تحذير من فندق تيا هايتس الغردقة (المريديان سابقا)-والاهتمام بالسياحة الداخلية

[bodo122]

السلام عليكم ن انا كنت الاسبوع اللى فات فى فندق تيا هايتس الغردقة وللاسف تدهورت الخدمة فى هذا الفندق عن العام السابق المهم فى اليوم الثالث تم سرقة الموبايل بتاعى من اللوبى كأنى قاعد على القهوة او بنسيون السعادة

المهم بلغت الرسيبشن و محدش اتحرك وللاسف رحت لمدير الفندق(اسمة تونى) للشكوى ففوجئت برجل فظ غير مهذب و تعامل مع الموقف بمنتهى قلة الادب و قلة الذوق راجل اقل ما يقال علية انة بارد و عديم التربية و الذوق و سامعة بيقول لمدير الامن الفندق على التليفون انى مصرى (يعنى اللى اتسرق مصرى مش مهم ) و جاء مدير الامن اللى هو نسخة من مدير الفندق

دلوقتى فنادق مصر يجب ان تجذب السياحة الداخلية علشان تشتغل طيب يحصل دة ازاى طول ما فية مدرين فنادق غير مؤهلين وجهلة لادارة الفنادق

[waelfarid]

الاحترام لا يتجزأ وكذلك الزبالة أيضا
الله يعوض عليك

[haroun707]

طيب حضرتك معملتش ليه محضر فى شرطة السياحه

[Ghamrawy]

سيبهم هما كده كده الايام اللى احنا فيها دى هما حايكحوا تراب لوحدهم
انت بس قول لكل اللى انت تعرفهم على الفندق
خليها تنضف بقى

[أحمد كمال]

انا ما رضيتش اتكلم عالموضوع ده من باب فليقل خيرا او ليصمت

اما الناس قالت نشط الاقتصاد بالسياحة الداخلية

و الله العظيم اغلبهم و لا يستاهل

و المصريين بيدفعوا اضعاف الاجانب

و بيتعاملوا معاملة زبااااااااااااااااااااااااااااااااااااالة

و ده قبل الازمة

دلوقتي بعد الازمة حتى لو اتعدلوا و الله ما يستاهلوا

بس كمان بعد الازمة و بتتعوج ؟؟؟؟؟؟ دي اشكال عايزة الحرق فعلا

و الاسعار المخفضة دلوقتي مازالت اعلى من الملاليم اللي كانوا في عز الموسم السياحي بيدفعوها لشحاتين اوروبا

خلوهم يستووا على نار هااااااااااااادياااااااااااااااة و قريب ان شاء الله - لو الاجانب ما رجعوش بسرعة - هتلاقي الاوضة ب 200 جنيه في الليلة في اتخن فندق في سيناء

[mohabelnegm]

أنا هاتكلم بشكل محايد علشان ماحدش يتجنى على الناس اللى فى المنتجعات و انا مابشتغلش فى فنادق بس بتعامل مع الفنادق لأنى شركة سياحة...مبدئيا حتة انى مصرى و علشان كدة بتعامل فى الفنادق وحش الكلام دة غير صحيح تماما...و على العكس الناس اللى بتشتغل فى المنتجعات لما حد مصرى بييجى و الله بيتعاملوا معى المصريين بأفضل ما يمكن و بيفضلوهم فى الخدمة عن ألأجانب دة لو فى حالة اننا بنتعامل مع الناس اللى بتشتغل ديه بشكل كويس...لأن للأسف فى ناس بتيجى تتعالى على الناس اللى شغالة فى الفنادق و تتعامل معاهم فى منتهى السؤ و قلة الزوق و التكبر( وبشوف دة بنفسى كتير) و طبعا داخل فى دة السلوكيات السيئه لكتير من المصريين:
* ثقافة البوفيه المفتوح ...بمعنى ان المصرى مش بيقف فى الطابور على البوفيه و ده بيدى صورة سيئه جدا جدا عننا كمصريين..يعنى تلاقى ألأجانب واقفين طابور و تلاقى هوب ..أسرة مصرية داخلة على البوفيه من كل اتجاه و يخش من النص على الصنف اللى هوا عايزة بغض النظر عن أى واحد واقف.
*ثقافه الطبق ...للأسف في ناس كتير جدا جدا بيقعد يملى فى الطبق و يعملوا زى الهرم و يكوم فى حلو و فاكهه على الترابيزة...وفى ألأخر مابياكلش كل ألأكل دة و دة طبعا بيسبب انتقاد للسلوك ده من ألأجانب و المصريين الموجودين بالمكان
*ثقافةاستعمال الغرف...ألأجانب لمل بيسيبوا الغرف بيسيبوها فى حالة كويسه جدا و مفيش زبالة ولا خساير فى الغرف و يادوب نظافة خفيفه و تغيير ملايات بعد ما يمشوا....للأسف فى نسبة كبيرة جدا من المصريين بتسيب الغرف فى حاله يرثى لها من سوء ألأستعمال و ثقافة "ألأنتقام" ماهو أنا دافع فلوس و باخد حقى...لدرجة أن فى فنادق بتفضل تبيت الغرفة فاضيه على أنها تسكنها لحد ممكن يدمرها

