إعـــــــلان

Collapse

.

,
See more
See less

نوارة نجم: مليونية الثلاثاء... شفيق يا راجل لازم يرحل

Collapse
This topic is closed.
X
X
 
  • Filter
  • الوقت
  • Show
Clear All
new posts

  • نوارة نجم: مليونية الثلاثاء... شفيق يا راجل لازم يرحل

    مليونية الثلاثاء حنروح ونفضل قاعدين لحد ما يحصل الآتي
    شفيق يمشي، بحكومته وكل رموز الحزب الوطني
    عمر سليمان يتسلم مدام الحكاية وصلت لأنه يبتدي يحرك مايكل منير وطفلة تتخطف وعايزين يعملوا لنا فتنة في البلد
    زكريا عزمي يتسلم
    مبارك واسرته يتقدموا للمحاكمة
    دي مطالبنا، ومطالبنا لازم تبقى مسموعة بمليونية في الثلاثاء واعتصام اعتصام حتى يتحقق اللي احنا عايزينه
    شفيق يدين بالولاء لمبارك
    عمر سليمان مازال فاعلا وكل عملائه المعروفين انهم بيشتغلوا معاه من سنين ابتدوا يصحصحوا
    زكريا عزمي متورط في فساد وما اتحاكمش
    مش بس مبارك ما اتحاكمش ابنه ومراته جم وبيتصلوا بالمسئولين
    وكما قال عزمي بشارة ابحث عن الانتهازيين
    الانتهازيين صوتهم علي وبقوا يقولوا كلام مش لطيف، زي مثلا صابر عرب رئيس الهيئة العامة للكتاب اللي قال: انا ما امرتش بازالة صورة سوزان مبارك من على الكتب
    مش حيتنصل الا اذا كان عارف انه حيتئذي
    لا بقى... انا ناس ماتت جنبي
    والنظام ده ما سقطش حتى لو تم اقصاء رأسه، والنظام ده فيه عداء شخصي بيني وبينه، النظام ده كره المصريين في بعض، وخلا المصريين يموتوا بعض، وشكك المصريين في بعض، وخوفهم من بعض، كل اللي عمله فينا كوم وانه يقومنا على بعض واحنا مالناش بعد ربنا غير بعض كوم تاني
    انا الوحيدة انا وجيميهود اللي كنا مغفلين وقلنا قبل يوم 25 ان مش ممكن ابدا مصري يضرب رصاص على مصري ومش ممكن الشرطة المصرية حتى لو جالها امر تنفذ
    بس جالها امر ونفذت، وانا ناس وقعت ميتة جنبي على الكوبري، وصلينا المغرب وطلعنا على كوبري 15 مايو واحنا رافعين ايدينا وبنقول: لا اله الا الله (مسلمين ومسيحيين كانوا رافعين ايديهم وبيقولوا لا إله إلا الله، وعلى فكرة ما يبقاش واحد مسلم اهبل يقصد يهدي النفوس يقوم قايل: يا جماعة ما تقولوش لا اله الا الله عشان المسيحيين ما يزعلوش، انت كده بتزعل المسيحيين اساسا، لانك بتتهمهم انهم مش موحدين، لا اله الا الله ما بتزعلش المسيحيين، اللي يزعلهم انك تنفيها عنهم)... وضربوا علينا قنابل ورصاص حي ورصاص مطاطي
    مهما يحصل لهم عمر ما يشفي غليلي
    الوضع القائم وضع مش صح ومش صحي ومش نتائج ثورة دي
    رؤوس الفساد لسه موجودة
    رؤوس النظام لسه موجودة
    تحبوا احكي لكم عن عمر سليمان شوية؟
