هاتعمل إيه لو طلع عليك قطاع طريق

[ZALABANY]

اليومين اللي فاتوا عرفنا ان حصل اكتر من مره ان بلطجية يقطعوا الطريق الدائري وصلة ميدان لبنان ويسرقوا عربيات أو يقطعوا طرق السفر زي طريق الصعيد الغربي وده المؤكد بالنسبه ليا سمعت عن حادثة بالشكل ده على الدائري امبارح وعلى مصر اسكندرية الصحراوي من كام يوم واللي بيحصل بيبقوا اعداد كبيرة من البلطجية في عربية نقل و نص نقل وبيقفلوا الطريق بطوب ويبدأوا يثبتوا العربيات بالسلاح سواء كان سلاح أبيض أو سلاح ناري
ياتري فى الحالة دي يبقى ايه التصرف ولو عدد الناس اللي موقفينهم كتير نعمل ايه ولو حد معاه سلاح او مسدس صوت ساعتها ممكن يجروا لو حد ضرب في الهوا ولا لو معاهم سلاح هايموتوه انا مش عارف بس الموضوع مقلق فعلا ياريت لو حد اتأكد من اي طريق حصلت عليه حوادث زي دي او اتعرض لموقف بهذا الشكل يقولنا نتصرف ازاي ونعمل ايه في غياب الأمن

[mahmoudselim]

حاول تخلي سفرياتك كلها ومشاويرك ال بتستخدملها الدائري قبل صلاة المغرب

" قل لن يصيبنا الا ما كتب الله لنا"

[هيثم المنياوى]

موضوع ان الناس ده تخاف من مسدس حتى لوحى ده أنساه لإن هو مسلح بسلاح ألى ومستعد وماتفرقش معاه
لو معاك أختك او والدتك أو مراتك سايس الأمور حتى لوهتديهم أمورك
أما لوحدك موت شهيد لانك هكون بدافع عن نفسك وسترى مقعدك من الجنه قبل موتك

[zalpany2000]

حاول تخلي سفرياتك كلها ومشاويرك ال بتستخدملها الدائري قبل صلاة المغرب

" قل لن يصيبنا الا ما كتب الله لنا"

الله ينور عليك والله قل لن يصيبنا الا ما كتب الله لنا

انا بس حابب اضيف ان اول حاجه هاتيجي في بالي ....هافكر هاتصل بانهي فضائية علشان احكي عن بطولتي في القضاء علي البلطجية دوول بعد ما اموتهم بعووون الله

الشعب المصري كله خد فرقة دفاع شعبي معتبرة :D

[zalpany2000]

محمد باشا معلش يعني من غير زعل ... هو لما كان فيه امن ... كان ايه بيحصل ؟؟؟
انت عارف كويس ... ولينا تجربة شخصية في موضوع النجدة ده :d

لما قعدنا 3 ساعات مستنيين امين شرطة يجي يعمل محضر بس ؟

بغض النظر عن اي حاجه ... انا عاجبني نبرة الفدائية والجرأة اللي دبت فينا كمصريين ...

[M7amD_7amDy]

مش عارف صراحة

بس أكيد هديهم اللى هما عاوزينه :)

وبعد ما أمشى هقول للجيش وهحاول اخدهم معايا ونرجعلهم تانى :))

[mohamedbook]

يوم الجمعة 28 يناير طلعت علي الدائري (طلعت المنيب) بعد صلاة المغرب ووجدت عربيات متكسرة ومحروقة وبلطجية بسيوف اوقفوا السيارة وقالولي اطلع قدام والي هيطلبوة منك اعملة
مكدبتش خبر افلت السنتر ورفعت الزجاج ورجعت مرشلية لورا باقصي سرعة عكس الاتجاة ورنزلت من الطلعة الي طلعت منها وحظرت اي واحد متجة الي الدائري انه يطلع وكنت في زهول حولت انزل الي المنيب كل مامشي في مكان الناس يستوقفوني ويسالوني رايح فين وفيه منهم طلب فلوس مني المشكلة ان عددهم بيكون كبير بس الحمد لله وصلت البيت الساعة 2.5 باليل مكنتش عارف اروح فين واجي من فين لفيت الكرة الارضية سعتها وكله من المقطيع بتوع الشرطة وصلولي احساس سعتها ان كان عصرهم نعمة بس الحمد لله ربنا جعل كيدهم في نحرهم وجعل الدائرة عليهم وخزلهم
المهم من الاخر متمشيش باليل الايام الي جيه محدش يعرف الدنيا هتمشي ازاي
ومن الي انا شفتة لو طلع عليك حد ونت معاك سلاح حتي بيكون عددهم كبير ووبيسببولك ارتباك شديد
المهم الله هو الحافظ
واحب اعرفك ان الكلام حاجة والموقف الي بتتعرض ليه حاجة تانية خالص

[ZALABANY]

يوم الجمعه اللي فاتت حوالي الساعه 9 نفس الموضوع ده على مطلع الدائري بتاع المعادي لسه بلف عشان اطلع لقيت العربيات بترجع بظهرها بسرعة كملت على طول ببص على الطلعه لقيت عربية نقل فيها ناس بينزلو والعربية واقفه بعرض المطلع بس بصراحة ما وقفتش وما عرفتش كان في ايه تحديدا بس الواحد مش عارف في موقف زي ده يتصرف ازاي
ومش عارف يا حسام موضوع اك تتصدلهم ده ممكن ينفع ولا لا خاصة انهم بيبقوا عدد كبير

[Raul_7]

يا رت تقولنا الكلام ده بيبقى عالساعة كام تقريبا وكان حصل من امتى؟

أنا حاليا مابعملش حاجة غير إني بروح الشغل وارجع تقريبا, حاجة مش ظريفة خالص.