*ثقافه ألأجازة...للأسف عندنا فى مصر الناس مابتحترمش الناس اللى حواليها فى أثناء ألأجازة..بمعنى..معاك أطفال يبقى لازم تسيطر عليهم علشان ما يبقوش مدمرين للمكان و مزعجين لكل الناس الموجودة فى الفندق...والله أنا عمرى ما شوفت أطفال أجانب عندهم الفكر التدميرى اللى اللى بيبقى موجود عند ألأطفال عندنا(لأن ببساطه عندنا ألأم و ألأب سايبيين ألأطفال يعملوا اللى هما عايزين فى حاجة الناس) و الله بدون مبالغة كنت قاعد من أسبوع فى كوفى شوب و شايف طفلين و جنبيهم أمهم و الطفلين ماسكين شجرة صغيرة شكلها جميل و فيها ورد و بيخلعوها من جدورها و أمهم شايفاهم و قاعدة تتكلم مع اللى جنبها بدون أى كلمة للأطفال...والله أنا دمى فار و روحت جريت عليهم و وقفتهم بالراحة و قولت لهم حرام دى كائن حى بيحس زينا و بصيت ناحية أمه و لاحظت أن شكلها متعلمة ..بس للأسف يظهر أنها مش فى دماغها خالص أن الطفل بيدمر حاجة جميلة و أنها لازم تخلى بالها من الحاجات ديه.
و الله...لأازم الناس تفهم ثقافة ألأجازة .

نيجى لموضوع التليفون...حضرتك سيبت التليفون و أنت قاعد فى اللوبى و اللوبى ده مكان فى الفندق بيعدى عليه كل الناس و بغض النظر أنت أجنبى أو مصرى ده خطأمنك انك ما أنتبهتش لتليفونك فى مكان يعتبر فيه عدد كبير من الناس و حتى شرطيا الفندق غير مسؤل عن التليفون ده...لأن الموضوع كده غير محدد المعالم...ممكن يكون بنسبه كبيره جدا نزيل تانى فى الفندق خد التليفون ده . و عموما فى الفندق بيبقى فى اجراءات بتتاخد زى أنهم بيدوروا فى المكان على التليفون و بيتم سؤال الموظفيين الموجودين فى الوقت ده"بدون أى نوع من أنواع التجاوز بحق أى موظف" لأن زى ما قلت الموضوع غير محدد الملامح لأن ممكن يكون أى شخص معدى فى اللوبى خد التليفون ولو جت شرطة السياحة مش هاتقدر تعمللك أى حاجة بغض النظر أنت مصر أو أجنبى لأن الموضوع مفتوح جدا...على خلاف مثلا لو التليفون اتسرق من الغرفة دة بيكون كلام تانى لأن الواقعة بتكون محددة المعالم و فى شخصين تلاتة هما اللى ممكن يخشوا الغرفة.
بالنسبه لأى حد عايز يعمل سياحة داخليه دلوقتى لازم يفهم أن الفنادق شغاله بواحد على عشرة من طاقتها و طبيعى جدا أن الفندق مش هايكون فى حالته الطبيعية و ألأجانب اللى بييجوا دلوقتى فاهمين النقطة ديه تماما أنه هيلاقى الخدمات شغاله فى الفنادق بس مش بنسبة كاملة.
و مرة تانيه...و الله و الله الناس فى المنتجعات بيحبوا المصريين المحترمين و بيرحبوا بيهم و بيكون التعامل معاهم من منطلق خيرنا لأهالينا...بس اللى بيتعالى على الناس من منطلق وظيفى أو طبقى ده بيلاقى المعاملة اللى مش كويسه "ودة سيان أجنبى أو مصرى على الرغم أن ألأجانب معنهومش حتة انت عارف أنا مين...بتلاقيهم فى منتهى البساطة و بعدين تفوجىء أن اللى معاك ده سفير أو وزير " على فكرة ألأجنبى اللى بيتعدى حدودة هنا بيتربى بألأدب.

