عاجل : مصر ترسل طائرتين عسكريتين لأجلاء رعاياها من ليبيا

[adelseliem]

الخبر موجود على كل القنوات
بى بى سى
الجزيره
العربيه
المصريه

وقالت العربيه أن السلطات الليبيه سمحت ليهم بالنزول فى بنى غازى

لو الخبر ده صحيح يبقى مصر أتغيرت بجد

[mr_vampire]

الله ينور ياباشا فعلا اول ماقريت الخبر قولت ( ده مصر بدءت تعمل زي الدول المحترمة اللي بيهمها ارواح رعاياها فالدول اللي فيها ازمات ).

بس السؤال بقي تفتكر بعد مالناس تركب الطيارات هيعدي عليهم كمسري يقطع تذاكر ؟؟؟؟؟؟؟؟؟؟؟؟؟؟؟ لو حصلت يبقي فعلا مصر دخلت في عصر جديد خاااااااااااااااااااااالص وهيخليني انزل فالتحرير اتحايل علي مبارك انه يرجع.

[gebreel]

الحمد لله حسيت ان بقالي قيمة

[Tarek Gen 2]

خطوة جيدة متأخرة

[shaddadfalcon1]

المشكله في الأعداد اللي هناك
دول 2 مليون مصري علي حسب ماقريت من مصراوي النهارده

هل هيقدرو ينقلو كل الناس دي؟

وبالنسبه لموضوع انهم ياخدو منهم اجره وبتاع فحتي لو عملو كده فهي خطوه حلوه برده واكيد كل المصريين اللي هناك اللي حاسين بالخوف والرعب لو حد قالهم هاتو فلوسكم كلها ونروحكم بلدكم هيوافقو

[zaza_lanos]

انا مش مصدق
هنوصل ولا ايه
اخيرا هيبقى لينا قيمة

[Ralliart]

الطيارتين c-130 حمولة الواحدة 92 راكب فقط ومن بكره هيكون في جسر جوي من طيارات مدنية كبيرة بين طرابلس والقاهرة
النقل (على الطائرة العسكرية) مجاناً طبعاً وحتى القطر من مرسى مطروح مجاناً للجميع