    رجاء الاطلاع على ويكيليكس الجزء الخاص بالسفارة الامريكية بالقاهرة، ومش حتتعبوا كتير، الوثائق اللي هو فيها بتحمل اسمه في العنوان من فرط اهميته لاسرائيل وامريكا، هو ده عمر سليمان اللي كان بيجتمع مع الادميرال موين سنة 2007 وبيخطط معاه الحرب على غزة 2009 2010 وقال له احنا عايزين سحق حماس و"على حماس ان توقف صواريخها ولن نطلب منكم وقف اطلاق النار الا حين نتأكد من تدمير سلاح حماس" ده اللي متورط في تعذيب ابرياء من كل الجنسيات - بما فيهم مصريين طبعا - حتى الموت بالتعاون مع امريكا قبل ما تبعتهم جوانتانمو، ومن غير وثائق ويكيليكس، اخطف رجلك لحد سيناء ووقف اي عيل صغير وقول له: عمر سليمان، واسمع بقى وشنف اذانك... جرائم حرب
    احنا عايزينه الراجل ده مدام لسه طالق علينا دلاديله وبيعمل لنا فتنة طائفية
    تفجير كنيسة القديسين حيلبسها العادلي لوحده؟ لا بقى، العادلي وسليمان الاتنين متورطين فيها عشان المفروض ان الايام دي اسرائيل كانت تضرب غزة والمفروض اننا كنا حنقفل المعبر ونقدم مساعدات اكبر لاسرائيل وتفجير الكنيسة كان توطئة للمذبحة اللي حتحصل للفلسطينيين والفضيحة اللي حتحصل للمصريين، لولا ربنا عالم بينا احنا الاتنين اننا غلابة
    وعايزين زكريا عزمي وعايزين جمال مبارك
    وعايزين كل متورط في قتل الشهداء..
    مش انا لوحدي اللي ما كنتش مصدقة ان مافيش ظابط مصري حيضرب نار على مصري، شباب كتير من اللي استشهدوا ما كانوش مصدقين، ووقفوا قدام العربيات وقدام الظباط على اساس انه مش ممكن ابدا يهون عليه يقتله... وقتله
    قتله
    قتله
    ومنهم اتقتل قدام عيني وهو مش مصدق انه بيتقتل وعمري ما حانسى نظرة عينيها اللي كلها اندهاش وعدم تصديق وهو بيطلع في الروح
    مش حتبرد ناري ابدا... مهما يتعمل فيهم مش حتبرد ناري ابدا...
    يا يتعاقبوا واحد واحد يا اموت فيها، انشالله اموت لوحدي
    ومعلومات جات لي اوف ذا ريكورد لما كنت في الجزيرة امبارح: الجيش والشعب ايد واحدة فعلا على فكرة، وبيتعرضوا لضغوط كتير، ومحتاجينا نساندهم باننا نلح في مطالبنا، والجيش مكروه جدا من اسرائيل وامريكا ومن دلاديلهم اللي بيحاولوا يرجعوا دلوقت، لازم يتقطع دابرهم خالص
    ومبارك راس الافعى... هي دي الرؤيا بتاعتي، لما شفت التعبان وفضلت اضرب في راسه اضرب في راسه، وهو باين انه ميت بس انا كنت عارفة انه مش ميت، فضلت اضرب اضرب اضرب لحد ما اتشق نصين وماما قالت لي: خلاص... مات يا نوارة
    شفتها قبل الاحداث بشوية صغيرين
    لازم شفيق يمشي
    ولازم كل رمز من رموز النظام يمشي ويتحاكم
    ولازم كل اللي حرق قلبي وحسسني اني مغفلة اني افتكرته بني ادمي يتعاقب
    لازم لازم لازم
    ----------------------------------
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

