لم أفهم الفرق بين التنحى والتخلى الا الآن ؟؟؟؟؟

[medo2o1o]

لسة من شوية قافل التليفون مع احد اصدقاء العائلة و اثق فى كلامه جدا و هو لواء متقاعد فى المخابرات و سالته عن هذا المقال فقال لى الاتى
ما تم لم يكن انقلابا او ما شابه و لكنه تحايل سافر على الشعب فقلتله ازاى يعنى ما الراجل اتنحى فراح قاللى انه تخلى عن سلطاته و لم يتنحى طبعا قلت ايه الفرق قاللى انه مازال رئيس الجمهورية عشان كدة الحرس الجمهورى معاه وكمان لم يستقيل عشان :
المادة (83)

إذا قدم رئيس الجمهورية استقالته من منصبه وجه كتاب الاستقالة إلى مجلس الشعب.

أعتقد أن المادة واضحة كالشمس..
..
الدستور ينص على أن رئيس الجمهورية إذا أراد الاستقالة وجه خطاباً إلى مجلس الشعب بذلك..

ليه عمر سليمان مقالش يتنحى او حتى يستقيل و على فكرة مفيش حاجة فى الدستور اسمه التخلى عن الحكم
و حتى لو كان قصده التنحى و الاستقالة بس قال التخلى عشان وقعها اخف فين جواب الاستقالة

و كمان فى الخطاب التالت بتاع القوات المسلحة قال
نقدم التحية والتقدير إلى "السيد الرئيس محمد حسني مبارك" على ما قدمه في مسيرة العمل الوطني..
ليه مقالش الرئيس السابق الناس دى مبتغلطش و ده المقروض خطاب تاريخى

الموضوع كالاتى لو كان الرئيس استقال او تنحى فاين خطاب الاستقالة
ثانيا
بس الحتة دى مش مقتنع بيها
نص الخطاب كان:
أيها المواطنون..
في هذه الظروف العصيبة التي تمر بها البلاد.. قرر الرئيس محمد حسني مبارك تخليه عن منصب رئيس الجمهورية وكلف المجلس الأعلى للقوات المسلحة بإدارة شؤون البلاد..
والله الموفق والمستعان

لم يحدد متى سيتخلى عن المنصب ممكن بعد انتهاء فترته و نرجع تانى لسبب انه لم يقل تنحى او استقالة اما ان المجلس الاعلى ماسك البلد فده زى نوع من التفويض اكنه عين نائب تانى و فوضه سلطاته

الراجل الصراحة اقنعنى و حاسس انى مضحوك عليا و الايام الجاية ستثبت مدى صحة او هجس الكلام ده بس الصراحة كل الدلائل بتقول ان الكلام ده صحيح

[م. عمرو شرف]

كل دة كلام فارغ .. هو الدستور فية تخلى و تنحى !!!!!!!!!!!

اكاد اجزم ان وراء مثل هذة المواضيع اذناب النظام البائد الذين يريدون تخريب الثورة و اشاعة الفوضى و لن يتحقق ذلك الا بعدم الاستقرار نهائيا

فتارة يشعلون المظاهرات الفئوية و عندما يتم فضحهم يحاولون اشعال البلد بالكامل لعل و عسى ان يحدث صدام مع الجيش فيعاودوا الانقضاض مرة اخرى .

يا ريت شوية تفكير صغيرين ..

فعلا الكلام دا الغلط...لا يوجد اصلا في الدستور شيئ اسمه تخلي! من الآخر احنا في موقف اسمه السياسي إنقلاب (زي ما قال عمر سليمان من قبل)
والإنقلاب معناه تعطيل الدستور يعني لا تنحي ولا تخلي..التخلي دا محاولة من الجيش لحفظ شرف تاريخ الرجل العسكري..بس خلاص

يا جدعاااان كل دة كلام هجص مع احترمى لصاحب الموضوووع
بس لو الموضوع زى ما الموضوووع بيقول كدة كان فى محامييين كتييييييييير اووووووووووووى هيتكلمو فى الموضوع دة واكيييد هما اكتر مننا دراية بالحجات اللى زى دى

اما بخصوص موضوع التنحى فلا تقلق لانه فعلا متنحى و لو ركزت فى كلمة عمر سليمان ستجده يقول (( قرر الرئيس محمد حسنى مبارك تخليه عن منصب رئيس الجمهورية )) و هذا هو التنحى اى انه الان ليس رئيسا
اما موضوع نقل السلطات الى الجيش فهو من باب حفظ بعض الكرامة حتى لا يقول العالم ان الجيش قام بانقلاب
و المهم الأن ان ننتبه الى ان المستفيدين من النظام السابق سيقاتلوا بشراسة من اجل مصلحتهم و ذلك عن طريق تسريب اخبار تعمل بلبلة و محاولة احداث فتن ما بين شباب الثورة و بعضهم البعض وحيل اخرى ستنكشف مع الوقت

