بجد .. أنا أسف ياريس

[mr_vampire]

واللي بيشلني بجدددددددددددددد كلمة ( بطل الحرب والسلام ) ومينفعش نعمل كدة بالبطل بتاعنا علي اساس انه كان بيحارب لوحده وبقيت الناس كانت واقفة تشجع بالاعلام.

طب الناس اللي ماتت فالعبارات والقطارات اللي بتتحرق والعمارات اللي بتقع والاغذية المسرطنة و...............و................و................ .. مكنش فيهم حد مشارك في الحرب معاه وبرده مينفعش نعمل فيهم كدة.

طب والشباب اللي استشهدو فالتحرير دول مش اكيييييييييييييييييييييييد ولاد ابطال ناس كانو بيحاربو معاه فهل يصح انه ابن البطل يتعامل كدة ( مع العلم ان خد اكبر جزاء هو وابوه البطل وهي الشهادة والاستشهاد ).

واخر حاجة بقي ( راجل طالع يعيط فالتليفزيون مع ال5000 اللي عايزين يكرمو الريس ) وبيقول:

سايق عليك النبي سايق عليك النبي لتاخد الدوا................... ( كنت هقول تعليق بس هتوقف فبلاش احسن).

ياأما شعب غلبان فعلا ياأما الراجل ده واكل كتير عشان يطلع يقول الكلمتين دول وشامم بصلة كبيرة عشان دموعه تنزل علي كلام اكيد مش مقتنع بيه

[MASERATI]

واللي بيشلني بجدددددددددددددد كلمة ( بطل الحرب والسلام )...................


واخر حاجة بقي ( راجل طالع يعيط فالتليفزيون مع ال5000 اللي عايزين يكرمو الريس ) وبيقول:

سايق عليك النبي سايق عليك النبي لتاخد الدوا................... ( كنت هقول تعليق بس هتوقف فبلاش احسن)................

السلام عليكم و رحمة الله و بركاته

ده, على أساس أن مبارك عنده دم و بيحس و عنده اكتئاب و مش عاوز ياخد الدوا .

يا أخى, ان شالله عن أمه ما أخد الدوا, خليه يموت و يخفى بأه .

[bor=#6f00ff]
تقريبا العداد بتاع المشاركات, بيعد مشاركة و يسيب مشاركة, حاجة غرييييييييييييييييبة
[/bor]

[تامر.محمد]

الأحداث دي خلتني أضحك من كلام ناس كتير
واحد فلاح هنا ,,بيقولي اليهود خايفين من حسني مبارك..علشان كده مش قادرين يهوبوا ناحية مصر
واحد تاني بيقولي..حسني ده الريس بتاعنا ..ومش بعد العشرة دي كلها ..نرميه في الشارع كده
واحد تالت كان بيقولي ..هو مبارك إلي قاد الحرب ..وطرد اليهود ..والسادات كان قاعد بيشرب شاي ..ومبارك بيحارب لوحده

هههههههههههههههههههههههههههههههههههههههههههههههههه هههههههههههههههههههههههههههههههه

[mr_vampire]

السلام عليكم و رحمة الله و بركاته

ده, على أساس أن مبارك عنده دم و بيحس و عنده اكتئاب و مش عاوز ياخد الدوا .

يا أخى, ان شالله عن أمه ما أخد الدوا, خليه يموت و يخفى بأه :t_thum1[1]:.

[bor=#6f00ff]
تقريبا العداد بتاع المشاركات, بيعد مشاركة و يسيب مشاركة, حاجة غرييييييييييييييييبة
[/bor]

وعليكم السلام ورحمة الله وبركاته.

اكتئاب مين ياباشا دنا لسة قاري خبر في موضوع هنا ان حسني مبارك لسة عايش في دور انه رئيس وبيقول انه موقعش عالقرار اللي الجيش اخده انه يتنحي او يتخلي عن الحكم.