[som3aa]

خلوهم يستووا على نار هااااااااااااادياااااااااااااااة و قريب ان شاء الله - لو الاجانب ما رجعوش بسرعة - هتلاقي الاوضة ب 200 جنيه في الليلة في اتخن فندق في سيناء

حضرتك الاوضة ب 200 جنية فى الليلة فى اتخن فنادق فى سيناء دلوقنى =)

الهيلتون عمل اعلان فى الجرايد الغردقة 175 جنيه بالفطار , شرم 200 جنيه بالفطار , دهب و نويبع و حتة كمان مش فاكر فين 200 جنيه half board و نويبع full board

[Mahmoud Saloum]

أخى العزيز دور على موقع شركات حجز الفنادق على النت واكتب فى التعليقات تحت هذا الفندق اللى انت قولته بس ماتقولش ان حصل بسبب انك مصرى واكتب الكلام ده بالانجليزى والعربى وصدقنى ده هيسبب لهم مشاكل كبيرة لأن كل اللى بيحجز فندق خاصة فى الخارج بيحصل على المعلومات من تعليقات الناس على الفندق. أنا بعمل كده شخصيا

[wael ahmed]

أنا هاتكلم بشكل محايد علشان ماحدش يتجنى على الناس اللى فى المنتجعات و انا مابشتغلش فى فنادق بس بتعامل مع الفنادق لأنى شركة سياحة...مبدئيا حتة انى مصرى و علشان كدة بتعامل فى الفنادق وحش الكلام دة غير صحيح تماما...و على العكس الناس اللى بتشتغل فى المنتجعات لما حد مصرى بييجى و الله بيتعاملوا معى المصريين بأفضل ما يمكن و بيفضلوهم فى الخدمة عن ألأجانب دة لو فى حالة اننا بنتعامل مع الناس اللى بتشتغل ديه بشكل كويس...لأن للأسف فى ناس بتيجى تتعالى على الناس اللى شغالة فى الفنادق و تتعامل معاهم فى منتهى السؤ و قلة الزوق و التكبر( وبشوف دة بنفسى كتير) و طبعا داخل فى دة السلوكيات السيئه لكتير من المصريين:
* ثقافة البوفيه المفتوح ...بمعنى ان المصرى مش بيقف فى الطابور على البوفيه و ده بيدى صورة سيئه جدا جدا عننا كمصريين..يعنى تلاقى ألأجانب واقفين طابور و تلاقى هوب ..أسرة مصرية داخلة على البوفيه من كل اتجاه و يخش من النص على الصنف اللى هوا عايزة بغض النظر عن أى واحد واقف.
*ثقافه الطبق ...للأسف في ناس كتير جدا جدا بيقعد يملى فى الطبق و يعملوا زى الهرم و يكوم فى حلو و فاكهه على الترابيزة...وفى ألأخر مابياكلش كل ألأكل دة و دة طبعا بيسبب انتقاد للسلوك ده من ألأجانب و المصريين الموجودين بالمكان
*ثقافةاستعمال الغرف...ألأجانب لمل بيسيبوا الغرف بيسيبوها فى حالة كويسه جدا و مفيش زبالة ولا خساير فى الغرف و يادوب نظافة خفيفه و تغيير ملايات بعد ما يمشوا....للأسف فى نسبة كبيرة جدا من المصريين بتسيب الغرف فى حاله يرثى لها من سوء ألأستعمال و ثقافة "ألأنتقام" ماهو أنا دافع فلوس و باخد حقى...لدرجة أن فى فنادق بتفضل تبيت الغرفة فاضيه على أنها تسكنها لحد ممكن يدمرها

