ياجماعه عايز اشارك في البورصه علشان اساعد في الاقتصاد

[gemy215]

ياجماعه انا معنديش فكره نهائي عن البورصه وعايز شارك فيها وياريت الي عنده خبره يقلي اعمل ايه وايه النظام فيها
شكرا ليكم

[gemy215]

يا جماعه مستني الي عندو خبره وياريت نبادر بالحكايه دي علشان ندعم الاقتصاد

[jisso82]

أنا ما عنديش خبرة بالبورصة أوى بس كنت بدور زيك ممكن أعمل إيه و أشترك إزاى لأن ده واجب وطنى من وجهة نظرى و إيجابية متاحة لأغلب الناس اللى ما كانتش مشتركة فى نشاط معين الفترة السابقة

المهم عشان ما أطولش عليك فيه برنامج كان مستضيف فيه تامر أمين رئيس جهاز البورصة على التليفون و سأله نفس السؤال :
إيه أسهل وسيلة الناس ممكن تساهم بيها فى البورصة و بدون تعقيدات؟
رد بإن كل البنوك بلا استثناء تقريبا لديها صناديق استثمارية فى البورصة و ممكن أى مواطن يتوجه للبنك اللى بيتعامل معاه أو أى بنك و يطلب و ثائق فى الصناديق دى بأى قيمة حتى 10 جنيهات للوثيقة و تدون باسمه و بعد تجربة عملية لازم تروح بنفسك لأنك بتمضى و تكتب بيانات بطاقتك بمعنى إنك ما ينفعش تدى الفلوس لحد يخلصلك الموضوع ده لازم تبقة متواجد بشخصك طالما عايز الوثيقة أو الوثائق تتكتب باسمك.

[GMC]

الاشتراك سهل جدا اولا تروح اي شركة سمسرة وارشحلك هيرمس عشان معندهاش حد ادنى للبداية ومقرها في المنيل او قدام مبنى بحوث في الجيزة وممكن تكلمهم لمزيد من المعلومات 16900 وبعد ما يفتحولك حساب حتكون قادر تبيع وتشتري ولو فعلا الشعب المصري نقول عشرين مليون منهم كل واحد لو حط 100 جنيه بس في المحفظه طبعا ده ادنى رقم سعتها البورصه حترجع زي ما كانت وافضل بكتير جدا وربنايكون في عون الناس الي خسرن ويعوضهم خير ان شاء الله

[gemy215]

أنا ما عنديش خبرة بالبورصة أوى بس كنت بدور زيك ممكن أعمل إيه و أشترك إزاى لأن ده واجب وطنى من وجهة نظرى و إيجابية متاحة لأغلب الناس اللى ما كانتش مشتركة فى نشاط معين الفترة السابقة

المهم عشان ما أطولش عليك فيه برنامج كان مستضيف فيه تامر أمين رئيس جهاز البورصة على التليفون و سأله نفس السؤال :
إيه أسهل وسيلة الناس ممكن تساهم بيها فى البورصة و بدون تعقيدات؟
رد بإن كل البنوك بلا استثناء تقريبا لديها صناديق استثمارية فى البورصة و ممكن أى مواطن يتوجه للبنك اللى بيتعامل معاه أو أى بنك و يطلب و ثائق فى الصناديق دى بأى قيمة حتى 10 جنيهات للوثيقة و تدون باسمه و بعد تجربة عملية لازم تروح بنفسك لأنك بتمضى و تكتب بيانات بطاقتك بمعنى إنك ما ينفعش تدى الفلوس لحد يخلصلك الموضوع ده لازم تبقة متواجد بشخصك طالما عايز الوثيقة أو الوثائق تتكتب باسمك.