  • #2
    شفييييق
    اللي رئيسه يمشي و هو يقعد يا راجل
    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

    Comment


    • #3
      المشاركة الأصلية كتبت بواسطة tlrsiap مشاهدة المشاركة
      مليونية الثلاثاء حنروح ونفضل قاعدين لحد ما يحصل الآتي




      شفيق يمشي، بحكومته وكل رموز الحزب الوطني


      عمر سليمان يتسلم مدام الحكاية وصلت لأنه يبتدي يحرك مايكل منير وطفلة تتخطف وعايزين يعملوا لنا فتنة في البلد


      زكريا عزمي يتسلم


      مبارك واسرته يتقدموا للمحاكمة


      دي مطالبنا، ومطالبنا لازم تبقى مسموعة بمليونية في الثلاثاء واعتصام اعتصام حتى يتحقق اللي احنا عايزينه


      شفيق يدين بالولاء لمبارك


      عمر سليمان مازال فاعلا وكل عملائه المعروفين انهم بيشتغلوا معاه من سنين ابتدوا يصحصحوا


      زكريا عزمي متورط في فساد وما اتحاكمش


      مش بس مبارك ما اتحاكمش ابنه ومراته جم وبيتصلوا بالمسئولين


      وكما قال عزمي بشارة ابحث عن الانتهازيين


      الانتهازيين صوتهم علي وبقوا يقولوا كلام مش لطيف، زي مثلا صابر عرب رئيس الهيئة العامة للكتاب اللي قال: انا ما امرتش بازالة صورة سوزان مبارك من على الكتب


      مش حيتنصل الا اذا كان عارف انه حيتئذي


      لا بقى... انا ناس ماتت جنبي


      والنظام ده ما سقطش حتى لو تم اقصاء رأسه، والنظام ده فيه عداء شخصي بيني وبينه، النظام ده كره المصريين في بعض، وخلا المصريين يموتوا بعض، وشكك المصريين في بعض، وخوفهم من بعض، كل اللي عمله فينا كوم وانه يقومنا على بعض واحنا مالناش بعد ربنا غير بعض كوم تاني


      انا الوحيدة انا وجيميهود اللي كنا مغفلين وقلنا قبل يوم 25 ان مش ممكن ابدا مصري يضرب رصاص على مصري ومش ممكن الشرطة المصرية حتى لو جالها امر تنفذ


      بس جالها امر ونفذت، وانا ناس وقعت ميتة جنبي على الكوبري، وصلينا المغرب وطلعنا على كوبري 15 مايو واحنا رافعين ايدينا وبنقول: لا اله الا الله (مسلمين ومسيحيين كانوا رافعين ايديهم وبيقولوا لا إله إلا الله، وعلى فكرة ما يبقاش واحد مسلم اهبل يقصد يهدي النفوس يقوم قايل: يا جماعة ما تقولوش لا اله الا الله عشان المسيحيين ما يزعلوش، انت كده بتزعل المسيحيين اساسا، لانك بتتهمهم انهم مش موحدين، لا اله الا الله ما بتزعلش المسيحيين، اللي يزعلهم انك تنفيها عنهم)... وضربوا علينا قنابل ورصاص حي ورصاص مطاطي


      مهما يحصل لهم عمر ما يشفي غليلي


      الوضع القائم وضع مش صح ومش صحي ومش نتائج ثورة دي


      رؤوس الفساد لسه موجودة


      رؤوس النظام لسه موجودة


      تحبوا احكي لكم عن عمر سليمان شوية؟


      رجاء الاطلاع على ويكيليكس الجزء الخاص بالسفارة الامريكية بالقاهرة، ومش حتتعبوا كتير، الوثائق اللي هو فيها بتحمل اسمه في العنوان من فرط اهميته لاسرائيل وامريكا، هو ده عمر سليمان اللي كان بيجتمع مع الادميرال موين سنة 2007 وبيخطط معاه الحرب على غزة 2009 2010 وقال له احنا عايزين سحق حماس و"على حماس ان توقف صواريخها ولن نطلب منكم وقف اطلاق النار الا حين نتأكد من تدمير سلاح حماس" ده اللي متورط في تعذيب ابرياء من كل الجنسيات - بما فيهم مصريين طبعا - حتى الموت بالتعاون مع امريكا قبل ما تبعتهم جوانتانمو، ومن غير وثائق ويكيليكس، اخطف رجلك لحد سيناء ووقف اي عيل صغير وقول له: عمر سليمان، واسمع بقى وشنف اذانك... جرائم حرب


      احنا عايزينه الراجل ده مدام لسه طالق علينا دلاديله وبيعمل لنا فتنة طائفية


      تفجير كنيسة القديسين حيلبسها العادلي لوحده؟ لا بقى، العادلي وسليمان الاتنين متورطين فيها عشان المفروض ان الايام دي اسرائيل كانت تضرب غزة والمفروض اننا كنا حنقفل المعبر ونقدم مساعدات اكبر لاسرائيل وتفجير الكنيسة كان توطئة للمذبحة اللي حتحصل للفلسطينيين والفضيحة اللي حتحصل للمصريين، لولا ربنا عالم بينا احنا الاتنين اننا غلابة


      وعايزين زكريا عزمي وعايزين جمال مبارك


      وعايزين كل متورط في قتل الشهداء..


