بخصوص الجيم والرياضة يا شباب ياريت نصيحتكم

[MRBEBO]

نفسي اروح صالة والعب واشد عضلاتي المترهلة

بس مشكلتي الازلية اني معنديش اي باور

يعني الواحد نفسه قصير جدا ومش عنده طاقة علشان يفحت في التمرين

واقل تمرين الواحد بيحس ان نفسه اتقطع ومش قادر يواصل خصوصا تمرينات البطن

على فكرة انا وزني يعتبر كويس 77 كيلو على 182 سم

محدش عنده فكرة عن مشروب او اي حاجة من الصيدلية تدي باور وتخلي الواحد عنده طاقة يلعب ساعة ساعة ونص مستريح

[BLOODY_STONE]

ابدأ كارديو ... امشي مثلا كيلو او 2 .. بعدين خش جينيرال اوزان خفيفة شهر ولا حاجة يوم اه و يوم لا حتبدا تظبط واحدة واحدة .. بعدين خدلك عضلة عضلة

[AkramArafa]

فعلا اهم حاجه الجري
انا دلوقتي برضوا بدات في الموضوع ده ومشكلتي نفس مشكلتك بس انا وزني اخف شويه بس فعلا اهم خاجه الجري
وتلني حاجه بقي انك الاول تتمرن علي وزنك يحني تلعب ضغط وتمرينات البنطن و العقله عشان ابل ما تلعب علي المكن الاهم انك تكون تقدر تشيل وزنك
ولما تتمكن من التمرينات اللي فوق تبدأ بقي تلعب علي المكن.

[MRBEBO]

انا معاكم ان الجري بيطول النفس بس مفيش حاجة برضوا تدي طاقة في الجري المشكلة اني لو جريت مش بكمل برضوا 15 دقيقة كده ولاقيني خلاص مفيش اي باور

على فكرة انا عندي اوربت تراك بتهيئلي برضوا كويس بس فين الباااااااااور

[omar-saad]

بص ياسيدى
اهم حاجة انك يكون عندك دافع نفسى اصلا انك تلعب وتحول تبقى رشيق وتعمل جسم
وبلاش يبقى فى ذهنك انك ماعندكش باور والكلام دة
الموضوع عايز اصرار وعزيمة
المهم انك تبقى حاطط هدف فى دماغك توصله فى وقت معين
مش مهم انك تشيل حديد الصالة كله المهم انك تكون بتلعب بالطريقة الصح علشان يبقى جسمك متقسم صح
دا غيرالغذا الكويس والصحى والعصاير والكلام دة
ممكن تدخل فى انك تاكل 3 وجبات رئيسية فى كل حاجة ووجبات خفيفة فى النص مابينهم
وتجرى شوية كل يوم واحدة واحد هتلاقى نفسك ممكن تجرى ساعة
مش كل حاجة بتيجى مرة واحدة المهم انك تتعود وماتقطعش وان شاء الله تعمل فورمة كويسة