*ثقافه ألأجازة...للأسف عندنا فى مصر الناس مابتحترمش الناس اللى حواليها فى أثناء ألأجازة..بمعنى..معاك أطفال يبقى لازم تسيطر عليهم علشان ما يبقوش مدمرين للمكان و مزعجين لكل الناس الموجودة فى الفندق...والله أنا عمرى ما شوفت أطفال أجانب عندهم الفكر التدميرى اللى اللى بيبقى موجود عند ألأطفال عندنا(لأن ببساطه عندنا ألأم و ألأب سايبيين ألأطفال يعملوا اللى هما عايزين فى حاجة الناس) و الله بدون مبالغة كنت قاعد من أسبوع فى كوفى شوب و شايف طفلين و جنبيهم أمهم و الطفلين ماسكين شجرة صغيرة شكلها جميل و فيها ورد و بيخلعوها من جدورها و أمهم شايفاهم و قاعدة تتكلم مع اللى جنبها بدون أى كلمة للأطفال...والله أنا دمى فار و روحت جريت عليهم و وقفتهم بالراحة و قولت لهم حرام دى كائن حى بيحس زينا و بصيت ناحية أمه و لاحظت أن شكلها متعلمة ..بس للأسف يظهر أنها مش فى دماغها خالص أن الطفل بيدمر حاجة جميلة و أنها لازم تخلى بالها من الحاجات ديه.
و الله...لأازم الناس تفهم ثقافة ألأجازة .

نيجى لموضوع التليفون...حضرتك سيبت التليفون و أنت قاعد فى اللوبى و اللوبى ده مكان فى الفندق بيعدى عليه كل الناس و بغض النظر أنت أجنبى أو مصرى ده خطأمنك انك ما أنتبهتش لتليفونك فى مكان يعتبر فيه عدد كبير من الناس و حتى شرطيا الفندق غير مسؤل عن التليفون ده...لأن الموضوع كده غير محدد المعالم...ممكن يكون بنسبه كبيره جدا نزيل تانى فى الفندق خد التليفون ده . و عموما فى الفندق بيبقى فى اجراءات بتتاخد زى أنهم بيدوروا فى المكان على التليفون و بيتم سؤال الموظفيين الموجودين فى الوقت ده"بدون أى نوع من أنواع التجاوز بحق أى موظف" لأن زى ما قلت الموضوع غير محدد الملامح لأن ممكن يكون أى شخص معدى فى اللوبى خد التليفون ولو جت شرطة السياحة مش هاتقدر تعمللك أى حاجة بغض النظر أنت مصر أو أجنبى لأن الموضوع مفتوح جدا...على خلاف مثلا لو التليفون اتسرق من الغرفة دة بيكون كلام تانى لأن الواقعة بتكون محددة المعالم و فى شخصين تلاتة هما اللى ممكن يخشوا الغرفة.
بالنسبه لأى حد عايز يعمل سياحة داخليه دلوقتى لازم يفهم أن الفنادق شغاله بواحد على عشرة من طاقتها و طبيعى جدا أن الفندق مش هايكون فى حالته الطبيعية و ألأجانب اللى بييجوا دلوقتى فاهمين النقطة ديه تماما أنه هيلاقى الخدمات شغاله فى الفنادق بس مش بنسبة كاملة.
و مرة تانيه...و الله و الله الناس فى المنتجعات بيحبوا المصريين المحترمين و بيرحبوا بيهم و بيكون التعامل معاهم من منطلق خيرنا لأهالينا...بس اللى بيتعالى على الناس من منطلق وظيفى أو طبقى ده بيلاقى المعاملة اللى مش كويسه "ودة سيان أجنبى أو مصرى على الرغم أن ألأجانب معنهومش حتة انت عارف أنا مين...بتلاقيهم فى منتهى البساطة و بعدين تفوجىء أن اللى معاك ده سفير أو وزير " على فكرة ألأجنبى اللى بيتعدى حدودة هنا بيتربى بألأدب.

