برلمان نايل موتورز

[د.أبونضال]

أعلن عن افتتاح برلمان نايل موتورز وذلك لمناقشة كافة الآراء السياسية والاقتصادية والاجتماعية الحالية في مصر في مكان واحد وصولا إلى تحقيق أهم مبادئ الديمقراطية وهو حرية الرأي والتعبير، ولكي تتواجد جميع الآراء في مكان واحد مما يحقق أكبر قدر ممكن من الفائدة


افتتحت الجلسة

[د.أبونضال]

الموضوع الأول مقدم من العضو أبو نضال بشأن الأحداث الجارية حول تعيين وزراء جدد في حكومة د.أحمد شفيق ومطالبة البعض برحيل رئيس الوزراء نفسه قبل أي وزير من وزراءه. نفتح الباب لآراء أعضاء البرلمان

[زينة الله]

أتكلم يا ريس أنا رافعة أيدى أهه هههههههههههههههههه

صحيح مين رئيس البرلمان دا لما صاحب الموضوع بيقول على نفسه العضو د / أبو نضال

[A7MED_PHARMA]

موافقـــــــــــة

[A7MED_PHARMA]

والله ياسيادة الرئيس
إن الشجرة لازم يتم إقتلاعها .. بكل فروعها وجذورها ..وبذورها
من أجل غد أفضل .. وحرية وديموقراطية

[dr.amr]

سيدي الرئيس
انا معترض فعلا ع الوزاره ده م الاساسا
السيد احمد شفيق مينفعش
ديه زي احمد ابو الغيط
اتريق علي الثوار وبيقول نجيبلهم بنبونب ومصاصات
فاكر نفسو في عصر الاستخفاف
مش عايزين اي حد من ريحة مبارك
وابو الغيط ده لازم يمشي من مصر كلها مش من الوزاره
صراحه البلد لازم نضف
حسين مجاور ازاي يتحط
ده حزب وطني حتي النخاع
فين رجالة مصر الشرفاء
ولا مصر مبقاش فيها شرفاء

[dr.amr]

ايه ياريس
فين الاعضاء
والبرلمان مهوي ليه كده

[MEDO84EG]

الاخ الكريم
بالنسبه للمناقشه دي انا ليا وجهه نظر علشان نقطع الشك باليقين و نريح كل الاطراف
اولا الفريق احمد شفيق مختلف عليه
هو الظاهر لنا انه ليه انجازات في الطيران المدني مفيش اي مشكله
و باين انه شيك و هادي و لطيف و تمام مفيش اي مشكله
و لكن بردو لا ننسي انه من بقايا النظام السابق بلا ادني شك
و احنا بقي عندنا شيء من عدم المصداقيهخ
خاصه في تبطاؤه في اقاله الوزراء المعلوم فسادهم بحجه اني بيقول امهلوني و ادوني فرصه علشان اعرف كل واحد
و دي بصراحه حجه بايخه
لدرجه ان الموظفين اللي في الوزارات عارفين الصالح من الطالح و رئيس الوزراء عاوز اد ايه علشان يعرف ؟؟ 100 سنه يعني ؟
المهم انا عندي حل يرضي كل الاطراف
انا اري اقاله الففريق احمد شفيق و تكليف اي من :
1-كمال الجنزوري ( و هو الاجدر و الاصلح )
2- حسب الله الكفراوي
و تكليفه فوريا ( او تكليفهما سويا بتشكيل الوزاره ) حيث انهما مشهودج لهما بالنزاهه و الكفاءه
والمعروف طبعا طبعا ان مصر ما شاء الله و لاده و المصريين الشرفاء كتير جدا جدا
احنا بنتناقش
بس اللي بجد نفسي فيه
تعيين مجلس يمثل الثورة متمثل في عدد 10 افراد يقومون بتجهيز مطالب الشعب محدده في مستندات و يقوم التنسيق فيما بينهم و بين المجلس الاعلي للقوات المسلحه
و يتم التعاون بينهم في التنفيذ بجدول زمني
اتمني من الله اننا نسير بنظام
و اتمني من الله حفظ مصر

[زينة الله]

كنت لسة كاتبة الرد دا فى موضوع لزميل آخر على معضلة الوزارة فى مصر

سيدى الرئيس :

لنفترض جدلا إن الفريق أحمد شفيق رجل ممتاز ( دا مثلا يعنى مثلا )

و لكنه محسوب على النظام القديم بكل سلبياته يا ترى مفيش غيره فى البلد أى رجل إقتصاد أو سياسة أو ...