[al_manara]

اول حاجة " قل لن يصيبنا الا ما كتب الله لنا"
ثانيا اظن ان احسن حل ان الواحد يكون صاحي اوي بحيث انة لو شافهم من بعيد يرجع ويبلغ عنهم
(انا لو معايا عربية جيب كنت فركتهم ) :b4_384:

[heshamzaky]

زلبانى بص يا باشا . لو العدد كبير أحسن تصرف تعملة أنك لا تقاوم منعول أبو الفلوس بس الحياة أهم يعنى ما ينفعش اعمل بطل فى معركة معروف مسبقا انى حا اخسرها . لو مسلحين و عددهم كبير لا أنصحك باشهار سلاح و خصوصا طبنجة الصوت لآن رد الفعل عندهم أنهم سيبادرون بأطلاق نار و أنت معاك مثلا مسدس صوت تبقى فكرة خاسرة و معروف النتيجة . لو الى بيوقفك شخص او اتنين و معاهم أسلحة بيضاء فقط ممكن تتعامل معهم يعنى افرمة بالعربية و لما تخبطة دوس فرامل و قف و بعدين كمل علية ما ترحمهوش علشان ما يتعلقش فى العربية خصوصا لو عاوز تلقفة بالكابوت ولو أتعلق فى العربية حرك العربية يمين و شمال علشان تخل توازنة و لما يقع لو عرفت ترجع مارشدير و تخبطة يبقى كويس و خلى تحركاتك زجزاج مش مستقيمة و دايما أحتفظ باى الة حادة فى العربية بس أتنين مش واحدة سكينة قطر ما شابهة واحدة فى الشماسة لسهولة سحبها و الاخرى فى الدرج و تكون طويلة نسبيا . و طبعا أحسب الموقف قبل ما تعمل أى خطوة و ربنا يبعد الشر عنا جميعا

[ali.mahmoud]

ربنا يسترها معانا جميعا

[masterzmind]

يا جماعة والله مفيش اى حاجة انا راجع من الدائرى الساعة 3 بليل وعادى والله ما فى اى شى كلها عربيات نقل ومفيش حتى ولا حادثة دى الحاجة الغربية

[sterio_504ever]

زلبانى بص يا باشا . لو العدد كبير أحسن تصرف تعملة أنك لا تقاوم منعول أبو الفلوس بس الحياة أهم يعنى ما ينفعش اعمل بطل فى معركة معروف مسبقا انى حا اخسرها . لو مسلحين و عددهم كبير لا أنصحك باشهار سلاح و خصوصا طبنجة الصوت لآن رد الفعل عندهم أنهم سيبادرون بأطلاق نار و أنت معاك مثلا مسدس صوت تبقى فكرة خاسرة و معروف النتيجة . لو الى بيوقفك شخص او اتنين و معاهم أسلحة بيضاء فقط ممكن تتعامل معهم يعنى افرمة بالعربية و لما تخبطة دوس فرامل و قف و بعدين كمل علية ما ترحمهوش علشان ما يتعلقش فى العربية خصوصا لو عاوز تلقفة بالكابوت ولو أتعلق فى العربية حرك العربية يمين و شمال علشان تخل توازنة و لما يقع لو عرفت ترجع مارشدير و تخبطة يبقى كويس و خلى تحركاتك زجزاج مش مستقيمة و دايما أحتفظ باى الة حادة فى العربية بس أتنين مش واحدة سكينة قطر ما شابهة واحدة فى الشماسة لسهولة سحبها و الاخرى فى الدرج و تكون طويلة نسبيا . و طبعا أحسب الموقف قبل ما تعمل أى خطوة و ربنا يبعد الشر عنا جميعا

ايه يا معلم فلم الاكشن ده طب متريح نفسك و ترجع و خلاص لو مش هتعرف ترجع هاندايا و تلف وش العربيا لو ش هتعرف تلف وش العربيا خش عليهم و اديهم الى معاك بس ربنا يسترها عانا جميعا

[heshamzaky]

يا باشا أنا ردى الاول قلت لة ((( لو العدد كبير أحسن تصرف تعملة أنك لا تقاوم منعول أبو الفلوس بس الحياة أهم يعنى ما ينفعش اعمل بطل فى معركة معروف مسبقا انى حا اخسرها . )))) لكن لو العدد مش كبير أقسم ب الله ما أسيبة ياخد منى حاجة بالغصب لان لو معايا اهل بيتى مثلا منين اضمن ألا يتعدى عليهم أحد يبقى حا أستقتل معاهم و أقاوم بكل ما اوتيت من قوة حتى اخر نفس و غير كدة بصراحة لو اديتة الى معايا و مشيت من غير ما أقاوم بجد حا اكرة نفسى جدا بعدها و ممكن أموت من حسرتى . أنا ما بقولكش أعمل بطل بس لو ممكن التصدى لهم حا أستقتل و برضو لازم تراعى عوامل الامان و لو تعرف تضربة بأى حاجة معاك أضربة و صدقنى لو عورت واحد التانى حا يخاف و ممكن يهرب بس عورة و لو بدأت ضرب لا تتوقف الا لما تسيبة مش قادر يقف على رجلية و أنت و شطارتك ساعتها فى الالتحام معة . (((( الافضل تجنب الموقف ألا لو أضطريت بس لو أتحطيت فى الموقف لا تتوقف )))