+99999999999999

[wael3m]

أنا هاتكلم بشكل محايد علشان ماحدش يتجنى على الناس اللى فى المنتجعات و انا مابشتغلش فى فنادق بس بتعامل مع الفنادق لأنى شركة سياحة...مبدئيا حتة انى مصرى و علشان كدة بتعامل فى الفنادق وحش الكلام دة غير صحيح تماما...و على العكس الناس اللى بتشتغل فى المنتجعات لما حد مصرى بييجى و الله بيتعاملوا معى المصريين بأفضل ما يمكن و بيفضلوهم فى الخدمة عن ألأجانب دة لو فى حالة اننا بنتعامل مع الناس اللى بتشتغل ديه بشكل كويس...لأن للأسف فى ناس بتيجى تتعالى على الناس اللى شغالة فى الفنادق و تتعامل معاهم فى منتهى السؤ و قلة الزوق و التكبر( وبشوف دة بنفسى كتير) و طبعا داخل فى دة السلوكيات السيئه لكتير من المصريين:
* ثقافة البوفيه المفتوح ...بمعنى ان المصرى مش بيقف فى الطابور على البوفيه و ده بيدى صورة سيئه جدا جدا عننا كمصريين..يعنى تلاقى ألأجانب واقفين طابور و تلاقى هوب ..أسرة مصرية داخلة على البوفيه من كل اتجاه و يخش من النص على الصنف اللى هوا عايزة بغض النظر عن أى واحد واقف.
*ثقافه الطبق ...للأسف في ناس كتير جدا جدا بيقعد يملى فى الطبق و يعملوا زى الهرم و يكوم فى حلو و فاكهه على الترابيزة...وفى ألأخر مابياكلش كل ألأكل دة و دة طبعا بيسبب انتقاد للسلوك ده من ألأجانب و المصريين الموجودين بالمكان
*ثقافةاستعمال الغرف...ألأجانب لمل بيسيبوا الغرف بيسيبوها فى حالة كويسه جدا و مفيش زبالة ولا خساير فى الغرف و يادوب نظافة خفيفه و تغيير ملايات بعد ما يمشوا....للأسف فى نسبة كبيرة جدا من المصريين بتسيب الغرف فى حاله يرثى لها من سوء ألأستعمال و ثقافة "ألأنتقام" ماهو أنا دافع فلوس و باخد حقى...لدرجة أن فى فنادق بتفضل تبيت الغرفة فاضيه على أنها تسكنها لحد ممكن يدمرها

*ثقافه ألأجازة...للأسف عندنا فى مصر الناس مابتحترمش الناس اللى حواليها فى أثناء ألأجازة..بمعنى..معاك أطفال يبقى لازم تسيطر عليهم علشان ما يبقوش مدمرين للمكان و مزعجين لكل الناس الموجودة فى الفندق...والله أنا عمرى ما شوفت أطفال أجانب عندهم الفكر التدميرى اللى اللى بيبقى موجود عند ألأطفال عندنا(لأن ببساطه عندنا ألأم و ألأب سايبيين ألأطفال يعملوا اللى هما عايزين فى حاجة الناس) و الله بدون مبالغة كنت قاعد من أسبوع فى كوفى شوب و شايف طفلين و جنبيهم أمهم و الطفلين ماسكين شجرة صغيرة شكلها جميل و فيها ورد و بيخلعوها من جدورها و أمهم شايفاهم و قاعدة تتكلم مع اللى جنبها بدون أى كلمة للأطفال...والله أنا دمى فار و روحت جريت عليهم و وقفتهم بالراحة و قولت لهم حرام دى كائن حى بيحس زينا و بصيت ناحية أمه و لاحظت أن شكلها متعلمة ..بس للأسف يظهر أنها مش فى دماغها خالص أن الطفل بيدمر حاجة جميلة و أنها لازم تخلى بالها من الحاجات ديه.
و الله...لأازم الناس تفهم ثقافة ألأجازة .

