رجاء من الاداره اى عضو ضد الثوره و بيأيد النظام بتم الغاء عضويته

[tameraast]

علشان بجد الواحد اتشل مش ممكن كميه الناس الى لسا بتدافع عن النظام و تقول مسيره رد الجميل و انا اسف

هيا الناس دى مغيبه للدرجادى ولا عميله للدرجادى انا بجد مش عارف

انا كان كل حلمى انى اطلع برا مصر بس دلوأتى عندى امل فى بكره

و الناس دى هيا الى هترجع البلد لورا تانى

و الى بيقولى حريه التعبير يبقى تعبر بعيد و من غير اسفزاز



وشكرا

[magyver]

اولا مش من حقك تقوول كدة
ثانيا انا معااك في ان الناس دة هيا لللي هاترجع البلد لورة ويوفقوا حااال البلد
خلاص بقي الللي مشي مشي ماهما عملوا اية مش هايردولة كرامتهم ولا اعتباارة

[AbO_FaRaH]

طبعا حقك انك تزعل....بس فين الراى والراى الاخر....بلاش نعمل زى ثوره 52

[ahmad--ezzat]

انا ضد الثوره ومؤيد للنظام بحب حسنى :)

[cheetos_892005]

انا ضد الثوره ومؤيد للنظام بحب حسنى :)

تعرف تروح شرم
هههههههههههههههه

[mostafa3000]

سيب اللي عايز يأيد النظام البائد يأيدة
صدقني اللي بيعمل كدة بيخسر نفسة فبل غيرة

[dr-mohamed]

وهل حين كان النظام قوي كان يتم الغاء عضويات المعارضين للنظام ؟؟؟؟؟؟
ايه الديكتاتورية دي
وبعدين انت محدش سمع لك اي صوت وقت الثورة نفسها ولا قبلها اتكلمت اي كلمة ضد النظام
دلوقت بتزايد على الكل

[ramy87]

لا حول و لا قوة الا بالله
كل واحد حر في رأييه انته متضايق من ايه ؟
ترضى واحد يقترح قرار ان الغيرالمؤيد و المعارض للنظام يتلغي عضويته من الأدارة؟؟؟؟؟؟؟؟

اللي مترضهوش على نفسك ما ترضهوش لغيرك

أتمنى من الإدارة إغلاق الموضوع لأني أظن انه هيبقى سبب للمشاكل و المناوشات بين الأعضاء

[blazer]

مينفعش كدا طبعا
كل شىء يحل بالحوار

امبارح كنت بتناقش مع حد من المعارض للمظاهرات
بيقولى طب هتجيبوا مين يمسك رئيس مش قبل ما تمشوا حد كنتوا تحضروا واحد عشان يمسك

طبعا انا صدمت
يعنى احنا عملنا كدا عشان نشيل تظام دكتاتورى ونجيب نظام دكتاتورى تانى!
الحل ان هتحصل انتخابات حره نزيهه بعد تغيير الديتور المرقع المهلهل بتاعنا
وكل واحد يقول برنامجه الانتخابى ونناقشه فى افكره واللى يفنع كل واحد يروح يديه صوته

[Tarek Gen 2]

يا جماعة البلد فيها تلت اصناف دلوقتى

اول صنف هى جموع الفاهمين و العارفين و مؤيدين الثورة و هم الاغلبية
تانى صنف بقايا النظام و الحزب الوثنى و اللجنة الالكترونية وهما ما زالوا منتشرين
تالت صنف الناس المتأثرة برحيل الرئيس و مؤيدين التغيير و دى لطبيعة ما اما لعلو احوالهم المدنية او لاستفداتهم من النظام السابق او تضررهم الشديد من الثورة او ضعف عقولهم او او او

و ده طبيعى فى اى بلد و بعد اى ثورة
لا شئ غريييييييب

[تامر.محمد]

لأ اوافق

[HAMZAWY]

علشان بجد الواحد اتشل مش ممكن كميه الناس الى لسا بتدافع عن النظام و تقول مسيره رد الجميل و انا اسف

هيا الناس دى مغيبه للدرجادى ولا عميله للدرجادى انا بجد مش عارف

انا كان كل حلمى انى اطلع برا مصر بس دلوأتى عندى امل فى بكره

و الناس دى هيا الى هترجع البلد لورا تانى

و الى بيقولى حريه التعبير يبقى تعبر بعيد و من غير اسفزاز



وشكرا

معلش يا باشا اعذرهم فى ناس كانت بتاكل عيش من ورا النظام القديم وانت فاهم طبعا ازاى

عندنا واحد فى المنطقى ساكن فى شقة تمنها 180 ألف ومعاه عربية هيونداى الانترا بتتجدد كل سنة ومراتو معاها نيو اكسنت
يوم الخطاب بتاع مبارك لما قال مش حرشح نفسى تانى نزل هو وجماعة صحابو وشايلين يفط مكتوب عليها نعم لمبارك

نسيت اقولك الباشا شغال ايه (عامل بوفيه فى الحى)

[ahf_vip]

احلى حاجة الديمقراطية اللى احنا بنقول عليها

انا نفسى اعرف سيادتك ايه الفرق بينك و بين نظام حسنى مبارك ؟؟؟؟؟؟؟؟

انت زيك زيه و عايز تمشى رأيك انت .... طب ليه كنت بتطلب منه يسمع رأيك لما انت مش عايز تسمع رأى الناس اللى معاك فى البلد ؟؟

هى كده تبقى ديمقراطية فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

فعلا احنا شعب مينفعش فيه الديمقراطية مع الناس اللى تفكيرها زيك غ ...... و ربنا يهديك انت و اللى بيفكر زيك

عشان بلدنا تتقد هنحتاج اننا نسمع رأى بعض مش انا اقول رأيى و مش عايز حد يعارضنى فيه و الا يبقى اتأخرنا مش اتقدمنا و الا هيبقى اللى جاى يحكمنا اسود و ألعن من حسنى مبارك و اعوانه و البلد هتبوظ اكتر

[otefa]

مش كفاية أيقاف...........أي مؤييد يضرب بالنار هههههه(بهزر طبعا)

[cheetos_892005]

يا ريت الاداره تحذف الموضوع بسرعه عشان هيعمل مشاكل ووجع دماغ كتير .....


كفايه اللي احنا فيه ........
انا عن نفسي مخدتش الموضوع علي محمل الجد قوي .....مع انه غلط فعلا