اهلا بالاحباط

[tamer_a7]

معلش انا مش عارف اكلم مين قلت اجي ادردش معاكم شويه لان اخر نقاش امبارح في البيت انتهي مع المدام بخناقه زي الفل

المهم اقولك علي الموضوع
امبارح قررو في الشركه تخفيض المرتبات الي النصف وتصفيت كل من ليس له درجه عاليه من الاهميه يعني ما ينفعش يستغنو عنه
وطبعا دا مصيبه ووقعت علي دماغي
مش عارف هادفع قسط العربيه
مدرسه كريم هاعمل فيها ايه
دا حتي فاتوره التليفون النيله هاعمل فيها ايه
والنت
بجد مش عارف اعمل ايه والله ربنا وحده العالم الواحد محبط اد ايه دلواقتي
المكاتب الهندسيه كلها في حاله انهيار
شركات المقاولات كلها مش عارفه المصير ايه
سوق المعمار في مصر كله في حاله تخبط غير طبيعيه لو استمرت بجد البلد هتروح في داهيه
سوق المعمار لو حصل انه انهار البلد هتقع معاه طبعا احنا كلنا مش في ايدينا حاجه بس انا مش عارف اتلكم مع مين
ربنا يزيح الغمه دي

[No Comment]

أن الله مع الصابرين ..... أصبروأحتسب .
(( إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ ))

[mrwho1982]

طيب انت وديت ربنا فين

استغفر ربنا كثير وربنا هيرزقك باذن الله

قال تعالى:
(( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ))

روق وسيبها علي ربنا والله الحال جاي عالكل بس ربنا هيسترها باذن الله

[tamer_a7]

أن الله مع الصابرين ..... أصبروأحتسب .
(( إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ ))

والله انا صابر وربنا يكرمنا انشاء الله بالاحسن
ويمكن كل دا ربنا يكرم ويتلغي يا رب

[hossaam]

معلش يا اخي...غالبيتنا بنعاني بشكل او بأخر من الظروف الحالية...

اوصي نفسي واياك يالتقرب الى الله على قدر ما تقدر بالطاعات وترك المعاصي
ومن يتق الله يجعل له مخرجا ويرزقه من حيث لا يحتسب

[FunnyMickey]

ربنا معاك ان شاء الله
وادعي ربنا وان شاء الله ربنا مبيسيبش حد ابدا

بس سؤال مهم هنا
ايه النقاش اللي يخليك في ظرف زي ده تتخانق مع المدام يعني
المفروض في وقت زي ده تقربوا من بعض عشان تعدوا المحنه دي
وتفكروا بهدوء وعقلانيه ازاي تقدروا تعدوا المشكله باقل الخسائر الممكنه

انما الخناق مش حيجيب غير زياده التوتر لان الموضوع اصلا مش مستحمل
ربنا يهدي النفوس بينكو ان شاء الله
ويهديكم الي ما فيه الرشد والصلاح

[shooter123]

ان الله مع الصابرين حاول تشوف طيب شغل تاني ولو بعد الضهر

[kar!m]

أنا حصل معايا موقف مشابه من سنين .. و بفضل الموقف ده رحت شركة تانيه الحمد لله أحسن بكتير من اللى كنت فيها.

"و عسى أن تكرهوا شيئا و هو خير لكم"

[tamer_a7]

ان الله مع الصابرين حاول تشوف طيب شغل تاني ولو بعد الضهر

للاسف حل غير موجود انا باخلص شغل الساعه 6

[tamer_a7]

ما تشغلوش بالكم ان شاء الله تطلع فقاعه صابون في الهواء لان في كلام كتير دلواقتي انها اشاعه وعلي الاكتر لما عرفو ان نص الشركه هتستقيل في تراجع في الكلام
ربنا يا رب يكرم ويستر ان شاء الله
بالنسبه للخناقه هاضطر اجيب اي هديه وانا مروح وامري لله

[FunnyMickey]

