هل تؤيد ترشيح عمرو موسى لرئاسة الجمهورية .. نقاش مفتوح

[wael3m]

ايه ياجماعة هو كل واحد ينوى يرشح نفسة
يطلع فاسد وديل مبارك والمسئول عن حرب العراق والسودان
كل دا علشان الترشيح تقوموا تجرحوا فى الراجل وبيشرب
خمر طيب عندك دليل ؟
مش دا عمرو موسى اللى كلنا كنا عايزنه يبقى ريس
بالنسبة للسفارات حتى لما مشى مفيش حاجة اتغيرت
لأنه من الأخر كدا الوزراء كانوا سكرتارية الريس
ولو كان فاسد كان فضل فى منصبة فى الخارجية
بس اول ما بدء يتحب من الناس ....رموه فى الجامعه
العربية وحكاية مسؤليه عن الحروب وانه معملش حاجة
اسأل ريسك السابق وهنروح بعيد ليه دول عربية جنب
العراق كان بيطلع منها الطيران يضرب ويرجع تانى
تقسيم السودان ودا بقى شئ يطول شرحه
احنا محتاجين نلتف حول واحد علشان نعدى المرحلة دى
ونفس الوقت نبتدى نجهزز الصف التانى من القيادات الشابة
علشان تكمل المشوار بعده او بعد غيره

وتقبلوا وجهة نظري التى تحتمل النقاش

[د/أحمد ابراهيم]

كفاية سنة الكبير و تبعيتة للنظام و عدم جرأتة لمواجهة الظلم

دول كفايه فعلا

خاصة الجزء الاخير

[otefa]

أنا أؤيد ترشيح عمرو موسي تماما من حقه ياخد فرصته في الحكم

على حساب الشعب.....لا لعمرو موسى
الشعب هو ألي نفنا ياخد فرصته مرة

[ashouhdy]

أنا مع الدولة البرلمانية و يكون الرئيس دورة شرفى

عشان نلغى فكرة الأله والقائد والاب الشرعى ;-))))

[نور القمر]

سُهٌُن ...........

[abogogo]

أنا مع الدولة البرلمانية و يكون الرئيس دورة شرفى

عشان نلغى فكرة الأله والقائد والاب الشرعى ;-))))

+1111111111111111

[Hhassan]

يجماعة انا مش راضي خالص عن الطريقة اللى بتكلم بيها عن الراجل احنا طلعنا فيه كل مشاكل مصر والعالم العربي
وعلى فكرة الراجل ده فى ناس كتير فىمصر بتحترمه وهو استاذ جامعي بغض النظر عن اي مناصب اخرى
وانا مش مع التجريح فيه لمصلحة البرادعي لان البرادعي ده معاش معانا ولايعرف عننا اي حاجه
وعلى فكرة انا مش مع ان يكون عمرو موسى رئيس للجمهورية وده لسبب واحد ان سنه 75 سنه وده هيكون عائق كبير جدا فى ادارة الدوله اللى مشاكلها لاتحص ولاتعد
هو ممكن يكون رئيس فى حالة الدولة البرلمانية يرئس ولا يحكم وده هيكون حل مرضي للناس اللى بتحبه وده منصب شرفى مش اكتر
ورئيس الحكومه هو اللى يحكم مصر وهو المسئول امام البرلمان والشعب
وياريت يكون اللى يحكم مصر يكون فى الاربعين مش اكتر علشان يكون عنده طموح ويقدر ينقل مصر نقلة كبيرة الى المستقبل باذن الله
وعلى فكرة مصر فيها كتير من الكفاءت صغيرة السن اللى تقدر تحكم مصر

[nevozaky]

انا مع الراى بان الدولة تكون برلمانية ويكون الرئيس مجرد دور شرفى وفى دول كتير كده .والنظام ده ناجح فى اكتر من دولة .علشان السلطة ما تبقاش فى ايد واحدة بس .لكن انا من مرشحين عمرو موسى .لان لو هو فى النظام لم يفعل شىْ اكيد باوامر الرئيس .انا باحترمه .انا مش عارفة انه بيشرب خمور ولا لاْ. طيب انا سمعت ان البرادعى بيشرب خمور وفى اكتر من صورة وامامه زجاجة خمر .والله اعلم. ولو بنقول ان عمرو موسى سنه كبير طيب ما البرادعى نفس السن تقريبا مواليد 1935