طيب الي فهمته كدا انو حضرتك رحت وعملت وثيقه صح؟؟
لو صح ممكن حضرتك تقلي عملتها في بنك ايه وهيا عباره عن اسهم ولا عباره عن ايه والفايده بتاعتها كام في الميه وبتزيد كل اد ايه ولو عند حضرتك تفاصيل
وشكرا لاهتمامك

[gemy215]

الاشتراك سهل جدا اولا تروح اي شركة سمسرة وارشحلك هيرمس عشان معندهاش حد ادنى للبداية ومقرها في المنيل او قدام مبنى بحوث في الجيزة وممكن تكلمهم لمزيد من المعلومات 16900 وبعد ما يفتحولك حساب حتكون قادر تبيع وتشتري ولو فعلا الشعب المصري نقول عشرين مليون منهم كل واحد لو حط 100 جنيه بس في المحفظه طبعا ده ادنى رقم سعتها البورصه حترجع زي ما كانت وافضل بكتير جدا وربنايكون في عون الناس الي خسرن ويعوضهم خير ان شاء الله

شكرا لحضرتك بس هل حضرتك ممكن تديني معلومات شويه مفصله لو عندك فكره
يعني اسهم ايه الكويسه مثلا ازاي بتم عمليه الشراء والبيع؟
هل فيه حد بيتابع معايا بلتليفون ويديني معلومات وكدا ولا ايه
هل المحفظه دي عباره عن حاجه بحط فيها مجرد فلوس وابدأ اشتري بالفلوس الي فيها ولا دي للاسهم ولا ايه بالظبط
وامتي اقدر اخد الفلوس تاني او الفايده لو كان فيها فوايد كدا يعني لانو انا معنديش اي فكره نهائي عن المواضيع دي
وهل لو حطيت مبلغ 4 الاف مثلا ممكن اخسرهم ولا احط مبلغ صغير كمساعده للاقتصاد وخلاص
ياريت النصيحه
شكرا لحضرتك

[Ahmed_Elkhateb]

متابع بأهتمام

[ZALABANY]

متابع باهتمام

[jisso82]

طيب الي فهمته كدا انو حضرتك رحت وعملت وثيقه صح؟؟
لو صح ممكن حضرتك تقلي عملتها في بنك ايه وهيا عباره عن اسهم ولا عباره عن ايه والفايده بتاعتها كام في الميه وبتزيد كل اد ايه ولو عند حضرتك تفاصيل
وشكرا لاهتمامك

لأ للأسف هخيب أملك فيا أنا كنت أخدت فلوس من والدى و والدتى و أختى و زملائى فى العمل عشان نساعد فقط لا غير و مبالغ صغيرة مش كبيرة و اتأكدت إن البنك اللى شركتى بتتعامل معاه فيه النوع ده من الصناديق بس بصراحة خايف كريم منير يفتكرنى بعلن عن البنك لو قلت اسمه.
المهم أنا بعت موظف خاص بالتعاملات البنكية بالفلوس و قلتله يعمل إيه بالظبط و بعت معاه قائمة بأسماء الناس اللى دفعت و كل واحد منهم قدامه المبلغ بتاعه و هو رجعلى بالمعلومة الأخيرة اللى هى لازم الشخص يكون موجود بنفسه فللأسف وقفت معلوماتى عند النقطة دى بس إن شاء الله أنا ناوى اروح بنفسى عشان أكمل الإجراءات فهحاول أعرف أكتر عن الموضوع إن شاء الله و ممكن أعمل بيه موضوع منفصل عشان تعم الفايدة بإذن الله و نساهم مساهمة إيجابية فى دعم اقتصاد البلد اللى أول مرة بجد أحس إنها بلدى و مش عايز أمشى منها و لا أتجنس بجنسية تانية زى ما كان نفسى طول عمرى

[gemy215]

لأ للأسف هخيب أملك فيا أنا كنت أخدت فلوس من والدى و والدتى و أختى و زملائى فى العمل عشان نساعد فقط لا غير و مبالغ صغيرة مش كبيرة و اتأكدت إن البنك اللى شركتى بتتعامل معاه فيه النوع ده من الصناديق بس بصراحة خايف كريم منير يفتكرنى بعلن عن البنك لو قلت اسمه.
المهم أنا بعت موظف خاص بالتعاملات البنكية بالفلوس و قلتله يعمل إيه بالظبط و بعت معاه قائمة بأسماء الناس اللى دفعت و كل واحد منهم قدامه المبلغ بتاعه و هو رجعلى بالمعلومة الأخيرة اللى هى لازم الشخص يكون موجود بنفسه فللأسف وقفت معلوماتى عند النقطة دى بس إن شاء الله أنا ناوى اروح بنفسى عشان أكمل الإجراءات فهحاول أعرف أكتر عن الموضوع إن شاء الله و ممكن أعمل بيه موضوع منفصل عشان تعم الفايدة بإذن الله و نساهم مساهمة إيجابية فى دعم اقتصاد البلد اللى أول مرة بجد أحس إنها بلدى و مش عايز أمشى منها و لا أتجنس بجنسية تانية زى ما كان نفسى طول عمرى

