لغز سيارة الهيئة السياسية ( الأقرب للصواب )

[Ayman-Ahmed]

نورنا شوية فى القاهرة واتمشى فى شارع النيل فى الجيزة واتفرج على حجم التامين على عربيات السفارات السعودية والاسرائيلية.ولاننى دخلت اكتر من مرة السفارة الامريكية واشتغلت مع شركات سياحة تابعة ليها فموضوع ان عربياتهم كتير ومش متامنة كفاية والحرس معهوش سلاح يؤمنها.انا مصدقوش.

لما كنا بنطلع رحلة سفارى بعربية سفارة لموظفين السفارة كان السائق مسلح.

[Mzeid]

وقوات المارينز اللى جوا السفارة هتسكت على مهاجمة السفارة.دول العرض عرضين يا شباب.ههههه

واللى اعرفه ان سفارة اى دولة على ارض اجنبية بتعتبر ملكية للدولة بتاعتها.فلو فكر حد يهاجم اى سفارة من حقهم التعامل معاه على اساس انه بيعتدى على ممتلكاتهم.

هو أي كلام في دماغ علام

يعني ايه سفارة امريكا بذات حالها تتسرق
و قوات الامن اللي فيها

بس بصراحة القصة متوافقة مع واحدة من القصص اللي قالها احد الشباب
و قال ان ضابط امن مركزي وسع للعربية و قال للي سايقها اتفضل يا باشا
و قال انهم لما وجدوا العربية كان فيه واحد بيسرقها و قالهم ان فيه 2 مصريين اخدوا الورق اللي فيها و سابوها و مشيو

[A.Saad]

مفيش ظابط مبيعرفش يسوق
موتسيكل وسيارة

بس موضوع الجراج
افتكر ان كان ليهم ارض فضاء واخدينها جراج
مستوى تأمينه مش عارف

[sara2001]

طب ما يمكن ده تم بعلم السفاره بإعتبار امريكا في الأول كانت ضد الثوره
ومؤيده لمبارك
وبعد ماظهر فيديو الحادثه واتعرف انها من السفاره الأمريكيه وممكن يقع اللوم عليهم اعلامياً
في قمع المتظاهرين تنصلوا من المسئوليه واعلنوا انها مسروقه

[ecybrarian]

هذا الكلام غلط وغير دقيق..الحاجة الوحيدة الصح هو إن السيارات فعلا سرقت من جراجات السفارة. تلك الجراجات كانت تحميها الشرطة المصرية ولكن بعد إنسحابها اصبحت الجراجات مفتوحة على البحري..اما موضوع ان وجوه مألوفة من امن الدولة والكلام دا كله غير صحيح بالمرة. وان ذلك المصدر من السفارة اما انه لايعرف شيء او انه كاذب..بس خلاص

[M.Mostafa80]

وصلت.وتقريبا الكلمة ديه اللى قولتها فى سرى لما قريت الخبر.

طب خليها فى سرك بقى واوعى تقول لحد

[Ayman-Ahmed]

طب خليها فى سرك بقى واوعى تقول لحد

لا ممكن ابدا.سرك فى بير.:)

[damasry]

طب هو مش طبيعى ان عربيات السفارة كلها تكون مجهزة باجهزة gps عشان يقدروا يراقبوها طول الوقت؟؟؟

لو افترضنا ان ده صحيح هما مكنوش ها يقدروا يعرفوا خط سير العربيات كلها؟؟؟؟؟

[MOUSTAFA_SAAD]

ياشباب

مش معنى جراج السفارة ..إنه في الدور الأرضي بتاعها
وقوات المارينز أو الأمن للسفارة .. مش هتسيب السفارة والموظفين وتروح تدافع عن العربيات
بس النقطة الأكيدة
سائق السيارة أكيد مش أمريكي ولا تابع للسفارة الأمريكية ..علشان من باب المنطق كده
هيعمل كده ليه؟؟؟
يعني البلد مقلوبة وضرب نار وناس بتموت ..هييجي موظف من السفارة يسرق عربية ويطلع ويسيب قوات المارينز إلي بتحمي السفارة..ويخرج يدوس الناس بره

وسيناريو وأسلوب دهس الناس بالعربيات ..ده شوفناه بس من قوات الامن المصرية
بسسسسس

+11111111111111111111

[Mzeid]

هذا الكلام غلط وغير دقيق..الحاجة الوحيدة الصح هو إن السيارات فعلا سرقت من جراجات السفارة. تلك الجراجات كانت تحميها الشرطة المصرية ولكن بعد إنسحابها اصبحت الجراجات مفتوحة على البحري..اما موضوع ان وجوه مألوفة من امن الدولة والكلام دا كله غير صحيح بالمرة. وان ذلك المصدر من السفارة اما انه لايعرف شيء او انه كاذب..بس خلاص

أو ممكن تكون عناصر الشرطة دي أخدت العربيات أثناء إنسحابها علشان يمشوا فيها