      مش انا لوحدي اللي ما كنتش مصدقة ان مافيش ظابط مصري حيضرب نار على مصري، شباب كتير من اللي استشهدوا ما كانوش مصدقين، ووقفوا قدام العربيات وقدام الظباط على اساس انه مش ممكن ابدا يهون عليه يقتله... وقتله


      قتله


      قتله


      ومنهم اتقتل قدام عيني وهو مش مصدق انه بيتقتل وعمري ما حانسى نظرة عينيها اللي كلها اندهاش وعدم تصديق وهو بيطلع في الروح


      مش حتبرد ناري ابدا... مهما يتعمل فيهم مش حتبرد ناري ابدا...


      يا يتعاقبوا واحد واحد يا اموت فيها، انشالله اموت لوحدي


      ومعلومات جات لي اوف ذا ريكورد لما كنت في الجزيرة امبارح: الجيش والشعب ايد واحدة فعلا على فكرة، وبيتعرضوا لضغوط كتير، ومحتاجينا نساندهم باننا نلح في مطالبنا، والجيش مكروه جدا من اسرائيل وامريكا ومن دلاديلهم اللي بيحاولوا يرجعوا دلوقت، لازم يتقطع دابرهم خالص


      ومبارك راس الافعى... هي دي الرؤيا بتاعتي، لما شفت التعبان وفضلت اضرب في راسه اضرب في راسه، وهو باين انه ميت بس انا كنت عارفة انه مش ميت، فضلت اضرب اضرب اضرب لحد ما اتشق نصين وماما قالت لي: خلاص... مات يا نوارة


      شفتها قبل الاحداث بشوية صغيرين


      لازم شفيق يمشي


      ولازم كل رمز من رموز النظام يمشي ويتحاكم


      ولازم كل اللي حرق قلبي وحسسني اني مغفلة اني افتكرته بني ادمي يتعاقب


      لازم لازم لازم


      ----------------------------------

      للاسف كلامها اغلبه صح

      لازم مطالب الثورة كلها تتحقق

      واولها محاكمة المسئول الرئيسى عن دم الشهداء

      مينفعش يتساب من غير محاكمة عاجلة و سريعة

      مينفعش المماطلة والمفاصلة فى دم الشهيد

      Comment


      • #4
        ومبارك راس الافعى... هي دي الرؤيا بتاعتي، لما شفت التعبان وفضلت اضرب في راسه اضرب في راسه، وهو باين انه ميت بس انا كنت عارفة انه مش ميت، فضلت اضرب اضرب اضرب لحد ما اتشق نصين وماما قالت لي: خلاص... مات يا نوارة
        شفتها قبل الاحداث بشوية صغيرين
        بسم الله ماشاء الله
        الشيخة نوارة تتنبأ
        A.Saad

        Comment


        • #5
          المشاركة الأصلية كتبت بواسطة A.Saad مشاهدة المشاركة
          بسم الله ماشاء الله
          الشيخة نوارة تتنبأ
          [CENTER][mtohg=undefined]http://a3.sphotos.ak.fbcdn.net/hphotos-ak-ash4/283896_235991856435000_100000725633956_737794_744468_n.jpg[/mtohg][/CENTER]

          Comment


          • #6
            المشاركة الأصلية كتبت بواسطة a.saad مشاهدة المشاركة
            بسم الله ماشاء الله
            الشيخة نوارة تتنبأ
            لا يا فندم ده مش تنبأ

            ده اسمه فى الادب اسقاط

            نوارة بتستخدم اساليب ادبية متشابكة

            مهو ابن الوز عوام

            Comment


            • #7
              للاسف كلام صحيح و واقع مرير و موضوع كبير ...........................
              [CENTER][COLOR=black][FONT=Tahoma]د.أحمد أخصائى أطفال[/FONT][/COLOR][COLOR=darkred][FONT=Tahoma]IBCLC[/FONT][/COLOR][COLOR=darkred][FONT=Tahoma] [URL="http://www.nilemotors.net/Nile/154717-a.html"]و حياتي بلا أغاني [/URL][/FONT][/COLOR][COLOR=blue][FONT=Tahoma][URL="http://www.nilemotors.net/Nile/154717-a.html"]لها أسمي [/URL]المعاني[/CENTER]
              [CENTER][FONT=Times New Roman][SIZE=5][URL="http://www.nilemotors.net/Nile/193182-82-11-a.html#post3873181018"][COLOR=darkred]تخيل بضغطه زر واحد يمكن أن تأخذ 82 مليون حسنه أو 11 مليون سيئه.....ولك حريه الاختيار[/COLOR][/URL][/SIZE][/FONT][/CENTER]
              [/FONT][/COLOR]

