محاكمة ظباط بتهمة اطلاق الرصاص الحى

[الطنطاوي]

والله يا باشا انا اكبر علامه استفهاش عندي حقولهالك ويا ريت حد يحلهالي
1: مطوب محاكمه الضباط بتهمه الخيانه العظمي لتركهم مواقعهم والانسحاب واعدامهم
2: مطلوب اعدام الضباط اللي متركوش مواقعهم ودافعوا عن اقسامهم ضد الهجوم ومحاولات حرق الاقسام
3: مطلوب اعدام الضباط اللي قتلوا الناس بالرصاص الحي
من الاخر كده
مطلوب اعدام جميع الضباط الي قعدوا والي مشوا واللي في بيوتهم
ومطلوب تكريم الناس اللي ولعت في الاقسام

يا أخي مش صح إنك تسفيه الناس بالطريقة دي

انت ما تعرفش احساس اللي اتقتل أخوه أو ابنه اللي عنده 18 سنة أو 20 سنة ايه

بلاش الاسلوب ده

[Ashraf A.Kader]

العدل اساس الملك

[A.Saad]

لو راجعنا المشاراكات اللى مكتوبة فوق هنلاقى ان العضوة بسكوتة كاتبة الاتى :

على فكرة بغض النظر عن الرأى فى وائل الكومى
لكن كل الفيديوهات اللى شوفتها عاليوتيوب
انا ضد محاكمة وائل الكومى واى من ظباط القسم
بالعكس ده يحترم هو ومن كان معه لانهم لم يتخلوا عن مواقعهم واضطروا يدافعوا عن انفسهم وعن القسم لحد انتهاء الذخيرة
معلش اسمحولى وانا من اشد مؤيدين الثورة وكنت فى كل المظاهرات وشوفت كتير بعينى
بس فى حالة قسم رمل ثان بالذات
معنديش مبرر واحد يخلى الناس تروح تهجم عالقسم او تتجمهر عنده
لا هو مكان مناسب للتظاهر ولا اللى كانوا موجودين ناس تحمل لافتات ولا بتهتف ولا كانوا رايحين فى مظاهرة سلمية للاسقاط النظام

قريبى ايه بس
الله يسامحك
ممكن تسمحولى بسؤال
الاولى نحاكم الظباط اللى فضلوا فى اقسامهم يدافعوا عنها لاخر لحظة ولا نحاكم اللى هربوا بحجة انهم مش عاوزين يحتكوا بالشعب ولا يضطروا يدافعوا عن نفسهم
ولا نحاكم اللى خرجوا ورا المتظاهرين السلميين الحقيقيين واطلقوا عليهم رصاص حى وهم عزل وبيمارسوا حق يكفله كل الشرعيات

انا مقولتش ان وائل الكومى شريف
لكن يحاكم على فساده مش يحاكم على انه دافع عن نفسه
وعلى فكرة اى شخص هيشوف الفيديوهات اللى هى من تصوير ناس زينا هيعرف ان دول مش متظاهرين ولا تجمهروا عند القسم عشان يطالبوا باسقاط النظام دى ناس رايحين مخصوص يهربوا الموجودين ويولعوا فى القسم يعنى استغلال للموقف
وانا اتكلمت عن وائل الكومى فقط لان موقع القسم لا يصلح للتظاهر
لكن قسم المنتزة فى شارع رئيسى ربما اصدق ان المتظاهرين كانوا مارين من هناك فتم اطلاق النار عليهم دون مبرر ونفس الحال لقسم محرم بيك
لكن قسم رمل ثان فى مكان لا يصلح نهائى
واللى قالوا ان وائل الكومى قتل اميرة وهى راجعة من المدرسة
المظاهرات كانت يوم 28 اللى هو يوم جمعة مفيش مدارس واساسا احنا كنا فى اجازة نص السنة
بلاش نسمح لاى شخص يستغل ثورتنا غلط
فرق كبير جدا بينا مليون سكندرى مشوا فى مسيرة سلمية يوم 28 مرورا بكثير من الشوارع الرئيسية وبين الناس اللى هجمت على الاقسام
انا بعينى شوفت قسم العساكر اللى فيه هم اللى بيكسروه وده سبق وقولته اكتر من مرة
وهاجمنا كل ضابط او عسكرى تخلى عن مكانه وانسحب
دلوقتى هنطالب بمحاكمة من لم يترك مكانه
بأى منطق هنغير كلامنا

بالتالى اللى رايح هناك رايح برده يقتل ويدمر مش رايح يتظاهر

[misoalex]

لو راجعنا المشاراكات اللى مكتوبة فوق هنلاقى ان العضوة بسكوتة كاتبة الاتى :



بالتالى اللى رايح هناك رايح برده يقتل ويدمر مش رايح يتظاهر

محدش قال اللى راح هناك راح شان مظاهره

واللى راحو اقتحمو امن الدوله مش عشان مظاهره برضه

الى راحو عند القسم دول راحو ينتقمو من رموز الفساد
ناس عاديه كانت بتتجر وتتسحل فى الشارع ولو فكرت تدخل القسم حتى عشان تطلع ورقه كانت بتتشتم من اوسخ شتيمه وتتهان اشد اهانه

سؤال يا استاز احمد حضرتك دخلت قسم رمل تانى قبل كده ؟؟؟؟؟؟

لما تدخله وتشوف واحد اد والدك وافق فى الطابور عشان يخلص ورقه ويتشتم ويتهان عشان مش واقف فى الطابور كويس او عشان بيدافع عن دوره اللى واحد بلطجى عاوز ياخده بالعافيه كنت حتعرف الناس دى راحت تكسر القسم ده بالذات ليه

لو رحت تطلع فيش وتشبييه عشان شغلك او جيشك وانت داخل القسم تبقى عمال تدعى انك تطلع منه سليم او على الاقل من غير متتشتم او تتزق من امين شرطه لامؤاخذه

الناس البسيطه او حتى الصايعه بالنسبالها القسم ده مركذ تعزيب وهى رايحه تهده وتاخد حقها الى اتهدر سنيييييييييين ومحد فكر يجيبلها حقها
واللى كان بيتكلم كان بيتسحل
لما لقو فرصه انطلقو

الظلم وحش