مش قادر احدد بصراحة , مازلت باقول اني متفق مع الاتنين في نقط كتير , لكن مش في كل حاجة

التدوينه دي بتاعة مين؟

update
---------------
وزي ما قلت في تعليق البوست السابق، الوضع سيريالي الى ابعد الحدود: الشعب بيحمي البلد من الشرطة، وبيحمي الجيش من المخابرات، وبيحايل الجيش عشان ما يزهقش، وبيحمي الثورة من رجال الاعمال، وبيصلح بوابير جاز

وكده صح، الشعب يعمل كل حاجة بايده وبنفسه ويتابع كل حاجة بنفسه وماشي بدماغه وما بيسمعش كلام حد وده صح

دلوقت المصريين والتوانسة اول ناس في التاريخ يفضلوا يبوسوا في الجيش لحد ما يزهق ويخلع رئيسه، احنا كل اللي عايزينه اننا نفضل نبوس في الجيش كده، ونحميه، لانه اخد مجازفة زعلت منه فلول النظام البائد وخلتهم عايزين ينتقموا منه، وهو اساسا مش مسيس ومش ثوري ولا حاجة، هو عايز يخلص، ومشى مبارك عشان دماغه اتدوشت

ههههههههههههههههههه
ياخوفي يخلع رئيسه وشعبه في الآخر

[dr-mohamed]

دكتور محمد حبيبى بيحب يأكد دائما على اراءه
و عندما يهاجم يهاجم بضراوه و شراسه فى كافه المواضيع حتى ليخيل اليك ان الهجوم من كل صوب و حدب و تشعر انك محاصر
الدكتور محمد يتميز باسلوب جميل و هادر فى نفس الوقت مهما اختلفت معه و حسيت انك عايز تقوم تكسر الكومبيوتر و تصرخ الراجل ده عايز ايه منى طالعلى فى كل حته الا انك تبتسم فى النهايه على صموده و على الجلد فى الرأى و برضه الحجه يعنى مش بيرمى كلام و خلاص لا بيديك براهن حتى لو انت مش مقتنع بيها

حبيبي يا طارق باشا انا مش اد الكلام ده كله والله

dr-mohamed
انت قلت رأيك في الكاتبة في موضوع سابق

و هاجمتها بنفس الأشياء في الموضوع ده كمان اكتر من مرة و في عدة مشاركات

http://www.nilemotors.net/nile/201460-a.html

مش قادر افهم بصراحة سر نفس الهجوم عليها في كل موضوع , اظن ان المعلومة وصلت قبل كده اكتر من مرة

وبصراحة انا كمان مش قادر افهم سر نقل حضرتك كل ساعتين تلاتة لاخر كتابات نوارة نجم وكأنه اصبح مقرر رغم رداءة كتاباتها ووقاحتها اللا متناهية ويا ريت تدخل الروابط اللى انا وضعتها لكتاباتها علشان تعرف بتقرا لمين

[otefa]

مش فاهم هي عايزة أيه قريتلها كذا حاجة ماعجبنيش أراءها ولأ أسلوبها ثورجية ممكن كان يتقبل منها في الأيام الأولى من الثورة أنما عايزة الناس تنزل ليه تاني
المفروض البلد تهدى شويتين علشان ندي مجال للجيش يظبط الدنيا ومتهيألي الناس مش متأخرة

[تامر.محمد]

update
----------------------------
يا بتوع الصبر مفتاح الفرج... عيلة مبارك كلها رجعت مصر


مراته وعياله ومرات جمال مبارك وشاهيناز النجار، كلهم رجعوا من لندن

ومبارك تلقى مكالمات من كل رؤساء العالم بما فيهم اوباما، ورفض يرد على اوباما
والاكتر من كده، الحبيب العادلي بيقول ان مافيش حد حقق معاه
عرفتوا الصبر بيعمل ايه؟
احنا نازلين بكرة كلنا... مبارك صاحي وبيلعب
لا وكمان جمال مبارك حيرفع علينا قضية

[FunnyMickey]

معلش يعني
هوا فيه حد ممكن يقنعني ان حسني مبارك يرجع تاني ؟؟؟؟

اذناب نظام ماشي
ناس خايفه علي مصالحها وبتحميهم لاخر نفس اوكي

كل ده زي الفل وحقهم
الناس تعبت في سرقه سنين طويله
لازم يدافعوا عن حقوقهم ولو باطل

انما المهم مين حيسكتلهم
مقتنعش ان ممكن حد عبيط يسكت تاني ويطنش تاني

ممكن يكون ظهر ناس دلوقتي بتاعت مصلحتها
بس هوا ده مجتمعنا
نقول مثلا
10 % حراميه
و60% بتوع انا ومن بعدي الطوفان
وال30 & دول هما اللي لسه عندهم نفس ومؤمنين بان التغيير قادم لا محاله مع اهميه الصبر علي البلد والاهتمام بالاقتصاد دلوقتي

انما حد يقولي الجيش موالي للنظام
منقولش الجيش موالي للنظام
نقول قاده الجيش مواليه للنظام

واعتقد ان اللي قام بثورتنا مش قاده
اللي قام بيها شعب محكوم زهق من الطغيان والذل والمهانه

نفس الحكايه اعتقد ممكن تحصل في الجيش لو حسوا ان فيه كوسه
ممكن يقوم بثوره الجيش
ظباط صغار
او حتي عساكر

مش مهم يكون رتبته ايه
المهم يكون مصري بجد

الرائد احمد شومان لما سلم سلاحه ونزل المظاهرات
مفكرش في عقابه ايه
ولا فكر في مستقبله ايه
فكر في مصر بس

وفيه زيه كتير في مصر
بس للاسف متغطييين تحت ال60% وال10%

:(

الحل الوحيد لرجوع مبارك في رأيي

هوا توقيعي
:)