شكرا يا باشا علي مساعدتك حتي لو بحاجه بسيطه بس اكيد هتفيدنا
انا ان شاء الله هحاول بكرا كمان اروح البنوك الي جمب البيت ولو رحت هبقا اجيبلكم التفاصيل علي طول علشان نبدأ نساعد بالي نقدر عليه

[فتح الباب]

ياريت الموضوع ما يتقفلش علشان دى بدايه ومحتاجين نعرف الخطوات بالضبط . شكرا لكم

[gemy215]

طيب ياجماعه انا رحت النهارده البنك الاهلي المصري
بس للاسف البنت بتاعت خدمه العملاء تقريبا مكانش عندها معلومات كفايه بس الي عرفته انه في البنوك فيه حاجه اسمها صندوق استثمار دا بيكون عباره عن صندوق بيشاكو فيه بجزء من المبلغ الي بتخطه في شراء الوثائق في البورصه وجزء تاني في السندات والعقارات وكدا
النسبه دي بتعتمد علي حسب المكسب
بعض الصناديق بيكونو مشاركين في البورصه بنسبه اكبر عن السندات وفي الحاله دي بيكون المكسب عالي وبردو بنبقا نسبه الريسك والمخاطره عاليه بردو وفي احتمال انك تكسب او تخسر زيها زي البورصه
ولو مشارك في السنادات بالنسبه الاكبر هيكون الوضع اكثر استقرارا بردو بس في احتمال الخساره بس اقل طبعا من الحاله الاولي
وفي صناديق مش بيدخلو فيها في البورصه خالص وغالبا مبيكونش فيها خساره نهائي بس بيكون المكسب ضئييل
وكمان في الاختلافات علي حسب بيحط النسبه تراكميه ولا لأ يوميه او اسبوعيه تقدر تبيع او تشتري في ايام معينه او كل يوم او من ساعه كذا لكذا
بس
ورحت كمان البنك العربي الافريقي لقيت عندهم 3 صناديق
الاول اسمه فاروس ودا السندات اكتر من البورصه
والتاني اسمه شيلد اعلي خطوره علشان بيشاركو في البورصه بجزء اكبر من السندات
والتالت تقريبا جومان مش متأكد بالظبط ودا مفيش فيه اي خطوره ومأمون يعني مفيهوش خساره
بس
دا كل الي فهمته
وكمان لما سألت طلع انو فيه البنك المركزي منزل هوا سندات كمان تقريبا او معرفش بالظبط منزل ايه بس قالي انو غالبا في كل بنك بيكون فيه ممثل للبنك المركزي وهوا المسؤول عن الحاجات دي المختصه بالبنك المركزي
ولازم يكون الواحد معدي 21 سنه وكل واحد يشتري الوثائق لنفسه مينفعش حد يشتري بالنيابه عن حد تاني زي ما الاخوه قالو كدا
دا كل الي قدرت اوصله
ولو وصلت لاي حاجه اكيد هقلكم تاني
وحاولت اتصل بالبنك المركزي علشان اعرف الي هما نزلوه للجمهور
بس حطوني علي الهولدنج ومحدش رد عليا فاهحاول بكرا تاني

[Egyzizo]

أنا عملت الموضوع ده فى مكتب البريد (البوسطة) ، بتروح تعمل دفتر اسمه (دفتر استثمار البريد) وتحط فيه المبلغ اللى انت عايزه وهم يستثمروه بمعرفتهم فى البورصة.