              Comment


              • #8
                طيب بقا خلاص ننزل بقا كلنا الشارع تانى يوم التلات ونوقف البلد كلها تانى عشان شفيق يمشى ولما يجى حد تانى ممكن يكون درس الثانوية العامة بتاعتة فى مدرسة مبارك الثانوية بنين نقوم عاملين مظاهرة تانية نمشية عشان كان فى مدرسة مبارك للثانوية بنبن و عادى بقى بيس يعنى ولا نقضيها أحكام عرفية عشان نعمل مظاهرة كمان نمشى قادة الجيش عشان كلهم سلمو على مبارك فى احتفلات 6 اكتوبر وحفلات تخرج الكليات الحربية
                مثل صغير بس ونا مش بشبة بلدنا ببتوع برة
                بس بتوع برة زى العمال مثلا فى مصنع سيارات لما بيعملو أعتصام نص العمال بيعمل اعتصام والنص التانى شغال عشان فاهم يعنى اية عجلة الانتاج وان المصنع كلة لما يقف يبقى هما أول ناس هتخسر بس دة طبعا برة وملناش دعوة بيهم احنا بتوع الديموووو قراطية

                Comment


                • #9
                  نوارة......دي ضلامة
                  إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                  م/محمد

                  Comment


                  • #10
                    المشاركة الأصلية كتبت بواسطة otefa مشاهدة المشاركة
                    نوارة......دي ضلامة
                    طب ليه الغلط سعادتك

                    تقبل تحياتى دون اوتيفا

                    Comment


                    • #11
                      المشاركة الأصلية كتبت بواسطة amado ibrahim مشاهدة المشاركة
                      طب ليه الغلط سعادتك

                      تقبل تحياتى دون اوتيفا
                      أصلها ثورجية قوي يادون أمادو
                      تقدر سعادتك تقولي لو أحمد شفيق ساب مين هايمسك وهايجيبو وزراء منين تمسك وزارة في الوقت السيء ده كله بيقول وأنا أيه ألي يدخلني المطحنة وأحرق نفسي عل جميع المستويات
                      تقيل تحياتي
                      إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                      م/محمد

                      Comment


                      • #12
                        المشاركة الأصلية كتبت بواسطة hondaman مشاهدة المشاركة
                        طيب بقا خلاص ننزل بقا كلنا الشارع تانى يوم التلات ونوقف البلد كلها تانى عشان شفيق يمشى ولما يجى حد تانى ممكن يكون درس الثانوية العامة بتاعتة فى مدرسة مبارك الثانوية بنين نقوم عاملين مظاهرة تانية نمشية عشان كان فى مدرسة مبارك للثانوية بنبن و عادى بقى بيس يعنى ولا نقضيها أحكام عرفية عشان نعمل مظاهرة كمان نمشى قادة الجيش عشان كلهم سلمو على مبارك فى احتفلات 6 اكتوبر وحفلات تخرج الكليات الحربية
                        مثل صغير بس ونا مش بشبة بلدنا ببتوع برة
                        بس بتوع برة زى العمال مثلا فى مصنع سيارات لما بيعملو أعتصام نص العمال بيعمل اعتصام والنص التانى شغال عشان فاهم يعنى اية عجلة الانتاج وان المصنع كلة لما يقف يبقى هما أول ناس هتخسر بس دة طبعا برة وملناش دعوة بيهم احنا بتوع الديموووو قراطية
                        كلام حضرتك سليم فعلا

                        فعلا الاخوة بتوع اوربا والدول المتقدمة لما بيعملو مظاهرة مبيطلعوش كلهم

                        نصهم بيطلع

                        نبقى احنا نعمل زيهم

                        طب تيجى نحسبها كده واحدة واحدة

                        احنا عندنا كام عاطل

                        دول مبيشتغلوش يبقى يطلعو كلهم
                        ( مهم مش فارقة معاهم
                        و الصراحة مفيش عمل هيتأثر بغيابهم
                        مهم بيشتغلوش اساسا)