[Dr Ahmed]

د محمد
لو رجعنا ورا شوية حضرتك كنت بتحذرنا من استمرار الثورة خوفا من مغبة حكم الجيش والأحكام العسكرية والفوضى وهجوم خارجى وما شابه
إيه رأيك دلوقت؟

[otefa]

ممكن أرد على حضرتك د أحمد بما أني كان لي نفس رؤية د محمد
تقدر تقولي حضرتك أيه ألي أتغير على أرض الواقع بتنحي مبارك الأن أو لو كان كمل مدته
مواد الدستور هي هي ألي بيدرسو تغيرها
الفرق الوحيد هو حل مجلسي الشعب والشورى(الجيش كان واعد بحله كدا كدا)
الجيش هو الجهة الضامنة في الحالتين وهو ماتبقى لنا كجهة نثق بها في الدولة بمعنى تنحي مبارك أو وجوده شكلي ليس أكثر
أحتمالات الأحكام العسكرية كان وارد وبقوة أذا ما لم يتم التعامل بحكمة بالغة مع الموقف من الجيش
والحمد لله على ماوصلنا له وربنا يتمها على خير أن شاء الله
تقبل تحياتي

[otefa]

update
----------------------------
يا بتوع الصبر مفتاح الفرج... عيلة مبارك كلها رجعت مصر


مراته وعياله ومرات جمال مبارك وشاهيناز النجار، كلهم رجعوا من لندن

ومبارك تلقى مكالمات من كل رؤساء العالم بما فيهم اوباما، ورفض يرد على اوباما
والاكتر من كده، الحبيب العادلي بيقول ان مافيش حد حقق معاه
عرفتوا الصبر بيعمل ايه؟
احنا نازلين بكرة كلنا... مبارك صاحي وبيلعب
لا وكمان جمال مبارك حيرفع علينا قضية

اليوم السابع دي عايزة ضرب النار
أتفضل شوف فضيحتهم
مافيش وسيلة أعلام ألا وليها مصالح في الكواليس وعلشان كده لازم نحلل مانتلاقاه ..........منطقي..........غير منطقي

http://www.nilemotors.net/Nile/201873-a.html

YouTube - ‫طظ‚ظٹظ‚ط© ط§ظ„ظٹظˆظ… ط§ظ„ط³ط§ط¨ط¹ ظˆ ظپط¶ظٹطط© ط±ط¦ظٹط³ ط§ظ„طھطط±ظٹط± ط®ط§ظ„ط¯ طµظ„ط§ط‬‎

[A.Saad]

update
----------------------------
يا بتوع الصبر مفتاح الفرج... عيلة مبارك كلها رجعت مصر



مراته وعياله ومرات جمال مبارك وشاهيناز النجار، كلهم رجعوا من لندن

ومبارك تلقى مكالمات من كل رؤساء العالم بما فيهم اوباما، ورفض يرد على اوباما

والاكتر من كده، الحبيب العادلي بيقول ان مافيش حد حقق معاه
عرفتوا الصبر بيعمل ايه؟
احنا نازلين بكرة كلنا... مبارك صاحي وبيلعب

لا وكمان جمال مبارك حيرفع علينا قضية

حبيب قال مفيش حد حقق معاه
بيروح التجمع الخامس فى النيابة فسحة بقى
امال مين اللى اضرب عليه نار هناك
ومبارك دلوقت فيه حيل يرد ويكلم : كان من شوية على فراش الموت ومنتظره
قدر يخف فى ثوانى ؟؟؟
فكر شوية فى الخبر قبل ما تكتبه يا غالى

[dr-mohamed]

د محمد
لو رجعنا ورا شوية حضرتك كنت بتحذرنا من استمرار الثورة خوفا من مغبة حكم الجيش والأحكام العسكرية والفوضى وهجوم خارجى وما شابه
إيه رأيك دلوقت؟

ممكن أرد على حضرتك د أحمد بما أني كان لي نفس رؤية د محمد
تقدر تقولي حضرتك أيه ألي أتغير على أرض الواقع بتنحي مبارك الأن أو لو كان كمل مدته
مواد الدستور هي هي ألي بيدرسو تغيرها
الفرق الوحيد هو حل مجلسي الشعب والشورى(الجيش كان واعد بحله كدا كدا)
الجيش هو الجهة الضامنة في الحالتين وهو ماتبقى لنا كجهة نثق بها في الدولة بمعنى تنحي مبارك أو وجوده شكلي ليس أكثر
أحتمالات الأحكام العسكرية كان وارد وبقوة أذا ما لم يتم التعامل بحكمة بالغة مع الموقف من الجيش
والحمد لله على ماوصلنا له وربنا يتمها على خير أن شاء الله
تقبل تحياتي

الاجابة على سؤالك يا دكتور احمد
ومن ناحية تانية انا لم اتكلم ابدا عن الهجوم الخارجي كل كلامي كان عن حكم العسكر وما زال الاحتمال قائم لو استمرت الفوضي وراجع تجربة السودان 1985 ولولا ان الجيش طلع محترم زيادة عن اللزوم كنا دخلنا في الحكم العسكري فورا خاصة مع الفوضي اللى في البلد هذه الايام والاضرابات وقطع الطرق لاسباب تحرق الدم

[تامر.محمد]

funnymickey
هههههههههههههههههههههههههه , على الله بجد ما نلاقيش جيمي مرشح نفسه في الانتخابات القادمة , ولا شفيق ولا سليمان ولا اي شكل من الأشكال دي

A.Saad
راجع التوقيتات هاتلاقي دي اتكتبت قبل دي , وقت كتابة البوست ما كانش القبض عليه حصل لسه
:)