هي وصلت لكده ؟؟؟؟؟ ارجوكم تقولولي مصداقيه الكلام ده

[أبو_يوسف]

متهيألي المذكور في المقال .. "سحق المتظاهرين بالدبابات بعد تحليق الطائرات f16 على ارتفاع منخفض" ..
وليس ضرب المتظاهرين بالطائرات..

[mrwho1982]

YouTube - ‫ط¶ط±ط¨ ط§ظ„ظ…طھط¸ط§ظ‡ط±ظٹظ† ظ‚ط±ط§ط± ط±ط¦ط§ط³ظٹ - 5 ظپط¨ط±ط§ظٹط±‬‎

يعني علي كده الراجل ده صح

[human]

انا هقول على اللى شفته و عايشته
كان يوم غريب جدا

فى الاول كان فيه ناس كتير واقفه قافله من عند عبد المنعم و حدوده مع التحرير اللى هيه اخر المتحف من ناحيه التحرير و مش عايزين حد يقف فى الحته ديه

لما شفت كده اتنرفزت و كان فيه جيش واقفين خلف طابور الناس اللى قافله
سألت الناس ديه قافلين كده ليه طبعا زعيق و نرفزه يقولوا ديه اوامر الجيش

ناديت على الظابط قلتله ممنوع هنا قاعد يلف و يدور وقالى عشان المتحف
قلتله خلاص نقفل من عند الرصيف
بس ماينفعش نقفل هنا

خناق و زعيق مع الناس اللى واقفه قافله و مش عايزين يفهموا اكن مخهم مقفول (الاعداد فى التحرير مكانتش كتير زى بعد كده)

كذا واحد اتدخل و ساندنى و دخلت المنطقه اللى ورا الصف و اتكلمت مع الظباط شويه هدوء و شويه نرفزه و فى الاخر قالوا خلاص ماشى

الصف اللى واقف وقف على الرصيف اللى فى النص و اتفتح المدخل

دخلت جوه التحرير لفيت شويه و شفت ناس اعرفهم


و بعدين رجعت تانى لقيت الدبابات داخله و ناس كتير بتتخانق
الدبابات حاولت تخش الميدان ووصلت لعبد المنعم رياض
وقفنا نتكلم مع الظباط تانى

و الكلام كان واضح
مافيش دبابه هتخش ميدان التحرير ولا مدرعه ولا اى حاجه

و قعدنا قصاد الدبابه اللى فى الاول و كان وراها طابور طويل من الاليات و فضلنا نزعق مع الظباط
و بدون تجميل كنا بنصرخ و بنعيط (عشان نقف فى التحرير فيه ناس ماتت ماحدش يقدر ياخد مننا التحرير)


لغايه ماجه واحد باسنا و حضنا و قالنا ماتخفوش مافيش حاجه هتخش

طبعا احنا كنا بنفكر انهم هيملوا التحرير و الطريق اليات عشان مافيش مكان الناس تقف و العدد يقل

بعد ما الموضوع هدى
قعدت على الرصيف اللى فى اول قصر النيل

شويه و لقيت طيارات بتعدى على ارتفاع ليس مرتفع و بسرعه عاليه و الصوت مدوى و كان فيه برضه طائرات هليكوبتر كتيره

لما هدى الموضوع

شفت روبرت فيسك بذاته معدى
سلمت عليه و اعربت له عن اعجابى الشديد

الراجل سلم عليا و قالى خلى بالكوا الوضع هيبقى سيئ جدا و خليك حريص

طبعا انا ماكنتش فاهم هو بيتكلم على ايه - بعديها بكذا يوم حصلت موقعه الجمل ففسرت اللى قاله على موقعه الجمل

بس بعد ماقريت الموضوع ممكن افهم كان قصده ايه فعليا

[تامر.محمد]

دي نفس القصة اللي كان قالها العسكري في الفيديو ده لو تفتكروا http://www.nilemotors.net/Nile/199784-a.html
و نفس القصة قالها لي واحد قريبي نقلا عن نقيب مدرعات في ميدان التحرير
بس انا ما رضيتش اقول ساعتها لأنه كان نقلا عن نقلا عن

الله اعلم بقى الحقيقة فين

[dr-mohamed]

استهدوا بالله ومش كل واحد يقول كلمتين دلوقت نصدقه
وعلشان اريحكم
من شخص رتبته صغيرة شوية لكن كان مهم لاقصي درجة في الوقت ده قال ان الاف 16 كانت للحماية واظهار ان الجيش موجود فقط ولم توجه لهم تعليمات باي شئ اخر غير اظهار ان سلاح الطيران متفق مع باقي افرع الجيش

[cheetos_892005]

استهدوا بالله ومش كل واحد يقول كلمتين دلوقت نصدقه
وعلشان اريحكم
من شخص رتبته صغيرة شوية لكن كان مهم لاقصي درجة في الوقت ده قال ان الاف 16 كانت للحماية واظهار ان الجيش موجود فقط ولم توجه لهم تعليمات باي شئ اخر غير اظهار ان سلاح الطيران متفق مع باقي افرع الجيش

المشكله ان مفيش اعلامي ولا محلل عدل و ثقه نثق في كلامه و يكون مصري ....
جايبها من جوا يعني .....كله طالع بيفتي ونوعيه من كلام بيقولك و سمعت ....
ويخلصنا بقي من الاخبار ديه ويقولنا ايه اللي حصل و بيحصل من الاخر

[Egyzizo]

دلوقتى أى صحفى بينام بليل ومايكونش متغطى كويس ، ممكن تلاقيه عامل تانى يوم سيناريو للأحلام اللى حلمها عن ميدان التحرير فى مقال صحفى ، يالا .. اشمعنى الفوضى ماتبقاش مع دول كمان.

بس هانت ، كله هيتظبط.

[cheetos_892005]

دلوقتى أى صحفى بينام بليل ومايكونش متغطى كويس ، ممكن تلاقيه عامل تانى يوم سيناريو للأحلام اللى حلمها عن ميدان التحرير فى مقال صحفى ، يالا .. اشمعنى الفوضى ماتبقاش مع دول كمان.

بس هانت ، كله هيتظبط.

البلد عايزه فنطاس ديتول يتدلق في النيل

[mahmoudselim]

يعني انتا متخيل انة لو كان عمل كدا كان هيفضل ماسك البلد هو ولا ابنة ولا أي حد من عيلتة..
دا في ساعة كانت قوات حفظ السلام مرشقة في مصر وكان ممكن يتحكم علية بلاعدام
مش كل الكلام يتصدق .. لاكن انا ممكن اصدق انة ادا اومر للداخلية بقتل كام واحد علشان الباقي
يجري علي بيتة.