+1111111111111111111111
راجع بيانات المجلس الأعلى وأنت تفهم
وخصوصا حل المجالس وتعطيل الدستور وتعديل الدستور
كل ده مش من صلاحيات الجيش
والأهم من ده
أن المجلس الأعلى يمثل مصر خارجيا
دى معناها واضح جدا
بلاش نحرق البلد ونقول الكلام ده
أللى بيقول كده معروف نيته من ورا ده أيه

[factorialx]

تنحي تخلي

الجيش لغى الدستور

يبقى مافيش أي سند قانوني لمبارك

و الشرعية للجيش من الشعب

[waelfarid]

game over
game over
game over

[elrasy]

والله كلام يحتمل الصحة

[د.أحمد السعيد]

كلام معقول و يحتاج الى نظرة متأنيه لتفهمه و كل الشواهد تؤكده

[mahmoudselim]

في حاجة فعلا انا لسة واخد بالي منة في صيغة خطاب التنحي . الخطاب كان كلاتي

قرر الرئيس محمد حسنى مبارك تخليه عن منصب رئيس الجمهورية. وكلف المجلس الاعلي للقوات المسلحة لادارة شؤون البلاد.

أعتقد ان المفروض تكون
كلف السيد الرئيس .....المجلس الاعلي للقوات المسلحة بأدارة شؤون البلاد وتخلية عن منصب رئيس الجمهورية


عامتا يعني الكل فاهم ان فية لعية بس محدش قادر يوصل لكل جوانبها وان شاء الله مهما يعملوا ربنا هينصرنا شائوا ام ابو.
وخليهم يخططوا زي مت هما عاوزين ربنا موجوووود

[ezzatfox]

و الله انا خايف يكون فى ناس معينة ليها اهداف هما اللى بيحاولوا ينشروا الكلام دة لاغراض معينة و بيحطوا السم فى العسل

و اتمنى ان المواضيع المشبوهة و التى من الممكن ان تثير الفتنة ان تقوم الادارة بالتعامل بها بالغلق و الحذف .. احنا مش ناقصين فتاوى

يا رب عدى الايام دى على خير

[Donzi]

يا جماعة انتو برجلتولي دماغي بجد

و كل واحد منكم بيقول الكلام عن لسان مصدر موثوق منه !!! و يعني كل المحللين السياسين اللي عمالين يتكلموا من برة و من جوة مصر و على كل القنوات و الجزيرة و العربية و البي بي سي دول كلهم مش عارفين الفرق بين تخلى و تنحى و استقال ؟؟؟؟

طيب محدش فيهم اثار الموضوع ليه و لا اي حد من اساتذة الدستور و القانون الدولي ؟؟؟

[ezzatfox]

طيب بالعقل كدة عشان نفهم

اولا : الدستور تم تعطيلة ( و ليس الغاءة ) تمهيدا لتعديلة و طرحة للاستفتاء حتى يتم عمل انتخابات برلمانية و رئاسية جديدة بضمان الجيش و العالم كلة من شرقة و غربة شاهد على كدة

ثانيا : مفيش حاجة فى الدستور اصلا اسمها تخلى او تنحى كلها مسميات تؤدى الى نتيجة واحدة و هى ان حسنى مبارك بخ خلاص nomore

مين عاقل ممكن يصدق الكلام العبيط اللى بيتقال دة ..

[a7madramadan]

ماتكبروا دماغكم يــــا جماعة ... تنحى -- تخلى -- خلع -- اتقتل -- انقلاب --..الخ

الوضع في مصر الحالي هو الآتي ...

مبــارك كل سنة وانت طيب مانشوفكش في حاجة وحشة
الدستور تم اسقاطه ... وده علشان الناس ماتقولش رئيس المحكمة العسكرية بعد رئيس مجلس الشعب الي أساسا أسقطوا المجلس بتاعه ومجلس الشورى كمان

مسألة وجود الرئيس في مصر وتليفوناته و رسايله وحواراته دي كلها أخبار جانبية و أي تكبير لحجمها ما هو الا ذريعة للفتن وعاوزين يشغلوا بيها الناس زيها زي المادة الثانية من الدستور الي الأقباط المحترمين كلهم ماحدش جاب سيرتها ولا علقوا عليها أساسا ولا فارقة معاهم

أتمنى اننا نركزوا في الفترة الحالية على رجوع معدلات الإنتاج و أكيد على المطالب الأكثر حرجا زي قيادات السلطات الأمنية ومحاسبة كل رؤوس الفساد وكل من ليه يد في قتل إخواتنا ..