وقااااااااااااااااااااااااااال ايه هو مكنش عنده خبر ان عمر سليمان هيطلع يقول خبر التخلي عن المنصب. علي اساس بقي انه راجل كبارة والغيبوبة عليت عليه فقال يدخل يأيل شوية ويصحي يشوف اخرتها ايه مع الشعب اللي واجع دماغه ده.

وعمر سليمان بقي استغل فترة نومه وطلع قال الخبر.

الناس ده مغيبة عن الوعي ولا اييييييييييييييييه

[yousef1978]

أنا الصراحة مش بأحب إحتقار الرأي الآخر

لكن أخويا كنت بأتناقش معاه من حوالي ثلاث سنوات وطلعت منه عبارة مش هأنساها
قاللي والله أنا لما واحد بيقول كلمة مدح في مبارك ده أنا علطول بأشك في قواه العقلية ، أنا حساسس إن مبارك ده خايف يعمل حاجة كويسه يقابل بيها ربنا

أنا خارج مصر وما عشتش موضوع وفاة حفيده الله يرحمه
لكن والله العظيم ما زعلت عليه لحظه واحدة
كان نفسي أتصل على القنوات المصرية وأقول للشعب المصري الله يرحم حفيد مبارك الولد الصغير ده ويرحم كمان الأطفال المشردين في الشوارع وبيبيعوا مناديل ورق ويموتوا تحت عجلات القطار والسيارات ويتخطفوا علشان يندبحوا ويبيعوا أعضائهم
الله يرحم الأطفال اللي ماتوا في العبارة أو والديهم ماتوا في العبارة
الله يرحم الأولاد اللي بيموتوا بكل أنواع المرض واللي الحكومة ما عرفتش تعملهم مستشفى للسرطان من فلوس الشعب المنهوبة وفي النهاية إضطر بعض الشرفاء لكي يجمعوا تبرعات من العالم كله علشان يعملوا مستشفى ليهم
الله يرحم الأطفال اللي بيموتوا من سوء التغذية في بلد ربنا تحدث عن قمحها وزيتونها وأقسم بزيتون سيناء
الله يرحم الأطفال اللي بيندهسوا أمام المخابز اللي الطوابير فيها لا توجد في العالم إلا في حالة الحروب والكوارث الطبيعية

أنا مش عارف الناس اللي يا عين أمهم مشفقين على مبارك وخروجه المهين من مصر
الناس دول ما عندهمش قلب يحس بالملايين اللي بيموتوا بسببه في مصر
مش بيحسوا بالناس اللي بتدور على الأكل في الزبالة

والله العظيم الذي لا إله غيره أنا مرة طلعت أصلي الفجر في السكن وأنا طالب في جامعة المنيا فوجدت إمراة مسكينه خرجت في جوف الليل تبحث هي وأبنائها عن أكل في الزبالة وكان نفسي أساعدها لكن فضلت إني أتخبأ وأنصرف من غير ما تشعر بي علشان ما أجرحش كرامتها التي أهدرها مبارك وأعوانه

يا عالم ده رئيس الوزراء لما كان بيدخل الحمام كان بيطلع يقول إن أنا عملت حمام بفضل توجيهات وتوصيات فخامة الرئيس مبارك
وبعدين دلواقتي نقول هو مش ذنبه ده كان مخدوع

فوقوا بقى حرام عليكم نفسكم وحرام عليكم الناس المظلومة بسببه وبسبب سكوتكم والدفاع عن الظلم

كام واحد كان بيبعت إستغاثه علشان مش لاقي مستشفى تعمله غسيل كلوي لمراته بدل ما تموت ولا لإبنه

كام واحد مات من التعذيب في السجون وفي أمن الدولة

كام وكام وكام

أنا فاكر نكتة قديمة كانت معبره عن الوضع في مصر
واحد من الإخوان إتمسك وهو بيوزع ورق أبيض
وبعد ما أخذ الطريحة المحترمة وبعدين اتحول للنيابة بتهمة توزيع منشورات تدعوا إلى قلب نظام الحكم
وكيل النيابة بيقوله لما انت كده كده رايح في داهية ما عرفتش تكتب كلمتين على نفسك
الولد قاله يا باشا هأكتب إيه ولا إيه ولا إيه

