انا اسف يارئيس مصر الاسبق

[jisso82]

أنا متفق جدا مع صاحب الموضوع و dr-mohamed اللي بحب كل اراؤه.

دلوقتي مفيش مبارك وفيه حرية ومفيش فساد. بس لسة فيه عربية وميكروباصات ونص نقل كتير بيمشي مخالف في المريوطية وعلي مطلع ومنزل الدائري, وبيشتموني لو كلمتهم, لسه فيه نقل تقيل وترلة ومقطورة بيمشي في اقصي الشمال علي 50 علي الدائري. مرور عين الصيره ابتدوا ميردوش يمشوا الشغل غير بالرشوة, نقيب شرطة من الشرفاء بيتصل امبارح يقول علي الراديو احنا مش بنعامل كله زي بعضه ومينفعش اجيب مسجل خطر اقوله والنبي اعترف أو اجيبلك شوكولاتة وتعترف بنديله قلمين بس يادوب ( المفروض حتي أي مسجل مايضربش ولا يتشتم, معاك أدلة أو شهود يبقي يلبس القضية مش تضرب فيه لحد ماي يعترف عشان مش لاقي أدلة أو شهود ), لسه الشباب ( اللي نزل التحرير ) مش عاجبه يقف في الطابور وعايز يخرم وينجز, وبرده الشباب بيجري علي أكتوبر والدائري فوق ال120, لسه شباب وجمهور منشية ناصر كان قاطع الاوتوستراد يوم السبت اللي فات بلطجة ( وماكنوش واخدين فلوس من الحزب الوطني ).

الفساد ده بالذات زي السرطان, احنا اخترنا الحل السهل وقلنا لو شلناه وحكمناه هنبقي نضاف. أنا مع اننا نمشيه, بس كان اولي برده ننضف احنا كمان كلنا.

و ماعرفتش حكمة بتقول إن "الناس على دين ملوكهم"

و زمان فى وقت بعيد كان أحد الخلفاء الأمويين بيعشق شراء الجوارى فكان شعبه بالكامل بيتباهوا بعدد الجوارى اللى عندهم و بجمالهم و جمال صوتهم
و فى عصر لاحق لخليفة آخر كان يحب البناء إلى حد كبير فكان الناس فى عهده ليس لهم هم إلا كثرة المبانى و تزيينها و زخرفها و كانت أيضا معيار التباهى بينهم

ثم جاء عمر بن عبد العزيز الذى كان أكثر ما يشغله هو قيام الليل فكان الناس فى عهده يتنافسون على عدد ساعات قيام الليل و مايفعلونه فيه من عبادات

هات الأول بنى ءادم محترم مش فاسد على رأس الحكم و بعد مدة مناسبة بص على حالة الناس هتبقى زيه و لا لأ

[Egyzizo]

معذرة يا jisso82
هذه العبارة (الناس على دين ملوكهم) خاطئة اذا حاولت تطبيقها فى مجتمع ديمقراطى، والعكس هو الصحيح.

[omaroof]

اخوتى الاعزاء انا موش عارف ده اسمه ايه؟
اللى اعرفه مع احترامى لصاحب الموضوع ومن يتوافق معه ان الكلام ده ليس له اى محل من الاعراب وبلاش اعتذارات وتأسفات لغاية مايتم التحقيق معاه ومع اسرته والمستخبى يبان وبعد كدا ابقو اعتذرو براحتكم مع تحياتى

[د/أحمد ابراهيم]

ياجماعة

ياريت اللى يلاقي موضوعات زي كده

ميردش ويسيبها تتنسي

وخلى صاحبها كل شويه يعملها up up up

وبرده مش هنسأل

بلاش تضييع وقت وجهد فيمالاينفع

[age]

احسن حاجه نتجاهل المواضيع دي ومنردش عليها