نيجى لموضوع التليفون...حضرتك سيبت التليفون و أنت قاعد فى اللوبى و اللوبى ده مكان فى الفندق بيعدى عليه كل الناس و بغض النظر أنت أجنبى أو مصرى ده خطأمنك انك ما أنتبهتش لتليفونك فى مكان يعتبر فيه عدد كبير من الناس و حتى شرطيا الفندق غير مسؤل عن التليفون ده...لأن الموضوع كده غير محدد المعالم...ممكن يكون بنسبه كبيره جدا نزيل تانى فى الفندق خد التليفون ده . و عموما فى الفندق بيبقى فى اجراءات بتتاخد زى أنهم بيدوروا فى المكان على التليفون و بيتم سؤال الموظفيين الموجودين فى الوقت ده"بدون أى نوع من أنواع التجاوز بحق أى موظف" لأن زى ما قلت الموضوع غير محدد الملامح لأن ممكن يكون أى شخص معدى فى اللوبى خد التليفون ولو جت شرطة السياحة مش هاتقدر تعمللك أى حاجة بغض النظر أنت مصر أو أجنبى لأن الموضوع مفتوح جدا...على خلاف مثلا لو التليفون اتسرق من الغرفة دة بيكون كلام تانى لأن الواقعة بتكون محددة المعالم و فى شخصين تلاتة هما اللى ممكن يخشوا الغرفة.
بالنسبه لأى حد عايز يعمل سياحة داخليه دلوقتى لازم يفهم أن الفنادق شغاله بواحد على عشرة من طاقتها و طبيعى جدا أن الفندق مش هايكون فى حالته الطبيعية و ألأجانب اللى بييجوا دلوقتى فاهمين النقطة ديه تماما أنه هيلاقى الخدمات شغاله فى الفنادق بس مش بنسبة كاملة.
و مرة تانيه...و الله و الله الناس فى المنتجعات بيحبوا المصريين المحترمين و بيرحبوا بيهم و بيكون التعامل معاهم من منطلق خيرنا لأهالينا...بس اللى بيتعالى على الناس من منطلق وظيفى أو طبقى ده بيلاقى المعاملة اللى مش كويسه "ودة سيان أجنبى أو مصرى على الرغم أن ألأجانب معنهومش حتة انت عارف أنا مين...بتلاقيهم فى منتهى البساطة و بعدين تفوجىء أن اللى معاك ده سفير أو وزير " على فكرة ألأجنبى اللى بيتعدى حدودة هنا بيتربى بألأدب.

انا كنت شغال فى شرم والكلام اللى حضرتك بتقول عليه
مليون % لأسف صح ... البوفيه والثقافة التدميرية اللى بتكون
فى تفكير بعض الاشخاص والمرضى النفسيين دا اللى بيخلوا الفنادق
تقول لالالالالالالا للمصريين

[ashraf122]

اكيد حضرتك مش زعلان بسبب موضوع الموبايل لانة غلطتك لان ممكن واحد من النزلاء هو اللى سرقة و مش معقول حيفتشوا كل النزلاء علشان موبايل (طبعا لو موبايل جيمى او علاء كان قلعوا النزلاء هدومهم)
هو فعلا المدير غبى لانة كان ممكن بمنتهى الذوق احتوى الموقف ولكن من الواضح انة دة لم يحدث

ممكن حضرتك تشتكى (بس مش سرقة الموبايل _ ممكن التعامل السئ)لادارة الفندق او الجهات المسئولة عن السياحة الصراحة مش عارف بس ممكن حد من الاخوة يفيدك

[bodo122]

كلام حضرتك مضبوط انا مش زعلان على الموبايل ، انا زعلان من طريقة المعاملة و نفسى اشتكى ادارة الفندق بس مش عارف اشتكى فين

[wael ahmed]

هوه بالنسبه للاخ تونى اللى جالك ده ..... ده General manager ولا duty manager ....... بس هيه غلطة حضرتك لانهم مش

هيقدروا يفتشوا الفندق كله .. بس برضه مكنش ينفع تسكت على موضوع المعامله الوحشه وكنت طلبت المدير العام علشان لو ثبت موضوع

المعامله الوحشه دى ممكن هما الاتنين يتشالوا فيها