ماذا يريد الليبيون

[النوبي]

ماذا يريد الليبيون
البنزين 15 قرش اللتر
1جنيه عيش يكفي اسره ثلاث ايام ((قمح امريكي))
شوال الدقيق 4 جنيه
كيلو اللحم 14 الي 16 جنيه
عربيات بدون جمارك
وكمان استيراد اي مواد خام او اي شيء من الخارج للاستخدام الشخصي بدون جمرك ((مواد البناء كمثال سراميك/ حديد/اسمنت..الخ))
السفر للبلاد المجاوره بالبطاقه (تحديدا ايطاليا)
العيشه هناك من ارخص مايمكن
و مفيش وبطاله نهائي
اذا ماذا يريد الليبيون

[Tarek Gen 2]

انا اصلا هزعل عشان القذافى ده ميتسابش ده دمه خفيف جداااااااا اصلا :)

[Everlasting]

الحريـــــــــــة.

[factorialx]

و مفيش وبطاله نهائي

6 مليون ليبي على عائدات نفط ما شاء الله كبيره
30% بطاله

[cheetos_892005]

تحسهم اصلا مش فاهمين حاجه ......

[hossaam]

اعتقد يا اخي ان معلوماتك غير دقيقة
البطالة متفشية بطرقة رهيبة
الجهل منتشر جدااا....

ويكفي ما قاله الاخوة.....الحرية

[mahmoudselim]

انتا عارف لو قذافي بيوزع عليهم ذهب .. حقهم برضوا
ياراجل دول 41 سنة حكم..متخيل
لما بيوزع الذهب مثلا بيحكم عليك بحكم لا اسمع لا أري لا أتكلم
فاهمني

[AmAhmed]

بعض مدن شرق ليبيا ثارت علي حكم القذافي منذ عده عقود
و بعد ان نجح في اخماد ثورتهم عاقبهم بان اهمل مدنهم تماما طوال هذه المده

لذلك ما ذكرته هو حقيقي لكن في بعض المدن و لبعض الطبقات

كذلك هناك مجموهة من الكوارث حلت علي ليبيا في عهده تماثل العبارة و القطارات عندنا في مصر
اذكر منها افراجه عن الممرضات البلغريات و الطبيب الفلسطيني الذين حقنوا 426 طفل ليبي بدم ملوث بفيروس الايدز بعد ان حكم عليهم القضاء الليبي بالاعدام
و اتهامات الفساد التي تطال ابنه و بعض من الشخصيات الفلسطنية الفتحاوية و تدور بعض احداثها في اوربا الشرقية و فلسطين و ليبيا
فمثله لا يؤتمن علي شعب و من حق الشعب الليبي ان يختار قائده بحريه
الشعب الذي منه خرج الشهيد البطل الليبي عمر المختار و اخرون كثيرون لا يستحق ان يكون هذا حاله

[factorialx]

في كلام كتيير مش مؤكد إن في مظاهرات جامده هناك و بيقولك بني غازي إستقلت

و إن في ناس ماتوا برضه ربنا يستر و يحفظ دمائهم

[SunSet]

كل الشعوب ضد الظلم

لكن الظاهر من فجاجة و خسة ما عانينا - ولازلنا- منه , نعتقد ان لا احد يعاني

الكل يعاني لكن معاناتنا فاقت اي تصور

فعلاً شعب مصر شعب صبور وحمول جداً

[megamoudy]

كل الشعوب ضد الظلم

لكن الظاهر من فجاجة و خسة ما عانينا - ولازلنا- منه , نعتقد ان لا احد يعاني

الكل يعاني لكن معاناتنا فاقت اي تصور

فعلاً شعب مصر شعب صبور وحمول جداً

احنا خير اجناد الارض

[grand hand]

يريدون التغيير طبعا
بس تفتكر لو كان خيرهم عندنا كنا فكرنا نعمل الثورة دى ؟
ام ان مجرد الحياة الرغدة لا تكفى ؟!

[M.Osman]

خلي بالك ان شباب 25 يناير كان معظمهم ناس عايشين كويس و مش عايزين حاجة غير ان مصر تكون احسن من الوضع الحالي

مش كل حاجة فلوس و شغل و اكل

[Nothing1980]

يريدون التغيير طبعا
بس تفتكر لو كان خيرهم عندنا كنا فكرنا نعمل الثورة دى ؟
ام ان مجرد الحياة الرغدة لا تكفى ؟!

الحرية لا تقدر بمال، و مهما كنت غني و مستريح ماديًا مش هتقدر تستحمل الأساليب القمعية في الحكم <ماعدا المنافقين>.

[wael17]

خلي بالك ان شباب 25 يناير كان معظمهم ناس عايشين كويس و مش عايزين حاجة غير ان مصر تكون احسن من الوضع الحالي

مش كل حاجة فلوس و شغل و اكل

مظبوط انا فاكر قبل 25 يناير كان الكلام عن 4 مطالب
- حد ادني للأجور 1200 جنيه
- الغاء قانون الطوارئ
- اقالة العادلي
- تعديل الدستور قصر مدة الرئاسة علي فترتين فقط

انا فاكر اني لما كنت بانزل لحد يوم 28 يناير كان اللي فارق معايا الثلاث مطالب الاخيرة

النظرية القديمة اللي بتقول ان المصري و العربي بصفة عامة لا يثور الا لما ما يلاقيش رغيف العيش خلاص اتغيرت
انا كان عندي احساس بالعار و الخجل لما اسافر بره مصر و حد يسألني هو رئيسكم بقاله كم سنه

مبارك حكم 30 سنه و رغم انه كان ديكتاتور و فاسد بس اللي حد ما كان له احترام علي المستوي العربي و الدولي

القذافي بقاله 42 سنه و يعتبر مسخرة العالم...يعني رئيس اهبل و فاضح شعبه...تخيل انك عايش احسن عيشه و معاك فلوس كتير بس الرئيس بتاعك كل كام يوم يطلع في التليفزيون ووراه الحرس الحريمي بتوعه و يقول كلام يضحك العالم كله من شرقه لغربه...هاتثور عليه ولا لأ
ان شاء الله ربنا ينصر الشعب الليبي علي الراجل ده عشان كفاية مسخرة و قلة قيمه من واحد سفيه زي ده ماتفهمش ازاي بيحكم دوله بقاله 42 سنة...ربنا بس يستر عليهم عشان القذافي مخه جذمه و ناوي يضرب بغباوة فيهم...ده جايب بلطجية من افريقيا!!!
انا متعاطف جدا معاهم و حاسس بشعورهم...نفس اللي حسينا بيه يوم 25و 26 و 27...فترة صعبة قوي و ماكانش حد عارف ارادة الشعب هاتنتصر علي بطش النظام ولا لأ