ويــاريت نسيب لكل مرحلة وقتها المفروض نصبروا الــ 10 ايام دول بتوع تغيير الدستور و كمان مانستعجلش على كل المطالب و بأكد على الصبر لا التراجع عن المطالب .....

وربنا يبعد عننا الفتن والفســاد ويعم بلدنا بالأمان والإستقرار

[م. عمرو شرف]

و الله انا خايف يكون فى ناس معينة ليها اهداف هما اللى بيحاولوا ينشروا الكلام دة لاغراض معينة و بيحطوا السم فى العسل

و اتمنى ان المواضيع المشبوهة و التى من الممكن ان تثير الفتنة ان تقوم الادارة بالتعامل بها بالغلق و الحذف .. احنا مش ناقصين فتاوى

يا رب عدى الايام دى على خير

+111111111111111
طول ما فيه ناس بتفكر زيك مخطط الفوضى هيفشل

يا جماعة انتو برجلتولي دماغي بجد

و كل واحد منكم بيقول الكلام عن لسان مصدر موثوق منه !!! و يعني كل المحللين السياسين اللي عمالين يتكلموا من برة و من جوة مصر و على كل القنوات و الجزيرة و العربية و البي بي سي دول كلهم مش عارفين الفرق بين تخلى و تنحى و استقال ؟؟؟؟

طيب محدش فيهم اثار الموضوع ليه و لا اي حد من اساتذة الدستور و القانون الدولي ؟؟؟

أنتى جبتى المفيد لو الموضوع لعبه كانت أنكشفت
لأن طبع شعبنا يحب يبين نفسه فاهم كل حاجه وويحاول يثبت وجهة نظره بأن مصدره موثوق وفى موضع حساس
بدليل أن عمرك سألتى واحد على مكان شارع وقال معرفش ولا لازم يبين أنه عارف كل حاجه

يعنى المجلس الأعلى لما يقول أن الدستور أتعطل والبرلمانين أتحلوا والأهم من كل ده
المجلس الأعلى هو المتحدث الرسمى فى الخارج

وبعد كل ده نقول هو تنحى ولا تخلى

[frhateg]

انا اللي قلقني دلوقتي جهاز امن الدوله اللي لسه قياداته في مراكزهم . و سمعت و العهده علي الراوي انهم قاموا بحرق جميع ما في حوزتهم من مستندات مهمه . كما ان عمر سليمان و زكريا عزمي ما زالوا في مناصبهم و يقومون بارسال تقارير دوريه للمدعو مبارك . كما ان و من المفروض محاكمه صفوت الشريف و فتحي سرور لأنهم اساس الفساد مع المدعو مبارك و عائلته .

[mr_vampire]

اول ماسمعت كلمة ( تخلي عن منصب رئيس الجمهورية ) قولت الراجل ده صااااااااااااااااااااااااااااااااااااااااايع تخلي غير تنحي وفعلا طلع فيه فرق بينهم بس القنوات والجرايد قلبت كلمة تخلي الي تنحي وكتي مخدش باله من الفرق فشكرا لصاحب الموضوع عالتوضيح.

خلاص ياريسسسسسسسسسسسسس الناس بقت فهمالك وحفظاك وعجناك وخبزاك وخلعاااااااااك فتتخلي تتنحي مش فارقة كتير

[Moustafa_Kamel]

ارجوكم ارجوكم ارجوكم
اللى ينقل الموضوع يتقى الله فى عقول البسطاء اللى ممكن يصدقوا الكلام ده
دى مقالات بتتنشر غرضها اثاره الفتنه
و علشان اثبتلكم كده ان صاحب الموضوع بيقول انه ناقله مش عرف عن مين اللى ممكن تكون ناقلاه من على مدونه او اى موقع زى ده
ظ„ظ… ط£ظپظ‡ظ… ط§ظ„ظپط±ظ‚ ط¨ظٹظ† ط§ظ„طھظ†طظ‰ ظˆط§ظ„طھط®ظ„ظ‰ .. ط§ظ„ط§ ط§ظ„ط¢ظ† ... !! ~ ظپظ†ظˆظ† طھظٹ ظپظٹ

و انا حطيط اللينك علشان تصدقوا انها مقالات تنقل حرفيا ممكن الناس تنقلها بحسن نيه و لكن يوجد حرب اشاعات لا تكونوا طرف فيها
كل اللى مطلوب منا اننا نهتم بمطالب الثوره الاساسيه و لا ننظر جانبا و نقول حسنى راجع تانى و لا ايه او ببساطه بص للواقع
حسنى بتاكيد من القوات المسلحه ليست له علاقه بالسلطه
ربنا يحمى مصر من الفتن