                        يبقى كلهم بربطة المعلم على الميدان
                        (مهو لازم يعملو حاجة فى حياتهم
                        امال يعدو فى البيت زى قلتهم)

                        نيجى لاخوانا اللى بيشتغلو

                        نبعت نصهم الميدان

                        والباقى يروح يشتغل

                        محنا مش عايزين دولاب العمل يقف

                        حلو الرأى ده

                        واهو كده يبقى عندنا بتاع عشرين مليون فى الميدان منغير منعطل البلد

                        تقبل تحياتى و تقديرى لوعيك

                        المشاركة الأصلية كتبت بواسطة otefa مشاهدة المشاركة
                        :_alshmokh08[1]:أصلها ثورجية قوي يادون أمادو
                        تقدر سعادتك تقولي لو أحمد شفيق ساب مين هايمسك وهايجيبو وزراء منين تمسك وزارة في الوقت السيء ده كله بيقول وأنا أيه ألي يدخلني المطحنة وأحرق نفسي عل جميع المستويات
                        تقيل تحياتي
                        ثورجية ماشى

                        انما ضلامة لا

                        ضلامة تعتبر اهانة

                        و انا اترفع بحضرتك ان تهين شخص

                        و خاصة انه غير موجود

                        تقبل تحياتى دون اوتيفا

                        Comment


                        • #13
                          يا ريت نختار بين غريزة الانتقام اللى اسست عليها نوارة كلامها .... و بين غريزة البقاء

                          بقاء دولة و شعب .. و عدم هدم البيت كلة حتى تتأكدى يا نوارة ان الافعى ماتت

                          ارجو ان تموت الافعى و صغارها و لكن مع المحافظة على الوطن .. بدون الدخول الى منعطفات غير مأمونة العواقب
                          [B][SIZE=3][I]الثورة[/I] شىء جميل يفكر لها الاحرار ويقوم [I]بها[/I] الشجعان [I]ويفوز[/I] بثمارها [I]الانتهازيون[/I][/SIZE][/B]

                          Comment


                          • #14
                            المشاركة الأصلية كتبت بواسطة otefa مشاهدة المشاركة
                            :_alshmokh08[1]:أصلها ثورجية قوي يادون أمادو
                            تقدر سعادتك تقولي لو أحمد شفيق ساب مين هايمسك وهايجيبو وزراء منين تمسك وزارة في الوقت السيء ده كله بيقول وأنا أيه ألي يدخلني المطحنة وأحرق نفسي عل جميع المستويات
                            تقيل تحياتي
                            اللى يلاقى فى نفسه القدرة على تلبية مطالب الشباب يتقدم

                            واللى ميقدرش يتفضل مشكورا يقعد فى بيتهم مع جزيل الشكر و التقدير

                            وكما قال الحكماء

                            إذا لم تستطع شيئاً فدعه* وجاوزه إلى ما تستطيع

                            وكمان قالو


                            وكن للصالحين أخاً وخلاً_____وكن في هذه الدنيا غريبا
                            وكن عن كل فاحشةٍ جباناً _____وكن في الخير مقداماً نجيبا
                            لازم اللى يمسك البلد يكون بيتحرك بسرعة وحسم
                            مفيش وقت للمماطلة والتسويف
                            دم الشهداء لايقبل المساومة ولا الفصال
                            المسئول الرئيسى لازم يتحاكم الاول و بسرعة
                            تقبل تحياتى دون أوتيفا

                            Comment


                            • #15
                              اعتقاد شخصى اننا ذاهبون للأسوء حتما طالما جسم النظام موجود وعايش على الراس الكبيره اللى لسه موجوده
                              فيه خطوات سهله هتخلى مفيش حد ينزل التحرير :
                              التحفظ على مبارك والتحقيق معه وتجميد ارصده عائلته كلها فى كل البنوك والتفجفظ على جميع الممتلكات
                              القبض على صفوت و زكريا عزمى وسرور الكام واحد اللى من اكبر رؤوس الفساد
                              اقاله حكومه شفيق ولو حتى فى خطه زمنيه مدتها اسبوعين -شهر
                              غير كدا محدش يحاول يتكلم فى موضوع المظاهرات
                              [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                              -- اللهم ارزقنيها --
                              [/COLOR][/SIZE][/CENTER]

                              Comment

                              Working...
                              X