يصلح إنه يشكل الوزارة ليه التمسك بهذا الرجل فى حين إن كل الرجال المحترمين رافضين الوزارة معاه كما ذكرت حضرتك

و خصوصا بعد استقالة د / جابر عصفور
اقتباسحصل الدستور الأصلي على تفاصيل أول اجتماع لمجلس الوزراء برئاسة أحمد شفيق والذي كان سببا لتقديم د.جابر عصفور لاستقالته من منصبه كوزير للثقافة بعد عشرة أيام فقط من تولي مهام الوزارة بعد إقالة فاروق حسني.
وتقول التفاصيل التي نقلها مصدر رفيع أن د.جابر عصفور تحدث في بداية الاجتماع عن ضرورة احترام "دماء الشهداء التي سالت في ميدان التحرير لأنه كانت لمواطنين مصريين"، فرد عليه اللواء محمود وجدي وزير الداخلية قائلا:" وهو مايعني مافيش شهدا من الشرطة؟ ولا دول مش مصريين"، وأيده أحمد شفيق رئيس الوزراء فيما قال.
بعدها قال د.جابر عصفور أنه حين وافق على الانضمام إلى الوزارة فعل ذلك متصورا أنها "حكومة إنقاذ وطني"، وهنا طرق وزير الإعلام أنس الفقي بقبضته على المائدة بقوة لثلاث مرات قائلا:" دي حكومة حزب وطني".
وهنا شعر د.جابر عصفور- بحسب المصادر- انه غرر به وأنه انضم إلى حكومة لن تعبر عما أراده فقرر تقديم استقالته.

-----------------------------------------------------------

لاحظ كمان أحمد شفيق رئيس للوزارة و البلطجية تنزل تضرب و تقتل الثوار و هو ......... يعتذر أصله ماكانش عارف !!!!

أحمد شفيق رئيس للوزارة و أنس الفقى يبث الكذب والتضليل عن الشباب و الثورة و رئيس الوزراء... فين برضو مش عارف!!!!

أحمد شفيق رئيس للوزارة و معه ثلة من الأولين و قليل من الآخرين و يقولك أصلهم أتفرضوا عليا و ما أخترتهمش !!!!

يتنصل من مسئولياته و ببراءة شديدة شفيق يا راجل دا

مش عارفة إية سر التمسك به كل هذه المدة هما الرجال فى البلد و علماء الإقتصاد و العلوم السياسية خلصوا

أسترها يا رب معانا و ولى من يصلح (بفتح الياء) و يصلح (بضم الياء) إن شاء الله

لهذا أطالب بسحب الثقة من هذه الوزارة و تعيين رئيس وزراء آخر من الناس التانيين ( غير النظام السابق )

و اتمنى إنه يكون متخصص فى الإقتصاد لتصحيح الأوضاع الحالية فى أسرع وقت ممكن

و الله الموفق و المستعان

[yascro]

اضم صوتى لصوت العضو المطالب بتكليف السيد كمال الجنزورى بتشكيل وزاره انتقاليه بقيادته

[mahfouz1983]

اضم صوتي للعضو المحترم المطالب بتكليف السيد المحترم كمال الجنزوري بتولي الحكومه الانتقاليه ولا ننسي ان المجلس سيد قراره موافقه

[د.أبونضال]

أتكلم يا ريس أنا رافعة أيدى أهه هههههههههههههههههه

صحيح مين رئيس البرلمان دا لما صاحب الموضوع بيقول على نفسه العضو د / أبو نضال

البرلمان من غير رئيس...يعني لو حد عايز المنصب يرشح نفسه ويجييب معاه توقيعات بتاع 500 كده من أعضاء الهيئة العليا لحزب نايل موتورز التكنوقراطي

[2faster]

أعـتــــــــرض

[د.أبونضال]

الحقيقة بعد ما شاهدت حوار منى الشاذلي مع أعضاء من المجلس العسكري... وتصريحهم الخطير جدا أن حكومة د.أحمد شفيق لن تكون هي الحكومة التي ستجري الانتخابات أستطيع القول أننا بالغنا في سوء الظن بالمجلس العسكري، ويبدو أن هؤلاء الناس لأنهم يعرفون الرجل ويطمئنون إليه وليس لديهم وقت للبحث عن بديل الآن قرروا الإبقاء عليه فقط حتى الانتهاء من تعديل الدستور والاستفتاء عليه، وأتوقع أنهم سيغيرون أبو الغيط ومرعي أيضا...هذا ما قرأته في عيون الناس وهي تتكلم.

[mailo]

موافقـــــــــــة

والله ياسيادة الرئيس
إن الشجرة لازم يتم إقتلاعها .. بكل فروعها وجذورها ..وبذورها
من أجل غد أفضل .. وحرية وديموقراطية

يانهار أبيض
إنت كده اتكشفت وظهرت على حقيقتك عامل مناديل وثورجي وأول مالبرلمان اتعمل رفعت صباعك موافقة



أنا هشاردلك فالمنتدى كله