هههههههههههههههههههههههههههههههههههههههه

يبقي هيا دي الخطه بقي
تلاقيك مجبتش هديه الفالانتاين ولا حلاوه المولد ولا العروسه

قابل بقي
انتا اللي تستاهل
انا لسه متجوزتش وكاتب كتابي
ونازل انهارده غصب واقتدار
اجيب الحلاوه والعروسه
بما اننا مبنحتفلش بالفالانتاين عشان حرام
والمولد عشان بدعه
يبقي الحلاوه تتجاب في يوم تاني غير المولد

معرفتش اهرب
ههههههههه
اثبات وبالادله الشرعيه
معرفتش افتح بقي

[meza]

حصلت مشاكل فى اقتصاد البلد فى الفترة الأخيرة محدش ينكر

دورنا دلوقتى زى ما الأخوة الأفاضل قالوا نصبر و منتوقعش نتائج فورية ... لسه فترة على ما الإقتصاد يقوم و المرتبات تزيد
و انا مش مع المظاهرات و الإعتصامات اللى بتطالب برفع الأجور فى الوقت الحالى بالذات

يا ريت كلنا نصبر على النتائج ... إحنا عملنا خطوة كبيرة فى الإتجاه الصحيح و مفيش داعى للتشاؤم أبداً دلوقتى

[dobyking1]

من كان رزقه علي الله فلا يحزن

[lonedoctor]

الصبر هو حبس النفس عن الجزع وحبس اللسان عن الشكوى وحبس الجوراح عن فعل ما يغضب الله كلطم الخدود وشق الجيوب وذلك عند وقوع المكروه
ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه ان الله بالغ امره قد جعل الله لكل شئ قدرا

[mailo]

ما تشغلوش بالكم ان شاء الله تطلع فقاعه صابون في الهواء لان في كلام كتير دلواقتي انها اشاعه وعلي الاكتر لما عرفو ان نص الشركه هتستقيل في تراجع في الكلام
ربنا يا رب يكرم ويستر ان شاء الله
بالنسبه للخناقه هاضطر اجيب اي هديه وانا مروح وامري لله

ما هي دي بداية التدبيس وبعدها كل ماتبقى عايزة هدية هتخليك تزعلها عشان تجيبلها هدية
ياسيدي الفاضل فاكر زمان فالمدرسة لما كانوا بيودوهم حصص مش عارف اسمها إيه كده ويوعدنا احنا يعلمونا صيانة ولكالام دة
اهما بقى كانوا بيدهم دروس مكثفة وبعيدة المدى فالكلام ده ويعلمهم إزاي يستفيدوا من خبرة ماما وخالته وطنط والكلام ده كله في اساليب الزن المصري الأصيل وكانوا كل حصة عندهم 50% منها كيف تنكدين على جوزك وباقي الحاجات فلازم إنت تبقى اشطر ويكون عندك دفاعات مضادة عشان ماتديهمش فرصة لكده
وعلى فكرة دي مش بتبقى بالشخصية ولا حاجة دي حاجة في الجينات بتاعتهم يعني مفيش منها علاج حتى لو عيشتها طول عمرها جيناااااات lol

هههههههههههههههههههههههههههههههههههههههه

يبقي هيا دي الخطه بقي
تلاقيك مجبتش هديه الفالانتاين ولا حلاوه المولد ولا العروسه

قابل بقي
انتا اللي تستاهل
انا لسه متجوزتش وكاتب كتابي
ونازل انهارده غصب واقتدار
اجيب الحلاوه والعروسه
بما اننا مبنحتفلش بالفالانتاين عشان حرام
والمولد عشان بدعه
يبقي الحلاوه تتجاب في يوم تاني غير المولد

معرفتش اهرب
ههههههههه
اثبات وبالادله الشرعيه
معرفتش افتح بقي

ده إنت هتشوف أيام lol
هتجيب هتجيب فهات بالذوق أحسن