فضيحة جديدة لقادة الثورة !!!! شوف بنفسك

[Ahmed Anwer]

طب أنا هاقولكم علي حاجة قريتها في منتدي تاني ،،

عمرو أديب في بدايات الثورة كان بيقول إن فيهم أجانب و معاهم أجهزة اتصالات حديثة جدا ،،

واحد في المنتدي التاني بيقول إنه صديق لوائل غنيم من فترة و بيعمل في نفس مجاله

قال فعلا وائل متجوز من أمريكية مسلمة

أما أجهزة الاتصالات الحديثة فهيا موبايل سامسونج جالاكسي !!!

فكرني بالنكتة و لا يمكن تكون حقيقة

اللي بتقول

عاجل التليفزيون المصري : المتظاهرون في ميدان التحرير يستخدمون جهاز اتصالات متطور بدون أي أزرار و بظهر أسود و عليه رسمه لتفاحة مقطومة

[shooter123]

بقي القوات المسلحة عمالة تقول محدش يروج اشاعات وانت داخل تهزر؟؟؟؟؟؟؟؟؟؟؟؟؟؟؟

[thedeveloper87]

يا نهاري وأنا اللي كنت فاكره عميل لجماعة سونج لونج الصينية بس؟ أخطر وأكبر تنظيم في العالم بيكره المصريين

هههههههههه ده طلع عميل مزدوج بقى؟؟

إحنا نطالب النائب العام بإنه يحقق معاه ، يمكن يكون ورا غرق عبارة السلام ، سمعت من مصادر موثوقة إنه شافوا شخص غريب الشكل معاه جهاز غريب كان بيحاول يخرم بيه العبارة ، اللي راح فيها أكتر من ألف شخص ... أنا عارف العالم دي... دول بيكرهوا المصريين

[elfashn]

العمرانية ورا كل الى بيحصل

[hero]

ايلي انا خايف منة ...هو ان كتر الكلام عن شخص معين سواء بالحق او الباطل بيعمل هالة اعلامية ضخمة جداااا علي الشخص دة ويشغل الرأي العام بشيء تافة لا يودي ولا يجيب...

يعني بدل ما نشوف اية ايلي الثورة حققتة واية ايلي لسة ما تحققش ولية ما تحققش .....مشغولين بقادة الثورة...ايلي اصلا مالهاش قائد ...والقائد الحقيقي ليها هو الشعب المصري المطحون من اكتر من 58 سنة

ياريت نركز في اية ايلي بيحصل فعلا ...واية ايلي ممكن نعملة علشان نحافظ علي ايلي قدرنا نوصلة ونكمل ..

البلد محتاجة عمل وشغل كتير ...يمكن سنين..علشان نصلح ايلي اتفسد من نصف قرن..

ربنا يوفقنا للخير...وينجي مصر وشعبها

[mailo]

من مصدر موثوقة وسرية

وائل غنيم مش هو مفجر الثورة ده كان مجرد صورة بس للمفجر الحقيقي اللي هو خالد سعيد ذات نفسه
وقد تسربت هذه الانباء من احد العناصر الداخلية في تنظيم "اتاخر شوية وخدني جنبك "
اللي اعترفوا بضلوعهم العميق في الكيان الاستعماري اليستفشاشي اللي جنب أبوشقرا