ممكن نوصل لده امتى......؟

[Ayman-Ahmed]

YouTube - Nefsy ya Masr - Egypt, I Wish - ظ†ظپط³ظٹ ظٹط§ ظ…طµط±

[FunnyMickey]

لما الامنيات دي كلها تتحقق

اسهلهم دلوقتي رئيس الوزراء يبقي عنده 25 سنه
وكيس الشيبسي العائلي يبقي بنص جنيه

اما اصعب حاجه
ان الزمالك ياخد الدوري
:)

[Ayman-Ahmed]

ما هى ديه المطالب الفئوية يا صبحى.

[FunnyMickey]

عارف
بقالي يومين عندي حاله احباط من المظاهرات اللي اتعملت بعد يوم التنحي امام الوزارات والهيئات
يستحيل يكون واحد نزل يوم 25 يناير او حتي تعاطف معاهم وحس بيهم ينزل مظاهره زي دي
مفيش مظاهره منهم طالعه عشان فساد او اقاله مدير فاسد
كلها طالعه عشان زياده الاجور

كل امنيات الناس دي مش حتتحقق غير اما الناس اللي طلعت مظاهرات دي تروح بيوتها وتشتغل بجد وترفع اقتصاد البلد
انما اجور ايه اللي حتزيد واحنا اقتصادنا متنيل بنيله

خبير اقتصادي امبارح قال ان السياحه في مصر نزلت ارباحها 50%
فاضل ايه تاني
لازم نفوق بقي ونبطل الانانيه دي
ونفكر في حال البلد شويه
ونبطل كل واحد يدور علي مصلحته وتولع البلد بعد كده

الكلام ده كنا بنعمله زمان كلنا
لما كان كل واحد بيجري زي الطور في الساقيه عشان يعرف ياكل ويأكل عياله

انما دلوقتي خلاص
لازم كلنا ناكل
ويفيض اكل كمان
ونتفسح ونلعب
ايه المشكله
دي حقوقنا

بس الاهم دلوقتي
نشتغل بجد
عشان نعرف نحقق كل الامنيات اللي قالوها دي

وواخيرا احب اهديلك صوره من تونس حاليا بعد الثوره




وتعليق عليها مني

لم يمت من مات في الثوره لرفع اجوركم ولا لتحسين معيشتكم
كفي تظاهرا سخيفا وانانيه
عمروا مصر وليكن بعدها ما يكن

[Ayman-Ahmed]

اوافقك تماما على كلامك وده تقريبا كان تعليقى فى موضوع د\وائل عن موظف البنك

وهما دول اللى بحترمهم واحترمتهم اكتر لما المطالب اتحققت ومشيوا من الميدان مع ان الاحداث ضرت ناس كتير بس الواحد دايما بيصبر نفسه وبيقول مش مشكلة دلوقتى هعتبرها اى ظروف طارئة الواحد بيمر بيها واللى جاى بامر الله احسن.ولكن اللى بيقطع طريق واللى مش عاوز يشتغل الا لما المطالب تتحقق واللى لقى الموضوع سهل مع ناس تانية وانا لا ليه ما بالمرة.طيب ما تصبر عشان بكرة نتحسن لانك كنت عايش كدة بقالك كتير وكنت ماشى طيب ما تصبر لحد ما الوضع يتحسن ونعدى الفترة ديه.يرد عليا يقولى اه ما انت تلاقيك مرتاح مش فارقة معاك.وده كان رد واحد من المحتجين امبارح عند وزارة البترول.

الشرطة مش عارفة او مش عاوزة تنزل الشارع وده خارب الدنيا اكتر والناس برده تقول لما يتعدلوا ينزلوا وميطلبوش مننا نسامح الا لما احنا نشوف الاداء.طب ما نسيبهم يؤدوا عشان نعرف نحاكم لكن لا لما يحاكموا اللى قتلوا الاول.طيب خلينا احنا شايلين اسلحة ونحمى بيوتنا واهلنا وممتلكاتنا لحد ما اهم جهاز يتحاكم ويارب تعجب الناس المحاكمة.

كله عاوز من الحكومة ومش مهم الحكومة تجيب منين.لا ازاى الفلوس كتير ومصر مليانة فلوس.مش شايف عملوا كام مليار من فلوسنا.طيب ما تسيبوا الحكومة تحوشلنا شوية فلوس ونسيب المخزون عشان اى ظروف مستقبلية وطالما انت عاوز فلوس وزيادة طيب اشتغل وشوف اخر الشهر الوضع ايه ولما ميعجبكش ابقى قول لا انا عاوز.بس اشتغل واطلب.

لا حول ولا قوة الا بالله .لكى الله يا مصر ويارب اهدينا للصراط المستقيم.

[yascro]

نفسى ف كل الكلام دا يتحقق بجد
بس موضوع الزمالك والاهلى دا خلاص
اللا بالحق هما لعيبه المنتخب فييييييييييييييييييييييييييين

[medo2o1o]

الزمالك هياخد الدورى ان شاء الله

الدليل ايه بقة

الدورى من سنة 1946 و الزملك اخد الدورى 11 مرة يعنى معدل مرة كل 6 سنين فده معاد الجرعة سيبولنا الفرصة بقة

[محمد محمد]

فيديو يدعو للتفائل.

الزمالك هياخد الدورى ان شاء الله

الدليل ايه بقة

الدورى من سنة 1946 و الزملك اخد الدورى 11 مرة يعنى معدل مرة كل 6 سنين فده معاد الجرعة سيبولنا الفرصة بقة

سيبولنا الفرصة بقي!
واحنا جايبين جوزيه السنة دي علشان يقوم بدور انكل مرفت ولا ايه
طب اهليييييي اهليييييييييي

[E30power]

نفسى يخدو مليارات عمو عز وانكل حسنى والناس الحلوة الى نهبين نصف خير البلد ويرفعو بية اقتصاد البلد الى وقع ...صدقونى هيكفوا وزيادة كمان ويبرشئو شوية على الشعب الغلبان دة ....


اغزرونى على تغير الموضوع بس الزمالك دية فرقة بوووومة .,..يوم ما يشدوا حيلهم والبدرى يقدم استقالتة والدورى ليهم وكمان السنادى مؤية البلد كلها تقف والدورى يقف كله :]

[FunnyMickey]

ههههههههههههههههههههههههههههههههه
يارجاله قلنا قبل كده
محدش يحلم


قرر وزير الدفاع ان نادي طلائع الجيش بطل الدوري وحرس الحدود بطل الكاس
ولا اهلي ولا زمالك
:)