[metenawy]

انا شايف ان عمرو موسي لو عمل برنامج جيد فانا حنتخبه بغض النظر لسنه لان اليهمني برنامجه ام الدعوة الي دولة برلمانية فاحنا كده زاي الراح ايطاليا و عجبته البيتز لما رجع قرر يحطها بدل الفول يا جماعا كل دولة ولها طبيعتها واحنا ليسا عندنا جهلة كتير

[megamoudy]

انا بعد الفيديو ده مش هنتخبه خااااااااااااااااااااااااااالص

YouTube - ‫ط¹ظ…ط±ظˆ ظ…ظˆط³ظ‰ ظٹط±ط´ط ظ…ط¨ط§ط±ظƒ ظپظ‰ ط§ظ†طھط®ط§ط¨ط§طھ ط§ظ„ط±ط¦ط§ط³ظ‡.wmv‬‎

[foxarc]

و بعدين فيديو ايه يا اخوانا و هو كان حد يقدر يفتح بقه في عهد النظام السابق
أنا رايي المهم برنامج كل مرشح و خططه الزمنية و نقارن و كل واحد و رؤيته

[Dr Ahmed]

حاليا لا أميل له أبدا
هو شخصية ذات كاريزما تبدو متميزة عن معظم مننستطيع انتخابهم لكنه بالتأكيد بعيد عن أن يكون أفضلهم

[human]

كل رصيد عمرو موسى للشعب المصرى هو مناظره بينه و بين حد كبير من اسرائيل مش فاكر مين فى ال cnn و كمان كان بوء مع اسرائيل بس من غير تنفيذ لأى حاجه يعنى بيشجب و يدين باسلوب جامد حبتين و خلاص فكان عامل كاريزما جامده

غير كده عمل ايه؟؟؟ مؤيد على طول الخط لنظام مبارك حتى اخر لحظه

[ahmed4000]

لو بتدوروا على حد مكنش جزء من نظام مبارك يبقى مش حتلاقوا لان كلهم كانوا جزء من نظامه فى وقت من الاوقات سواء موسي او البرادعى او الجنزورى ... الا اذا كنتم عايزين ترشحوا ايمن نور هههههه

نقطة انه عمره منتقد مبارك يعنى هو البرادعى وهو فى الطاقة النووية كان بينتقد مبارك...يبقى ازاى عمرو موسي وهو فى الجامعة حينتقد مبارك

للاسف الاختيارات محدودة جدا - مبارك نجح تماما فى تحجيم اى نخبة هو مش عايزها- وبالتالى محتاجين حد فترة رئاسية واحدة على الاقل يكون المجتمع قدر يفرز قيادات حقيقية واحزاب حقيقية قادرة على وجود اكثر من مرشح

[human]

لو بتدوروا على حد مكنش جزء من نظام مبارك يبقى مش حتلاقوا لان كلهم كانوا جزء من نظامه فى وقت من الاوقات سواء موسي او البرادعى او الجنزورى ... الا اذا كنتم عايزين ترشحوا ايمن نور هههههه

نقطة انه عمره منتقد مبارك يعنى هو البرادعى وهو فى الطاقة النووية كان بينتقد مبارك...يبقى ازاى عمرو موسي وهو فى الجامعة حينتقد مبارك

للاسف الاختيارات محدودة جدا - مبارك نجح تماما فى تحجيم اى نخبة هو مش عايزها- وبالتالى محتاجين حد فترة رئاسية واحدة على الاقل يكون المجتمع قدر يفرز قيادات حقيقية واحزاب حقيقية قادرة على وجود اكثر من مرشح

الجنزورى كان رئيس وزرا محترم و الجميع يعلم كم خلافه فى الطرق الاصلاحيه و الاداريه للدوله

مش معنى ان فيه وزير فى الحكومه انه يبقى لازم ولابد و حتما دراع مبارك

فيه ناس معروف عنهم المهنيه و الحياد
و فيه ناس معروف عنهم الولاء لمبارك