يا عالم أي رئيس دولة بيقعد على الكرسي علشان يبص على الشعب يشوفهم عايزين إيه
وإحنا رئيسنا المفدى جلس على راسنا وعلى صدرنا ثلاثين سنه وهو ينظر للكرسي

أنا مع إحترامي لأي واحد بيدافع عن مبارك
لكن للأسف أنا مش قادر أمنع نفسي من الشك في نيته أو على الأقل في قواه العقلية

ورحم الله سيدنا عمر بن الخطاب الذي قال ( أحب الرجل إذا سيم حده خسف أن يقول بملئ فيه لا )
فلا نامت أعين الجبناء
وشكرا للجميع

[CryptonX]

تصدق والله كنت داخل اتخانق معاك ! كنت فاكرك انت الي حتقول كدة :)

[asd_asd]

اسف على ايه حضرتك معلش على الكلام اللى حقوله لو كان حضرتك كنت بتاكل من الزباله زى ناس كتير وناس مش لقيه رغيف العيش وبتموت نفسها عليه مكنتش اتاسفت لواحد كان موجوع شعبه وناهب خيرات البلد اللى هى من اغنى بلاد العالم وكان سايب اقذر ناس تتحكم فى الناس الغلابه وعلى العموم انت حر فى رايك ومش عيزك تزعل من كلامى احنا فى الاخر اخوات

[A7MED_PHARMA]

اسف على ايه حضرتك معلش على الكلام اللى حقوله لو كان حضرتك كنت بتاكل من الزباله زى ناس كتير وناس مش لقيه رغيف العيش وبتموت نفسها عليه مكنتش اتاسفت لواحد كان موجوع شعبه وناهب خيرات البلد اللى هى من اغنى بلاد العالم وكان سايب اقذر ناس تتحكم فى الناس الغلابه وعلى العموم انت حر فى رايك ومش عيزك تزعل من كلامى احنا فى الاخر اخوات

انت قريت العنوان بس؟؟
ههههههههههههههههههههههههههههه

[kono]

لأنا لما قرأت أول سطرين كنت لسه هقولك كلام تعذيب بجد
لان الكلام ده بيتفزنى جدا
بس حصل خير
بس برضه مننساش ان الناس دى مصرية وليهم حرية الرأى فى التعبير مينفعش نهينهم عشان معتقداتهم مش زينا
احنا فى زمن الحرية
كل واحد حر فى رأيه واحنا واجب علينا اننا نتقبله بصدر رحب ونحجرش عليه والا هنبقى زى النظام البائد

[wesam_salom]

* أسفين يا ريس دي عيال هفية .. كمل ولايتك غاويين أذية
*
* رجعـــــــــــــــــــــــــــلنا عز ونظيف .. والعادلي ابن المفترية
*
* و اوعـــي تنسي تجيب جمال .. وسرور وصفوت والبلطجية
*
* ودوس ياريــــس بيهم علينا .. هتبقي اغلي الناس عليا
*
* إسقــــــــــــــينا ذل وهوان وفقر .. وأقتل صبي وأقتل صبية
*
* وبردو مش ناسيين جمايلك .. مع اني مش عارف ايه هيا
*
* تلاتين سنة و بنــــــــــــقول كمان .. عودتنا خيبيتنا القوية
*
* إرجـــــــــــــع يا ريس كمل علينا .. كمل عليهم كمل عليا

[MASERATI]

انت قريت العنوان بس؟؟
ههههههههههههههههههههههههههههه

السلام عليكم و رحمة الله و بركاته

أنا كنت هقول كده, بس خفت لحسن حد يقولى كلمة كده و لا كده .